Besjoch de boarne foar Gysbert Japiks

{{Ynfoboks skriuwer
| ôfbylding             = Gysbert Japix portrait by Matthijs Harings.tif
| ôfbyldingstekst       = Gysbert Japiks (1937), skildere troch [[Matthijs Harings]].
| ôfbyldingsbreedte     = 
| oar pseudonym         = 
| echte namme           = 
| nasjonaliteit         = 
| berne                 = [[1603]]
| berteplak             = [[Boalsert (stêd)|Boalsert]]
| stoarn                = [[1666]]
| stjerplak             = [[Boalsert (stêd)|Boalsert]]
| etnisiteit            = [[File:Frisian flag.svg|20px]] [[Friezen|Frysk]]
| taal                  = [[Frysk]]
| sjenre                = Moralisearjende twaspraken, brulloftsfersen, kristlike lyryk, Neolatynsk dichtwurk, klassistyske proaza, psalberimingen
| perioade              = [[renêssânse]], [[barok (stylperioade)|barok]]
| streaming             = 
| tema's                = 
| bekendste wurk(en)    = ''Fryske tsjerne'' (1640)<br>''Fryske Rymlerye'' (1668)
| útjouwer              = Samuel fen Haringhouk, Boalsert
| prizen                = 
| jierren aktyf         = [[1639]] – [[1666]]
| webside               = [https://www.gysbertjapicx.frl www.gysbertjapicx.frl]
}}
'''Gysbert Japiks''' ([[Boalsert (stêd)|Boalsert]], [[1603]] - dêre, [[1666]]) wie in [[Fryslân|Frysk]] [[skriuwer]], [[dichter]], [[taalkundige|taalgelearde]], [[skoalmaster]] en [[foarsjonger]]. Hy is ferneamd wurden troch syn [[dichtwurk]]. 

Japiks libbe op 'e grins fan [[renêssânse]] en [[barok (stylperioade)|barok]] en dy oergong is ek yn syn wurk te merkbiten. Hy ûntwikkele nei it ferfal fan 'e [[Aldfrysk]]e [[taal]]tradysje in [[Midfrysk|nije Fryske kultuertaal]]. Dêryn skoep er sawol [[proaza]] as [[poëzij]]. Syn [[fersen]] skreau er – lykas yn dy perioade gebrûklik – foaral om sjonge te kinnen. By syn libben waard de ''Fryske tsjerne'' útjûn, twa jier nei syn dea ferskynt syn samle wurk yn de ''Fryske Rymlerye''.

Nei him is de wichtichste Fryske literatuerpriis, de [[Gysbert Japicxpriis]], beneamd. Gysbert Japiks is opnommen yn 'e [[kanon fan de Fryske skiednis]]. De talrike werprintingen fan syn wurk meitsje Japicx ta ien fan de meast lêzen skriuwers yn 'e skiednis fan 'e [[Fryske literatuer]]. 

== Namme ==
De famyljenamme fan Gysbert Japiks wie Hol(c)kema. Gysbert brûkte syn famyljenamme net sa faak, oaren nei him likemin. It gefolch is dat it patronymikum (famyljenamme wurdt ôflaat fan de namme fan de heit) Japiks meastentiids as famyljenamme brûkt wurdt. Dêrtroch binne der yn ‘e rin fan de skiednis trije gongbere farianten ûntstien. De skriuwwize ‘Japicx’ komt fan de ûndertekening dy’t Gysbert brûkte yn de brieven oan syn freon [[Simon Abbes Gabbema|Symen Abbes Gabbema]]. Dy brieven binne opnommen yn de Rymlerye-edysjes fan 1681 en 1684. Om’t de ‘x’ neffens de [[Fryske stavering|Fryske staveringsregels]] net of amper brûkt wurdt (ek net altyd by nammen), is de skriuwwize ‘Japiks’ ûntstien. Dy skriuwwize is ek brûkt op it titelblêd fan 'e ''Friesche Rymlerye''.

