Besjoch de boarne foar Foreigner (romansearje)

{{Literatuer
| ôfbylding                    = 
| ôfbyldingstekst              = 
| ôfbyldingsbreedte            = 
| titel                        = ''Foreigner''
| oarspr. titel                = 
| auteur                       = [[C.J. Cherryh]]
| taal                         = [[Ingelsk]]
| foarm                        = [[roman]]searje
| sjenre                       = [[science fiction]]
| skreaun                      = 
| 1e publikaasje               = [[1994]] – no
| 1e opfiering                 = 
| oarspr. útjouwer             = [[DAW Books]] 
| rige                         = [[Alliance-Union Universe|''Alliance-Union Universe''-rige]]
| foarich diel                 = 
| folgjend diel                = 
| bondel                       = 
| prizen                       = 
| ISBN                         = 
}}
'''''Foreigner''''' is in tige súksesfolle [[science fiction]]-[[romanrige]] fan 'e hân fan 'e [[Feriene Steaten|Amerikaanske]] [[skriuwster]] [[C.J. Cherryh]], dy't sydlings diel útmakket fan Cherryh har gruttere [[Alliance-Union Universe|''Alliance-Union Universe''-rige]]. De [[boek]]en geane oer Bren Cameron, de [[tolk (berop)|tolk]] en [[diplomaat]] fia wa't de betrekkings rinne tusken in [[koloanje]] [[minske]]n dy't yn in fiere úthoeke fan it [[hielal]] strâne rekke binne, en it [[bûtenierdsk wêzen|bûtenierdske ras]] fan 'e atevi, op wa har [[planeet]] oft dy minsken bedarre binne. De [[roman]]s út 'e ''Foreigner''-rige [[fertelperspektyf|binne skreaun]] yn it [[personele perspektyf]]. De searje rint al sûnt [[1994]], en wurdt útjûn troch de [[New York (stêd)|New&nbsp;Yorkske]] [[útjouwerij]] [[DAW Books]]. 

==It ''Foreigner''-hielal==
De ''Foreigner''-searje spilet yn 'e [[takomst]], as de [[minskheid]] troch [[flugger-as-ljocht]]reizgjen fiere [[planeet|planeten]] [[kolonisaasje|kolonisearje]] kin. De searje set útein as de ''Phoenix'', in minsklik [[romteskip]] mei oan board in grutte kloft kolonisten, troch in ûnbekende flater ûnder it flugger-as-ljochtreizgjen fan syn koerts ôfrekket en bedarret yn in ûnbekend diel fan it [[Molkewei]]. De bemanning kin dêr gjin inkele bekende [[stjer]] ûntdekke, en boppedat is it skip sûnder [[brânstof]] oanbelâne yn in [[sinnestelsel]] fan in [[binêre stjer]], dy't sa'n [[radio-aktiviteit|radio-aktive strieling]] ôfsmyt dat de kolonisten en bemanningsleden dy't dêr mei [[mynwurker]]sfartugen (bedoeld foar in folle freonliker miljeu) branje winne moatte út [[asteroïde]]n, der krepearje as rotten.
[[File:Carolyn Janice Cherry.jpg|right|thumb|180px|[[Skriuwster]] [[C.J. Cherryh]].]]

As der nei in pear jier einlings en te'n lêsten genôch branje wûn is om 'e ''Phoenix'' op 'e nij flugger-as-ljocht reizgje te litten, springt it skip nei it earste it bêste geunstich útsjende sinnestelsel ta, mei in griene, fruchtbere wrâld. Dêr oankommen docht lykwols bliken dat dy planeet al in yntelliginte libbensfoarm hat, nammentlik de atevi, in ras fan mânske swarthûdige humanoïde wêzens dy't mei kop en skouders útstekke boppe de langste minske. Omtrint de tiid dat de ''Phoenix'' by harren wrâld arrivearret, hawwe de atevi krekt de [[steamtrein]] útfûn. De minsklike kolonisten bouwe yn in baan om 'e Ierde fan 'e atevi in [[romtestasjon]], dat se Alpha neame. It is de bedoeling fan 'e skipsbemanning om yn dit sinnestelsel nije branje yn te nimmen en dan wer ôf te setten, op 'e siik nei in bekend diel fan it hielal en de minsklike Ierde, mar de kolonisten hawwe tsjin dy tiid har nocht. Sy sjogge in prima wrâld rjocht ûnder harren, en wegerje dy te ferlitten. Nei 120 jier komt it ta in brek tusken de kolonisten en de skipsbemanning, dy't dermei einiget dat de ''Phoenix'' sûnder de kolonisten ôfset, wylst de kolonisten it stasjon Alpha ôfslute en har oan [[parasjute]]s nei it planeetoerflak sakje litte.

