Haute couture

Ut Wikipedy
Jurk fan Christian Dior, Indianapolis Museum of Art

Haute couture is it hichtepunt fan moade, ûntwurpen troch moadeûntwerpers dy't foar in selekte merk wurkje moatte. Der wurdt mar ien of inkeldris in pear eksimplaren fan de kleanstikken makke, dy't op maat makke wurde foar de drager derfan. Alle couturestikken wurde dan ek mei de hân makke fan de fijnste stoffen en mei brûken fan de meast ferfine techniken. Dit is dan ek it ferskil mei de saneamde prêt-à-porter of konfeksjeklean, moade dy't gewoan klear is om te dragen, dus net op maat. De prêt-à-porter is faak in fertaling fan de haute couture nei it deiske libben: lange jûnjurken, mei bytiden ekstravagante details en stoffen wurde dan "better draachber".