Kleaster fan Sarov

Ut Wikipedy
Jump to navigation Jump to search
Kleaster fan Sarov

Свято-Успенская Саровская пустынь

SarovskyMonasteryUspenskySobor.jpg
lokaasje
lân Flag of Russia.svg Ruslân
Oblast Flag of Nizhny Novgorod Region.svg Oblast Nizjni Novgorod
Distrikt Coat of Arms of Sarov (Nizhny Novgorod oblast).svg Sarov
bysûnderheden
type bouwurk Kleaster
boujier 1706
oare ynformaasje
webside sarov-monastery

It Kleaster fan Sarov (Russysk: Свято-Успенская Саровская пустынь; Kleaster fan de Himelfeart fan de Faam Marije) is in otterdoksk kleaster yn de Russyske stêd Sarov yn de regio Nizjni Novgorod.

Skiednis[bewurkje seksje | boarne bewurkje]

Oersjoch begjin 20e iuw

Yn 1664 socht de otterdokske muonts Teodosius it plak út om him op de heuvel fan Sarov nei wenjen te setten. In kleaster foar muontsen waard oprjochte troch Ivan Fedorovitsj Popov. As oprjochtingsdatum jildt de wijing fan de earste tsjerke op 16 juny 1706. De hearremyt en aseet Serafim fan Sarov, ien fan de meast ferearde hilligen yn de Russysk-Otterdokse Tsjerke, wenne fan 1778 oant 1833 yn Sarov.

Yn 1903 besocht tsaar Nikolaas II en oare leden fan de keninklike famylje it kleaster. Doe hie it kleaster njoggen tsjerken en likernôch 320 muontsen bewennen it kleaster.

De bolsjewiken lieten it kleaster yn 1925 slute. Foar de muontsen briek in tiid fan ûnderdrukking oan en mannichien waard fermoarde. Yn de Twadde Wrâldkriich waarden de kleastergebouwen brûkt as fabriken foar de produksje fan lansearynstallaasjes foar de BM-13 Katûsja raket.

Fan ôf 1992 waard it eigendom fan de gebouwen stadichoan werom jûn oan de Tsjerke. Yn 2006 naam de Hillige Synoade fan de Russysk-Otterdokske Tsjerke it beslut om it monastike libben yn Sarov nij libben yn te blazen. Sûnt is in diel fan de gebouwen restaurearre. Oare bouwurken steane op de nominaasje om op'e nij boud te wurden.

Yn 2016 is in begjin makke mei de weropbou fan de yn 1951 ôfbrutsen Katedraal fan de Himelfeart fan de Jongfaam Marije.

Ofbylden[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: [1]