Kalinin K-12

	Kalinin K-12
	algemiene ynformaasje
rol	Eksperimintele bommesmiter
lân f. oarspr.	Sovjet-Uny
makker	Kalinin
ûntwerper	Konstantin Kalinin
	gebrûk
earste flecht	1936
tal makke	1 (+ 10 net ôfmakke produksjefleantugen)
brûkers	Loftmacht fan de Sovjet-Uny

De Kalinin K-12 wie in eksperiminteel fleantúch dat ûntwikkele waard troch it Untwerpburo Kalinin yn de jierren 1930.

Untwerp en ûntwikkeling

De K-12 wie bedoeld as sturtleaze bommesmiter. It tastel hie in laste stielen buiskonstruksje mei stoffen beklaaiïng en in dummy noas en sturtkoepels. De K-12 wie skildere yn in opsichtich kleureskema dat in fûgel foarstelde. Dêrom krige er de bynamme "Fjoerfûgel", neamd nei in Russyske legindaryske figuer. In sweeffleantúch op subskaal om de skaaimerken fan de K-12 te testen fleach yn 1934, bestjoerd troch V.O. Borisov. De K-12 op wiere grutte fleach yn de hjerst fan 1936 en waard demonstrearre op Tushino yn augustus 1937. It fierdere wurk oan 'e K-12 waard lykwols annulearre neidat Konstantin Kalinin arrestearre en eksekutearre waard as steatsfijân.

Technyske gegevens

Parameter	Gegevens
Bemanning	3 (piloat/navigator/sturtskutter)
Lingte	8,00 m
Spanwiidte	18,00 m
Startgewicht	4200 kg
Oandriuwing	twa luchtkuolle Shvetsov M-22 njoggensilinder stjermotors
Startfermogen	480 hk (sa'n 350 kW)
Heechste faasje	240 km/o op 3000 m
Tsjinstplafond	3000 m
Fleanberik	700 km
Bewapening	2 x 7.62 mm (0.300 in) SjKAS masinegewearen yn de noas- en sturtturrets. 500 kg (1,100 lb) bommen yn in fertikaal rak