Besjoch de boarne foar 2010-er jierren

{{Desennium
| ôfbylding                    = People's Climate March 2014.jpg
| ôfbyldingstekst              = In [[demonstraasje (protest)|demonstraasje]] tsjin [[klimaatferoaring]] yn [[2014]].
| ôfbyldingsbreedte            = 
| desennia                     = [[2000-er jierren|<< 2000-er jrn]]&nbsp;&nbsp;•&nbsp;&nbsp;'''2010-er jrn'''&nbsp;&nbsp;•&nbsp;&nbsp;[[2020-er jierren|2020-er jrn >>]] 
| jierren                      = [[2010]]&nbsp;&nbsp;&nbsp;•&nbsp;&nbsp;&nbsp;[[2011]]&nbsp;&nbsp;&nbsp;•&nbsp;&nbsp;&nbsp;[[2012]]&nbsp;&nbsp;&nbsp;•&nbsp;&nbsp;&nbsp;[[2013]]&nbsp;&nbsp;&nbsp;•&nbsp;&nbsp;&nbsp;[[2014]]<br> [[2015]]&nbsp;&nbsp;&nbsp;•&nbsp;&nbsp;&nbsp;[[2016]]&nbsp;&nbsp;&nbsp;•&nbsp;&nbsp;&nbsp;[[2017]]&nbsp;&nbsp;&nbsp;•&nbsp;&nbsp;&nbsp;[[2018]]&nbsp;&nbsp;&nbsp;•&nbsp;&nbsp;&nbsp;[[2019]]
}}
De '''2010-er jierren''', ek oantsjut as de '''jierren ’10''', wiene in [[desennium]] fan 'e [[21e iuw]] neffens de [[Gregoriaanske kalinder]]. Rekkenkundich sjoen begûn it op [[1&nbsp;jannewaris]] [[2011]] en duorre it oant en mei [[31&nbsp;desimber]] [[2020]], mar yn 'e regel wurdt ornearre dat it duorre fan [[1&nbsp;jannewaris]] [[2010]] oant en mei [[31&nbsp;desimber]] [[2019]]. Dit desennium waard karakterisearre troch in stadige [[ekonomy]]ske en [[technology]]ske [[foarútgong]]. De [[Arabyske wrâld]] stie yn it teken fan 'e [[Arabyske Maityd]] en de opkomst en ûndergong fan 'e saneamde [[Islamityske Steat yn Irak en Syrje|Islamityske Steat]]. Yn [[East-Jeropa]] ûntjoech him [[Oekraïnekrisis|in nij konflikt]] tusken [[Ruslân]] en de [[Oekraïne]]. De [[Feriene Steaten]] setten harren [[Oarloch tsjin it Terrorisme]] fuort, mar op it wrâldtoaniel belune harren ynfloed hieltyd fierder yn it foardiel fan [[Ruslân]] en [[Sina]], benammen nei't yn [[2016]] [[Donald Trump]] [[Amerikaanske presidintsferkiezings (2016)|ta presidint keazen]] wie. Yn 'e lêste jierren fan it desennium ûntjoech him in wrâldwide beweging fan [[boarger]]s dy't yn noed sieten oer de [[klimaatferoaring]], en harren [[regear]]ings ûnder druk setten om dêr mear tsjin te dwaan.
__TOC__
==Oersjoch==
De 2010-er jierren begûnen op it hichtepunt fan 'e [[Bankekrisis]], dy't laat hie ta de [[Grutte Resesje]], in ynternasjonale [[leechkonjunktuer|ekonomyske krisis]] sa't net mear sjoen wie sûnt de [[Grutte Depresje]] fan 'e [[1930-er jierren]]. Yn [[Jeropa]] waard dêrtroch de [[Jeropeeske Skuldekrisis]] feroarsake, dy't lannen as [[Ierlân]], [[Portegal]], [[Spanje]], [[Syprus]] en fral [[Grikelân]] yn it ferdjer stoarte trochdat dy lannen bûn wiene oan 'e foarskriften fan 'e Jeropeeske [[faluta|ienheidsmunt]] [[euro]] en gjin effektyf eigen ekonomysk belied fiere koene. Ynstee waarden se troch de [[rykdom|rike]] noardlike lannen fan [[Jeropeeske Uny]], mei [[Dútslân]] en [[Nederlân]] foarop, twongen om drakoanyske [[besuniging]]smaatregels troch te fieren sadat se harren [[skuld (jild)|skulden]] oan dy lannen ôflosse koene. De Jeropeeske Skuldekrisis kearde jierrenlang tsjin dat de Jeropeeske Uny út 'e [[leechkonjunktuer|resesje]] komme koe, wylst it mei lannen as de [[Feriene Steaten]] en [[Japan]] doe al lang wer folle better gie. Yn 'e hiele wrâld joech de Bankekrisis fierders oanlieding ta de [[Occupy-beweging]]s, dy't har kearden tsjin 'e [[rykdom|rike]] "1%" fan 'e [[maatskippij]].

De minne [[maatskiplik|sosjaal]]-[[ekonomy]]ske omstannichheden laten yn 'e [[Arabyske wrâld]] ta it útbrekken fan in rige grutskalige [[demonstraasje (protest)|folksprotesten]] dy't mei-inoar bekend kamen te stean as de [[Arabyske Maityd]]. Yn guon lannen, lykas [[Bachrein]], waarden de protesten bloedich delslein, wylst se yn oaren, lykas [[Jemen]], troch omstannichheden op in stuit in stille dea stoaren. Yn inkele lannen, nammentlik [[Tuneezje]] en [[Egypte]], laten de protesten ta in [[revolúsje]]. Yn Tuneezje waard [[diktator]] [[Zine El Abidine Ben Ali]] ôfset by de [[Tunezyske Revolúsje]], wêrnei't it lân in [[demokratysk]] [[regear]] krige. Yn Egypte moast diktator [[Hosni Mûbarak]] it fjild romje by de [[Egyptyske Revolúsje (2010)|Egyptyske Revolúsje]]. Doe't dêr nei demokratyske [[ferkiezing]]s lykwols [[Mohammed Morsi]], in lid fan 'e [[islamisme|islamistyske]] [[Moslimbruorskip]], presidint waard, folge in jier letter [[steatsgreep yn Egypte (2013)|in steatgreep]] dy't it [[leger (striidkrêften)|leger]] wer oan 'e macht brocht, sadat it lân werom by ôf wie. Yn [[Lybje]] late de Arabyske Maityd ta it útbrekken fan 'e [[Earste Libyske Boargeroarloch]], wêrby't diktator [[Mûammar Kadaffi|Mûammar Chadaffi]] ôfset en [[fermoarde]] waard. Nei in koarte perioade fan relative rêst briek lykwols de [[Twadde Libyske Boargeroarloch]] út, dy't it lân de rest fan 'e 2010-er jierren yn 'e besnijing hâlde soe. 

Ek yn [[Syrje]] laten protesten yn it ramt fan 'e Arabyske Maityd ta it útbrekken fan in [[boargeroarloch]]. Dêrby namen ferskate [[rebel]]legroepen it op tsjin 'e [[troepen]] fan diktator [[Basjir al-Assad]]. Doe't dúdlik waard dat de [[Feriene Steaten]] ûnder presidint [[Barack Obama]] ûnwillich wiene om yn 'e [[Syryske Boargeroarloch]] yn te gripen, sels as troch it [[rezjym (regear)|rezjym]] fan Assad [[gifgas]] brûkt waard en [[oarlochsmisdie]]den begien waarden, sprong [[Ruslân]] yn it machtsfakuum troch troepen te stjoeren dy't aktyf meifochten oan 'e kant fan it Syryske regearingsleger. De Syryske Boargeroarloch brocht in ûnbidige stream [[flechtling]]en op gong, dy't yn [[2015]] Jeropa oerspielde en late ta de [[Jeropeeske Flechtlingekrisis]]. Ut 'e gaos fan 'e Syryske Boargeroarloch ûntstie ek de [[terrorisme|terroristyske]] [[islamisme|islamistyske]] organisaasje [[Islamityske Steat yn Irak en Syrje|Islamityske Steat]] (IS), dy't in grut grûngebiet yn it [[woastyn|woastinige]] easten fan Syrje en westen fan [[Irak]] wist te feroverjen. In [[koälysje]] fan 'e [[Koerden]], it Iraakske regearingsleger en in stikmannich [[Westerske wrâld|Westerske lannen]] ûnder oanfiering fan 'e Feriene Steaten [[oarloch tsjin Islamityske Steat|wie der jierrenlang mei besteld]] om 'e ekstremisten fan IS te ferslaan.