Oant 1989 wienen de farianten ‘Jacobs’ en ‘Japiks’ gongber, mar nei’t [[Philippus Breuker]] mei de publikaasje fan syn proefskrift de tredde fariant wer ynfierde, waard oan ‘Japicx’ opnij de foarkar jûn. Foar de  ‘[[Gysbert Japicxpriis]]’ hat de provinsje Fryslân konsekwint de –cx skriuwwize brûkt. Deselde offisjele skriuwwize is ek oernommen troch it [[Gysbert Japicxhûs]].<ref>Webside [[Gysbert Japicxhûs]]: [https://www.gysbertjapicx.frl/gysbert-japicx/skriuwwize-skaainamme/ Skriuwwize famyljenamme] (lêst sjoen op 8 okt. 2020)</ref>

== Libben ==
[[Ofbyld:20140503 Wipstraat 6 (Gysbert Japicxhûs) Bolsward Fr NL.jpg|thumb|It hjoeddeistige museum ''Gysbert Japicxhûs'' wie it bertehûs fan Gysbert Japiks.]]
=== Jonge jierren ===
Gysbert Japicx waard berne yn 1603 oan de Wipstrjitte yn [[Boalsert]] as soan fan Ancke Willems en Jacob Gysberts. Syn âlden trouden yn 1602 en Gysbert is nei alle gedachten de âldste fan 'e fiif bern dy't se krigen. De famylje makke diel út fan de foarname Boalserter boargerij. Syn heit [[Jacob Gysberts]] is bekend as de ûntwerper en útfierder fan it houtsnijwurk yn de riedseal fan it ferneamde [[stedhûs fan Boalsert]]. Foaral troch al syn funksjes yn de tsjerke en de polityk wie hy yn syn tiid ferneamd yn Boalsert. Yn de tritiger jierren kaam er yn it stedsbestjoer en waard yn 1640 foar twa jier [[boargemaster]] fan [[Boalsert]]. 

Nei de legere skoalle folge de jonge Gysbert de [[Latynske skoalle]] en learde ta skoalmaster. Gysbert kaam nei de Latynske skoalle by syn heit op kantoar. Syn leafde gong doe al út nei [[letterkunde]].<ref>Mear Nederlânsktalige letterkunde ûnder syn boeken as him hienen yn Fryslân tusken 1625 en 1680 mar in stik of fjouwer fan de mear as njoggenhûndert lju fan wa't it boekebesit bekend is.</ref> Oan de titels is te sjen dat er grut wurden is mei de rederikersliteratuer.<ref>Breuker, Philippus, ''Fryslân yn de Gouden Iuw'' (2022) 494-495</ref>

=== De emosjonele skoalmaster ===
Doe't in jongere broer yn [[Wommels]] skoalmaster wurden wie, folge Gysbert yn 1625 syn foarbyld en waard skoalmaster yn [[Wytmarsum]], dêr’t er tsien jier bliuwe soe. It karakter fan Japiks yn dizze tiid wurdt ornaris as emosjoneel of sels swiersettich omskreaun. Yn 1635 krige heit Jacob in brief fan in soan dy't sei dat er sa wanhopich wie, dat er foar syn libben freze. Gysbert Japiks hat doe miskien in skoft út it wurk west en yn [[Ljouwert (stêd)|Ljouwert]] taholden. In omke fan syn faam Sijke Salves út Ljouwert, Mathijs Harings, skildere yn 1636 syn potret.<ref>Breuker, Philippus, ''Fryslân yn de Gouden Iuw'' (2022) 495</ref> Dêrnei hat er nei alle gedachten koart yn [[Bitgum]] oan it wurk west.<ref name="Biografy Gysbert Japiks">[https://www.sirkwy.frl/index.php/skriuwers-biografyen/39-j/328-gysbert-japix Webside www.sirkwy.nl: biografy Gysbert Japiks]</ref> Japiks trout yn 1637 mei de Ljouwerter notarisdochter Sijke Salves Nicolai. Sy hat altyd in sidewinkel hân. Yn 1637 waard Japiks, wierskynlik troch de politike ynfloed fan syn heit, oan de stedsskoalle foar jonges beneamd. Neffens de oerlevering hie Gysbert de holle net altyd by it wurk. De bern seinen dan: "master is wer gek".<ref>Breuker, Philippus, ''Fryslân yn de Gouden Iuw'' (2022) 495</ref>
=== Skriuwer en dichter ===
Gysbert Japiks hie al jong niget oan literatuer. Syn earste Fryske wurk is datearre op 1639, mar hy hie doe ek al stikken yn it Nederlânsk en Latyn skreaun. Gysbert Japiks wie sels meartalich en ek yn syn omjouwing wienen ferskate talen lykas it Frysk, Latyn, Nederlânsk en Frânsk yn gebrûk. Wêrom’t er nei 1639 krekt begûn is yn it Frysk te dichtsjen, is net wis. Mooglik waard hy stimulearre troch freonen of hy rekke ynspirearre troch it wurk fan de Fryske skriuwer [[Johan fan Hichtum]].<ref name="Biografy Gysbert Japiks">[https://www.sirkwy.frl/index.php/skriuwers-biografyen/39-j/328-gysbert-japix Webside www.sirkwy.nl: biografy Gysbert Japiks]</ref>
[[Ofbyld:Martinikerk Bolsward.jpg|thumb|De [[Martinytsjerke (Boalsert)|Martinytsjerke]] dêr't Japiks foarsjonger wie.]]
Yn 1640 ferskynde syn earste wurk, de ''Friesche Tjerne''. Yn de jierren nei de Friesche Tjerne gie er troch mei it skriuwen fan poëzij en proaza, leafdespoëzij, gelegenheidsdichten en ek in soad psalmberimings. Skriuwendewei tocht er ek nei oer de krekte stavering fan it Frysk. De begjinsels dêrfan binne nei syn dea publisearre en gouwen yn de njoggentjinde en tweintichste iuw noch as referinsjepunt by staveringsdiskusjes.<ref>[http://www.11en30.nu/global/fri/Artikel/29/ Gysbert Japiks yn de Kanon fan de Fryske Skiednis]</ref>