It earste kontakt tusken de minsken en de atevi ferrint hommels, mar posityf. Ferskate jierren geane foarby ear't spannings feroarsake troch wjerssidige [[kultuer|kulturele]] misferstannen abrupt ta útbarsting komme yn 'e Oarloch fan 'e Lâning. Hoewol't de minsken folle bettere [[wapen]]s hawwe, binne de atevi folle fûleindiger yn 'e striid en hawwe se boppedat in grutte nûmerike mearderheid. Krekt foar't de striid útrinne kin op in [[genoside]], wurdt der in [[frede]] bewurkmastere. Dêrby steane de atevi it eilân Mospheira ôf oan 'e minsken, en wurde alle atevi-bewenners dêrwei evakuëarre. Dêr stiet foaroer dat de minsken harren [[technology]] mei de atevi diele moatte en har net mear op it fêstelân bejaan meie, oan 'e oare kant fan in smelle [[seestrjitte]]. It iennichste kontakt tusken Mospheira en de Westlike Assosjaasje (de wichtichste atevi-steat) wurdt tenei ûnderholden troch ien minske, de ''paidhi'', in atevi-term dy't [[tolk (berop)|tolk]] en [[oersetter]] betsjut.

It boppesteande wurdt allegear ferteld yn 'e earste sechstich siden fan it earste diel fan 'e ''Foreigner''-searje. It ferhaal springt dan twahûndert jier foarút yn 'e tiid. De kolonisten op Mospheira (dy't no in pear miljoen sielen telle), libje noflik op harren eilân dêr't neat of nimmen harren steurt, en wurde folslein yn beslach nommen troch har eigen beslommerings. Troch de stadige mar oanhâldende oerdracht fan [[technology]]ske ynformaasje is de [[maatskippij]] fan 'e atevi no hast like fier ûntwikkele as dy fan 'e minsken, wylst de atevi op guon terreinen eigen útfinings dien en de minsken ynhelle hawwe. De jonge ''paidhi'' Bren Cameron is no in pear jier op syn post, en hâldt him benammen dwaande mei it byhâlden fan it [[wurdboek]] fan 'e atevi-[[taal]] en it ôfremjen fan ûntwikkelings dy't de atevi en de wrâld as gehiel mear skea as goed dwaan kinne, lykas de ûntwikkeling fan in netwurk fan [[ferhurde wegen]] dat it opbrûken fan [[fossile brânstof]]fen mooglik meitsje en ta in [[broeikaseffekt]] liede soe. Alles liket kalm en freedsum syn gong te gean. Tsjin dy eftergrûn set it ferhaal útein, as it romteskip de ''Phoenix'' einlings en te'n lêsten nei de Ierde fan 'e atevi weromkeard en dêrmei alles folslein yn ûnstjoer bringt.

