Katerinakatedraal (Jekaterineburch)

Ut Wikipedy
Jump to navigation Jump to search
Katerinakatedraal

Екатерининский собор

Екатерининский собор Екатеринбург.jpg
lokaasje
lân Flag of Russia.svg Ruslân
oblast Flag of Sverdlovsk Oblast.svg Sverdlovsk
plak Flag of Yekaterinburg (Sverdlovsk oblast).svg Jekaterineburch
bysûnderheden
type bouwurk Katedraal
boujier 1758-1768
sloopjier 1930
boustyl Barok
oare ynformaasje
webside ekbsobor.ru

De Katedraal fan Katerina fan Aleksanderje (Russysk: Собо́р во и́мя свято́й великому́ченицы Екатери́ны) wie in otterdokske katedraal yn de Russyske stêd Jekaterineburch. De katedraal waard tidens de anty-religieuze polityk fan Jozef Stalin yn 1930 opblaasd.

Skiednis[bewurkje seksje | boarne bewurkje]

De Katerinakatedraal wie in grutte barokke tsjerke, dy't as ien fan de earste tsjerken fan Jekaterineburch boud waard tusken 1758 en 1768. Sûnt it begjin fan de 19e iuw hawwe der meardere ferbouwings oan de katedraal plakfûn, dy't de katedraal folle grutte makken en it oansjen fan it bouwurk drastysk feroaren.

Yn opdracht fan de ateïstsyske gemeenteried waard de katedraal yn 1930 sletten en oanslutend ferneatige. Op it plak fan de katedraal waard it Plein fan de Arbeid (Площадь Труда) oanlein, mei yn it midden in fontein dy't de namme "Stiennen Blom" (Каменный цветок) krige. Derom hinne waarden grienfoarsjennings oanlein.

De Katerinakapel mei de Stiennen Blom

Op 18 augustus 1991 waard op it plak dêr't ea it alter stie fan de tsjerke in houten krús ta oantinken fan de katedraal delset. Op de feestdei fan Sint-Katerina, 7 desimber, wurdt hjir alle jierren in tsjinst fierd. Doe't Jekaterineburch yn 1998 275 jier bestie waard der njonken it krús in mei fiif sipels bekroande Katerinakapel boud.

Kontroverse oer de rekonstruksje fan de katedraal[bewurkje seksje | boarne bewurkje]

Op 18 maart 2010 joech it bisdom oan om mei stipe fan de gûverneur fan de oblast Sverdlovsk te stribjen nei de rekonstruksje fan de Katerinakatedraal op it âlde plak. Dat soe betsjutte dat it park op it plak fan de eardere katedraal ferdwine moast. Ut internetpeilings die bliken dat in grut part fan de ynwenners harren net fine koene yn de plannen om de katedraal op it âlde plak wer op te bouwen. De beswieren hiene benammen te krijen mei it ferdwinen fan in stikje grien yn it ticht beboude Jekaterineburch en de fontein, dy't mei de omlizzende bebouwing en it park sels as monumint fan it konstruktivisme beskôge wurdt. Op 10 april 2010 wie der in demonstraasjes tsjin de rekonstruksje fan de tsjerke. Tsjinstanners hiene 3.591 hantekeningen ynsammele tsjin de weropbou.

De arsjitekt Aleksander Dolgov kaam yn jannewaris 2015 op eigen inisjatyf mei in oanpast plan fan in katedraal op it âlde plak en in frijsteande klokketoer mei dêr tusken yn de fontein op it plein.[1] Yn maart 2016 liet it bisdom lykwols witte dat it fan de plannen om de katedraal op itselde plak wer op te bouwen ôfseach. It bisdom winsket no in hiele nije tsjerke yn in oare, typysk Russyske styl, te bouwen op in oare lokaasje mar net fier fan it âlde plak op in oanlein eilân yn de stedsfiver. Ferwachte wurdt dat de tsjerke yn 2023, tidens it 300-jierrich bestean fan de stêd, iepene wurde kin. [2]

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: [1]