Eremo delle Carceri
| |||||||||||||||||||||||||||||||||||||||||||||
|
|||||||||||||||||||||||||||||||||||||||||||||
It Eremo delle Carceri (Hermitaazje fan Carceri) is in lyts kleaster yn in steile kleau oan 'e Monte Subasio, Umbrje, Itaalje. It kleaster leit op in hichte fan 791 meter en fjouwer kilometer fan Assisi. De treppen en bôgen fan it lytse kleaster oerspanne in grot, it saneamde Duvelsgat. De namme Carceri ferwiist nei it Latynske wurd carceres, itjinge 'isolearre plak' of 'finzenis' betsjut.
Yn 'e grot mei dêrnjonken in lytse kapel socht de letter hillich ferklearre Fransiskus yn 'e 13e iuw de iensumens om dêr te bidden.
Nei alle gedachten krige Fransiskus om 1215 hinne de kapel en it plak fan 'e Benediktinen, tagelyk mei de Portiuncula yn 'e delling ûnder Assisi.
Ek letter mocht Fransiskus dêr graach wêze om de tiid yn gebed en meditaasje troch te bringen. By in stiennen brêge stiet noch de ikebeam, weryn't neffens de leginde de fûgels sieten te harkjen nei de preken fan Fransiskus.
Om 1400 hinne liet Bernardinus fan Siena op it plak in lyts kleaster bouwe. Tagelyk waard de kapel útwreide ta in tsjerke mei de namme Santa Maria delle Carceri.
It kleaster wurdt tsjintwurdich troch Fransiskanen bewenne en is iepen foar minsken dy't in besite bringe wolle. Sûnt it jier 2000 is it kleaster ûnderdiel fan it UNESCO-wrâlderfgoed 'Assisi, de Basilyk fan San Francesco en oare Fransiskaanske Gebieten'.
| Boarnen, noaten en/as referinsjes: | ||
|
Dizze side is alhiel of foar in part in oersetting fan 'e Dútsktalige Wikipedyside; sjoch foar de bewurkingsskiednis: de:Eremo delle Carceri
|