[[File:Mosul in ruins after war.jpg|left|thumb|250px|De [[ruïne]]s fan 'e [[Irak|Iraakske]] [[stêd]] [[Mosûl]] nei de werovering op 'e striders fan [[Islamityske Steat yn Irak en Syrje|IS]].]]

Oan it begjin fan 'e 2010-er jierren besochten de [[Feriene Steaten]] aktyf harren status fan [[supermacht]] te behâlden foar in weropkommend [[Ruslân]] en in almar assertiver [[Sina]] oer. Sina fierde militêre herfoarmings troch en lansearre ûnbidich grutte ekonomyske inisjativen dy't de Sineeske [[hannel]] en dêrmei macht fral yn [[Afrika]] sterk útwreiden. Tagelyk liet it lân him jilde yn it gebiet fan 'e [[Súdsineeske See]], dat it beskôge as syn besit. Nei't yn [[2016]] [[Donald Trump]] [[Amerikaanske presidintsferkiezings (2016)|keazen wie]] ta [[presidint fan 'e Feriene Steaten]], eskalearren de spannings mei Sina ta in [[Amerikaansk-Sineeske hannelsoarloch (2018-2019)|Amerikaansk-Sineeske hannelsoarloch]]. Oan 'e oare kant stelde Trump him foar Ruslân oer krekt tige fermoedsoenjend en tebekhâldend op, wylst er ek op oare mêden syn lân hieltyd fierder út 'e wrâldpolityk weromloek. Dat stelde Ruslân en Sina yn 'e gelegenheid om harren macht fierder út te wreidzjen yn it neidiel fan 'e Feriene Steaten.

De [[Ruslân|Russyske]] presidint [[Vladimir Pûtin]] wie yn [[2014]] al in [[Oekraïnekrisis|nij konflikt]] begûn doe't er it [[Oekraïne|Oekraynske]] [[skiereilân]] [[Krim|De Krim]] [[Russyske besetting fan de Krim|besette]] en letter [[Russyske anneksaasje fan de Krim|yllegaal anneksearje]] liet. Dêrnei sette Ruslân útein mei it opstokeljen fan 'e [[etnysk]] [[Russyske minderheid yn de Oekraïne|Russyske minderheid]] yn 'e [[Donbas]]-regio fan 'e eastlike Oekraïne tsjin it nije, op it [[Westerske wrâld|Westen]] oriïntearre regear yn [[Kiëv]]. Dat wie oan 'e macht kommen nei de [[Oekraynske Revolúsje (2014)|Oekraynske Revolúsje]] fan begjin [[2014]], wêrby't de [[korrupsje|korrupte]], pro-[[Ruslân|Russyske]] presidint [[Viktor Janûkovitsj]] ôfset wie. De Russyske aktiviteiten laten ta it útbrekken fan [[Donbasoarloch|in iepen opstân]] fan wapene rebellen yn it easten fan 'e Oekraïne, dy't yn [[july]] [[2014]] by fersin it [[Maleizje|Maleizyske]] [[ferkearsfleantúch]] [[Malaysia Airlines-flecht&nbsp;17]] delskeaten.

Yn 'e 2010-er jierren waard it [[ynternet fan de dingen]] sterk útwreide fanwegen nije ûntwikkelings op it mêd fan triedleaze [[apparatuer]], [[mobile tillefony]] en [[cloud (kompjûter)|opslach yn clouds]]. Troch it útrôljen fan [[5G|5G-netwurken]] en [[foarútgong]] oangeande [[dataferwurking]] koe [[ynformaasje]] no flugger oerbrocht wurde as ea tefoaren. Dat fasilitearre de tanimmende [[maatskiplik]]e ynfloed fan [[sosjale media]], lykas [[Facebook]], [[Twitter]] en [[Instagram]], en ek de opkomst fan [[streaming media|streamingstsjinsten]] op it mêd fan [[tillefyzje]], lykas [[Netflix]], en op it mêd fan [[muzyk]], lykas [[Spotify]]. Fierders makke it mooglik dat de [[online]]-organisaasje [[WikiLeaks]] geheime Amerikaanske oerheidsynformaasje publisearje koe oer û.m. [[Guantánamo Bay (legerbasis)|Guantánamo Bay]] en de Amerikaanske belutsenens by de [[Irakoarloch]], de [[oarloch yn Afganistan]] en de [[Syryske Boargeroarloch]]. De Amerikaanske [[klokkelieder]] [[Edward Snowden]], dy't bekendmakke dat de Amerikaanske oerheid it foar de moade hie om ôf te lústerjen wa't se mar ôflústerje woene, moast flechtsje en krige [[asylrjocht|asyl]] yn Ruslân. Oare Amerikaanske klokkelieders, lykas [[Chelsea Manning]] en [[Reality Winner]], krigen lange [[finzenisstraf]]fen oplein.

[[Kultureel]] waarden de 2010-er jierren yn in soad lannen karakterisearre troch in ferskowende hâlding en mear akseptaasje foar [[homo's]], [[lesbiënne]]s, [[biseksuëlen]] en [[transseksuëlen]] oer. [[Portegal]], [[Iislân]], [[Argentynje]], [[Denemark]], [[Brazylje]], [[Frankryk]], [[Oerûguay]], [[Nij-Seelân]], [[Ingelân]], [[Wales]], [[Skotlân]], [[Lúksemboarch (gruthartochdom)|Lúksemboarch]], [[Gûam]], de [[Feriene Steaten]], [[Porto Riko]], [[Ierlân]], [[Grienlân]], [[Kolombia]], [[Man (eilân)|Man]], [[Gibraltar]], [[Finlân]], de [[Falklâneilannen]], [[Guernsey]], de [[Fêreu-eilannen]], [[Malta]], [[Dútslân]], [[Austraalje (lân)|Austraalje]], [[Jersey]], [[Eastenryk]], [[Taiwan]] en [[Ekwador]] fierden it [[homohoulik]] yn. Ek op it mêd fan [[feminisme]] en [[emansipaasje]] waarden stappen set. It [[Me Too (hashtag)|#Me Too-skandaal]] brocht [[seksueel misbrûk]] fan [[froulju]] yn 'e [[filmyndustry]] fan [[Hollywood]] oan it ljocht, en wreide him doe út nei oare wurkmêden. It soarge foar in nije gewaarwurding fan hokker yngripende gefolgen [[seksuële yntimidaasje]] foar in [[libben]] hawwe kin. 

Fral yn 'e lêste helte stiene de 2010-er jierren fierders sterk yn it teken fan massale [[demonstraasje (protest)|demonstraasjes]] tsjin [[klimaatferoaring]] en it [[broeikaseffekt]], dat op alle wrâlddielen ta ekstreem [[waar]] late. Foarbylden dêrfan wiene [[hjitteweach|hjitteweagen]] yn [[West-Jeropa]], [[oerstreaming]]s yn [[East-Afrika]], oanhâldende [[boskbân|boskbrannen]] yn [[Austraalje (lân)|Austraalje]] en [[Noard-Amearika]] en [[orkaan|superorkanen]] as [[Orkaan Irma|Irma]] en [[Orkaan Haiyan|Haiyan]] yn it [[Karibysk Gebiet]], resp. [[Súdeast-Aazje]]. It yn [[2015]] sletten [[Klimaatakkoart fan Parys]] moast de klimaatferoaring tsjingean, mar neffens [[klimaataktivisme|klimaataktivisten]] diene de ûnderskate regearings fierstente min om klimaatferoaring oan te pakken.