==Haadpersoanen==
===haadpersoanen===
* Bren Cameron, de ''paidhi'', de minsklike [[tolk (berop)|tolk]]-[[fertaler]] oan it hof fan 'e ''aiji'' fan 'e Westlike Assosjaasje.
* Algini ([[♂]]), in heechpleatst lid fan it Slûpmoardnersgilde en as sadanich de partner fan Tano, oan Bren Cameron tawiisd as [[liifwacht]].
* Banichi ([[♂]]), in lid fan it Slûpmoardnersgilde en as sadanich de partner fan Jago, troch Tabini oan Bren Cameron tawiisd as liifwacht.
* Cajeiri ([[♂]]), de minderjierrige [[soan]] fan Tabini en [[kroanprins|erfgenamt fan 'e troan]] fan 'e Westlike Assosjaasje.
* Jason "Jase" Graham, in lid fan 'e bemanning fan 'e ''Phoenix'', dy't selektearre wurdt om as skips-''paidhi'' te fungearjen. Letter de [[kaptein (skipfeart)|kaptein]] fan 'e ''Phoenix'' foar Tamun yn 't plak.
* Ilisidi ([[♀]]), de ''aiji''-[[dûairiêre]], de [[beppe]] fan Tabini, in [[ealfrouwe]] út 'e Eastlike Assosjaasje, dy't twaris fan 'e troan fan 'e Westlike Assosjaasje staat is troch de ''hasdrawad'' (it legerhûs fan 'e Westlike Assosjaasje).
* Jago ([[♀]]), in lid fan it Slûpmoardnersgilde en as sadanich de partner fan Banichi (dat letter har [[heit]] blykt te wêzen), troch Tabini oan Bren Cameron tawiisd as liifwacht, mei wa't se nei ferrin fan tiid in [[romantyk (leafde)|romantyske relaasje]] kriget.
* Tabini ([[♂]]), de ''aiji'' (hearsker) fan 'e Westlike Assosjaasje (de grutste en ynfloedrykste atevi-steat).
* Tano ([[♂]]), in lid fan it Slûpmoardnersgilde en as sadanich de partner fan Algini, oan Bren Cameron tawiisd as liifwacht.

===weromkearende bypersoanen===
;atevi
* Adigan ([[♂]]), de [[hear (titel)|hear]] fan Dur, in eilân oan 'e westkust fan it kontinint, en in trouwe bûnsgenoat fan Tabini.
* Aieso ([[♀]]), de [[beppe]] fan it doarp Najida, liedster fan 'e Edi (in [[etnyske groep]] oan 'e westkust fan 'e Westlike Assosjaasje).
* Antaro ([[♀]]), ien fan 'e jonge Taibeni-liifwachten fan Cajeiri, de [[suster]] fan Jegari.
* Asicho ([[♀]]), in [[tsjinstfaam]] yn Bren syn residinsje yn it romtestasjon.
* Baiji ([[♂]]), de [[omkesizzer]] fan hear Geigi, in nayf en ûnbetrouber hearskip.
* Bindanda, de [[kok]] fan 'e [[húshâlding]] fan Bren, dy't yn namme spionearret foar hear Tatiseigi, mar dy't letter in agint fan Tabini blykt te wêzen.
* Casimi ([[♂]]), in lid fan it Slûpmoardnersgilde en ien fan 'e liifwachten fan Ilisidi.
* Cenedi ([[♂]]), in lid fan it Slûpmoardnersgilde en it haad fan 'e liifwachten fan Ilisidi. Mooglik ek Ilisidi har minner.
* Daisibi ([[♂]]), it haad fan it siktarieel buro fan 'e ''paidhi''.
* Damiri ([[♀]]), de mei problematyske famyljerelaasjes bejeftige [[oarehelte]] fan Tabini en [[mem]] fan Cajeiri.
* Direiso ([[♀]]), de [[frouwe]] fan 'e Kadigidi-clan, in fijân fan Tabini.
* Eidi ([[♂]]), de [[majordomo]] fan Tabini, omkommen by de [[steatsgreep]] fan Murini.
* Eisi ([[♂]]), ien fan 'e beide [[tsjinstfeint]]en fan Cajeiri yn it Bu-javid (it [[regear]]ingskompleks yn Shejidan, de [[haadstêd]] fan 'e Westlike Assosjaasje).
* Geigi ([[♀]]), de progressive hear fan Kajiminda, in lid fan 'e Maschi-clan, in fijân dy't Bren Cameron ta ien fan syn neiste bûnsgenoaten wit te meitsjen.
* Grigiji ([[♂]]), de [[emearitus]]-[[astronoom]], in [[wiskunde|wiskundich]] sjeny mei waans help Bren Cameron de konsepten fan 'e minsklike [[romtefeart]] oan 'e atevi útlizze kin.
* Jegari ([[♂]]), ien fan 'e jonge Taibeni-liifwachten Cajeiri, de [[broer]] fan Antaro.
* Jeladi ([[♂]]), in tsjinstfeint yn Bren syn residinsje yn it romtestasjon.
* Kandana ([[♂]]), in tsjinstfeint yn Bren syn residinsje yn it romtestasjon.
* Koharu ([[♂]]), in tsjinstfeint op Bren syn [[bûtenpleats]] Najida en letter yn syn residinsje yn it Bu-javid.
* Lieidi ([[♂]]), ien fan 'e beide tsjinstfeinten fan Cajeiri yn it Bu-javid.
* Lucasi ([[♂]]), in lid fan it Slûpmoardnersgilde, in liifwacht fan Cajeiri en de broer fan Vejico.
* Machigi ([[♂]]), de lieder fan 'e súdlike Assosjaasje fan 'e Marid, dy't him ferset tsjin 'e oerhearsking troch de Westlike Assosjaasje.
* Murini ([[♂]]), de hear fan 'e Kadigidi-clan, de [[soan]] fan Direiso, in fijân fan Tabini.
* Narani ([[♂]]), de âldere [[majordomo]] fan 'e húshâlding fan Bren Cameron.
* Nawari ([[♂]]), in lid fan it Slûpmoardnersgilde en de twadde yn rang fan 'e liifwachten fan Ilisidi.
* Ramaso ([[♂]]), de majordomo fan Bren syn bûtenpleats Najida.
* Rejiri ([[♂]]), de erfgenamt fan 'e hear Adigan fan Dur, in eilân oan 'e westkust fan it kontinint.
* Sabiso ([[♀]]), in tsjinstfaam fan Bren yn syn wente yn it romtestasjon en yn syn residinsje yn it Bu-javid.
* Saidaro ([[♂]]), de ûndermajordomo fan Bren syn bûtenpleats Najida.
* Saidin ([[♀]]), de majordomo fan hear Tatiseigi yn dy syn residinsje yn it Bu-javid.
* Seimiro ([[♀]]), Cajeiri syn lytse [[suster|suske]], de [[dochter]] fan Tabini en Damiri.
* Siegi ([[♂]]), de [[dokter|liifdokter]] fan Ilisidi.
* Supani ([[♂]]), in tsjinstfeint op Bren syn bûtenpleats Najida en letter yn syn residinsje yn it Bu-javid.
* Tatiseigi ([[♂]]), de aartskonservative hear fan 'e Atageini-clan, in [[âldomke]] fan Damiri, [[oerâldomke]] fan Cajeiri, earder minner fan Ilisidi en yn 't earstoan in fijân fan Bren Cameron, mei wa't er nei ferrin fan tiid fia Ilisidi in dreech mar hoask bûnsgenoatskip oangiet.
* Tema ([[♂]]), it haad fan 'e liifwachten fan hear Machigi.
* Vejico ([[♀]]), in lid fan it Slûpmoardnersgilde, in liifwacht fan Cajeiri en de suster fan Lucasi.

