Honfleur

	Honfleur
	Haven fan Honfleur
	Emblemen
	Bestjoer
Lân	Frankryk
Regio	Normandje
Departemint	Calvados
Arrondissemint	Lisieux
	Sifers
Ynwennertal	6.640 (2023)
Oerflak	13,67 km²
Befolkingsticht.	485,7 ynw./km²
Hichte	0-117 m
	Oar
Postkoade	14600
Tiidsône	UTC +1
Koördinaten	49° 25' N 0° 13' E
	Offisjele webside
	www.ville-honfleur.com
	Kaart
	;

Honfleur leit oan 'e lofter en súdlike kant fan 'e mûning fan 'e Seine yn it Frânske departemint Calvados yn Normandje. Oan 'e oare kant fan 'e Seine leit Le Havre, mar oars as dy stêd hat Honfleur syn âlde karakter goed bewarre. It plak leit skildereftich om le Vieux Bassin, de haven, dy't omfieme wurdt mei hege mei griisblauwe laaistien oerdutsen hûzen. De ynwenners neame harrensels Honfleurais.

It plak is skildere troch ferneamde impresjonisten, lykas Gustave Courbet, Eugène Boudin, Claude Monet en Johan Barthold Jongkind, dy't de école de Honfleur foarmen, dy't bydroech oan 'e opgong fan 'e impresjonistyske beweging. Honfleur hat in soad keunstgaleryen.

Untwikkeling befolking

Jier	1962	1968	1975	1982	1990	1999	2009	2018
Ynwennertal	9.141	9.292	9.188	8.495	8.272	8.178	8.163	7.138
Boarnen: Cassini en INSEE

It besjen wurdich

De twaskippige Sint-Katarinatsjerke (Église Saint-Catherine) datearret fan 'e 15e iuw en is de grutste houten tsjerke fan Frankryk. De tsjerke hat in frijsteande klokketoer.
De Sint-Leonardustsjerke (Église Saint-Léonard)
De Sint-Stefanustsjerke (Église Saint-Etienne), tsjintwurdich museum
De Lieutenance waard yn 'e 16e iuw boud foar de gûverneur fan Honfleur. Ien fan 'e stedspoarten, de Porte de Caen, is yntegrearre yn it gebou.
Bûten it sintrum: Côte de Grace mei in moai útsicht oer de baai en de 17e-iuwske Us-Leaffrouwe fan de Genedekapel.