==Wichtichste foarfallen==
[[File:Katastrofa_w_Smoleńsku.jpg|right|thumb|250px|De restanten fan [[delstoarten fan it Poalske regearingsfleantúch (2010)|it delstoarten]] [[Poalen|Poalsk]] [[regear]]ingsfleantúch by de [[Ruslân|Russyske]] [[stêd]] [[Smolensk]], dêr't yn [[2010]] alle ynsittenden by omkamen, ûnder wa de Poalske [[presidint]] [[Lech Kaczyński]].]]
[[File:Steve_Jobs_with_the_Apple_iPad_no_logo_(cropped).jpg|right|thumb|180px|[[Steve Jobs]], de [[algemien direkteur]] fan [[Apple, Inc.|Apple]], ûntbleatet yn [[2010]] de earste [[iPad]].]]
;[[2010]]
*[[4 jannewaris]] - De [[Burj Khalifa|Boerdj Chalifa]], in [[hotel]] yn [[Dûbai (stêd)|Dûbai]], yn 'e [[Feriene Arabyske Emiraten]], wurdt iepene. It is mei 828&nbsp;[[meter|m]] de heechste [[wolkekliuwer]] yn 'e wrâld.
*[[12 jannewaris]] - By [[ierdbeving yn Haïty (2010)|in swiere ierdbeving]] fan 7,0 op 'e [[skaal fan Richter]] komme yn [[Haïty]] likernôch 160.000 [[minske]]n om. Miljoenen Haïtianen reitsje dakleas.
*[[15 jannewaris]] - De [[Tsjadyske Boargeroarloch (2005-2010)|Tsjadyske Boargeroarloch]] wurdt beëinige.
*[[25 jannewaris]] - It [[ferkearsfleantúch]] [[Ethiopian Airlines-flecht 409]] stoart del yn 'e [[Middellânske See]] koart nei't it opstige is fan 'e [[lofthaven]] fan 'e [[Libanon|Libaneeske]] [[haadstêd]] [[Beirût]]. Dêrby komme alle 90 ynsittenden om.
*[[15 febrewaris]] - By de [[treinramp fan Halle]], by it [[Belgje|Belgyske]] [[Halle (Belgje)|Halle]], komme 19 [[minske]]n om en reitsje 171 oaren [[ferwûne]].
*[[18 febrewaris]] - By [[steatsgreep yn Niger (2010)|in steatgreep]] yn [[Niger]] wurdt [[presidint]] [[Mamadou Tandja]] ôfset en in [[militêr]]e [[diktatuer]] ynsteld ûnder lieidng fan [[Salou Djibo]].
* [[20 febrewaris]] - Yn [[Nederlân]] falt it [[Kabinet-Balkenende IV]] oer de kwestje fan it wol of net ferlingjen fan 'e [[Task Force Uruzgan|Nederlânske missy yn Afganistan]].
*[[27 febrewaris]] - By [[ierdbeving yn Sily (2010)|in ierdbeving]] fan 8,8 op 'e [[skaal fan Richter]], folge troch in [[tsûnamy]], komme yn [[Sily]] 525 [[minske]]n om. It [[episintrum]] leit op likernôch 115&nbsp;[[km]] fan [[Concepción (Sily)|Concepción]].
*[[20 maart]]-[[23 juny]] - Op [[Iislân]] [[Utbarsting fan de Eyjafjallajökull (2010)|barst oanhâldend]] de [[fulkaan]] de [[Eyjafjallajökull]] út. Dêrby wurdt sa'n soad [[fulkanyske jiske]] yn 'e [[atmosfear]] fan [[Noard-Jeropa]] en it [[Arktysk Gebiet]] pompt, dat de [[loftfeart]] yn dy regio der [[fersteuring fan de loftfeart nei de útbarsting fan de Eyjafjallajökull (2010)|sterk troch fersteurd]] wurdt.
*[[23 maart]] - De [[Feriene Steaten|Amerikaanske]] [[presidint]] [[Barack Obama]] ûndertekenet de [[Patient Protection and Affordable Care Act]], better bekend as 'Obamacare'. Dêrtroch krije tsientallen miljoenen Amerikanen foar it earst in [[syktekostefersekering]].
*[[26 maart]] - In [[Súd-Koreä|Súdkoreaansk]] [[marineskip]], de [[ROKS Cheonan|ROKS ''Cheonan'']], sinkt foar de [[Koreä|Koreaanske]] [[west]]kust, wêrby't 46 fan 104 opfarrenden omkomme. (In offisjeel ûndersyk komt yn [[maaie]] 2010 ta de konklúzje dat it skip sonken is nei't it rekke waard troch in [[Noard-Koreä|Noardkoreaanske]] [[torpedo]]. Noard-Koreä ûntstriidt eltse belutsenheid.)
*[[29 maart]] - By [[bomoanslach yn Moskou (2010)|in bomoanslach]] yn 'e [[metro (ferfiermiddel)|metro]] fan 'e [[Ruslân|Russyske]] [[haadstêd]] [[Moskou]] komme 40 [[minske]]n om en reitsje 102 oaren [[ferwûne]].
*[[7 april]] - By de [[Kirgizyske Revolúsje (2010)|Kirgizyske Revolúsje]] wurdt, nei ferheftige [[demonstraasje (protest)|demonstraasjes]] dy't útrinne op in [[opskuor]], [[presidint]] [[Koermanbek Bakijev]] ôfset, dy't de wyk nimt nei it bûtenlân.
*[[10 april]] - By [[delstoarten fan it Poalske regearingsfleantúch (2010)|it delstoarten]] fan in [[Poalen|Poalsk]] [[regear]]ingsfleantúch by de [[Ruslân|Russyske]] [[stêd]] [[Smolensk]] komme alle 96 ynsittenden om, ûnder wa de Poalske [[presidint]] [[Lech Kaczyński]].
*[[13 april]] - By [[ierdbeving fan Yushu (2010)|in ierdbeving]] fan 6,9 op 'e [[skaal fan Richter]] komme yn [[Sina]] teminsten 2.200 [[minske]]n om en reitsje mear as 12.000 oaren [[ferwûne]].
*[[14 april]] - [[Fulkanyske jiske]] yn 'e [[atmosfear]], ôfkomstich fan [[Utbarsting fan de Eyjafjallajökull (2010)|'e útbarsting]] fan 'e [[fulkaan]] de [[Eyjafjallajökull]], op [[Iislân]], begjint yn noardlik en westlik [[Jeropa]] [[fersteuring fan de loftfeart nei de útbarsting fan de Eyjafjallajökull (2010)|it loftferkear te fersteuren]].
*[[20 april]] - In [[ûntploffing]] op it [[boarplatfoarm]] ''[[Deepwater Horizon (boarplatfoarm)|Deepwater Horizon]]'' fan [[BP]], wêrby't 11 [[minske]]n omkomme, soarget foar [[oaljeramp mei de Deepwater Horizon|in miljeuramp]] yn 'e [[Golf fan Meksiko]] as neitiid it ekwivalint fan 800 miljoen fetten rouwe [[ierdoalje]] de [[see]] ynrint.
*[[2 maaie]] - De [[lân|lannen]] fan 'e [[eurosône]] en it [[Ynternasjonaal Monetêr Fûns]] (IMF) wurde it yn it ramt fan 'e [[Grykske Skuldekrisis]] iens oer in finansjeel helppakket oan [[Grikelân]] ter wearde fan [[€]]110 miljard. Yn ruil dêrfoar moat it Grykske [[regear]] strange en pynlike [[besuniging]]s trochfiere.
*[[12 maaie]] - It [[ferkearsfleantúch]] [[Afriqiyah Airways-flecht 771]] stoart del by de [[Lybje|Libyske]] [[haadstêd]] [[Tripoly (Lybje)|Tripoly]]. Dêrby komme alle 104 ynsittenden om, op ien [[jonge|jonkje]] nei. Under de [[dea]]den binne in soad [[Nederlân]]ske [[toerist]]en.
*[[19 maaie]] - De [[protesten yn Tailân (2010)|protesten yn Tailân]] wurde yn 'e [[haadstêd]] [[Bangkok]] troch it [[leger (striidkrêften)|leger]] bloedich de kop yndrukt, mei 91 [[dea]]den en mear as 2.100 [[ferwûne]]n as gefolch.