Yn de jierren 1646 oant 1648 hold [[Franciscus Junius]] mei tuskenskoften by Gysbert ta, dy’t him it Frysk learde. Franciscus Junius wie in taalkundige dy't in wurdboek fan it Aldingelsk, Nederlânsk en Frysk meitsje woe. Syn oantekenings en in stikmannich autografen kamen sa úteinlik yn de ''[[Bodleian Library]]'' yn [[Oxford]] telâne. Sa krige Gysbert Japiks ynternasjonale belangstelling foar syn wurk. Tusken 1651 en 1655 sette Japiks fyftich [[psalm]]en oer nei it Frysk.<ref>Corporaal, J. (2018). ''Salang't de beam bloeit - koarte skiedns fan de Fryske literatuer. Ljouwert: Tresoar/De Gordyk:Bornmeer</ref> Japiks krige ek kunde oan de Fryske skiedskriuwer [[Simon Abbes Gabbema|Symen Abbes Gabbema]], dy't it wurk fan Japiks postúm ferskine liet yn de Fryske Rymlerye. Fan it tiidrek 1654-1661 binne ferskate brieven tusken Japiks en Gabbema bewarre bleaun.

=== De pest ===
Gysbert Japiks en Sijke Nicolai krigen seis bern. Fiif fan syn seis bern binne jong stoarn. Suver tagelyk mei Gysbert Japiks, stjert ek syn frou yn 1666 oan de [[pest]]. Koart nei de dea fan Gysbert Japiks en Sijke Nicolai kaam ek harren âldste en iennichst oerbleaune bern Salves te ferstjerren.<ref>[http://depot.knaw.nl/8737/1/LG2003DeVondel0693_001.pdf Artikel oer Japiks yn it tydskrift 'Oude Muziek']</ref>

== Wurk ==
Japiks libbe op ‘e grins fan twa tiidrekken, Renêsssânse en Barok. Beide stilen krigen har beslach yn it wurk fan Japiks.<ref>[http://www.tseadbruinja.nl/engels/frisian.htm Webside fan dichter Tsead Bruinja oer de skiednis fan de Fryske letteren]</ref> Fierwei it grutste part fan it wurk bestiet út oersettingen (fan proazateksten), berimingen (fan psalmen) en bewurkingen. 

Under oaren [[Philippus Breuker]] hat in dissertaasje oer Gysbert Japiks skreaun. Yn syn boek ''Fryslân yn de Gouden Iuw'' beskriuwt er it wurk fan Japiks:

{{cquote|In berch yn leechlân is er neamd en dat byld kloppet, as men oan it bytsje Frysk fan syn tiid tinkt. Mar de ferliking is misliedend, want Gysbert dichte yn it Frysk as wie it in klassike taal. Syn wurk moat ferlike wurde mei wurk yn it Nederlânsk of Latyn. It is troch-ende-troch makke nei de regels fan de keunst en ek nei it foarbyld fan dichters as Huygens, Vondel, Cats, Vergilius en Ovidius. Hy wie benammen fernimstich yn it finen fan farianten op besteande motiven. Dat heart allegearre ta de knepen fan it fak. Wat dat wurk ta wat persoanliks stimpelet, is de grutte hertstocht dy't der fan begjin oant ein ta yn de taal en foarmjouwing út sprekt. Soms is it dêrtroch wat drok en oerémis.<ref>Breuker, Philippus, ''Fryslân yn de Gouden Iuw'' (2022) 494</ref>}}