;bemanning fan 'e ''Phoenix''
* Kaplan, in lid fan 'e bemanning fan 'e ''Phoenix'' en in liifwacht fan Jase Graham.
* Yolanda Mercheson, in lid fan 'e bemanning fan 'e ''Phoenix'', dy't selektearre wurdt om as skips-''paidhi'' te fungearjen.
* Jules Ogun, in [[kaptein (skipfeart)|kaptein]] fan 'e ''Phoenix'', de twadde yn rang nei Ramirez, in eigensinnich man dy't net maklik yn 'e omgong is.
* Presman, in lid fan 'e bemanning fan 'e ''Phoenix'' en in liifwacht fan Jase Graham.
* Polano, in lid fan 'e bemanning fan 'e ''Phoenix'' en in liifwacht fan Jase Graham.
* Stani Ramirez, in kaptein fan 'e ''Phoenix'' dy't de âldste en dêrmei heechste yn [[militêre rang|rang]] is as it romteskip yn 'e tiid fan Bren Cameron weromkeart nei de Ierde fan de atevi. In man dy't in protte geheimen bewarret.
* Josefa Sabin, in kaptein fan 'e ''Phoenix'', de trêde yn rang nei Ramirez en Ogun, in hurde mar oprjochte frou.
* Pavel Riggins, in kaptein fan 'e ''Phoenix'', de fjirde en leechste yn rang nei Ogun, oansteld nei Ramirez syn dea.
* Pratap Tamun, in kaptein fan 'e ''Phoenix'', de fjirde en leechste yn rang nei Ramirez, Ogun en Sabin. Liedt nei de dea fan Ramirez in [[rebûlje]] om't er tsjin gearwurking mei de atevi wêze soe, hoewol't lettere, postume, ûntdekkings op oare motiven wize.