*[[28 maaie]] - By [[Bloedbad yn de Achmadija-moskeeën (2010)|oanslaggen]] op [[achmadija's|achmadija]]-[[moskee]]ën yn [[Pakistan]] (fan 'e [[achmadija's]], in ôfwikende streaming binnen de [[islaam]]) komme 87 [[minske]]n om en reitsje mear as 120 oaren [[ferwûne]].
*[[31 maaie]] - As in ynternasjonale float fan [[skip]]pen dy't folladen binne mei helpguod de [[Blokkade fan de Gaza-stripe|Blokkade fan 'e Gaza-stripe]] besiket te trochbrekken, fiert it [[Israel]]yske leger by [[nacht]] [[oerfal op 'e Gaza-float|in bloedige oerfal]] út op 'e float, wêrby't 9 [[frede|freedsume]] [[aktivist]]en [[fermoarde]] wurde. Om't de measte slachtoffers Turken binne, liedt dit [[bloedbad]] ta in djippe [[diplomasy|diplomatike krisis]] tusken Israel en [[Turkije]].
*[[5 juny]] - [[Portegal]] fiert it [[homohoulik]] yn.
*[[10 juny|10]]-[[14 juny]] - By [[etnyske opskuor yn súdlik Kirgyzje (2010)|in opskuor]] tusken [[etnysk]]e [[Kirgizen]] en leden fan 'e [[Oezbeekske minderheid yn Kirgyzje]] falle yn it suden fan [[Kirgyzje]] hûnderten [[dea]]den.
*[[27 juny]] - [[Iislân]] fiert it [[homohoulik]] yn.
*[[22 july]] - [[Argentynje]] fiert it [[homohoulik]] yn.
*[[25 july]] - [[WikiLeaks]] publisearret [[lek fan de dokuminten oer de Oarloch yn Afganistan|mear as 90.000 lekte dokuminten]] fan 'e [[Feriene Steaten|Amerikaanske]] [[oerheid]] oer de [[Oarloch yn Afganistan]]. Dêryn wurdt út 'e doeken dien hoe't de Amerikanen de lieders fan 'e [[Taliban]] [[fermoardzje]] sûnder foar fan [[rjochtsaak|proses]], almar mear op ôfstân oanfallen mei [[drone]]s útfiere, en bewiismateriaal ferdwine litte oangeande û.m. de [[dea]] fan [[boarger]]s by oanfallen fan Amerikaanske [[troepen]].
*[[29 july]] - By [[wettersneed yn Pakistan (2010)|wettersneed]] yn noardwestlik [[Pakistan]] nei de swierste [[moesson]]rein sûnt de registraasje begûn, komme teminsten 1.600 en miskien wol 3.000 [[minske]]n om. Miljoenen reitsje dakleas.
*[[5 augustus|5]]-[[13 oktober]] - By it [[mynûngelok fan Copiapó]] komme 33 [[Sily|Sileenske]] [[mynwurker]]s 700&nbsp;[[meter|m]] ûnder de grûn fêst te sitten. Pas nei 69 [[dagen]] kinne se befrijd wurde.
*[[10 augustus]] - De [[Wrâldsûnensorganisaasje]] (WHO) ferklearret de [[pandemy]] fan 'e [[bargegryp]] offisjeel foar betwongen. Dizze [[sykte]] hat yn 214 [[List fan lannen en territoaria|lannen en territoaria]] it libben kostje oan teminsten 18.138 [[minske]]n.
*[[4 septimber]] - By [[ierdbeving fan Christchurch (2010)|in ierdbeving]] fan 7,1 op 'e [[skaal fan Richter]] yn [[Christchurch (Nij-Seelân)|Christchurch]], op it [[Sudereilân (Nij-Seelân)|Sudereilân]] fan [[Nij-Seelân]], wurdt grutte skea oanrjochte, mar falle gjin [[dea]]den. Dit is de earste fan rige [[ierdbeving]]s dy't de [[stêd]] oant en mei [[2012]] treffe sille.
*[[10 oktober]] - De [[Nederlânske Antillen]] hâlde op te bestean. [[Kurasau]] en [[Sint-Marten (lân)|Sint-Marten]] wurde ôfhinklike [[lân|lannen]] binnen it [[Keninkryk fan 'e Nederlannen]], mei deselde status as [[Arûba]], wylst [[Bonêre]], [[Sint-Eustasius]] en [[Saba]] bysûndere [[gemeente (bestjoer)|gemeenten]] fan [[Nederlân]] wurde en [[Karibysk Nederlân]] komme te foarmjen.
*[[14 oktober]] - Yn [[Nederlân]] foarmje [[VVD]] en [[CDA]] in [[minderheidskabinet]] mei [[gedoochstipe]] fan 'e [[PVV]].
*[[22 oktober]] - [[WikiLeaks]] publisearret [[lek fan de dokuminten oer de Irakoarloch|krapoan 392.000 lekte dokuminten]] fan 'e [[Feriene Steaten|Amerikaanske]] [[oerheid]] oer de [[Irakoarloch]]. Dêrút blykt hoe't de Amerikanen [[marteling]], [[ferkrêfting]] en oare [[mishanneling]]s fan [[finzene]]n yn 'e dôfpot stopje, krektlyk as hoe't hûnderten [[boarger]]s troch Amerikaanske [[soldaten]] deasketten wurde by [[kontrôlepost]]en. Ek docht bliken dat de Amerikaanske oerheid mei opsetsin foutive ynformaasje ferspriedt oer it tal slachtoffers fan 'e oarloch.
*[[26 oktober]]-[[30 novimber]] - By [[Utbarstings fan de Merapi (2010)|oanhâldende útbarstings]] fan 'e [[fulkaan]] de [[Merapi (fulkaan)|Merapi]], op it [[Yndoneezje|Yndonezyske]] [[eilân]] [[Java]], komme troch [[delslach]] fan [[fulkanyske jiske]] en troch [[pyroklastyske stream]]en 353 [[minske]]n om en moatte hûnderttûzenen lju hûs en hurd ferlitte. Fanwegen alle jiske yn 'e [[atmosfear]] wurdt ek de [[loftfeart]] yn it gebiet stillein.
*[[13 novimber]] - De [[Birma|Birmeeske]] [[opposysje (polityk)|opposysje]]liedster [[Aung San Suu Kyi]] wurdt frijlitten út [[hûsarrest]], nei't se sûnt [[1989]] oanhâldend yn in foarm fan [[finzenskip]] trochbrocht hat.
*[[23 novimber]] - [[Noard-Koreä]] fiert [[bombardemint fan Yeonpyeong|in bombardemint]] út fan it [[Súd-Koreä|Súdkoreaanske]] [[eilân]] [[Yeonpyeong (eilân)|Yeonpyeong]]. Dêrby falle 4 [[dea]]den: 2 [[militêr]]en en 2 [[boarger]]s. Troch it ynsidint boazje de spannings op it [[Koreaanske Skiereilân]] sterk oan.
*[[17 desimber]] - It besykjen ta [[selsmoard fan Mohammed Bûazizi]], in [[Tuneezje|Tunezyske]] strjitferkeaper, jout oanlieding ta de [[Tunezyske Revolúsje]] en de [[Arabyske Maityd]] yn 'e hiele [[Arabieren|Arabyske wrâld]].
[[File:Wallst14occupy.jpg|right|thumb|200px|In [[demonstraasje (protest)|demonstraasje]] yn [[2011]] op [[Wall Street]] yn it ramt fan 'e [[Occupy-beweging]].]]
[[File:Osama_bin_Laden_portrait.jpg|right|thumb|180px|[[Osama bin Laden]], de lieder fan 'e [[terrorist]]yske beweging [[Al-Qaida]], waard yn [[2011]] troch [[Feriene Steaten|Amerikaanske]] [[kommando's]] yn [[Pakistan]] [[fermoarde]].]]
[[File:Tahrir_Square_during_8_February_2011.jpg|right|thumb|250px|[[Demonstranten]] op it [[Tachrirplein]] yn [[Kaïro]] ûnder de [[Egyptyske Revolúsje (2011)|Egyptyske Revolúsje fan 2011]].]]