It hertstochtlike en drokke karakater stie ek ûnder ynfloed fan de twa stylperioaden yn Japiks syn libben: de [[renêssânse]] en [[barok (stylperioade)|barok]]. Yn jonge teksten lit Gysbert in wiidweidige skildering sjen fan de Fryske werklikheid, faak mei ferskynsels as oerdiedige alliteraasje en gearkeppeling. Under ynfloed fan de Barok waard it taalgebrûk fan Gysbert Japix letter drokker en keunstmjittiger en syn wurk dêrtroch minder tagonklik, mar in grut part fan syn poëzy bleau tige lêsber en benammen sjongsum, lykas it liet ''Wolkom freugde fan de wrâld''.<ref name="Biografy Gysbert Japiks">[https://www.sirkwy.frl/index.php/skriuwers-biografyen/39-j/328-gysbert-japix Webside www.sirkwy.nl: biografy Gysbert Japiks]</ref>

It Frysktalige debút fan Gysbert wie de ''Friessche Tjerne'' (1640). It brulloftsfers ''Friessche Tjerne'' is it iennichste boek dat by syn libben printe waard. Twa jier nei syn dea waard syn sammele wurk útjûn as de ''Friesche Rymlerye''. Yn syn eigen iuw waard it werprinte yn 1681 (troch [[Simon Abbes Gabbema|Symen Abbes Gabbema]]) en 1684. Sa't yn dy tiid wizânsje wie, wie de ‘rymlerye’ yn trije sjenres (lirysk, didaktysk, religieus) ferdield: ‘ljeafd in bortlycke mingel-deuntjes’ (leafdespoëzij, ynklusyf de ''Friessche Tjerne''), ‘gemiene æf huwzmanne petear’ (moralistyske twaspraken) en it ‘hymmelsch harp-luwd’ (religieuze poëzij, wêrûnder psalmoersettings), sa’t op it titelblêd fan de Rymlerye oanjûn stiet. 

Japiks syn libben en wurk waard ek tekene troch in grut godsbesef. Fan 1637 ôf wurke hy as skoalmaster yn Boalsert en wie foarsjonger yn de [[Martinytsjerke (Boalsert)|Martinytsjerke]]. Yn it tredde part fan de Fryske rymlerye steane mear as fyftich psalmberimings. Dêrmei is syn wurk ek fan grut belang foar it Frysk as tsjerketaal.

=== Priuwke ===
[[Ofbyld:Friesche Rymlerye 1668.JPG|thumb|250px|Friesche Rymlerye (1668)]]
Hjirûnder stiet it earste fan de fjouwer kûpletten fan Gysbert Japiks syn liet 'Wolkom freugde fan 'e wrâld':
{|
|-----
|
:''Wol-komm' freugde fenne Wrâd,''
:''Haed-ljeacht oerre Stierren,''
:''Griente, Kruwd in Blomme-Fâd,''
:''Mietter fen uwz jieren,''
:''Hijmmel-eag dy 't al oer-sjocht''
:''Dy uwz Dauwe in Miste' ontjocht''
:''Dy uwz 't fjild bemiellet,''
:''Ja mey goud oer-striellet.''
||||||||||||||||||||
:''Wolkom freugde fan 'e wrâld,''
:''haadljocht oer de stjirren,''
:''griente, krûd blommefâd,''
:''mjitter fan ús jierren,''
:''himeleach, dy't al oersjocht''
:''dy ús dauwe en mist ûntsjocht''
:''dy ús 't fjild bemielet.''
:''Ja, mei goud oerstrielet.''
|}

*De tekst út de linkerrige is it orizjineel fan Japiks.
*De tekst út de rjochterrige is yn de moderne stavering skreaun.<ref>De tekst yn de moderne stavering komt út it ''[[Frysk Lieteboek]]'', Afûk, Ljouwert, 2000 (s. 42)</ref>

=== Ynspiraasje ===
[[Ofbyld:Jan Jansz Starter (1594-1626). Dichter te Leeuwarden en Amsterdam Rijksmuseum SK-A-4567.jpeg|thumb|[[Jan Jans Starter|J.J. Starter]]]]
Japiks liet him yn hiel wat teksten ynspirearje troch it wurk fan oare skriuwers. Hy seach nei skriuwers út de [[klassike Aldheid]], mar ek nei oare Fryske en Hollânske skriuwers. Binnen dy kontekst groeide hy út ta in bysûnder en eigensinnich dichter.<ref>[[Jabik Veenbaas]], ''Gysbert Japix, vader en voorzanger'', yn "Literatuur. Jaargang 20", 2003 (siden 14-16)</ref>

