Krústocht

Ut Wikipedy
Gean nei: navigaasje, sykje
Krúsfarders (Larousse 1922)

In krústocht is in oerweldigingstocht út namme fan it Kristlik leauwen. Yn de de 11e ieu, 12e ieu en 13e ieu hat der in rige fan sokke militêre kampanjes west, yn totaal sân krústochten dêr't de lêst fan yn 1270 wie. It begûn as in besykjen fan de Kristenen om Moslims út de hillige stêd Jeruzalim te ferdriuwen, mar al gau waarden it wiidweidige oarloggen tsjin oarsleauwenden, yn it hillige lân en omkriten, mar ek yn Jeropa. Ek neitiids waard in protte en faak striden út namme fan de Tsjerke.

Krústochten en Friezen[bewurkje seksje | edit source]

1rightarrow.png De Wikipedy hat ek in side Fryske partisipaasje oan de krústochten‎.

Oan de krústochten hawwe de Friezen entûsjast meidien. Fan de earste tocht is ûnbekend, mar by de twadde tocht tusken 1147 en 1149 sieten Friezen by dy't meiholpen by de oermastering fan Lissabon op de Moaren. Sûnt de tredde krústocht (1189-1191) oant de sânde (1270) hawwe de bewenners fan de noardlike kustgebieten der hieltyd yn grutte oantallen by west. Yn de tredde tocht wienen sy belutsen by it belis fan Akko en yn 1197 loeken se op 'e nij rjochting it Hillige lân, diskear ûnder lieding fan biskop Hartwich fan Bremen. Fral by de fiifde krústocht (1217-1221) dy't de dielnimmers nei de Nyldelta fan Egypte fierde, bouden de Friezen grutte faam op.

Opmerklik dêrby wie dat de Friezen, ek al wienen hja faak út ferskillende Fryske goaen ôfkomstich, hieltyd by alle krústochten meiïnoar oplutsen en ien oanfierder keazen.

Literatuerferwizing[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  • S.J. van der Molen - Oorsprong en geschiedenis van de Friezen, Amsterdam-1981, siden 117-127.
  • H. Brassant, Die Teilnahme der Friezen an den Kreuzzügen ultra mare vernehmlich im 12. Jahrhundert, Berlijn-1970.
  • J.A. Mol, Friese krijgers en de kruistochten, yn Jaarboek voor Middeleeuwse Geschiedenis 4 (2001) 86-118.