Holtriem (Samtgemeinde)

Samtgemeinde Holtriem is in bestjoerlike gearwurking yn it distrikt Wittmund yn de dielsteat Nedersaksen, Dútslân. De Samtgemeinde Holtriem bestiet út de folgjende gemeenten: Blomberg, Eversmeer, Nenndorf, Neuschoo, Schweindorf, Utarp en Westerholt. It bestjoerlik sintrum is Westerholt.

Skiednis

De regio fan Holtriem hat in lange skiednis fan minsklike bewenning dy't werom giet oant de prehistoaryske tiid. Archeologyske fynsten litte sjen dat der al tûzenen jierren lyn minsken yn dit gebiet wennen. Der binne ûnder oaren stiennen ark, grêfheuvels, hunebêd, in prehistoaryske plankewei en in sinne-observatoarium fûn. It sinne-observatoarium fan Westerholt en hunebêd fan Utarp binne net bewarre bleaun, mar de grêfheuvel fan Barkholt wol. By Terheide binne twa gouden skaaltsjes út de jonge brûnstiid fûn. In oare argeologyske bysûnderheid is it feanlyk fan Bernuthsfeld.út de 7e of 8e iuw.

Geografy

Samtgemeinde Holtriem leit yn it noardwesten fan Dútslân yn it westen fan it distrikt Wittmund. It gebiet is karakterisearre troch in flak lânskip mei in miks fan agrarysk lân, bosken en feangebieten.

Bestjoer

De Samtgemeinde Holtriem wurdt bestjoerd troch in koöperaasje fan de sân lytse gemeenten dy't it foarmje. It bestjoer is ferantwurdlik foar saken lykas ynfrastruktuer, miljeubehear en lokaal ekonomysk belied.