Besjoch de boarne foar Jelle Dam

{{Biografy}}
'''Jelle Durks Dam''', ([[Surhuzum]], [[2 maart]] [[1857]] - [[Boelensloane]], [[15 febrewaris]] [[1935]]) wie in [[timmerman]], oannimmer en [[sosjalistysk]] foaroanman.

Jelle Dam waard berne yn it diel fan [[De Harkema]] dat doe by Surhuzum hearde. Hy wie de soan fan Durk Dam en Hinke Pama en Jelle wie de jongste fan sân jonges. De húshâlding libbe yn in tiid fan grutte earmoede yn in [[spitkeet]]. Jelle moast al jong meihelpe by it flaaksbraken. Troch syn haadmaster Dykstra krige er de mooglikheid om troch te learen en nei de [[normaalskoalle]] yn [[Bûtenpost]] te gean. Hy hat de skoalle lykwols net ôfmakke omdat de bern him net as in gelikense akseptearje woenen. Yn 1884 troude er mei Neeltsje Veenstra dy't krektas hast alle ''heidsjers'' fan De Harkema net folle leard hie.

Jelle begûn as timmerman en wie sosjaal tige warber. Sa skreaun hy bygelyks in toanielstik oer it earmoedige libben op de heide. Trochdat er wat mear leard hie waard hy ek aktyf yn it "Bûn foar Algemien Kies- en Stimrjocht" en yn de Fryske Sosjalistyske Folkspartij, dêr't ek it [[SDB]] in rol yn spile en hat ek hiel lang aktyf west foar de [[SDAP]]

Ein [[19e iuw]] ferfear Jelle Dam fan [[Surhústerfean]] nei de Parken yn [[De Pein]]. Mei syn soannen hat er dêr in eigen hûs setten. Nei lang siik west te hawwen stoar hy yn Boelensleane dêr't er ek begroeven leit. Yn it [[Iepenloftmuseum De Spitkeet]] wurdt ekstra omtinken jûn oan dizze sosjalistyske foarman.

{{boarnen|boarnefernijing=
* {{Aut|Lykele Jansma}} - Jeugdherinneringen van Jelle Dam (Bûtenpost)
* [http://archive.is/20120905055829/http://www.mooiharkema.nl/?ID=93 Webstee Moai Harkema]
}}

{{DEFAULTSORT:Dam, Jelle}}
[[Kategory:Frysk timmerman]]
[[Kategory:Frysk ûndernimmer]]
[[Kategory:Frysk politikus]]
[[Kategory:SDAP-politikus]]
[[Kategory:Frysk sosjalist]]
[[Kategory:Persoan berne op De Harkema]]
[[Kategory:Persoan berne yn Surhuzum]]
[[Kategory:Persoan stoarn yn Boelensloane]]
[[Kategory:Persoan berne yn 1857]]
[[Kategory:Persoan stoarn yn 1935]]