Besjoch de boarne foar John H. Stroger Jr. Hospital of Cook County

{{Ynfoboks sikehûs
| namme                       = John H. Stroger Jr. Hospital <br>of Cook County
| ôfbylding                   = Cook County Hospital.jpg
| ôfbyldingsbreedte           = 
| ôfbyldingstekst             = It âlde gebou fan it Cook County Hospital.
| logo                        = 
| lân                         = [[File:Flag of the United States.svg|border|20px]] [[Feriene Steaten]]
| bestjoerlike ienheid 1      = steat
| namme bestjoerlike ienheid 1= [[File:Flag of Illinois.svg|border|20px]] [[Illinois]]
| bestjoerlike ienheid 2      = county
| namme bestjoerlike ienheid 2= [[File:Flag of Cook County, Illinois.svg|border|20px]] [[Cook County (Illinois)|Cook County]]
| bestjoerlike ienheid 3      = 
| namme bestjoerlike ienheid 3= 
| plak                        = [[File:Flag of Chicago, Illinois.svg|border|20px]] [[Chicago]]
| adres                       = 1969 W. Ogden Avenue
| koördinaten                 = 41°52′33″ N 87°40′22″ W
| ôfkoarting                  = 
| type                        = [[akademysk sikehûs]]
| streaming                   = [[sekularisme|sekulier]]
| diel fan                    = [[Cook County Health and Hospital System|Cook County Health and <br>&nbsp;&nbsp;&nbsp;Hospital System]]
| bêden                       = 464
| wurknimmers                 = >700 [[dokter]]s
| sels yn te foljen1          = flieroerflak
| namme sels yn te foljen1    = 110.000 m²
| sels yn te foljen2          = 
| namme sels yn te foljen2    = 
| sels yn te foljen3          = 
| namme sels yn te foljen3    = 
| ferneamd nei                = [[John Stroger|John H. Stroger jr.]]
| histoaryske namme           = Cook County Hospital
| oprjochting                 = [[1857]]
| opheffing                   = 
| fuortkommen út              = 
| opgien yn                   = 
| sels yn te foljen4          = 
| namme sels yn te foljen4    = 
| sels yn te foljen5          = 
| namme sels yn te foljen5    = 
| sels yn te foljen6          = 
| namme sels yn te foljen6    = 
| namme gebou                 = Cook County Hospital <br>&nbsp;&nbsp;&nbsp;Administration Building
| arsjitekt                   = [[Paul Gerhardt sr.]]
| boujier                     = [[1912]]
| sloopjier                   = 
| boustyl                     = [[beaux arts]]
| monumintale status          = [[Nasjonaal Register fan Histoaryske Plakken|NRHP]] <small>(2006)</small>
| monumintnûmer               = [https://npgallery.nps.gov/AssetDetail/NRIS/06001017 06001017]
| sels yn te foljen7          = oerflak
| namme sels yn te foljen7    = 3.658 m²
| sels yn te foljen8          = ferdjippings
| namme sels yn te foljen8    = 8
| sels yn te foljen9          = 
| namme sels yn te foljen9    = 
| webside                     = [http://www.cookcountyhhs.org/locations/john-h-stroger-jr-hospital/ www.cookcountyhhs.org/locations/john-h-stroger-jr-hospital]
| mapname                     = Chicago-Sintrum
| lat_deg                     = 41
| lat_min                     = 52
| lat_sec                     = 33
| lat_dir                     = N
| lon_deg                     = 87
| lon_min                     = 40
| lon_sec                     = 22
| lon_dir                     = W
| tekst by posysjekaart       = Lokaasje yn [[Chicago]].
}}
It '''John H. Stroger Jr. Hospital of Cook County''', [[histoarysk]] (en [[sprektaal|yn 'e folksmûle]] noch altyd) bekend as it '''Cook County Hospital''', is in [[iepenbiere sûnenssoarch|iepenbier]] [[sikehûs]] yn 'e [[Feriene Steaten|Amerikaanske]] [[stêd]] [[Chicago]], yn 'e [[Amerikaanske steaten|steat]] [[Illinois (steat)|Illinois]]. It is in [[akademysk sikehûs]], dat yn 'e mande mei it [[Provident Hospital of Cook County]] en ferskate lytsere ynstellings op it mêd fan 'e [[sûnenssoarch]] ûnderdiel útmakket fan it [[Cook County Health and Hospital System]]. Dat is in [[koepelorganisaasje]] dy't [[polyklinyk|polyklinyske]], [[sikehûs|klinyske]] en [[ferpleechhûs|ferplegende]] help biedt oan 'e ynwenners fan [[Cook County (Illinois)|Cook County]], in gebiet dat rûchwei gearfalt mei Chicago.

==Fasiliteiten en lokaasje==
It John H. Stroger Jr. Hospital of Cook County is fêstige oan 1905 West Harrison Street, yn it [[binnenstêd|sintrum]] fan Chicago, en beslacht in [[oerflak]] fan 3.658&nbsp;[[m²]]. It omfiemet 464&nbsp;[[bêd]]en en der wurkje 300 oanstelde [[dokter]]s en mear as 400 oare genêskundigen. It John H. Stroger Jr. Hospital of Cook County is in [[akademysk sikehûs]], dêr't oankommende dokters oplaat wurde. Yn dat ferbân wurket it sikehûs nau gear mei it [[Rush Medysk Kolleezje]] (RMC), in [[hegeskoalle]] foar [[genêskunde|genêskundige]] [[oplieding]]s. It sikehûs makket fierders diel út fan it [[Illinois Medical District]], yn 'e [[West Side (Chicago)|West Side]] fan Chicago, dat mei in mienskiplik oerflak fan 1,2&nbsp;[[km²]] ien fan 'e grutste konsintraasjes fan [[genêskunde|medyske]] fasiliteiten yn 'e wrâld is.