;minsken fan Mospheira
* frou Cameron, de kleiende en emosjoneel manipulative mem fan Bren Cameron.
* Toby Cameron, de broer fan Bren Cameron, dy't meitiid ek by it wurk fan Bren belutsen rekket.
* Deana Hanks, de reserve-''paidhi'', dy't in fertsjintwurdiger fan 'e Feriening foar Minsklik Erfskip (in anty-atevi beweging) blykt te wêzen.
* Virginia "Gin" Kroger, in oerheidsfunksjonaris fan Mospheira.
* Barbara 'Barb' Letterman, de freondinne fan Bren Cameron by it úteinsetten fan 'e searje, dy't letter in relaasje kriget mei syn broer Toby.
* Kate Shugart, in oerheidsfunksjonaris fan Mospheira.
* Mikas Tillington, de stasjonsmaster fan 'e Mospheiryske helte fan it romtestasjon.
* Shawn Tyers, in oerheidsfunksjonaris fan Mospheira, yn 't earstoan Bren Cameron syn baas as minister fan Bûtenlânske Saken, en letter de presidint fan Mospheira.

;minsken fan Reunion
* Bjorn Andressen, ien fan Cajeiri syn minsklike assosjearden.
* Artur, ien fan Cajeiri syn minsklike assosjearden.
* Louis Baynes Braddock, gildemaster fan it âlde Gilde fan Piloaten, dy't it foar it sizzen hat op it romtestasjon Reunion.
* Gene Parker, ien fan Cajeiri syn minsklike assosjearden.
* Inez Williams, Irene har mem, ien Braddock syn meiwurkers.
* Irene Williams, ien fan Cajeiri syn minsklike assosjearden.

;oar
* Babsidi, de ''mecheita'' ([[ryddier]]) fan Ilisidi.
* Boji, de ûndogenske ''parid'ja'' dy't Cajeiri as [[húsdier]] hâldt.
* Nokhada, Bren syn fêste ''mecheita'' (ryddier) út 'e keppel fan Ilisidi.
* Prakuyo an Tep, in kyo dy't finzen holden waard op it romtestasjon Reunion en him neitiid ta diplomaat ûntjout.

==Searje==
;[[prequel]]s yn 'e foarm fan [[koarte ferhalen]]:
* 2012 – ''Deliberations'' (allinnich publisearre as [[e-boek]])
* 2013 – ''Invitations'' (allinnich publisearre as e-boek)
;[[roman]]s
* trilogy 1
** 1994 – ''[[Foreigner (roman fan C.J. Cherryh)|Foreigner]]''
** 1995 – ''[[Invader (roman fan C.J. Cherryh)|Invader]]''
** 1996 – ''[[Inheritor (roman fan C.J. Cherryh)|Inheritor]]''
* trilogy 2
** 1999 – ''[[Precursor (roman)|Precursor]]''
** 2001 – ''[[Defender (roman fan C.J. Cherryh)|Defender]]''
** 2003 – ''[[Explorer (roman)|Explorer]]''
* trilogy 3
** 2005 – ''[[Destroyer (roman)|Destroyer]]''
** 2006 – ''[[Pretender (roman)|Pretender]]''
** 2007 – ''[[Deliverer]]''
* trilogy 4
** 2009 – ''[[Conspirator (roman)|Conspirator]]''
** 2010 – ''[[Deceiver (roman)|Deceiver]]''
** 2011 – ''[[Betrayer (roman)|Betrayer]]''
* trilogy 5
** 2012 – ''[[Intruder (roman fan C.J. Cherryh)|Intruder]]''
** 2013 – ''[[Protector (roman fan C.J. Cherryh)|Protector]]''
** 2014 – ''[[Peacemaker (roman fan C.J. Cherryh)|Peacemaker]]''
* trilogy 6
** 2015 – ''[[Tracker (roman)|Tracker]]''
** 2016 – ''[[Visitor (roman)|Visitor]]''
** 2017 – ''[[Convergence (roman fan C.J. Cherryh)|Convergence]]''
* trilogy 7 
** 2018 – ''[[Emergence (roman fan C.J. Cherryh)|Emergence]]''
** 2020 – ''[[Resurgence (roman fan C.J. Cherryh)|Resurgence]]''
** 2020 – ''[[Divergence (roman fan C.J. Cherryh)|Divergence]]''
* trilogy 8
** 2023 – ''Defiance''

