Cointet-elemint

Ut Wikipedy
Jump to navigation Jump to search
In Cointet-elemint op in strân
Cointet-elemint yn Saint-Côme-du-Mont (2011)

In Cointet-elemint, as Belgyske poarte (Ingelsk: Belgian Gate) of C-elemint, wie in swier stek fan stiel fan sa'n 3 meter breed en 2 meter heech, dat op rôlers fan beton fêstmakke wie. Ien sa'n elemint woech sa'n 1,280 kg, mar koe troch twa hynders lutsen wurde.

De útfining fan dizze ôfsetting stiet op namme fan de Frânske kolonel, Léon-Edmond de Cointet de Fillain (1870-1948, dy't letter generaal waard). Hy krige it idee yn 1933 yn de oanrin nei de Twadde Wrâldkriich; syn fynst wie ornearre foar gebrûk yn Maginot Liny. It Cointet-elemint wie it haadelemint yn de Belgyske KW-stelling, in tankôfsetting dy't boud waard tusken septimber 1939 en maaie 1940 as ferdigeningsliny fan midden-Belgje tsjin Nazy-Dútslân.

Totaal waarden fanwege it Belgyske ministearje fan Definsje 77.000 Cointet-eleminten produsearre wêrfan't in grut tal op de KW-stelling tusken Koningshooikt en Waver set waarden. Nei de Dútske ynvaazje waarden de Cointet-eleminten troch de Dútskers brûkt as barrikades op wegen, brêgen en op de Noardseestrannen yn Jeropa. By de Dútsers hiet it Cointet-elemint it C-element.

Sjoch ek[bewurkje seksje | boarne bewurkje]