Boarst

Ut Wikipedy
Gean nei: navigaasje, sykje
Boarst fan in frou
Closeup of female breast.jpg
Trochsnee frouweboarst

Mei it boarst wurdt meastentiids de froulike boarst oantsjutten: eltse frou hat twa boarsten dêr't se boarstfieding mei jaan kin oan har baby. Boarsten binne in sekundêr geslachtskenmerk fan de frou, mar hawwe ek seksuele funksjes. It Latynske wurd foar boarst is mamma (meartal: mammae, de wittenskiplike namme foar de klasse sûchdieren is dan ek Mammalia), dizze term wurdt no noch brûkt yn de medyske wrâld.

Anatomy[bewurkje seksje | edit source]

De frou hat twa boarsten dy't molkklierweefsel, fetweefsel en bynweefsel befetsje. De boarst wurdt bedutsen troch de hûd en eltse boarst hat in spien. Beide boarsten hawwe teffens in útrinner fan weefsel nei de earmsholte, de útrinner fan Spense. De grutte fan de boarsten hinget ôf fan it parsje fetweefsel. De grutte fan de boarsten ferslit dêrom tige tusken froulju. Mannen hawwe oars ek boarstweefsel, mar dat is mar in bytsje. At in arts nei in ôfwiking yn it boarst siket, ferdielt er it boarst yn kwadranten om de spien hinne om it plak sekuer oan jaan te kinnen.

Molkklierweefsel[bewurkje seksje | edit source]

De boarsten hawwe molkklierweefsel. At in frou swier is wurdt it hormoan prolaktine mear as oars oanmakke. Troch dit hormoan begjinne de molkklieren molke te produsearjen. De molke streamt troch de molkgonkjes yn it boarst nei de spien ta dêr't de poppe oan loarkje kin.

De spien[bewurkje seksje | edit source]

Eltse boarst hat ién spien dy't troch in spienhôf (of areola) omjûn wurdt. De kleur fan de spienhôf fariearet fan ljochtrôze oant donkerbrún. De spienhôf hat in stikmannich klierkes, de sebakeuze klieren, ek wol klierkes fan Montgomery neamd, dy't faak as lytse rûne bultsjes om de titte te sjen binne. Meastal binne de spienen dan opswold. At de frou it kâld hat of hjit is binne de spienen meast 'stiif'.

Oare weefselsoarten[bewurkje seksje | edit source]

Neist de molkklierweefsel en fetweefsel befettet de boarst ek bynweefsel en de ligaminten fan Cooper, dy'it boarst stevigens jaan moatte. In frou dy't it boarst jout, hat folle mear klierweefsel as ien dy't dat net docht. De boarsten lizze op de musculus pectoralis minor (lytse boarstspier) en de musculus pectoralis major (grutte boarstspier), de spieren dy't oer de boarstkas rinne en brûkt wurde foar it bewegen fan de earms en skouders.

Bloedfetten en senuwen[bewurkje seksje | edit source]

It weefsel fan de boarsten wurdt fan bloed foarsjoen troch ferskillende slachieren, wylst de ôffier fan bloed troch meardere ieren fersoarge wurdt. Lymfefetten bringe smoargens fan it boarst nei de lymfklieren yn de earmholtes, en ek nei lymfeklieren by de boarstbonke.

By manlju en foulju befetsje de spienen in protte senuwúteinen en bloedfetsjes, sadat dy tige gefoelich binne. De spienen fan manlju én froulju kinne hurd wurde troch kjeld of seksueel oars wurden, mar ek by guon oare emoasjes.

Sjoch ek[bewurkje seksje | edit source]