Foarbeatsjerke (Kiëv)
| Foarbeatsjerke | ||
| ||
.jpg)
| ||
| Lokaasje | ||
| lân |  Oekraïne
| |
| oblast |  Kiëv
| |
| plak |  Kiëv
| |
| adres | Vûl. Pokrovska, 7 | |
| koördinaten | 50° 27' N 30° 31' E | |
| Tsjerklike gegevens | ||
| patriarchaat | Kiëv | |
| Arsjitektuer | ||
| arsjitekt | Ivan Hryhorovytsj-Barskyj | |
| boujier | 1766-1772 | |
| boustyl | barok | |
| Webside | ||
| Side fan de parochy | ||
| Kaart | ||
  | ||
De Tsjerke fan de Foarbea fan de Hillige Jongfaam (Oekraynsk: Церква Покрови Пресвятої Богородиці) is in 18e-iuwsk monumint yn it sintrum fan 'e Oekraynske haadstêd Kiëv. De tsjerke is in gebou fan 'e Otterdokse Tsjerke fan de Oekraïne.
Skiednis[bewurkje seksje | boarne bewurkje]
Oarspronklik stie op it plak by de hjoeddeiske tsjerke in Armeenske Bertetsjerke fan 'e Jongfaam. Dy tsjerke baarnde ôf doe't op 17 augustus 1651 it leger fan de Litouske hetman Janusz Radziwiłł (1612-1655) Kiëv binnenfoel.
Yn 1685 waard in houten Foarbeatsjerke boud, dy't yn 'e jierren 1766-1772 ferfongen waard troch in stiennen nijbou neffens it ûntwerp fan Ivan Hryhorovytsj-Barskyj (1713-1791). Dy tsjerke waard yn 1811 it slachtoffer fan in slimme brân. By de renovaasje fan it gebou waarden de barokke koepels feroare yn klassisistyske. De ferdieling tusken in boppe- en benedentsjerke kaam te ferfallen en fan 'e stúkwurkdekoraasjes oan de gevel waard mar in part wer renovearre. Yn 1824 waard oan 'e westlike gevel in twa ferdjippings tellende oanbou foar winterdeis stifte.
De tsjerke wie yn 'e jierren 1920 fan 'e Wiere Otterdokske Tsjerke, in beweging yn it otterdokse kristendom, dy't yn dy tiid fanwegen mieningsferskillen oer de oekumene en herfoarmings brutsen hie mei de Eastersk-Otterdokske Tsjerke. De bolsjewiken lieten de tsjerke yn 'e iere jierren 1930 slute. Under de Dútske besetting waard de tsjerke yn 1941 wer iepene foar de earetsjinst. Nei't de tsjerke yn 'e jierren 1953-1954 restaurearre waard, folge in nij tiidrek fan ûnderdrukking en twongen de kommunisten de tsjerke yn 1958 wer te sluten.
Op 15 april 1990 waard der wer foar it earst in tjinst fierd. Yn 1991 fûn de oerdracht fan it gebou plak oan 'e Oekraynske autosefale Otterdokske Tsjerke.
De frijsteande klokketoer stamt út 1798-1799.
| Boarnen, noaten en/as referinsjes: | ||
|
Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Покровская церковь (Киев)
|