==Omslaggen==
Foar it ûntwerpen fan 'e [[omslach|omslaggen]] fan 'e boeken fan 'e ''Foreigner''-searje loek [[útjouwerij]] [[DAW Books]] grutte nammen oan. De omslaggen fan ''[[Foreigner (roman fan C.J. Cherryh)|Foreigner]]'', ''[[Invader (roman fan C.J. Cherryh)|Invader]]'', ''[[Explorer (roman)|Explorer]]'' en ''[[Destroyer (roman)|Destroyer]]'' waarden makke troch [[Michael Whelan (yllustrator)|Michael Whelan]], ien fan 'e meast bekroande [[boekbân]]ûntwerpers út it sjenre. Fierders wiene de omslaggen fan ''[[Pretender (roman)|Pretender]]'' en ''[[Deliverer]]'' fan 'e hân fan [[Donato Giancola]], dy fan ''[[Precursor (roman)|Precursor]]'' en ''[[Defender (roman fan C.J. Cherryh)|Defender]]'' fan [[Stephen Youll]], wylst de omslach fan ''[[Inheritor (roman fan C.J. Cherryh)|Inheritor]]'' it wurk wie fan [[Dorian Vallejo]]. De omslaggen fan alle boeken fanôf ''[[Conspirator (roman)|Conspirator]]'' kamen foar de rekken fan [[Todd Lockwood]].

==Untfangst==
De no al mear as tweintich jier rinnende ''Foreigner''-rige wurdt rûnom beskôge as in hichtepunt fan 'e [[Feriene Steaten|Amerikaanske]] [[science fiction]]-[[literatuer]]. [[Skriuwster]] [[C.J. Cherryh]] hat har ferhûgje kinnen yn tige loovjende [[resinsje]]s. Sa fette it [[tydskrift]] ''[[Science Fiction Chronicle]]'' de searje gear mei de wurden: ''"Yntriizjes, aventoer, tinkwurk, sels koarte glimpen humor yn in prachtich eksoatysk dekôr."'' ''[[Kirkus Reviews]]'' neamde it ''"in djipdollend, betochtsum, yntelligint stik wurk, mei mear ynsjoch yn in fiiftal siden as dat de measte auteurs yn fyftich siden witte te stopjen."'' En ''[[Booklist]]'' skreau: ''"Dizze searje falt sels op mank Cherryh har oer it algemien dochs al treflike ferhalen oer minsklik-bûtenierdske kontakten."''

It faktydskrift ''[[Publishers Weekly]]'' neamde de ''Foreigner''-searje ''"Ien fan 'e bêste langrinnende science fiction-searjes dy't der bestiet ''[...]'' [It] biedt in fassinearjende plot dy't de klam leit op yntinse minsklike/bûtenierdske ynteraksjes ''[...]'' Cherryh is noch altyd ien fan 'e meast talintearre skriuwers fan dit sjenre."'' Ut deselde boarne it folgjende sitaat: ''"Detailleare karakterûntwikkeling, tige spannende dialogen en in each foar subtile ferskillen yn foarbarige mienings op it mêd fan kultueren binne fan krúsjaal belang ''[...]'' Dit is serieuze science fiction op syn alderbêst, skreaun troch ien fan 'e liedende hjoeddeistige auteurs fan it sjenre."'' 

===Prizen en nominaasjes===
{| class="wikitable"
|-
! Jier
! Priis
! Resultaat
! Kategory
! Foar
|-
|'''1995'''
|''[[Locus Award]]''
|nominearre
| bêste science fiction-roman
|''[[Foreigner (roman fan C.J. Cherryh)|Foreigner]]''
|-
|'''1996'''
|''[[Locus Award]]''
|nominearre
| bêste science fiction-roman
|''[[Invader (roman fan C.J. Cherryh)|Invader]]''
|-
|'''2002'''
|''[[Locus Award]]''
|nominearre
| bêste science fiction-roman
|''[[Defender (roman fan C.J. Cherryh)|Defender]]''
|}

==Adaptaasjes==
Yn [[2013]] waarden de earste trije boeken fan 'e ''Foreigner''-searje foar [[Audio Cinema Entertainment]] adaptearre ta in seis oeren duorjend [[harkspul]] troch de bekroande harkspulskriuwer [[Sable Jak]]. Oan dy produksje wurken û.m. mei: de lûdsartyst [[Tim Knofler]] en [[stimakteur]]s [[Wednesday Wolf]] (Bren Cameron), [[Gin Hammond]] (Jago) en [[Jane Cater]] (Ilisidi). Jak wurke by it útfieren fan dizze produksje nau gear mei Cherryh. It budget foar de produksje fan it harkspul bedroech $250.000.