Fan de Fryske skriuwers kin hast mei wissichheid steld wurde dat [[Jan Jans Starter]] (1593-1626), dy't by syn libben al grutte bekendheid hie, ta ynspiraasje tsjinne hat. Doe't Starter syn ''Friesche Lust-hof'' ferskynde, wie Japiks 18 jier. Gysbert syn ''Boartlicke Mingeldeuntjes'' hawwe frijwat oerienkomsten mei Starter syn ''Stichlelyche Minneliedekens''. Boppedat hie Starter yn syn wurk sjen litten dat it mooglik wie om yn it Frysk te dichtsjen.<ref>J. Hepkema, Alde fryske skriften fen starter, gysbert japix en oaren, 1899</ref> Dat de ''Friesche Lust-hof'' dúdlik as boarne foar Gysbert Japiks tsjinne hat is wis: hy hie in eksimplaar. Syn eksimplaar wie fan 1623 of letter (de lêste edysje út syn tiid wie fan 1634). Japiks ûntliende ferskate wizen út it boek.<ref>[[Philippus H. Breuker|Breuker, Philippus]], ''It wurk fan Gysbert Japix'' (1989) 216.</ref> 

In oare Midfryske skriuwer dy't faak yn ien sike mei Gysbert Japiks neamd wurdt is [[Johan van Hichtum]]. Van Hichtum hat twa brulloftsfersen skreaun, beide yn it Frysk. Doe't it fers ''Wouter en Tjalle'' yn 1609 ferskynde, wie Japiks 6 jier. Hoewol't se beide yn 'e omkriten fan [[Boalsert]] wennen, is it net wis oft se inoar koenen. It is opmerklik dat Van Hichtum as predikant brulloftsfersen skreau. Hy die dat anonym, oars hie de tsjerke him út syn funksje sette kind.<ref>[[Eric Hoekstra]], ''Midfrysk goud'', 2015 (siden 34, 48-49)</ref> Yn 1640 ferskynde, ynspirearre op in Fryske gearspraak fan Van Hichtum, de ''Friessche Tjerne''.<ref>Breuker, Philippus, ''Fryslân yn de Gouden Iuw'' (2022) 492</ref>

Net allinnich fanwegen de ynhâld, mar ek troch de moderne wurdkar is it ûnwierskynlik dat Van Hichtum Japiks ynspirearre hat. Gysbert Japiks brûkt letter noch wol gauris argayske foarmen, dy't oars benammen út de Burmania-sprekwurden en 16e iuwske teksten bekend binne.<ref>[[Arjen Versloot]], ''It auteurskip en de datearring fan 'Ansck in Houck': in reaksje'', yn: Us Wurk, 2006</ref> It manuskript fan [[Carel Georg fan Burmania]] ferskynde yn 1614, doe't Japiks 11 jier wie.

== Ynfloed ==
[[Ofbyld:Stanbyld GysbertJapiks byMartinytsjerkeBoalsert.JPG|thumb|left|Stânbyld fan Gysbert Japiks neist de [[Martinytsjerke (Boalsert)|Martinytsjerke fan Boalsert]].]]
Gysbert Japicx moat al by syn libben nasjonaal en ynternasjonaal bekend west hawwe. Hy stie yn kontakt mei Hollânske en Ingelske skriuwers en gelearden. De Ingelske gelearde fan Dútske komôf [[Franciscus Junius]] hat yn 1646 in skoft yn [[Boalsert]] wenne om fan Gysbert Japicx it [[Frysk]] te learen. De bysûndere betsjutting fan Japicx’ wurk leit yn it feit, dat hy foar it earst sûnt it ferdwinen fan it Frysk as rjochts- en bestjoerstaal, om 1580 hinne, de taal wer foar serieus wurk brûkt. Syn skriuwerij slút kwa styl oan by dy fan 17de iuwske renêssânse skriuwers. 

