Ketsjûa (taal)

Ut Wikipedy
Ketsjûa
algemien
oare namme(n) Quechua
eigen namme Runasimi, Runashimi
lânseigen yn Flag of Bolivia.svg Bolivia
Flag of Peru.svg Perû
Flag of Ecuador.svg Ekwador
Flag of Argentina.svg Argentynje
Flag of Colombia.svg Kolombia
Flag of Chile.svg Sily
tal sprekkers sawat 8-10 miljoen
skrift Latynsk alfabet
taalbesibskip
taalfamylje gjin algemien akseptearre heger nivo fan taalbesibskip
taalstatus
offisjele status Flag of Bolivia.svg Bolivia
Flag of Ecuador.svg Ekwador
Flag of Peru.svg Perû
taalkoades
ISO 639-1 qu
ISO 639-2 que
ISO 639-3 que
Taalkaart mei it hjoeddeistige en histoaryske taalgebiet

Ketsjûa (Spaansk: Quechua; Ketsjûa: Runasimi of Runashimi, "de taal fan it folk") is de taal fan 'e Ketsjûa, in Yndiaansk folk dat yn 'e sintrale Andes libbet. It noardlikste diel fan it taalgebiet begjint yn Súd-Kolombia en strekt him oer de bergen út nei it noardwesten fan Argentynje. De taal wurdt sprutsen troch sa'n 8 oant 10 miljoen minsken; de measten dêrfan wenje yn Perû (4,5 miljoen), Ekwador (1,5 miljoen) en Bolivia (2,9 miljoen). Yn dy lannen hat it Ketsjûa ek in offisjele status. Fan âlds wie it Ketsjûa de wichtichste omgongstaal fan it Inka-ryk (Tawantinsuyu) yn de 15e en 16e iuw. It Ketsjûa wurdt ek wol sjoen as in taalkloft, de Ketsjûaanske talen, om't de dialekt sa sterk faninoar ôfwike dat se ek wol as aparte talen beskôge wurde.