{{boarnen|boarnefernijing=
* [http://www.cherryh.com/ Offisjele webside fan C.J. Cherryh]
----
{{Kolommen2
|Kolom1=
* {{Aut|Cherryh, C.J.}}, ''Foreigner'', New York, 1994 (DAW Books), ISBN 0 88 67 76 376.
* {{Aut|Cherryh, C.J.}}, ''Invader'', New York, 1995 (DAW Books), ISBN 0 88 67 76 872.
* {{Aut|Cherryh, C.J.}}, ''Inheritor'', New York, 1996 (DAW Books), ISBN 0 88 67 77 283.
* {{Aut|Cherryh, C.J.}}, ''Precursor'', New York, 1999 (DAW Books), ISBN 0 88 67 79 103.
* {{Aut|Cherryh, C.J.}}, ''Defender'', New York, 2001 (DAW Books), ISBN 0 75 64 00 201.
* {{Aut|Cherryh, C.J.}}, ''Explorer'', New York, 2003 (DAW Books), ISBN 0 75 64 01 313.
* {{Aut|Cherryh, C.J.}}, ''Destroyer'', New York, 2005 (DAW Books), ISBN 0 75 64 03 332.
* {{Aut|Cherryh, C.J.}}, ''Pretender'', New York, 2006 (DAW Books), ISBN 978-0 75 64 04 086.
* {{Aut|Cherryh, C.J.}}, ''Deliverer'', New York, 2007 (DAW Books), ISBN 978-0 75 64 04 147.
* {{Aut|Cherryh, C.J.}}, ''Conspirator'', New York, 2009 (DAW Books), ISBN 978-0 75 64 05 700.
|Kolom2=
* {{Aut|Cherryh, C.J.}}, ''Deceiver'', New York, 2010 (DAW Books), ISBN 978-0 75 64 06 011.
* {{Aut|Cherryh, C.J.}}, ''Betrayer'', New York, 2011 (DAW Books), ISBN 978-0 75 64 06 547.
* {{Aut|Cherryh, C.J.}}, ''Intruder'', New York, 2012 (DAW Books), ISBN 978-0 75 64 07 155.
* {{Aut|Cherryh, C.J.}}, ''Protector'', New York, 2013 (DAW Books), ISBN 978-0 75 64 07 988.
* {{Aut|Cherryh, C.J.}}, ''Peacemaker'', New York, 2014 (DAW Books), ISBN 978-0 75 64 08 831.
* {{Aut|Cherryh, C.J.}}, ''Tracker'', New York, 2015 (DAW Books), ISBN 978-0 75 64 09 098.
* {{Aut|Cherryh, C.J.}}, ''Visitor'', New York, 2016 (DAW Books), ISBN 978-0 75 64 09 104.
* {{Aut|Cherryh, C.J.}}, ''Convergence'', New York, 2017 (DAW Books), ISBN 978-0 75 64 09 111.
* {{Aut|Cherryh, C.J.}}, ''Emergence'', New York, 2018 (DAW Books), ISBN 978-0 75 64 14 146.
* {{Aut|Cherryh, C.J.}}, ''Divergence'', New York, 2020 (DAW Books), ISBN 978-0 75 64 14 306.
}}
----
Foar fierdere boarnen en oare literatuer, sjoch ûnder: [http://en.wikipedia.org/wiki/Foreigner_universe ''References'', op dizze side].
}}
{{DISPLAYTITLE:''Foreigner'' (romansearje)}}
{{Foreigner}}

[[Kategory:Foreigner (romansearje)| ]]
[[Kategory:Ingelsktalige romansearje]]
[[Kategory:Science fiction-romansearje]]
[[Kategory:Literêr wurk fan C.J. Cherryh]]
[[Kategory:Romansearje út 1994]]
[[Kategory:Literatuer oer bûtenierdske wêzens]]