De hearskjende opfetting yn de literêre wittenskip is dat Japicx dêrmei it Frysk wer in plak tusken de Europeeske kultuertalen besoargje woe. Oft Gysbert Japicx ek de maatskiplike emansipaasje fan it Frysk beynfloedzje woe, wurdt lykwols net dúdlik út syn wurk. De taal en stavering fan Japicx syn wurk foarmen de basis fan de hjoeddeistige Fryske skriuwtaal, sa’t dy him yn de 19de en 20ste iuw ûntjûn hat.<ref>Webside [[Gysbert Japicxhûs]]: [https://www.gysbertjapicx.frl/gysbert-japicx/ynfloed/ Ynfloed Gysbert Japicx] (lêst sjoen op 8 okt. 2020)</ref> Gysbert Japiks waard opnommen yn de [[Kanon fan de Fryske skiednis]] en sûnt 1947 wurdt troch Deputearre Steaten fan Fryslân de [[Gysbert Japicxpriis]] takend. 
{|style="float: right; margin: 10px; border: 1px #CCCCCC solid; background:#F9F9F9"
|-
| align="center" | [[Ofbyld:Boalsert - tinkstien Gysbert Japicx.jpg|300x220px|Boalsert]]
| align="center" | [[Ofbyld:Gysbert Japicx (Witmarsum).jpg|300x220px|Wytmarsum]]
|-
| colspan="2" align="center" | <small>Links: Ynmitsele stien, Gysbert Japiksbrêge, Boalsert.<br>Rjochts: Boarstbyld yn Wytmarsum.</small>
|}
Mei troch [[Everwinus Wassenbergh]] fan de Frjentsjerter universiteit kaam der om 1800 hinne mear omtinken foar it wurk fan Japiks. It Gysbert Japiksfeest dat yn 1823 yn Boalsert holden waard kin sjoen wurde as it begjin fan de [[Romantyk]] yn de Fryske literatuerskiednis.<ref>[http://members.home.nl/ja.goris/fries.htm ''Neerlands Tweede Rijkstaal: het Fries] fan Drs. José Goris</ref> Nei twa wurken oer Gysbert Japiks dy't troch [[Joast Hiddes Halbertsma]] skreaun waarden yn de 1820er jierren groeit sawol de taalkundige as literêre ynteresse. Ein 18e/begjin 19e iuw is der benammen in soad omtinken foar Gysbert Japiks syn dichtstik ''Tjesck-Moars see ængste''.<ref>[http://www.liederenbank.nl/text.php?recordid=90328&lan=nl Tekst: Tjesck-Moars see ængste] </ref> Yn 1828 reizget [[John Bowring]] nei Fryslân en beskriuwt it gedicht yn syn ''Language and Literature of Friesland'' (1829) as "his best composition".<ref>[[Philippus H. Breuker|Breuker, Philippus]], ''Fryslân yn de Gouden Iuw'' (2022) 521</ref> Yn de 20e iuw waard it wurk fan Gysbert Japiks foar fiif ferskillende (taalkundige) proefskriften brûkt.<ref>Webside [[Tresoar]]: [http://www.tresoar.nl/mmtresoar/main/content_pagina_volledig_teaser_rechts.jsp?lang=fr&pagina=7778 De proefskriften/dissertaasjes binne ôfkoarte as diss.]</ref> 

It jier 2003, fjouwerhûndert jier nei de bertedei fan Gysbert Japiks, waard troch de provinsje útroppen ta Gysbert Japiksjier. Yn it jier 2003 is syn wurk op 'e nij útjûn. Dizze kear oerset yn it hjoeddeistich Frysk en it Nederlânsk. De titel wie ''"Gysbert Japix, een keuze uit zijn werk"''. Yn it ramt fan it Gysbert Japiksjier ferskynde ek de ''Gysbert Japiks trilogy''. De trilogy is in bondeling fan trije romans oer Gysbert Japiks, dy't skriuwer [[Pieter Terpstra]] by syn libben skreaun hat. 

Troch de provinsje Fryslân hinne hawwe suver alle (gruttere) plakken in Gysbert Japiksstrjitte (ek skreaun as Gysbert Japicxstrjitte).<ref>* {{aut|Noordhoff Atlasproducties}} (2009). ''De Bosatlas van Fryslân'' - Een ontdekkingsreis door Fryslân in kaarten en beelden. Noordhoff Atlas Producties. Side 182 ISBN 9789001779047</ref> Yn Wytmarsum stiet in boarstbyld fan Gysbert Japiks, makke troch [[Jentsje Popma]]. By de Martinytsjerke yn Boalsert is in stânbyld op sokkel delset, dat yn 1966 troch keninginne Juliana ûntbleate waard.<ref>[http://www.youtube.com/watch?v=YD6_FgPwJI4 YouTube: Gysbert Japicxbeeld onthulling]</ref> Yn Boalsert is in brêge nei him neamd, de Gysbert Japiksbrêge, dêr't in tinkstien ynmitsele wurden is. By [[Tresoar]] is der in Gysbert Japicxseal. Yn it bertehûs fan Gysbert Japicx oan de Wipstrjitte 6 yn Boalsert sit sûnt 1997 it museum [[Gysbert Japicxhûs]] (mei [[tekstwinkel]]).

