Besjoch de boarne foar Forbes (tydskrift)

{{Tydskrift
| ôfbylding                    = Forbes logo.svg
| ôfbyldingstekst              = 
| ôfbyldingsbreedte            = 
| namme                        = <span style="color:white;"> ''Forbes'' </span>
| histoaryske namme            = 
| nasjonaliteit                = [[File:Flag of the United States.svg|border|20px]] [[Feriene Steaten|Amerikaansk]]
| taal                         = [[Ingelsk]]
| sjenre                       = [[sakeblêd]]
| frekwinsje                   = 2 × yn it fearnsjier
| bestean                      = [[1917]] – no
| oprjochter                   = [[B.C. Forbes]]<br>[[Walter Drey]]
| plak haadredaksje            = [[Jersey City (Nij-Jersey)|Jersey City]] ([[Nij-Jersey]])
| útjouwer                     = [[Forbes Media]]
| oplaach                      = 657.215 <small>(2020)</small>
| tal abonnees                 = 
| ISSN                         = 0015-6914
| webside                      = [https://www.forbes.com/ www.forbes.com]
}}
'''''Forbes''''' ([[útspr.]]: [fɔɹbz], likernôch: "forbz") is in [[Feriene Steaten|Amerikaansk]] [[sakeblêd]] dat twaris yn it fearnsjier ferskynt. It bestiet sûnt [[1917]] en de [[haadredaksje]] is fêstige yn [[Jersey City (Nij-Jersey)|Jersey City]], yn 'e [[Amerikaanske steat]] [[Nij-Jersey]]. ''Forbes'' stiet bûten de Feriene Steaten benammen bekend om 'e [[Forbes 400|''Forbes''&nbsp;400]], in jierliks publisearre list fan 'e 400 [[rykdom|rykste]] Amerikanen. It tydskrift wurdt útjûn troch [[Forbes Media]] en is eigendom fan 'e [[Hongkong]]ske [[ynvestearringsgroep]] [[Integrated Whale Media Investments]].

==Skiednis==
''Forbes'' waard yn [[1917]] oprjochte troch [[B.C. Forbes]], in [[jild|finansjeel]] [[kollumnist]] foar de [[krante]]n fan it [[William Randolph Hearst|Hearst]]-ympearium, en syn sakepartner [[Walter Drey]], de [[bedriuwslieder]] fan 'e ''[[Magazine of Wall Street]]''. De earste [[edysje]] fan it blêd ferskynde op [[15&nbsp;septimber]] fan dat jier. De oarspronklike [[titel (namme)|titel]] fan it tydskrift wie ''Forbes: Devoted to Doers and Doings'' ("Forbes: Wijd oan Doggers en Dwaan"). B.C. Forbes waard de earste [[haadredakteur]], in [[posysje (funksje)|posysje]] dy't er behold oan syn [[ferstjerren]] yn [[1954]] ta. Drey wie de earste [[fise-foarsitter]] fan it [[bestjoer]] fan 'e [[útjouwerij]] fan it blêd, de B.C. Forbes Publishing Company, dêr't letter [[Forbes Media|Forbes Media LLC]] út fuortkomme soe. 

Doe't er op jierren rekke, waard B.C. Forbes bystien troch syn beide âldste [[soan]]nen, [[Bruce Charles Forbes]] en [[Malcolm Forbes]]. Bruce Forbes naam nei syn heite dea it haadredakteurskip oer. Hy wie benammen behelle yn it streamlynjen fan 'e organisaasje en it ûntwikkeljen fan [[marketing]]strategyen. Under syn tsienjierrige lieding waard de [[oplaach]] fan ''Forbes'' suver ferdûbele. Yn [[1961]] stelde er [[James Michaels]] oan as haadredakteur, dy't dy funksje oant [[1999]] behâlde soe. Sels bleau Bruce Forbes [[algemien direkteur]] fan 'e útjouwerij. Nei syn dea yn [[1964]] waard er opfolge troch syn [[broer]] Malcolm.

Yn [[2006]] kocht de [[ynvestearringsbedriuw|ynvestearringsgroep]] [[Elevation Partners]], dêr't û.o. de [[Ierlân|Ierske]] [[sjonger]] [[Bono]] fan [[U2]] by oansletten wie, in minderheidsbelang yn Forbes Media. Yn [[jannewaris]] [[2010]] ferkocht ''Forbes'' it gebou oan [[Fifth Avenue (New York)|Fifth Avenue]] yn [[Manhattan (New York)|Manhattan]], dêr't oan doe ta de haadredaksje residearre, oan 'e [[Universiteit fan New York]]. It tydskrift ferhuze nei [[Jersey City (Nij-Jersey)|Jersey City]] yn [[Nij-Jersey]], noch hieltyd yn 'e [[stêdekloft]] fan [[New York (stêd)|New York]], mar op in plak dêr't de [[priis (kosten)|prizen]] foar [[ûnreplik goed]] in stik leger wiene. 

