Ferlosser-Euthimiuskleaster

Ut Wikipedy
Ferlosser-Euthimiuskleaster

Спасо-Евфимиев монастырь

bouwurk
Katedraal, Jehannes de Dopertsjerke en klokketoer
Katedraal, Jehannes de Dopertsjerke en klokketoer
lokaasje
lân Ruslân
oblast Vladimir
plak Sûzdal
koördinaten 56° 25' N 40° 26' E
bysûnderheden
type bouwurk Kleaster
boujier 16e-17e iuw; 17e-18e iuw, 19e iuw, ier 20e iuw
monumintale status Kultureel monumint fan federaal belang
monumintnûmer 3310133000
offisjele webside
Side fan it kleastermuseum

It Ferlosserkleaster fan de hillige Euthimius (Russysk: Спасо-Евфимиев монастырь; transl.: Spaso-Evfimiev monastir) is in otterdoksk manljuskleaster yn de Russyske stêd Sûzdal yn de oblast Vladimir. It kompleks makket diel út fan de Wite Monuminten fan Vladimir en Sûzdal en falt ûnder it wrâlderfgoed fan UNESCO.

Skiednis[bewurkje seksje | boarne bewurkje]

It kleaster waard stifte yn 1352 troch Boris Konstantinovitsj, grutfoarst fan Nizjni Novgorod. Fan de oarspronklik houten gebouwen fan it kleaster is neat bewarre bleaun. It tsjintwurdige oansjen fan it kleaster is 16e en 17e iuwsk. De gebouwen kamen benammen ta stân troch grutte jeften fan foarsten en bojaren, lykas grutfoarst Vasili III, tsaar Ivan IV en fan it Pozjarski-skaai. By de eastlike muorre fan de katedraal leit it grêf fan prins Dmitri Michailovitsj Pozjarski. De moarmeren kapel boppe it grêf waard yn de jierren 1930 troch de bolsjewiken sloopt, mar yn 2009 is de kapel wer opboud en op 4 novimber fan dat jier troch presidint Dmitri Medvedev iepene.

Op 7 july 1445 moast der slim fochten wurde oan de muorren fan it kleaster tsjin de Kazaanske troepen ûnder lieding fan de prinsen Mahmud en Yakub. De Tataren krigen de oerhân en namen by dy gelegenheid grutfoarst Vassili II finzen. |

Fresko's yn de Transfiguraasjekatedraal

De belangrykste tsjerke fan it kleaster is de Transfiguraasjekatedraal, dy't oan it ein fan de 16e iuw boud waard yn de tradysje fan de âlde arsjitektuer fan Sûzdal. Wichtich binne de fresko's yn de katedraal út de lette 16e iuw. Yn 1766 waard it kleaster yn opdracht fan Katarina II ek in finzenis foar politike en religieuze dissidinten.

Yn it ramt fan it 300-jierrich jubileum fan de Romanov-dynasty krige it kleaster op 16 maaie 1913 besite fan tsaar Nikolaas II mei syn fjouwer dochters.

Ek yn de Sovjet-tiid bleau it kleaster in plak dêr't politike tsjinstanners en foaroansteande geastliken finzen set waarden. Yn 1940 waarden nei de Sovjet-ynvaazje yn Poalen manskippen fan it Tsjechysk Legioen ûnder lieding fan Ludvík Svoboda yn it kleaster ynternearre. Nei it útbrekken fan de Twadde Wrâldkriich waard it in suveringskamp fan soldaten en ofsiers fan it Reade Leger dy't earder finzen nommen wiene troch de Dútsers. Op 1 jannewaris 1943 waard it kleaster in kamp foar finzennommen Dútsers, lykas Friedrich Paulus. Ek Dútske bûnsgenoaten, lykas Italjanen, Roemenen, Hongaren en Spanjaarden fan de Blauwe Divyzje, waarden hjir finzen set. Nei de oarloch wie it kleaster oant 1967 in weropfiedingskamp foar jonge kriminelen.

Sûnt 1968 is it kleaster in museum.

Gebouwen[bewurkje seksje | boarne bewurkje]

Ofbyld Namme Foltôge yn
Katedraal fan de Transfiguraasje fan de Hear 1594
Poarte- of Ferkundigingtsjerke 17e iuw
Tsjerke fan de hillige Nikolaas 1669
Tsjerke fan de Berte fan Jehannes de Doper mei klokketoer 3e fearn 16e iuw
Untsliepenistsjerke 16e iuw
Fortifikaasjes 17e iuw
Hûs fan de archimandryt 17e iuw
Sellen fan de muontsen 17e iuw/18e iuw
De yn 2009 wer opboude tombe fan Dmitri Michailovitsj Pozjarski (yn de Sovjet-tiid ferlern gien) 2009

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Vysotsky Monastery