Kobus Gaat naar Appelscha

Kobus Gaat naar Appelscha
band
Byldmateriaal ûntbrekt
algemiene ynformaasje
nasjonaliteit	Nederlânsk
sjenre	punk
bestean	1985 - 1989
prizen	Lytse priis fan Snits (1985)
leden
Sang	Menno Hatzmann
bas/gitaar	Jan Seunnenga
gitaar/bas	Kees Dijker †
gitaar	Reinder Kerkhof
gitaar	Sytse Haima
drums	Gilbert Terpstra

Kobus Gaat naar Appelscha wie in punkband út Fryslân dy't aktyf wie yn it tiidrek 1985-1989. De namme fan de Ingelske band Frankie Goes to Hollywood joech de ynspiraasje foar de namme. Yn 1985 wint er de Kleine Prijs van Sneek, in Fryske talintejacht, wêrnei't harren debútalbum útbrocht wurdt. It bekendste nûmer fan Kobus is net represintatyf foar syn wurk: it is in cover fan 'Non, non, rien n'a changé' fan it Frânske jeugdkoar Les Poppys.

Yn 1988 besochten de leden mei de band yn it bûtenlân súkses te krijen, mar doe't dat net slachje woe binne sy yn 1989 mei de band opholden. De measte bandleden geane dan fierder mei oare projekten sa as Pigmeat en Trio Hell. In plande reuny healweis de jierren njoggentich waard in teloarstelling en waard al nei ien repetysje opjûn. Der ferskynde yn 2000 noch wol in cd-box "Today Appelscha Tomorrow The World" mei alle Kobus-opnamen.

Anno 2010 binne allinnich bassist/gitarist/komponist Jan Seunnenga (solo), gitarist Sytse Haima (û.o. Suskes) en drummer Gilbert Terpstra (William Seen's Transport Music) noch warber yn de muzyk. Pigmeat joech yn maart 2009 syn lêste optreden.

Albums

• Leave This World (lp)
• All Smooth Faces In A Fantasy World (lp)
• All The World And His Wife (lp)
• The World According To... (lp/ks)
• Today Appelscha Tomorrow The World (3ks - kompilaasje)

Besetting

• Gilbert Terpstra - drums
• Jan Seunnenga - basgitaar/gitaar
• Kees Dijker - gitaar/basgitaar
• Menno Bakker (Menno Hatzmann) - sang
• Reinder Kerkhof - gitaar
• Sytse Haima - gitaar

Keppelings om utens

• (in) YouTube, Non, non, rien n'a changé
• (fy) (ned) YouTube, Dokumintêre Reaklif fan Omrop Fryslân (2007)