Yn 2020 en 2021 makke Hiske Oosterwijk nije komposysjes fan Japiks syn wurk. Nei't Oosterwijk de liettekst ''Jûnbea'' op it [[konservatoarium]] op 'e nij ynsongen hie, kaam de Gysbert Japicx/Holkema-stichting mei it fersyk om mear wurk op muzyk te setten.<ref>[[Omrop Fryslân]]: [https://www.omropfryslan.nl/nijs/1018519-sjongeres-hiske-oosterwijk-set-teksten-fan-gysbert-japicx-op-moderne-muzyk Sjongeres Hiske Oosterwijk set teksten fan Gysbert Japicx op moderne muzyk] (lêst sjoen op 21 jan. 2022)</ref> Yn juny 2021 ferskynde de dûbel-cd ''Wurden'', yn deselde moanne waard it tillefyzjekonsert ''Wurden'' troch Omrop Fryslân útstjoerd. Yn septimber 2021 waard it teaterkonsert ''Tiidgenoaten'' yn de Boalster [[Broeretsjerke (Boalsert)|Broeretsjerke]] opfierd.

== Bibliografy ==
*[[1640]] Friesche Tjerne, ofte bortlijcke rijmlerye, trogh ien, ijnfierd, aad, sljoecht, ien-faadigh huws-man, di on-forsjoens ijn de gear-jefte fen sijn laan-here koom.

=== Postúm útjûn ===
*[[1668]] Friesche rymlerye; yn trye delen forschaet: d’ eerste binne ljeafd in bortlycke mingel-deuntjes: ‘t oorde sinte gemiene æf huwzmanne petear, in ore katerye: ‘t efterste iz hymmelsch harp-luwd. Dat iz to sizzen, ytlycke fen Davids psalmen.
*[[1681]] Friesche rymlerye; yn trye delen forschaet […] Dy oorde druwck, mei ien twaede diel forgreat (uitwreide ferzje, besoarge fan Gabbema).
*[[1684]] Friesche rymlerye; yn trye delen forschaet […] Dy oorde druwck, mei ien twaede diel forgreat. (nije titelútjefte fan de 2e printinge).
*[[1821]] Friesche rymlerye; yn trye delen forschaet […] De tredde druwck op nijz trognoaze in forbettere troch E. Epkema. (3de printinge, besoarge fan [[Ecco Epkema]])
*[[1853]] Utjefte Rymlerye (net alhiel kompleet) yn stavering Halbertsma, besoarge fan [[Waling Dykstra]] (2e pr. 1880).
*[[1936]] Wirken [I] (besoarge fan [[J.H. Brouwer]], [[Jacob Haantjes|J. Haantjes]] en [[Pieter Sipma|P. Sipma]])
*[[1966]] Gysbert Japicx I. Wurken. (2e printinge) en II. Oantekeningen op Gysbert Japicx wurken. (besoarge fan J.H. Brouwer, J. Haantjes en P. Sipma).

=== Wittenskiplike bewurkingen & oersettingen ===
*[[1989]] Breuker dissertaasje diel I.
*[[1989]] Gysbert Japicx Gedichten (kar út syn poëzy mei fertaling en kommentaar fan [[Douwe Tamminga]]).
*[[1994]] Tjerne le Frison et autres vers par Gysbert Japicx (oerset nei it Frânsk troch Henk Zwiers).
*[[2003]] Gysbert Japix : een keuze uit zijn werk (taljochting fan [[Philippus Breuker]], oerset troch [[Douwe Tamminga|Douwe A. Tamminga]] en [[Atze Bosch]] nei it Nederlânsk en [[Klaas Bruinsma (literêr oersetter)|Klaas Bruinsma]] en [[Jan Popkema]] nei it Nijfrysk), Fryske Akademy-nûmer 952, 264 siden, ISBN 9080431834. 
*[[2003]] Freugde fan ’e wrâld : de lieten fan Gysbert Japix op ‘e âlde wizen foar sjongstim, meldij- en akkoardynstrument (bewurke troch [[Bernard Smilde]]), ISBN 9061719607