[[File:NTC_fighters_claim_Bani_Walid.jpg|right|thumb|250px|[[Opstanneling]]en fiere yn [[2011]] it ûnder fuotten heljen fan it [[rezjym (regear)|rezjym]] fan [[Mûammar Kadaffi|Mûammar Chadaffi]] yn 'e [[Earste Libyske Boargeroarloch]].]]
[[File:Muammar_al-Gaddafi_1-1.jpg|right|thumb|180px|De ôfsette [[Lybje|Libyske]] [[diktator]] [[Mûammar Kadaffi|Mûammar Chadaffi]] waard yn [[2011]] fuort nei syn [[finzen]]name [[fermoarde]].]]

;[[2011]]
*[[1 jannewaris]] - [[Estlân]] fiert de [[euro]] yn as [[muntienheid]].
*[[8 jannewaris]] - By [[oanslach op Gabrielle Giffords|in oanslach]] op 'e [[Feriene Steaten|Amerikaanske]] [[politika]] [[Gabrielle Giffords]], in lid fan it [[Amerikaanske Hûs fan Offurdigen|Hûs fan Offurdigen]], komme yn 'e neite fan 'e [[stêd]] [[Tucson (Arizona)]] [[rjochter]] [[John Roll]] en 5 oaren om en reitsje nochris 13 [[minske]]n [[ferwûne]]. Giffords sels wurdt yn 'e [[holle]] rekke, mar oerlibbet de [[oanslach (misdriuw)|oanslach]].
*[[9 jannewaris|9]]-[[15 jannewaris]] - By [[Súdûdaneesk ûnôfhinklikheidsreferindum (2011)|in referindum]] yn [[Súd-Sûdaan]] stimt in oerweldigjende mearderheid fan 'e [[befolking]] foar ûnôfhinklikheid fan harren [[lân]] fan [[Sûdaan]].
*[[14 jannewaris]] - Yn it ramt fan 'e [[Tunezyske Revolúsje]] nimt [[diktator]] [[Zine el-Abidine Ben Ali]] nei in [[moanne (tiid)|moanne]] fan almar fûleindiger [[demonstraasje (protest)|demonstraasjes]] de wyk nei [[Saûdy-Araabje]]. Hy hat 23&nbsp;jier regearre. [[Premier]] [[Mohammed Gannûtsji]] en [[parlemintsfoarsitter]] [[Fûad Mebazaä]] nimme de macht yn [[Tuneezje]] oer. Dit is it begjin fan 'e [[Arabyske Maityd]].
*[[25 jannewaris]] - Yn it ramt fan 'e [[Arabyske Maityd]] begjinne yn [[Egypte]] massale [[demonstraasje (protest)|demonstraasjes]] tsjin it rezjym fan [[diktator]] [[Hosni Mûbarak]]. Dit is it begjin fan 'e [[Egyptyske Revolúsje (2011)|Egyptyske Revolúsje]].
*[[11 febrewaris]] - By de [[Egyptyske Revolúsje (2011)|Egyptyske Revolúsje]] wurdt yn it ramt fan 'e [[Arabyske Maityd]] nei 18 dagen fan fûleindich [[demonstraasje (protest)|protest]] [[diktator]] [[Hosni Mûbarak]] ôfset.
*[[15 febrewaris]] - Yn [[Lybje]] brekt yn it ramt fan 'e [[Arabyske Maityd]] de [[Earste Libyske Boargeroarloch]] út, in [[wapen]]e [[opstân]] tsjin it rezjym fan [[diktator]] [[Mûammar Kadaffi|Mûammar Chadaffi]].
*[[22 febrewaris]] - By [[ierdbeving fan Christchurch (2011)|in ierdbeving]] fan 6,3 op 'e [[skaal fan Richter]] komme yn [[Christchurch (Nij-Seelân)|Christchurch]], op it [[Sudereilân (Nij-Seelân)|Sudereilân]] fan [[Nij-Seelân]], 185 [[minske]]n om. 
*[[6 maart]] - Yn [[Syrje]] brekt yn it ramt fan 'e [[Arabyske Maityd]] in [[opstân|folksopstân]] út as 15 tinerjonges yn 'e súdlike [[stêd]] [[Deraä]] [[arrestaasje|arrestearre]] wurde foar it oanbringen fan [[graffity]] op 'e [[muorre]] fan harren skoalle, wêryn't se de [[diktatuer]] fan [[Basjir al-Assad]] ôfrinne litten hawwe. Dit is it alderierste begjin fan 'e [[Syryske Boargeroarloch]].
*[[11 maart]] - In [[ierdbeving fan Tohoku (2011)|swiere ierdbeving]] fan 9,0 op 'e [[skaal fan Richter]] foar de [[kust]] fan [[Japan]] feroarsaket in [[tsûnamy]] fan mear as 9&nbsp;[[meter|m]] heech. Der falle 15.893 [[dea]]den, 2.565 [[minske]]n reitsje fermist en mear as 150.000 oaren moatte duorjend hûs en hiem ferlitte, net inkeld omreden fan 'e ûnbidige ferwuostging, mar ek om't in [[kearnsintrale]] by [[Fukushima]] swier skansearre rekket. Dat liedt ta de [[kearnramp fan Fukushima]], wêrby't in grut gebiet [[radioaktiviteit|radioaktyf]] besmet rekket.
*[[15 maart]] - De [[Syryske Boargeroarloch]] brekt út: yn it ramt fan 'e [[Arabyske Maityd]] komt yn in grut diel fan [[Syrje]] de [[befolking]] yn [[opstân]] tsjin 'e ûnmeilydsume [[diktatuer]] fan [[presidint]] [[Basjir al-Assad]]. It rezjym reägearret mei ûnmeilydsume ûnderdrukking en troch ferskate [[stêd]]en te [[belegerjen]]. 
*[[15 maart]] - Fanwegen de [[Folksopstân yn Bachrein (2011)|Folksopstân yn Bachrein]], dy't útbrutsen is yn it ramt fan 'e [[Arabyske Maitiid]], ropt [[kening]] [[Hamad bin Isa al-Chalifa]] foar in fearnsjier de [[needtastân]] út. [[Saûdy-Araabje]] stjoert [[troepen]] dy't de rebûlje ûnmeilydsum de kop yndrukke.
* [[9 april]] - In 24-jierrige [[man (persoan)|man]] sjit yn it [[winkelsintrum]] De Ridderhof, yn 'e [[Nederlân]]ske [[stêd]] [[Alfen oan de Ryn]], yn it wylde wei om him hinne. By dat [[Bloedbad fan Alfen oan de Ryn]] falle 7 [[dea]]den, ynkl. de dieder. 
*[[11 april]] - De eardere [[Ivoarkust|Ivoriaanske]] [[presidint]] [[Laurent Gbagbo]] wurdt yn syn [[wente]] yn [[Abidjan]] [[arrestaasje|arrestearre]] troch [[soldaten]] dy't trou binne oan presidint [[Alassane Ouattara]], mei stipe fan [[Frankryk|Frânske]] [[troepen]]. Dêrmei komt in ein oan 'e [[Ivoriaanske Krisis (2010-2011)|Ivoriaanske Krisis fan 2010-2011]] en oan 'e [[Twadde Ivoriaanske Boargeroarloch]].
* [[12 april]] - De [[Japan]]ske autoriteiten erkenne dat de [[kearnramp fan Fukushima]], dy't ûntstie nei de [[ierdbeving fan Tohoku (2011)|swiere ierdbeving en tsûnamy fan 11 maart]], it heechste nivo fan de [[INES-skaal]] berikt hat.
*[[25 april|25]]-[[28 april]] - By [[Tornado-útbraak (april 2011)|in útbraak]] fan [[tornado's]] komme yn 'e [[Feriene Steaten]] 342 [[minske]]n om.
