Us WikyProjekt froulju sûnder side is it Frysktalige part fan it ynternasjonale gearwurkingsprojekt WikiProject Women in Red. Op dit stuit rint it projekt yn 33 talen (sjoch links yn it byldskerm).
Op de Fryske Wikipedy wurdt ornaris gjin ferskil makke tusken manlju en froulju. Op siden lykas Abe Lenstra en Simke Kloosterman wurdt it geslacht net neamd, ek net as kategory. Op it mêd fan feminisme en frouljusrjochten wurdt it oantal siden mei kategoryen byhâlden. Op it mêd fan feminisme en frouljusrjochten hat de Frysktalige Wikpedy 385 siden.
Lykwols wolle wy it oantal siden oer froulju útwreidzje en besteande siden oanfolje. Doch mei!
