Across the Wide Missouri (boek)

Ut Wikipedy
Jump to navigation Jump to search
Across the Wide Missouri
auteur Bernard DeVoto
taal Ingelsk
foarm non-fiksje
sjenre skiednis
1e publikaasje 1947, Boston/New York
oarspr. útjwr. Houghton Mifflin
prizen Pulitzer Prize for History 1948

Across the Wide Missouri is in non-fiksjewurk fan 'e hân fan 'e Amerikaanske histoarikus Bernard DeVoto. It hat in perioade út 'e skiednis fan 'e Feriene Steaten as ûnderwerp. De titel betsjut: "De Brede Missouri Oer", en is ôflaat fan in regel út it tradisjonele Amerikaanske folksferske Oh Shenandoah, dat sels ek wol bekend stiet as Across the Wide Missouri. It boek is it twadde diel út in trilogy dy't fierders The Year of Decision (1942) en The Course of Empire (1952) omfettet. Across the Wide Missouri waard yn 1947 publisearre troch útjouwerij Houghton Mifflin.

Ynhâld[bewurkje seksje | boarne bewurkje]

Across the Wide Missouri behannelet de heechtijdagen fan 'e pelshannel yn 'e 1830-er jierren oan 'e Amerikaanske frontier, yn wat neitiid bekend komme soe te stean as it Wylde Westen. Behalven op 'e ekonomyske aspekten fan 'e pelshannel wurdt ek fral yngien op 'e spannings en konflikten tusken de blanke pelsjagers en de ûnderskate Yndiaanske folken oan 'e bopperin fan 'e rivier de Missouri.

Untfangst[bewurkje seksje | boarne bewurkje]

Across the Wide Missouri waard mei loovjende resinsjes ûntfongen. It boek waard yn 1948 bekroand mei de prestizjeuze Pulitzer Prize for History. Yn 1951 waard it adaptearre ta de film mei deselde namme, mei yn 'e haadrollen Clark Gable en María Elena Marqués.

Boarnen, noaten en referinsjes[boarne bewurkje]

Boarnen, noaten en/as referinsjes:
  • DeVoto, Bernard, Across the Wide Missouri, Boston/New York, 1947 (Houghton Mifflin), sûnder ISBN.

Foar sekundêre boarnen en oare literatuer, sjoch ûnder: References, op dizze side.