Kirkwall

Ut Wikipedy
Kirkwall
Haven
Haven
Polityk
Lân Skotlân
Riedskrite Orkneyeilannen
lieutenancy Orkneyeilannen
Sifers
Ynwennertal (2010)
Oerflak km²
Befolkingsticht. / km²
Hichte m
Oar
Stifting foar 1046
Tiidsône UTC
Simmertiid UTC - 1
Plak fan Kirkwall op Mainland

Kirkwall is it grutste plak (± 8600 ynwoners) en it haadplak fan de Orkneyeilannen yn Noard-Skotlân. Kirkwaal waard it earst neamd yn de Orkneyingasêga út 1046. It wie it wenplak fan Ragnald II, Greve fan Orkney, dy troch syn opfolger Thorfinn dea dien waard. It plak krige syn namme fan it Noarske Kirkjuvagr ('Tsjerkebaai'); yn de rin fan de tiid waard dat Kirkvoe, Kirkwaa en Kirkwall. Skippen leine yn it ferline tsjin de muorre fan de tsjerke oan. Dy 11e iuwske Kirk fan Sint Olaf fan Noarwegen bestiet net.

Kirwall leit oan de noardkust fan it haadeilân, Mainland, en hat in feartsjinst nei de grutste oare eilannen fan de arsjipel en nei Aberdeen en Lerwick. Midden yn de stêd stiet de romaanske Sint Magnuskatedraal dy't al fan fierens te sjen is. De katedraal waard oprjochte ta eare fan Sint Magnus, greve fan Orkney tusken 1108 en 1117. Njonken de katedraal lizze de ruïnes fan it paleis fan de biskop en it paleis fan de greve.

It besjen wurdich is it Grain Earth House út de izertiid. Kirkwall hat teffens de meast noardlik lizzende Carnegiebibleteek, dy't yn 1909 troch Andrew Carnegie en de frou iepene waard.

Kirkwall wurdt de whisky Highland Park Single Malt makke.


Kirkwall yn bylden[bewurkje seksje | boarne bewurkje]