*[[2 maaie]] - [[Osama bin Laden]], de lieder fan 'e [[islamisme|islamistyske]] [[terrorisme|terreurbeweging]] [[al-Qaida]], wurdt [[fermoarde]] as [[kommando's]] fan 'e [[Feriene Steaten|Amerikaanske]] [[marine]] in ynfal dogge yn syn geheime wente yn it [[Pakistan|Pakistaanske]] [[Abbottabad]].
*[[21 maaie]] - De [[fulkaan]] [[Grímsvötn]], op [[Iislân]], [[Utbarsting fan de Grímsvötn (2011)|barst út]] en fersteurt dêrmei it [[loftfeart|loftferkear]] yn noardlik en westlik [[Jeropa]].
*[[22 maaie]] - De [[tornado fan Joplin (2011)|tornado fan Joplin]] makket it [[Feriene Steaten|Amerikaanske]] plak [[Joplin (Missoery)]] mei de grûn lyk. Dêrby falle 161 [[dea]]den.
*[[26 maaie]] - De eardere [[Bosnyske Serven|Bosnysk-Servyske]] [[generaal]] [[Ratko Mladić]] wurdt yn [[Servje]] oppakt nei't er likernôch fyftjin jier ûnderdûkt sitten hat. It [[Joegoslaavjetribunaal]] yn [[De Haach]] siket him fanwegen oanklachten fan [[genoside]], [[oarlochsmisdie]]den en [[misdieden tsjin 'e minsklikheid]].
*[[28 juny]] - De [[Itens- en Lânbou Organisaasje]] (FAO) makket bekend dat de [[ko]]wesykte [[feepest]] wrâldwiid útrûge is.
*[[9 july]] - [[Súd-Sûdaan]] wurdt ûnôfhinklik fan [[Sûdaan]].
*[[20 july]] - De [[Feriene Naasjes]] ferklearje de sitewaasje yn súdlik [[Somaalje]] offisjeel ta [[hongersneed]]. It is [[hongersneed yn de Hoarn fan Afrika (2011)|de earste hongersneed]] yn de [[Hoarn fan Afrika]] yn mear as 30 jier.
*[[21 july]] - Mei de lâning fan it [[romtefear]] [[Atlantis (space shuttle)|''Atlantis'']] by it [[Kennedy Space Center]] yn [[Floarida]] komt der in ein oan it [[space shuttle-programma]] fan 'e [[Feriene Steaten|Amerikaanske]] [[romtefeart]]organisaasje [[NASA]].
*[[22 july]] - By [[oanslaggen yn Noarwegen (2011)|syn oanslaggen]] yn 'e [[Noarwegen|Noarske]] [[haadstêd]] [[Oslo]] en op it [[eilân]] [[Utøya]] [[fermoardet]] de [[neo-nazisme|neo-nazy]] en [[terrorisme|terrorist]] [[Anders Breivik]] 77 [[minske]]n (wêrûnder 69 tiners op Utøya) en [[ferwûne]]t er nochris teminsten 318 oaren.
*[[31 july]]-[[16 jannewaris]] [[2012]] - Yn [[Tailân]] brekt [[Taiske wettersneed (2011)|swiere wettersneed]] út, dêr't 12,8 miljoen [[minske]]n mei te krijen hawwe. De [[haadstêd]] [[Bangkok]] strûpt derûnder. Der komme 815 [[minske]]n om en der wurdt foar 1.440 miljard [[Taiske baht|baht]] ([[$]]45 miljard) oan skea oanrjochte.
*[[20 augustus|20]]-[[28 augustus]] - Yn it ramt fan 'e [[Earste Libyske Boargeroarloch]] feroverje de [[rebel]]len yn 'e [[Slach om Tripoly (2011)|Slach om Tripoly]] de [[Lybje|Libyske]] [[haadstêd]]. Dêrmei wurdt de [[diktatuer]] fan [[Mûammar Kadaffi|Mûammar Chadaffi]] ûnder fuotten helle.
*[[10 septimber]] - De [[fearboat]] [[MS Spice Islander I|MS ''Spice Islander I'']] sinkt foar de [[kust]] fan it [[Tanzania]]anske [[eilân]] [[Sansibar (eilân)|Sansibar]]. Dêrby komme 240 fan 'e 800 opfarrenden om.
*[[17 septimber]] - Hûnderten [[demonstranten]] begjinne yn it ramt fan folksprotesten tsjin 'e [[Bankekrisis]], dy't feroarsake is troch de [[graaikultuer]] yn it [[bankwêzen]], de [[Occupy Wall Street]]-beweging. Dêrby besette se [[Wall Street]], yn it finansjele hert fan [[New York-Stêd]]. Al rillegau ûntstiet hjirút de bredere [[Occupy-beweging]], dy't tsjin [[oktober]] yn in grut tal oare [[stêd]]en yn 82 [[lân|lannen]] soartgelikense besettingsaksjes útfierd.
*[[13 oktober]] - Mei de ferovering fan 'e [[stêd]] [[Sirte]] en de fal fan it rezjym fan [[diktator]] [[Mûammar Kadaffi|Mûammar Chadaffi]] komt yn [[Lybje]] in ein oan 'e [[Earste Libyske Boargeroarloch]].
*[[18 oktober]] - By de [[finzeneruil fan Gilad Shalit]] wikselet [[Israel]] 1.027 [[finzen]] [[Palestina|Palestinen]] út tsjin 'e Israelyske [[soldaat]] [[Gilad Shalit]], dy't troch de militante Palestynske beweging [[Hamas]] fêstholden wurdt.
*[[20 oktober]] - De ôfsette [[diktator]] fan [[Lybje]], [[Mûammar Kadaffi|Mûammar Chadaffi]], wurdt frijwol daliks nei syn [[arrestaasje]] yn [[Sirte]] op 'e strjitte [[Dea fan Mûammar Kadaffi|deasketten]].
*[[20 oktober]] - De Baskyske [[separatisme|ôfskiedingsbeweging]] [[ETA]] beëiniget syn striid foar in ûnôfhinklik Spaansk Baskelân, dy't 43 jier duorre hat en oan mear as 800 [[minske]]n it libben koste hat.
*[[16 novimber]] - De [[Itaalje|Italjaanske]] [[premier]] [[Silvio Berlusconi]] moat ôftrede fanwegen beskuldigings dat er [[seksuële omgong]] hân hat mei in [[minderjierrich]] [[famke]]. Dit [[skandaal]] stiet bekend as [[Rubygate]].
* mids [[desimber]] - Yn 'e [[Amerikaanske steat]] [[Kalifornje]] begjint de [[Kalifornyske Drûchte (2011-2017)|Kalifornyske Drûchte fan 2011-2017]].
*[[15 desimber]] - De [[Feriene Steaten]] ferklearje de [[Irakoarloch]] offisjeel foar beëinige. Dêrmei komt in ein oan 'e [[opstân yn Irak 2003-2011]], mar tagelyk begjint [[Opstân yn Irak (2011-hjoed)|in nije opstân]].
*[[17 desimber]] - [[Noard-Koreä]] wurdt yn djippe [[rou]] dompele as [[diktator]] [[Kim Jong-il]] komt te [[ferstjerren]] nei 17 jier oan 'e macht west te hawwen. Hy wurdt opfolge troch syn [[soan]] [[Kim Jong-un]].
[[File:Malala_Yousafzai_at_Girl_Summit_2014.jpg|right|thumb|180px|De [[Pakistan|Pakistaanske]] [[minskerjochte]]-[[aktiviste]] [[Malala Yousafzai]] oerlibbe yn [[2012]] in [[moardoanslach]] troch de [[Taliban]].]]

;[[2012]]
*[[13 jannewaris]] - Troch de dryste en ûnferantwurdlike aksjes fan [[kaptein (skipfeart)|kaptein]] [[Francesco Schettino]] rint it [[cruiseskip]] de ''[[Costa Concordia]]'' foar de [[kust]] fan [[Isola del Giglio]], yn [[Itaalje]], op in rif en [[kapseizen|kapseist]]. Dêrby komme 32 [[minske]]n om.
*[[16 jannewaris]] - Yn it noarden fan [[Maly]] brekt [[Tûarek-opstân (2012)|in opstân]] út mank de [[etnysk]]e [[Tûarek (folk)|Tûareks]].
