André Thevet

	André Thevet
	persoanlike bysûnderheden
berne	1504 of 1516
berteplak	Angoulême
stoarn	23 novimber 1590
stjerplak	Parys
	wurkpaad
berop/amt	Preester
aktyf as	ûntdekkingsreizger, geograaf, skriuwer, sjoernalist

André Thevet of André Theuvet (Angoulême, 1516 - Parys, 23 novimber 1590) wie in Frânske Fransiskaanske preester, ûntdekkingsreizger, geograaf en skriuwer dy 't yn de 16e iuw nei it Heine Easten en Súd-Amearika reizge. Syn wichtichste boek wie Les Singularitez de la France antarctique, dêr't er in tal ferskate boarnen en syn eigen ûnderfinings yn gearfoege ta wat in ferslach út de earste hân wêze soe fan syn ûnderfiningen yn France Antarctique, in Frânske delsetting yn de buert fan Rio de Janeiro.
Linnaeus neamde it geslacht Thevetia fan de Apocynaceae-famylje nei him.

Libben

Thevet waard berne yn Angoulême yn it súdwesten fan Frankryk. Doe't er tsien jier wie kaam er yn it kleaster fan de Fransiskanen fan Angoulême. Hy besocht Italië op itselde stuit as natuerûndersiker Guillaume Rondelet. Yn 1549, tanksij de stipe fan Jan, kardinaal fan Lotharingen, begûn er oan in wiidweidige ûntdekkingsreis nei Azië, Grikelân, Rhodos, ^[1] Palestina en Egypte. Hy beselskippe de Frânske ambassadeur Gabriel de Luetz nei Istanbul.

Suver fuortendaliks nei dy ekspedysje waard er kapelaan fan de float fan Nicolas Durand de Villegaignon, dy 't fan doel wie om in Frânske koloanje te stichtsjen yn de buert fan wat no Rio de Janeiro, Brazilië, is. Thevet kaam dêr op 10 novimber 1555 oan, mar bleau fanwegen sykte mar sa 'n 10 wiken yn de koloanje foardat er weromgie nei Frankryk fanwegen. Hy waard aalmoezenier fan Catherine de Médici en kaam letter yn tsjinst fan de kening.

Thevet stoar yn Parys op 23 novimber 1590. ^[2]

Wurk

1554 Cosmographie de Levant. Lyon : Ian de Tournes et Guil. Gazeau,
1557/8 Les singularitez de la France Antarctique
1575 La Cosmographie Universelle d'Andre Thevet Cosmographe dv Roy. Illvstree de diverses figvres des choses plvs remarqvables veves par l'auteur, & incogneues de noz anciens & modernes, Paris, Pierre l'Huilier.
1584 Vrais pourtraits et vies des hommes illustres
MS: Grand Insulaire,
MS Histoire de deux voyages

Amazônes, 1557
It rispjen fan de fruchten fan in kashewbeam
André Thevet: Kaart fan Súd-Amearika, 1575
Tûkan

Wikimedia Commons

Ofbylden dy't by dit ûnderwerp hearre, binne te finen yn de kategory André Thevet fan Wikimedia Commons.

Boarnen, noaten en referinsjes

Boarnen, noaten en/as referinsjes:

↑ Jean-Pierre Thiollet, Bodream ou rêve de Bodrum, Anagramme Editions, 2010, s. 94. ISBN 978-2-35035-279-4
↑ Trudel, Marcel (2019). Dictionary of Canadian Biography. Universiteit fan Toronto.

[1] Jean-Pierre Thiollet, Bodream ou rêve de Bodrum, Anagramme Editions, 2010, s. 94. ISBN 978-2-35035-279-4

[2] Trudel, Marcel (2019). Dictionary of Canadian Biography. Universiteit fan Toronto.

[1]

[2]