Julio Ribera
Julio Ribera (Barselona, 20 maart 1927 - Cognin, 27 maaie 2018) wie in Spaanske striptekener.
Ribera hat yn syn jeugd de Spaanske Boargeroarloch meimakke. Syn heit stie oan de kant fan de liberalen en fertsjinne syn jild as autohanneler. Ribera wurke ynearsten as drummer yn in jazzband. Ek fertsjinne er oan it meitsjen fan yllustraasjes. Hy wie in leafhawwer fan Amerikaanske strips fan û.o. Disney, Raymond, Foster en Eisner.
Omdat it Spanje fan Franco destiids in strange sinsuer hie en Ribera nei mear frijheid lange, ferfear hy nei Frankryk. Dêr feroare syn wurk net sa folle, mar yn 1972 krige hy de kâns om dingen te dwaan dy't er sels leuk fûn. Foar útjouwerij Dargaud tekene hy de soft-erotyske horrorsatire Draculella.
Yn 1974 krijt hy kunde oan Christian Godard. Tegearre sette sy útein mei de krekt oprjochte útjouwerij Libraire Hachette de rige Axel Moonshine, vagabond des Limbes, dy't útwoeks ta in mânske striprige.
Wurk
[bewurkje seksje | boarne bewurkje]- Axel Moonshine, tekeningen,
- Les Cahiers de la Bande Dessinée (Schtroumpf), tekeningen,
- Dracurella, senario, tekeningen
- La grande Manque, tekeningen
- Het Grote Schandaal, tekeningen
- Histoire de France en bandes dessinées, tekeningen
- Je suis un monstre, tekeningen
- La Jeunesse d'un inconnu célèbre, tekeningen
- Chroniques du Temps de la vallée des Glomes, tekeningen, 1991-1996
- Mon crayon et moi, senario, tekeningen
- Montserrat, senario, tekeningen, kleuren
Keppeling om utens
[bewurkje seksje | boarne bewurkje]| Boarnen, noaten en/as referinsjes: |
|