Międzyrzec Podlaski
| Międzyrzec Podlaski | ||
 | ||
| Symboalen | ||
  | ||
| Bestjoer | ||
| Lân |  Poalen | |
| Woiwodskip | Lublin | |
| Powiat | Bialski | |
| Sifers | ||
| Ynwennertal | 15.389 (2024)[1] | |
| Oerflak | 19,75 km² | |
| Befolkingsticht. | 779 ynw./km² | |
| Hichte | 148 m | |
| Oar | ||
| Stifting | 1174 (earste fermelding) 1477 (stedsrjochten) | |
| Postkoade | 21-560 | |
| Netnûmer | +48 83 | |
| Tiidsône | UTC+1 | |
| Simmertiid | UTC+2 | |
| Offisjele webside | ||
| www.miedzyrzec.pl | ||
| Kaart | ||
  Lokaasje fan Międzyrzec Podlaski yn Poalen
| ||
Międzyrzec Podlaski is in stêd yn it easten fan Poalen mei likernôch 16.700 ynwenners (2019), en in gebiet fan 19,75 km². Boargemaster is Artur Jan Grzyb.
Skiednis
[bewurkje seksje | boarne bewurkje]De earste offisjele fermelding fan Międzyrzec Podlaski as stêd stammet út it jier 1477. Sûnt de 16e iuw hie de stêd in grutte Joadske mienskip, dy't it karakter fan it plak folslein bepaald hat. Troch de dielings fan Poalen feroare de stêd ferskate kearen fan "eigner": yn 1795 waard it beset troch Eastenryk, yn 1809 hearde it by it Hartochdom Warsjau en sûnt 1815 foel it ûnder Kongres-Poalen. In grutte ekonomyske ympuls kaam yn 1867, doe't de stêd oansletten waard op it spoar.
De Holocaust
[bewurkje seksje | boarne bewurkje]Oan 'e ein fan 'e jierren 1930 wie Międzyrzec Podlaski in sjtetl: fan 'e ynwenners wie likernôch trijefearn (12.000 minsken) Joadsk. Oan 'e begjin fan 'e Twadde Wrâldkriich waard de stêd koart beset troch it Reade Leger, mar troch it Dútsk-Sowjet-Grinsferdrach loeken hja har begjin oktober 1939 werom. Likernôch 2.000 jonge Joaden folgen de Russen nei it easten.
De Dútske besetter rjochte yn 'e stêd it grutste trochgongsgetto fan it distrikt Lublin op. Op 25 en 26 augustus 1942 waarden 11.000 Joaden yn groatfolle treinen nei it ferneatigingskamp Treblinka deportearre. It getto bleau oant 1943 yn gebrûk as sammelplak foar transporten. Der wie ek in twangarbeiderskamp foar de produksje fan boarstels. Op 17 july 1943 waarden de lêste 160 oant 200 bewenners deasketten en waard de stêd judenfrei ferklearre. Minder as ien prosint fan 'e Joadske befolking oerlibbe de oarloch.
It besjen wurdich
[bewurkje seksje | boarne bewurkje]De stêd hat nettsjinsteande de oarlochskea in oantal histoaryske monuminten behâlden:
- It Merkplein (Rynek) hat syn oarsprong yn 'e 15e iuw.
- De Sint-Nikolaastsjerke (Kościół św. Mikołaja) út 1477.
- It stedssikehûs, boud tusken 1846 en 1850.
- It histoaryske stasjonsgebou út 1867.
Ekonomy en Bestjoer
[bewurkje seksje | boarne bewurkje]De stêd is hjoed-de-dei in regionaal sintrum foar yndustry en hannel. Sawat 36% fan 'e wurkjende befolking is aktyf yn 'e yndustry en 19% yn 'e hannel. De stêd sels stiet los fan 'e omlizzende lângemeente Międzyrzec Podlaski (Gmina wiejska), dy't út 33 doarpen bestiet en in oerflak hat fan mear as 261 km².
| Boarnen, noaten en/as referinsjes: | ||
|