Yn [[novimber]] [[2013]] waard Forbes Media yn 'e ferkeap dien, in set dy't oanfitere waard troch Elevation Partners. Yn [[july]] [[2014]] kocht de [[Forbes (famylje)|famylje Forbes]] Elevation Partners út om dêrnei in belang fan 51% yn Forbes Media te ferkeapjen oan [[Integrated Whale Media Investments]], in ynvestearringsbedriuw út [[Hongkong]]. Letter, hoewol't it ûndúdlik is wannear krekt, ferkocht de famylje nochris 44% fan it bedriuw oan Integrated Whale. Yn [[novimber]] [[2020]] berjochte [[parseburo]] [[Reuters]] dat Integrated Whale op dat stuit 95% fan Forbes Media yn besit hie, en de famylje Forbes de restearjende 5%.

==Hjoeddeistige sitewaasje==
===Amerikaanske edysje===
''Forbes'' stiet benammen bekend om syn ranglisten. De wichtichste dêrfan is de [[Forbes 400|''Forbes''&nbsp;400]], in jierliks publisearre list fan 'e 400 [[rykdom|rykste]] Amerikanen, dy't ek om utens ferneamd is. Oan in fermelding op dy list is sa'n [[prestiizje]] ferbûn dat guon rike sakelju (bgl. [[Donald Trump]]) yn it [[ferline]] sels kontakt opnommen hawwe mei ''Forbes'' om op 'e ''Forbes''&nbsp;400 te kommen. Oare wichtige ranglisten dy't troch ''Forbes'' publisearre wurde, binne de [[Forbes Global 2000|''Forbes'' Global&nbsp;2000]], in list fan 'e twatûzen grutste [[bedriuw]]en yn 'e wrâld; de [[Forbes List of the World's Most Powerful People|''Forbes'' List of the World's Most Powerful People]], in list fan 'e ynfloedrykste persoanen yn 'e wrâld; en [[The World's Billionaires]], in opsomming fan alle [[miljardêr]]s yn 'e wrâld.

De wichtichste [[konkurrint]]en fa ''Forbes'' op 'e Amerikaanske merk fan [[sakeblêd]]en binne ''[[Fortune (tydskrift)|Fortune]]'' en ''[[Bloomberg Businessweek]]''. ''Forbes'' hie yn [[2020]] in [[oplaach]] fan mear as 657.000 eksimplaren. Forbes pulbisearret ek in [[lifestyle]]katern, ''Forbes Life'', en in edysje dy't spesjaal oer [[New York (stêd)|New York]] giet, ''Forbes New York''. De [[webside]] fan ''Forbes'' is ''Forbes.com'', dy't yn [[1996]] oprjochte waard. Yn [[2006]] bewearde ''Forbes.com'' wrâlds meast besochte sakewebside te wêzen. Yn 'e mande mei guon byhearrende websiden wurdt ''Forbes.com'' eltse [[moanne (tiid)|moanne]] oandien troch 27&nbsp;miljoen unike besikers.

===Utlânske edysjes===
Bûten de Feriene Steaten publisearret ''Forbes'' in [[Ingelsk]]talige edysje dy't spesifyk op [[East-Aazje]] taspitst is, mei de [[titel (namme)|titel]] ''Forbes Asia''. Dêrnjonken besteane der 45 nasjonale en supranasjonale edysjes, almeast yn oare [[talen]] as it Ingelsk. Supranasjonale edysjes binne ''Forbes Africa'' foar Ingelsktalich [[Afrika]], ''Forbes África Lusófona'' foar [[Portegeesk]]talich Afrika, ''Forbes Afrique'' foar [[Frânsk]]talich Afrika en ''Forbes en Español'' foar [[Spaansk]]talich [[Latynsk-Amearika]]. Ek besteane der supranasjonale edysje dy't it [[Baltikum]], [[Midden-Amearika]] en it [[Midden-Easten]] beslane. Lannen mei nasjonale edysjes fan ''Forbes'' binne: [[Argentynje]], [[Austraalje (lân)|Austraalje]], [[Brazylje]], [[Bulgarije]], de [[Dominikaanske Republyk]], [[Eastenryk]], [[Ekwador]], [[Estlân]], [[Fjetnam]], [[Frankryk]], [[Georgje]], [[Grikelân]], [[Hongarije]], [[Yndia]], [[Yndoneezje]], [[Israel]], [[Japan]], [[Kazachstan]], [[Kolombia]], [[Letlân]], [[Litouwen]], [[Meksiko]], [[Monako]], de [[Oekraïne]], [[Oerûguay]], [[Perû]], [[Poalen]], [[Portegal]], [[Roemeenje]], [[Ruslân]], [[Sily]], [[Sina]], [[Slowakije]], [[Spanje]], [[Súd-Koreä]], [[Tailân]] en [[Tsjechje]].

==Keppelings om utens==
*{{en}}[https://www.forbes.com/ Offisjele webside fan ''Forbes'']

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Forbes ''References'', op dizze side].
----
{{commonscat|Forbes}}
}}
{{DISPLAYTITLE:''Forbes'' (tydskrift)}}

[[Kategory:Amerikaansk sakeblêd]]
[[Kategory:Ingelsktalich tydskrift]]
[[Kategory:Krante of tydskrift oprjochte yn 1917]]