*[[17 febrewaris]] - De [[Nederlân]]ske [[prins]] [[Johan Friso fan Oranje-Nassau fan Amsberg|Johan Friso]] rekket op [[wintersport]] yn [[Eastenryk]] ûnder it [[sky]]en bûten de [[pyste (skyen)|pyste]] bedobbe troch in [[lawine]]. Hy wurdt yn [[ferwûne|kritike tastân]] nei it [[sikehûs]] fan [[Innsbruck]] brocht, dêr't de [[dokter]]s syn [[libben]] rêde. De prins komt lykwols net mear by út syn [[koma]].
*[[11 maart|11]]-[[22 maart]] - By [[oanslaggen yn Toulouse en Montauban]], yn it suden fan [[Frankryk]], troch in [[islamisme|islamistyske]] [[terrorist]], komme 8 [[minske]]n om (ynkl. de dieder) en reitsje 5 oaren [[ferwûne]].
*[[22 maart]] - By [[steatsgreep yn Maly (2012)|in steatgreep]] yn [[Maly]] wurdt [[presidint]] [[Amadou Toumani Touré]] ôfset troch [[opstân|opstannige]] [[militêr]]en.
*[[6 april]] - De [[etnysk]]e [[Tûarek (folk)|Tûarek]]-[[Tûarek-opstân (2012)|rebellen]] fan 'e [[Nasjonale Beweging foar de Befrijing fan Azawad|MNLA]] roppe yn noardlik [[Maly]] in eigen [[lân|steat]] út, [[Azawad]].
*[[22 april]] - By [[Frânske presidintsferkiezings (2012)|presidintsferkiezings]] yn [[Frankryk]] komt de [[sosjalist]] [[François Hollande]] oan 'e macht.
*[[26 april]] - De eardere [[Libearia|Liberiaanske]] [[presidint]] [[Charles Taylor]] wurdt troch it [[Ynternasjonaal Strafhof]] yn 11 gefallen skuldich befûn oan [[mandéligens]] oan 'e [[oarlochsmisdie]]den en [[misdieden tsjin 'e minsklikheid]] ûnder de [[Sierraleöanske Boargeroarloch|de boargeroarloch]] yn buorlân [[Sierra Leöane]].
*[[3 juny]] - It [[ferkearsfleantúch]] [[Dana Air-flecht 992]] stoart del yn 'e [[Nigearia|Nigeriaanske]] [[stêd]] [[Lagos]], wêrby't alle 153 ynsittenden en 10 [[minske]]n op 'e grûn omkomme.
*[[15 juny]] - [[Denemark]] fiert it [[homohoulik]] yn.
*[[30 juny]] - By frije en [[demokratysk]]e [[Egyptyske presidintsferkiezings (2012)|ferkiezings]] yn [[Egypte]] wurdt [[Mohammed Morsi]], de kandidaat fan 'e [[islamisme|islamistyske]] [[Moslimbruorskip]], keazen ta [[presidint]]. 
*[[20 july]] - By it [[Bloedbad fan Aurora]] sjit de [[sljochtsinnigens|geastlik steurde]] [[James Holmes (moardner)|James Holmes]] yn in [[bioskoop]] yn [[Aurora (Kolorado)|Aurora]], yn 'e [[Amerikaanske steat]] [[Kolorado]], 12 [[minske]]n dea. Ek [[ferwûne]]t er 58 oaren. Holmes wurdt by de bioskoop troch de [[plysje]] [[arrestaasje|arrestearre]].
*[[30 july|30]]-[[31 july]] - By de [[Yndiaaske blackout (2012)|Yndiaaske blackout]], de meast wiidfiemjende útfal fan [[elektrisiteit]] yn 'e [[skiednis]] fan 'e wrâld, komme yn [[Yndia]] 620 miljoen [[minske]]n yn it tsjuster te sitten.
*[[31 augustus]] - [[Armeenje]] ferbrekt de [[diplomasy|diplomatike relaasjes]] mei [[Hongarije]], nei't dat [[lân]] [[Ramil Safarov]] útleveret oan syn heitelân [[Azerbeidzjan]], dêr't er fuort nei oankomst [[graasje]] kriget. (Safarov wie feroardiele foar de [[moard]] op in Armeenske [[soldaat]] yn Hongarije yn [[2004]].)
*[[11 septimber|11]]-[[12 septimber]] - By [[oanslach op it Amerikaanske konsulaat yn Bengazi|in oanslach]] op it [[Feriene Steaten|Amerikaanske]] [[konsulaat (gebou)|konsulaat]] en [[CIA|CIA-kantoar]] yn 'e [[Lybje|Libyske]] [[stêd]] [[Bengazi]] komme 4 Amerikanen om, ûnder wa [[J. Christopher Stevens]], de Amerikaanske [[ambassadeur]] yn Lybje.
*[[9 oktober]] - It [[Pakistan|Pakistaanske]] [[famke|skoalfamke]] [[Malala Yousafzai]], in [[aktiviste]] foar [[frouljusrjochten]], wurdt by in [[moardoanslach]] troch de [[Taliban]] yn 'e [[holle]] sketten. Hja oerlibbet har [[ferwûning]]s, mar moat mei har [[âlden]] yn [[ballingskip]] gean yn it [[Feriene Keninkryk]] om't it yn Pakistan te gefaarlik foar har bliuwt.
*[[10 oktober]] - Yn [[Karibysk Nederlân]] ([[Bonêre]], [[Saba]] en [[Sint-Eustasius]]) wurdt it [[homohoulik]] ynfierd.
*[[16 oktober]] - Yn [[Nederlân]] wurde 7 [[skilderij]]en, mei in mienskiplike wearde fan [[$]]25 miljoen, [[keunstrôf út de Kunsthal|stellen]] út 'e [[Kunsthal]] yn [[Rotterdam]].
*[[24 oktober]]-[[2 novimber]] - De [[orkaan]] [[Sandy (orkaan)|Sandy]] feroarsaket op [[Jamaika]], [[Hispanjoala]], [[Porto Riko]], [[Kuba]] en de [[Bahama's]] en yn 'e [[Feriene Steaten]] en [[Kanada]] yn totaal 233 [[dea]]den (wêrfan 159 yn 'e Feriene Steaten). De materiële skea bedraacht mear as [[$]]75 miljard. Benammen de [[Amerikaanske steaten]] [[Nij-Jersey]] en [[New York (steat)|New York]] wurde swier troffen.
*[[6 novimber]] - By [[Amerikaanske presidintsferkiezings (2012)|de presidintsferkiezings]] yn 'e [[Feriene Steaten]] ferslacht de [[Demokratyske Partij (Feriene Steaten)|Demokraat]] [[Barack Obama]] syn [[Republikeinske Partij (Feriene Steaten)|Republikeinske]] tsjinstanner [[Mitt Romney]], en wint dêrmei in twadde termyn as [[presidint]].
*[[14 novimber|14]]-[[21 novimber]] - It [[Israel]]yske [[leger (striidkrêften)|leger]] fermoardet by [[Operaasje Pillar of Defense|in operaasje]] yn 'e [[Gaza-stripe]] [[Achmed Djabari]], in foaroanman fan 'e militante [[Palestina|Palestynske]] [[Hamas]]beweging. Yn 'e [[wike]] dy't folget op dy [[moard]] komme 140 Palestinen en 5&nbsp;Israeliërs om by in oanboazjende [[geweld]]sspiraal. Uteinlik witte [[Egypte]] en de [[Feriene Steaten]] troch bemiddeling in [[sjitferbod]] te bewurkmasterjen.
*[[29 novimber]] - De [[Algemiene Gearkomste fan de Feriene Naasjes]] stimt yn mei [[Moasje 67/19 fan de Algemiene Gearkomste fan de Feriene Naasjes|in foarstel]] om [[Palestina]] de status fan [[waarnimmer by de Algemiene Gearkomste fan de Feriene Naasjes|waarnimmer]] te jaan. Dat liedt ta fûleindige [[krityk]] fan 'e kant fan [[Israel]] en de [[Feriene Steaten]].
