Jan Best

	Jan Best
	persoanlike bysûnderheden
nasjonaliteit	Nederlânsk
berne	29 augustus 1941
berteplak	Grou
stoarn	19 jannewaris 2023
	wurkpaad
berop/amt	Skiedkundige, dosint, skriuwer
	offisjele webside
	http://www.jangpbest.nl/

Jan Gijsbert Pieter Best (Grou, 29 augustus 1941 - 19 jannewaris 2023) ^{[boarne nedich]} wie in Nederlânske pre- en protohistoarikus, skriuwer en eardere universitêr dosint. Hy joech âlde skiednis en mediterrane pre- en protohistoarje oan de Universiteit fan Amsterdam.

Oplieding

Yn 1966 slagge Best foar it doktoraaleksamen Klassike Taal- en Letterkunde mei as haadfak Alde Skiednis en de byfakken Gryksk en Latyn. Yn 1969 helle er in doktoraat op it proefskrift Thracian Peltasts and their Influence on Greek Warfare. Dêrnei die er yn 1974 doktoraaleksamen Archeology mei as haadfak Kulturele Pre- en Protohistoarje, byfakken Klassike Archeology en Provinsjaal Romeinske Archeology. Foar dy eksamens slagge er cum laude.

Wurk en funksjes

Fan 1962 oant 1991 wurke Best foar de Universiteit fan Amsterdam as nei-elkoar assistint klassike archeology, wittenskiplik haadmeiwurker âlde skiednis en koördinator fan de frije stúdzjerjochting Mediterrane Pre- en Protohistoarje. Best hie ek ferskate njonkenfunksjes, ûnder oaren ko-lieder fan de opgraving fan de delsettingshichte yn Djadovo (in Nederlânsk-Bulgaarsk-Japansk Unesco-projekt) yn Bulgarije fan 1975 oant 1979. Neffens Best hawwe de opgravingen op dat plak oantoand dat om 3200 f. Kr. hinne in laach mei in kultuer mei in matriargaal karakter (der waarden in protte "goadinnebyldsjes" fûn) troch brân ferwoastge waard.
Fan 1980 oant 1984 wie er heechlearaar-siktaris fan it ynternasjonale komitee foar Trakology 'Wilhelm Tomaschek' ûnder de 'Association Internationale des Études Sud-Est-Européens'^[1] (Unesco-comité AIESEE). Fierder wied er yn de jierren 80 algemien adviseur fan de tentoanstellingen Het Goud der Thraciërs yn Museum Boijmans Van Beuningen yn Rotterdam (1984) en De Thracische Koningsschat yn de Nieuwe Kerk yn Amsterdam (1989).

Skriftûntsifering

Jan Best wie ien fan de oprjochters fan de Alverna Research Group, dy't spesjalisearre is yn it ûntsiferjen fan noch net begrepen skriften. Oan de hân fan it Egyptysk Hieroglifysk en syn rekonstruksje fan it Lineêr A en it Kretinzysk Hieroglifysk, is Best derfan oertsjûge dat er it Byblosskrift mei súkses ûntsifere hat.^[2]

Skriuwer

Yn 1991 wie Best meioprjochter en direkteur fan Najade Press, in útjouwerij dy't it ynternasjonale tydskrift Thamyris, Mythmaking from Past to Present útjout. Fan 2001 ôf wurdt dat tydskrift fuortset yn de foarm fan in nije rige Thamyris, Intersecting, Place, Sex and Race troch útjouwerij Rodopi. Best is sûnt 1992 auteur.

Yn oktober 2010 ferskynde syn Het Byblosschrift ontcijferd – In het voetspoor van Willem Glasbergen by útjouwerij Bert Bakker. Teffens skriuwt er reisboeken foar de Gottmer Uitgevers Groep

Bibliografy (ûnfolslein)

Klaailabel fan kening Muwa út Mallia. Ofbyld út *Het Byblosschrift ontcijferd – In het voetspoor van Willem Glasbergen*

Boeken

Het Byblosschrift ontcijferd – In het voetspoor van Willem Glasbergen 2010 (ISBN 9789035136007)
mei Winfried Achterberg, Kees Enzler, Lia Rietveld, Fred Woudhuizen The Phaistos Disc: A Luwian Letter to Nestor (Harrassowitz), Wiesbaden 2011
mei Nanny de Vries Dordogne, Limousin met Quercy en Berry (Dominicus), Haarlim 2005, 258-9
Terug tot Homerus: Een zoektocht naar Nestor (Heureka), Weesp 1994
mei Flemming Kaul, Ivan Marazov, Nanny de Vries Thracian Tales on the Gundestrup Cauldron (Najade Press), Amsterdam 1991
mei Sibylle von Reden Auf der Spur der ersten Griechen-Woher kamen die Mykener?: Neue archäologische Erkenntnisse über die Herkunft der Griechen (DuMont), Keulen 1981
Ko-auteur reisboeken Bulgarije, Sweden, Noarwegen, Denemarken, Dordogne/Limousin, yn de Dominicus-rige (1991-)

Oare publikaasjes (in kar)

Suruya in the Byblos Corpus, Ugarit-Forschungen 40 (2009), 135-41
Breaking the Code of the Byblos Script, Ugarit-Forschungen 40 (2009), 129-33
Reconstructing the Linear A Syllabary, Ugarit-Forschungen 38 (2006), 53-62
The First Inscription in Punic: Vowel Differences between Linear A and B, Ugarit-Forschungen 32: In memoriam Cyrus H. Gordon (2000)
The Ancient Toponyms of Mallia: A post-Eurocentric reading of Egyptianising Bronze Age documents, Black Athena: Ten Years Afters (= Talanta 28-29/1996-1997, red. Wim M.J. van Binsbergen), 99-129
Linguistic Evidence for a Phoenician Pillar Cult in Crete, The Journal of the Ancient Near Eastern Society (JANES) 20 (1991), 7-13
tsientallen artikelen yn binnen- en bûtenlânske faktydskriften, fan 1972 ôf benammen op it mêd fan Thrakology en skriftûntsifering (1962-)

Keppelingen om utens

Jan Best - Bibliografy by www.worldcat.org
J.G.P. Best, Album Academicum fan de Universiteit fan Amsterdam
Webside fan Jan Best

Boarnen, noaten en referinsjes

Boarnen, noaten en/as referinsjes:

↑ Association Internationale des Études Sud-Est-Européens hjit hjoed-de-dei CISH, Comité International des Sciences Historiques (International Committee of Historical Sciences)
↑ Ugarit-Forschungen 40 (2009)

[1] Association Internationale des Études Sud-Est-Européens hjit hjoed-de-dei CISH, Comité International des Sciences Historiques (International Committee of Historical Sciences)

[2] Ugarit-Forschungen 40 (2009)

[1]

[2]