Bloedige Snein

Ut Wikipedy
Jump to navigation Jump to search
Neitins 14 deaden

Bloedige Snein (Ingelsk: Bloody Sunday) wie in sjitpartij yn Derry, Noard-Ierlân op 30 jannewaris 1972 dêr't fjirtsjin ûnbewapene jonges en mannen by delsketten waarden troch Britse soldaten nei in freedsume, mar troch de Britten ferbean demonstraasje foar boargerrjochten yn it stêdsdiel Bogside yn it Noard-Ierske Derry. De demonstraasje, mei de Guildhall yn it sintrum as bestimming, wie organisearre troch de protestânske Ivan Cooper om te protestearen tsjin de opsluting fan, benammen katolike, Ieren yn Noard-Ierlân. It tal dielnimmers is net presiis fêststeld en de skatting rint útein fan trijetûzen oant tritichtûzen.