Concho (Oklahoma)

Ut Wikipedy
Jump to navigation Jump to search
Concho (Oklahoma)
Sifers
Ynwennertal 92 (2000)
Hichte 415,4 m
Polityk
Lân Flag of the United States.svg Feriene Steaten
Steat Flag of Oklahoma.svg Oklahoma
County Canadian County
Oar
Stifting 1915
Tiidsône UTC-6
Simmertiid UTC-5
Koördinaten 35°36′56″N 97°59′40″W
De lizzing fan Concho yn 'e steat Oklahoma.

Concho (útspr.: ['kɔnʧo:u] is in plak yn Canadian County, yn it sintrale diel fan 'e Amerikaanske steat Oklahoma. Neffens de Amerikaanske terminology is it in rural unincorporated community, wat safolle sizze wol as in plattelânsútbuorren. Neffens gegevens fan 'e Amerikaanske folkstelling fan 2000 hie Concho doe 92 ynwenners.

Fierdere algemiene ynformaasje[bewurkje seksje | boarne bewurkje]

Concho krige yn 1915 in eigen postkantoar, wat yn 'e Feriene Steaten yn 'e regel in teken is dat in plak op 'e kaart stiet. Besuden it doarp stiet de Concho Indian School, dat fan âlds in ynternaat wie foar bern fan etnysk Yndiaansk komôf. Sawol it doarp as de skoalle binne ferneamd nei Yndiaansk agint Charles E. Shell (mei't concho, of eins de froulike foarm concha, it Spaanske wurd is foar "skelp", yn it Ingelsk shell). Yn Concho is fierders it haadkertier fan 'e Sjajinne en Arapaho Stamme fan Oklahoma (Cheyenne and Arapaho Tribe of Oklahoma) fêstige.

Demografy[bewurkje seksje | boarne bewurkje]

Neffens gegevens fan 'e folkstelling fan 2000 wie doe fan 'e befolking fan Concho 2,2% âlder as 65 jier en 41,3% jonger as 18 jier. Fierders bestie 15,4% fan 'e húshâldings út ien persoan. Wat de etnyske opbou fan 'e befolking oangiet, dy wie yn 2000 sa: 92,4% Yndianen; 2,2% Latino's; 5,4% oaren of fan mingd etnysk komôf.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar oare boarnen en oare literatuer, sjoch ûnder: References, op dizze side.