Joop Smits

Ut Wikipedy
Jump to navigation Jump to search
Joop Smits

Joop Smits (Grins, 12 oktober 1926 - Bilthoven, 10 maart 2003) wie de earste manlike telefyzjeomropper fan Nederlân. Jierrenlang wie hy it gesicht fan de VARA.

Smits die yn 1955 mei oan in screentest by de VARA en waard keazen út in groep fan 400 gadingmakkers. Yn 1956 gie er oan't wurk by de VARA-radio. Tegearre mei omropster en presintatrise Elles Berger waard hy yn 1972 bekend mei it radioprogramma Klink Klaar, mei it populêre spultsje Geen Ja, Geen Nee. Ek song er as solist yn it koar De flierefluiters, laat fan Johan Jong.

Yn 1960 die Smits mei oan it Nasjonaal Songfestival mei it lietsje Vanavond. Hy helle it achtste plak mei 27 punten. Nei 1979 waard Smits de presintator fan it kulturele radioprogramma Hallo Hier Hilversum. Hy seach dat as it hichtepunt fan syn VARA-karriêre.

Yn 1988 gong Smits mei pinsjoen. Hy stoar yn 2003 yn de âldens fan 76 jier.