Franca Treur

Ut Wikipedy
Jump to navigation Jump to search
Franca Treur, foto: Filip Naudts

Franca Treur (Meliskerke, 23 juny 1979) is in Nederlânsk skriuwster en freelance sjoernaliste dy't wurket foar NRC Handelsblad en nrc.next.

Libben[bewurkje seksje | boarne bewurkje]

Treur waard grutbrocht yn Meliskerke yn Seelân, yn in bevindelijk grifformeard fermidden, en studearre Nederlânsk en literatuerwittenskip oan de Universiteit Leien.

Yn Leien waard hja lid fan de reformatoaryske studinteferiening Civitas Studiosorum in Fundamento Reformato, ek wol bekend as Panoplia. Sy begûn oan har leauwe te twifeljen nei in diskusje oer de fraach oft God him ek bemuoie soe mei de útkomst fan in spultsje Risk. Yn har stúdzje kaam hja yn oanrekking mei de Babyloanyske mytologyske ferhalen út it Enuma Elisj, mei it Gilgamesj-epos en ûntduts se de opfallende oerienkomsten tusken dy ferhalen en dy út de Bibel. Teffens rekke sy bekend mei it kritysk bibelûndersyk. Fan gefolgen ferlear hja lang om let har leauwe.

Ein 2010 waard bekend dat Column Film de filmrjochten fan Dorsvloer vol confetti kocht hat.[1] De film draaide yn 2014 yn de bioskoop. Jannewaris 2014 waard har twadde roman útbrocht, De woongroep.

Publikaasjes[bewurkje seksje | boarne bewurkje]

Essay[bewurkje seksje | boarne bewurkje]

  • Maak iets van je leven! Maar wat? (2006)

Romans en ferhalen[bewurkje seksje | boarne bewurkje]

  • Dorsvloer vol confetti (2009; fiktive psychologyske roman oer in 12-jierrich famke dat begjin jierren njoggentich yn Seelân grutbrocht wurdt yn in strang grifformearde boerehúshâlding)
  • De woongroep (jannewaris 2014)
  • Ik zou maar nergens op rekenen, Siuwsk boekewikepresint 2015
  • X&Y (ferhalen), 2016
  • Hoor nu mijn stem (2017)
  • X, Y en Z (wurdt maart 2018 ferwachte, ISBN 9789044636864)[2]
  • Slapend rijk en andere verhalen (2018, ISBN 9789044636864, mei tekeningen fan Olivia Ettema, foar in part earder ferskynd op de achterside fan nrc.next.
  • Regieaanwijzingen voor de liefde, roman (7 febrewaris 2019)

Prizen[bewurkje seksje | boarne bewurkje]

Treur wûn yn 2006 mei Maak iets van je leven! Maar wat? in essaywedstriid dy't útskreaun waard troch Contrast Magazine en nrc.next, mei as tema Macht en onmacht. Yn 2010 wûn se de Selexyz debútpriis en de Zeeuwse Boekenprijs.[3] Dorsvloer vol confetti waard mear as ien kear nominearre,[4] ûnder oaren foar de NS Publykspriis.[5]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. ‘Filmrechten boek Franca Treur verkocht’, PZC, 13 oktober 2010
  2. Utjouwerij Prometheus, 30 novimber 2017}}
  3. ‘Franca Treur wint Selexyz Debuutprijs’, nu.nl, 6 septimber 2010
  4. ‘Franca Treur weer genomineerd’, PZC, 17 septimber 2010
  5. ‘Nominaties NS Publieksprijs 2010 bekend’, NS, 5 septimber 2010