==Skiednis==
It Cook County Hospital gie iepen yn [[1857]] en tsjinne as akademysk sikehûs foar it Rush Medysk Kolleezje oant it útbrekken fan 'e [[Amerikaanske Boargeroarloch]] yn [[1861]], doe't it omfoarme waard ta in [[legerhospitaal]]. Nei't de [[boargeroarloch]] yn [[1865]] beëinige wie, krige it sikehûs syn oarsponklike funksje as in sintrum foar [[genêskunde|medysk]] [[ûnderwiis]] werom. Yn [[1866]] rûnen yn it Cook County Hospital foar it earst yn 'e [[skiednis fan 'e Feriene Steaten]] dokters [[staazje]] yn in sikehûs. Tsjin 'e [[tweintichste iuw]] stie it Cook County Hospital ûnder tafersjoch fan [[sjirurch|sjirurgen]] en oare [[dokter]]s út Chicago dy't yn it sikehûs ûnbetelle [[frijwilliger]]swurk diene. Yn [[1912]] ferhuze it sikehûs nei it hjoeddeistige [[gebou]].
[[File:Cook_County_Hospital,_Chicago,_Ill._(front).tif|left|thumb|250px|It earste gebou fan it Cook County Hospital, foarôfgeande oan 'e [[ferhuzing]] fan [[1912]].]]

It Cook County Hospital stie yn 'e earste helte en de midden fan 'e [[tweintichste iuw]] bekend as ien fan 'e grutste en bêste akademyske sikehuzen yn 'e wrâld, en genêskundigen út alle wynrjochtings kamen deropta om nije genêskundige yngrepen te learen. [[Ynnovaasje]]s as de oprjochting fan 'e earste [[bloedbank]] fan 'e wrâld en it sjirurgysk fiksearjen fan [[bonkebrek]]ken waarden foar it earst yn it Cook County Hospital dien. Yn 'e iere [[1960-er jierren]] hie [[William Shoemaker]], in âld-learling fan 'e ferneamde [[fysiolooch]] [[Francis Moore (fysiolooch)|Francis Moore]], de lieding oer in reorganisaasje fan 'e sjirurgyske soarch foar [[pasjint]]en yn kritike tastân, wêrby't de earste [[trauma-ienheid]] fan 'e wrâld oprjochte waard.

Yn [[1986]] waard [[Agnes D. Lattimer]] oansteld as [[genêskunde|medysk]] [[direktrise]] fan it Cook County Hospital, wat de earste kear wie dat in [[Afro-Amerikanen|Afro-Amerikaanske]] [[frou]] dy post ferfolle yn in grut Amerikaansk sikehûs. Yn [[2001]] waard it Cook County Hospital omneamd ta it John H. Stroger Jr. Hospital of Cook County, nei [[John H. Stroger jr.]], de doetiidske [[foarsitter]] fan 'e ried foar sûnenssoarch fan Cook County. Yn [[desimber]] [[2002]] waard it nije gebou fan it John H. Stroger Jr. Hospital of Cook County iepene, dat fuort njonken it âlde gebou út [[1912]] stiet. It âlde gebou waart neitiid leechhelle en [[renovaasje|renovearre]].

==Gebou==
It âlde gebou fan it Cook County Hospital waard yn [[1912]] boud yn [[beaux arts]]-styl, nei in ûntwerp fan [[arsjitekt]] [[Paul Gerhardt sr.]] fan it [[arsjitekt]]eburo [[John Griffiths & Sons]]. It hat in [[monumint]]e status en waard op [[8&nbsp;desimber]] [[2006]] opnommen yn it Amerikaanske [[Nasjonaal Register fan Histoaryske Plakken]] (NRHP).

==Yn 'e popkultuer==
It County General Hospital, in [[fiktyf]] sikehûs dat yn 'e [[1990-er jierren|1990-er]] en [[2000-er jierren]] tsjinne as [[dekôr]] foar de ferneamde [[sikehûssearje]] ''[[E.R. (telefyzjesearje)|E.R.]]'', wie loskes basearre op it Cook County Hospital. It sikehûs komt ek foar yn 'e Amerikaanske [[spylfilm]] ''[[The Fugitive (film út 1993)|The Fugitive]]'', út [[1993]], en fierders figurearret it geregeldwei yn 'e [[romansearje]] ''[[The Dresden Files (romansearje)|The Dresden Files]]'', fan [[auteur]] [[Jim Butcher]]. 

==Keppelings om utens==
*{{en}}[http://www.cookcountyhhs.org/locations/john-h-stroger-jr-hospital/ Offisjele webside fan it John H. Stroger, Jr. Hospital of Cook County]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/John_H._Stroger_Jr._Hospital_of_Cook_County ''References'', op dizze side].
----
{{commonscat|Cook County Hospital}}
}}

[[Kategory:Chicago]]
[[Kategory:Sikehûs yn de Feriene Steaten]]
[[Kategory:Organisaasje oprjochte yn 1857]]
[[Kategory:Bouwurk yn Chicago]]
[[Kategory:Bouwurk út 1912]]