Springe nei ynhâld

Chicken Little (film út 2005)

Ut Wikipedy
Chicken Little
film
makkers
regisseurMark Dindal
produsintRandy Fullmer
senarioSteve Bencich
Ron J. Friedman
Ron Anderson

Ron Anderson

basearre opHenny Penny
muzykJohn Debney
filmstudioWalt Disney Pictures,
Walt Disney Animation Studios
distribúsjeBuena Vista Pictures

Distribution

skaaimerken
lân/lannen Amerikaansk
premiêre30 oktober 2005 flagge fan de Feriene Steaten
16 novimber 2005 flagge fan Nederlân
sjenreTekenfilm
taalIngelsk
spyltiid81 minuten
budget en resultaten
budgetUS$ 150 miljoen
opbringstUS$ 314 miljoen

Chicken Little is in Amerikaanske tekenfilm út 2005. It is de 46e tekenfilm dy't produsearre is troch Disney, en (nei Dinosaur) de twadde kompjûteranimearre film, folslein produsearre troch Walt Disney Pictures. De film gie op 4 novimber 2005 yn de Feriene Steaten yn premjêre, wêrop't Nederlân op 16 novimber fan datselde jier folge.

Ferhaal

[bewurkje seksje | boarne bewurkje]
Tink derom: Yn de tekst hjirûnder wurdt de ôfrin fan de film beskreaun.
As jo de film sels sjen wolle, is it mooglik better dat jo it no folgjende diel fan 'e plotbeskriuwing (earst noch) net lêze.

Chicken Little is in lytse hin dy't libbet yn in wrâld fol pratende bisten. Hy is tige nerveus en docht soms domme dingen.

Op in dei ferneatiget er hast syn stêd troch in falsk alarm ôf te roppen omdat de himel nei ûnderen falle soe. Hy tinkt dat omdat der in frjemd foarwerp op syn holle fallen is doe't er ûnder in ikebeam siet. Hy kin it foarwerp neitiid lykwols net mear weromfine. Elkenien tinkt dat er fansels gewoan in ikel op 'e holle krigen hat, en makket him út foar dom omdat er tocht dat de himel echt nei ûnderen kaam. Oant in jier nei it ynsidint is er noch altyd it mikpunt fan spot. Syn iennige freonen binne ek wat bûtensteanders: de ûnsjogge ein Abby Mallard, de grouwe baarch Runt of the Litter, en de fisk Fish out of Water.

Yn in besykjen it respekt fan de stêd werom te winnen, skriuwt Chicken Little him yn foar it honkbalteam fan syn skoalle. Elkenien ferwachtet dat er der neat fan bakt, mar hy blykt in talint te wêzen en wint foar syn team in grutte wedstriid. Hy wurdt rûnom ûnthelle as held.

Dy nachts falt der wer wat frjemds op syn holle. It is itselde foarwerp as in jier earder, mar no kin Chicken Little it better besjen. It blykt in frjemd apparaat te wêzen dat himsels kamûflearje kin, wat ferklearret wêrom't er it earder net mear weromfine koe. Hy ropt syn freonen derby om út te finen wat it is. Wannear't Fish by fersin in knop op it apparaat yndrukt, ûntdekke se dat it apparaat diel útmakket fan in ek kamûflearre ufo. Chicken Little besiket opnij alarm te slaan, mar de aliens binne al fuort tsjin de tiid dat de ynwenners fan de stêd oandraven komme en Chicken Little wurdt wer net leaud.

De oare deis docht bliken dat de aliens by har hastige ôfreis in bern achterlitten hawwe. Net folle letter arrivearret in hiele float ufo's wat it begjin fan in ynvaazje liket. Yn werklikheid binne se allinne op syk nei de achterbleaune jonge alien. Chicken Little bringt de alien werom, wêrnei't de oanfal ôfblaasd wurdt.

No't er de stêd rêden hat, krijt Chicken Little lang om let de heldestatus dy't er graach wol. Syn ferhaal wurdt sels ferfilme, al is it yn sterk oanpaste foarm.

Stimmen

[bewurkje seksje | boarne bewurkje]

Ingelske stimmen

[bewurkje seksje | boarne bewurkje]

Nederlânske stimmen

[bewurkje seksje | boarne bewurkje]
Boarnen, noaten en/as referinsjes:
  • Wikipedy:NL
Opfrege fan "https://fy.wikipedia.org/w/index.php?title=Chicken_Little_(film_út_2005)&oldid=1217425"