Besjoch de boarne foar Ellen Datlow

{{Ynfoboks skriuwer
| ôfbylding                    = Ellen_Datlow,_at_the_Hugo_Awards_Ceremony,_Worldcon,_Helsinki.jpg
| ôfbyldingstekst              = 
| ôfbyldingsbreedte            = 200px
| oar pseudonym                = 
| echte namme                  = Ellen Sue Datlow
| nasjonaliteit                = [[File:Flag of the United States.svg|border|20px]] [[Feriene Steaten|Amerikaansk]]
| berne                        = [[31 desimber]] [[1949]]
| berteplak                    = [[New York (stêd)|New York]] ([[New York (steat)|New York]])
| stoarn                       = 
| stjerplak                    = 
| etnisiteit                   = [[File:Flag of the United States.svg|border|20px]] [[Angelsaksyske Amerikanen|Angelsaksysk&nbsp;Amerikaansk]]
| regionale identiteit         = 
| taal                         = [[Ingelsk]]
| sjenre                       = [[ferhalebondel]]s
| perioade                     = 
| streaming                    = 
| tema's                       = 
| bekendste wurk(en)           = 
| útjouwer                     = 
| prizen                       = 8× [[Hugo Award]] <br>10× [[World Fantasy Award]] <br>5× [[Bram Stoker Award]]<br> 12× [[Locus Award]]
| jierren aktyf                = [[1981]] – no
| webside                      = [http://www.datlow.com/ www.datlow.com]
}}
'''Ellen Datlow''' (folút: '''Ellen Sue Datlow'''; [[New York (stêd)|New York]], [[31 desimber]] [[1949]]) is in [[Feriene Steaten|Amerikaansk]] [[redaktrise]] fan [[ferhalebondel]]s en [[tydskrift]]en op it mêd fan [[science fiction]], [[fantasy (sjenre)|fantasy]] en [[horror]]. Hja hat mei har wurk acht kear de prestizjeuze [[Hugo Award]] wûn (de wichtichste [[priis (ûnderskieding)|priis]] foar science fiction- en fantasyliteratuer), tsien kear de [[World Fantasy Award]], en fiif kear de [[Bram Stoker Award]] (de wichtichste priis foar horrorliteratuer).

==Libben en karriêre==
Datlow begûn har [[karriêre]] as [[redaktrise]] yn 'e funksje fan [[fiksje]]redaktrise fan it [[tydskrift]] ''[[Omni (tydskrift)|Omni]]'' en de digitale ferzje ''Omni Online''. Dat wie se fan [[1981]] oant [[1998]]. Yn dyselde snuorje wie se ek redaktrise fan 'e tsien troch ''Omni'' gearstalde [[ferhalebondel]]s. Fierders wie Datlow yn [[1998]] en [[1999]] ek redaktrise fan it [[online]]tydskrift ''Event Horizon: Science Fiction, Fantasy and Horror''. Se wie redaktrise fan it tydskrift ''[[Sci Fiction]]'' oant dat ein [[2005]] opdoekt waard. Ek is se riejaand redaktrise foar it [[online]]-[[tydskrift]] ''[[Tor.com]]''.

Fan [[1988]] oant [[2008]] wie Datlow as redaktrise belutsen by it gearstallen fan 'e ''Year's Best Fantasy and Horror''-rige fan ferhalebondels. Oant [[2003]] die se dat wurk mei [[Terri Windling]], en fan [[2003]] oant [[2008]] mei [[Gavin Grant (redakteur)|Gavin Grant]] en [[Kelly Link]]. Fan [[2008]] ôf wie Datlow (allinne) redaktrise fan 'e jierlikse ferhalebondels fan ''The Best Horror of the Year'', dy't útjûn wurde troch [[Night Shade Books]].

Dêrnjonken fierde se de redaksje oer in grut tal op harrensels steande ferhalebondels mei [[science fiction]]-, [[fantasy (sjenre)|fantasy]]- en [[horror]]ferhalen; dat wurk die se faak allinnich, mar ek wol yn gearwurking mei Terri Windling en soms mei oare redakteurs, te witten: ien kear mei [[Nick Mamatas]] en ien kear mei [[Lisa Morton]]. Guon fan 'e ferhalebondels dy't ûnder redaksje fan Datlow ferskynden, binne: ''Little Deaths'' ([[1994]]), ''Silver Birch, Blood Moon'' (mei Terri Windling, [[1999]]), ''The Green Man'' (mei Terri Windling, [[2002]]), ''Salon Fantastique'' (mei Terri Windling, [[2006]]), ''Inferno'' ([[2007]]), ''Nebula Awards Showcase'' ([[2009]]), ''Darkness: Two Decades of Horror'' ([[2010]]), ''[[Naked City: Tales of Urban Fantasy]]'' ([[2011]]), ''Hauntings'' ([[2013]]), ''Lovecraft's Monsters'' ([[2014]]), ''The Monstrous'' ([[2015]]), ''Nightmares'' ([[2016]]), ''Mad Hatters and March Hares'' ([[2017]]) en ''The Devil and the Deep'' ([[2018]]). 

Datlow wûn yn [[2002]] en [[2005]] de prestizjeuze [[Hugo Award]] (de wichtichste [[priis (ûnderskieding)|priis]] foar fantasy en science fiction) yn 'e [[kategory]] bêste profesjonele redakteur. Ek wûn se de Hugo Award foar bêste redakteur fan [[koarte fiksje]] yn [[2009]], [[2010]], [[2012]], [[2014]], [[2016]] en [[2017]]. Fierders wûn se troch de jierren hinne fiif kear in [[Bram Stoker Award]] (de wichtichste priis foar horror), tsien kear in [[World Fantasy Award]], tolve kear in [[Locus Award]], en trije kear in [[Shirley Jackson Award]] foar bêste ferhalebondel. Yn [[2007]] waard Datlow eare mei de [[Karl Edward Wagner Award]], dy't troch de [[British Fantasy Convention]] útrikt wurdt foar treflike bydragen oan fantasy. Fierders waard har yn [[2010]] de [[oeuvrepriis]] fan 'e [[Bram Stoker Award]]s takend, en yn [[2014]] de oeuvrepriis fan 'e [[World Fantasy Award]]s.

==Wurk==
Foar in folsleine (en byholden) [[bibliografy]] fan it wurk fan Ellen Datlow, sjoch [http://www.sf-encyclopedia.com/entry/datlow_ellen dizze side] yn 'e ''Encyclopedia of Science Fiction''.

==Keppelings om utens==
*{{en}}[http://www.datlow.com/ Offisjele webside fan Ellen Datlow]
*{{en}}[http://www.sf-encyclopedia.com/entry/datlow_ellen Artikel oer Ellen Datlow yn 'e ''Encyclopedia of Science Fiction'']

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Ellen_Datlow ''References'', op dizze side].
----
{{commonscat|Ellen Datlow}}
}}

{{DEFAULTSORT:Datlow, Ellen}}
[[Kategory:Amerikaansk boekeredakteur]]
[[Kategory:Amerikaansk tydskriftredakteur]]
[[Kategory:Persoan berne yn 1949]]