== Literatuer ==
[[Ofbyld:Buste_Gysbert_Japix_Martinytsjerke_Boalsert.jpg|thumb|200px|Monumint foar Japiks yn 'e Martinytsjerke, ûntbleate yn 1823.]]
*''Woordenboek op de gedichten en verdere geschriften van Gysbert Japicx'', [[Ecco Epkema]], Ljouwert, 1824
*''Hulde aan Gysbert Japiks bewezen in de Sint Martini Kerk te Bolsward, op den 7 Jul 1823'', [[Joast Hiddes Halbertsma]], Boalsert, 1824
*''Gysbert Japicx, Fries dichter in de zeventiende eeuw'' (dissertaasje), [[Jacob Haantjes]], Utrecht/Amsterdam, 1929
*''Het werkwoord bij Gysbert Japicx'' (dissertaasje), W.L. Brandsma, Grins/Assen, 1936
*''Gysbert Japiks, in stúdzje yn dichterskip'' (dissertaasje), [[Douwe Kalma]], Grins/Dokkum, 1938
*''Gysbert Japicx as oersetter en biwirker'', C. Kramer, Assen, 1943
*''De Christen Gysbert Japiks'', [[Eeltsje Boates Folkertsma]], Snits, 1946
*''Eat oer de Gysbert-stúdzje'' yn [[It Beaken (tydskrift)|It Beaken]] (siden 147-154), [[Anne Wadman]], 1956
*''Gysbert Japicx' Lieten'', J. Jansen, Drachten, 1956
*''Bibliografy Gysbert Japiks'', [[J.J. Kalma]], Ljouwert, 1956
*''Skriuwers yn byld 1: Gysbert Japicx 1603-1666'', Amsterdam, 1966 (werprinte yn 2003)
*''De autografemen in het werk van Gysbert Japicx'' (dissertaasje), [[Tony Feitsma]], Ljouwert, 1974
*''It wurk fan Gysbert Japix'' (dissertaasje), [[Ph.H. Breuker]], Ljouwert, 1989
*''Blauwe rige nr. 1 en nr. 2. Sekundêre literatuer Gysbert Japicx'', samle troch [[Trinus Riemersma]], útjefte NHL, 1991 en 1989.
*''Hoe moat dat no mei Gysbert Japixcxks?'', [[Anne Wadman]], [[Ljouwerter Krante]], 8 july 1994
*''Gysbert Japix nei fjouwerhûndert jier'' (betinkingsrede yn Boalsert), [[Ph.H. Breuker]], yn [[Historisch Tijdschrift Fryslân|Fryslân]] (tydskrift) nûmer 2, 2003
*''In alternative fizy op Gysbert Japix'', [[Tony Feitsma]] en ''Feitsma fan replyk tsjinne oer Gysbert Japix'', [[Ph.H. Breuker]]; diskusje oer Gysbert Japiks, yn [[Historisch Tijdschrift Fryslân|Fryslân]] (tydskrift) nûmer 3, 2003

== Sjoch ek ==
* [[Fan Holkema]]
* [[Gysbert Japicxpriis]]
* [[Gysbert Japicxhûs]]
* [[Kanon fan de Fryske skiednis]]
* [[Tekstwinkel]]

== Keppeling om utens ==
{{CommonsLyts|Gysbert Japicx}}
*[https://www.gysbertjapicx.frl/ Gysbert Japiks Museum]
*[https://www.sirkwy.frl/index.php/skriuwers-biografyen/39-j/328-gysbert-japix Gysbert Japiks biografy op sirkwy.frl]
*[http://www.11en30.nu/global/fri/Artikel/29/ Gysbert Japiks yn de kanon fan de Fryske skiednis]
*[http://www.holkema.info/origin/holkned.htm Stambeam Holkema]

{{boarnen|boarnefernijing=
{{reflist|3}}
}}

{{Topside}}

{{DEFAULTSORT:Japiks, Gysbert}}
[[Kategory:Frysk ûnderwizer]]
[[Kategory:Frysk sjonger]]
[[Kategory:Frysk taalkundige]]
[[Kategory:Frysk dichter]]
[[Kategory:Frysk lietsjeskriuwer]]
[[Kategory:Frysk publisist]]
[[Kategory:Skriuwer yn it Frysk]]
[[Kategory:Persoan berne yn Boalsert]]
[[Kategory:Persoan stoarn yn Boalsert]]
[[Kategory:Persoan berne yn 1603]]
[[Kategory:Persoan stoarn yn 1666]]