*[[2 desimber]] - De [[tyfoan]] [[Tyfoan Bopha|Bopha]] (yn 'e Filipinen bekend as Pablo) feroarsaket yn 'e [[Filipinen]] teminsten 1.067 [[dea]]den (en 838 fermissings) en rjochtet foar miljoenen [[dollar]]s oan skea oan.
*[[8 desimber]] - De [[Konferinsje oangeande Klimaatferoaring fan de Feriene Naasjes (2012)|Konferinsje oangeande Klimaatferoaring]] yn [[Katar]] beslút dat it [[Kyoto-protokol]] oant [[2020]] fan krêft bliuwt.
*[[14 desimber]] - By it [[Bloedbad op de Sandy Hook Elementary School]] komme yn it [[Feriene Steaten|Amerikaanske]] plak [[Newtown (Konettikut)]] 28 [[minske]]n om (ynklusyf de dieder) en reitsje 2 oaren [[ferwûne]] as in [[sljochtsinnigens|geastlik steurde]] man op in [[basisskoalle]] it fjoer iepenet op [[learling]]en en [[ûnderwizer]]s.
*[[16 desimber]] - Yn in [[autobus|bus]] fan it [[iepenbier ferfier]] yn 'e [[Yndia]]aske [[stêd]] [[Delhi]] fynt de [[groepsferkrêfting yn Delhi (2012)|de groepsferkrêfting]] fan [[Jyoti Singh Pandey]] plak, in 23-jierrige [[fysioterapy]]studinte. Seis [[manlju]], wêrûnder de [[bussjauffeur]], dogge mei oan 'e [[ferkrêfting]] en oan it [[mishanneling|yninoar slaan]] fan Jyoti har ([[manlik]]e) freon Awindra Pratap Pandey. Jyoti wurdt mei in [[metaal|metalen]] steaf ynwindich sa [[tramtearre]] dat se 13 [[dagen]] letter oan har [[ferwûning]]s komt te [[ferstjerren]]. Dizze [[misdriuw|misdie]] bringt yn Yndia in weach fan [[lulkens]] tewei, mei massale [[demonstraasje (protest)|demonstraasjes]] dy't it ûnderwerp fan [[seksuële mishanneling|seksueel geweld]] tsjin [[froulju]] yn it lân einlings op 'e aginda set.
[[File:Iran_negotiations_about_Iran's_nuclear.jpg|right|thumb|250px|[[Underhanneling]]s oer de saneamde [[Iraan-deal]] wurde yn [[2013]] holden yn [[Sjenêve]].]]
[[File:1st_Boston_Marathon_blast_seen_from_2nd_floor_and_a_half_block_away.jpg|right|thumb|250px|De [[bomoanslaggen op de Maraton fan Boston]], yn [[2013]].]]
[[File:Benedykt_XVI_(2010-10-17)_4.jpg|right|thumb|180px|[[Benediktus XVI]] wie yn [[2013]] de earste [[paus]] sûnt [[1294]], dy't frijwillich [[abdikaasje|abdisearre]].]]

;[[2013]]
*[[11 jannewaris]] - De [[Frankryk|Frânske]] [[striidkrêften]] ynterveniëarje oan 'e kant fan it [[regear]] fan [[Maly]] yn 'e [[oarloch yn Noard-Maly]]. Harren ynminging yn 'e striid is rjochte tsjin 'e [[islamisme|islamistyske]] groepearring [[Ansar Dine]], dy't konneksjes hat mei de [[terrorisme|terroristyske]] beweging [[al-Qaida]].
*[[16 jannewaris|16]]-[[20 jannewaris]] - By de [[Gizelingskrisis fan In Amenas]], yn súdlik [[Algerije]], komme 39 [[arbeider]]s en 1 [[befeiliging]]sagint om as se yn in [[ierdgas]]fabryk [[gizeling (misdriuw)|gizele]] wurde troch [[islamisme|islamistyske]] [[terrorisme|terroristen]].
* [[21 jannewaris]] - Yn 'e [[Feriene Steaten|Amerikaanske]] [[haadstêd]] [[Washington, D.C.]] wurdt [[Barack Obama]] foar de twadde kear [[ynauguraasje|ynaugurearre]] as [[presidint fan 'e Feriene Steaten]].
*[[27 jannewaris]] - By [[Brân yn de Kiss-nachtklub|in brân]] yn in [[nachtklub]] yn [[Santa Maria (Rio Grande do Sul)|Santa Maria]], yn [[Brazylje]], komme 242 [[minske]]n om, allegear út 'e leeftydskategory tusken de 18 en 25 jier.
*[[6 febrewaris]] - Yn [[Tuneezje]] wurdt [[Tsjokri Belaid]], de lieder fan 'e [[opposysje (polityk)|opposysjepartij]] [[Feriene Partij fan Demokratyske Patriotten|DPUP]], by in [[oanslach (misdriuw)|oanslach]] [[fermoarde]].
*[[7 febrewaris]] - In swiere [[sniestoarm]] bûket yn op 'e noardeastlike [[Feriene Steaten]] en it easten fan [[Kanada]]. By dizze [[Sniestoarm fan Febrewaris (2013)|Sniestoarm fan Febrewaris]] komt in rekôrhoemannichte [[snie]] del en ferlieze 18 [[minske]]n it [[libben]].
* [[18 febrewaris]]- Op 'e [[lofthaven]] fan 'e [[Belgje|Belgyske]] [[haadstêd]] [[Brussel]] hat in [[rôf|diamantrôf]] plak. Der wurdt foar likernôch 50 miljoen [[dollar]] oan rouwe [[diamant]]en stellen.
*[[28 febrewaris]] - [[Paus]] [[Benediktus XVI]] [[abdikaasje|abdisearret]]. Hy is de earste [[paus]] fan [[Rome (stêd)|Rome]] dy't frijwillich ôftreedt sûnt [[Selestinus V (paus)|Selestinus&nbsp;V]] yn [[1294]].
*[[5 maart]] - De [[populisme|populistyske]] [[presidint]] fan [[Fenezuëla]] [[Hugo Chávez]] komt mei 58 jier te [[ferstjerren]] oan [[kanker]]. Hy hat syn [[lân]] 14 jier lang [[regearre]], en wurdt opfolge troch syn [[fise-presidint]] [[Nicolás Maduro]].
*[[10 maart|10]]-[[11 maart]] - By [[Falklâneilânsk soevereiniteitsreferindum|in referindum]] op 'e [[Falklâneilannen]] stimt in oerweldigjende mearderheid fan 91,9% fan 'e kiezers foar it behâld fan 'e status fan [[Britsk oerseesk gebietsdiel|oerseesk gebietsdiel fan it Feriene Keninkryk]]. Dit yn it ljocht fan oanhâldende druk fan [[Argentynje]] om [[ûnderhanneling]]s te begjinnen oer de 'weromjefte' fan 'e [[arsjipel]].
*[[13 maart]] - De [[Argentynje|Argentynske]] [[kardinaal]] Jorge Mario Bergoglio wurdt keazen as de nije [[paus]] fan [[Rome (stêd)|Rome]]. Hy komt op 'e [[Hillige Stoel]] ûnder de [[pausenamme|namme]] [[Fransiskus (paus)|Fransiskus]]. Hy is de earste paus dy't ôfkomstich is fan it [[súdlik healrûn]], de earste paus dy't ôfkomstich is fan it [[westlik healrûn]] ([[Amearika]]) en de earste [[jezuïten|jezuïtyske]] paus.
*[[19 maart]] - De nije [[paus]] [[Fransiskus (paus)|Fransiskus]] wurdt yn it [[Fatikaan]] ynstalearre op 'e [[Hillige Stoel]].
*[[25 maart]] - De [[lân|lannen]] fan 'e [[eurosône]] beslute yn it ramt fan 'e ynternasjonale [[Bankekrisis]] (en de dêrút fuortkommende [[Syprioatyske Bankekrisis (2012-2013)|Syprioatyske Bankekrisis]]) ta in helppakket foar [[Syprus]] ter wearde fan [[€]]10 miljard.
*[[8 april]] - It [[ferstjerren]] fan 'e eardere [[Feriene Keninkryk|Britske]] [[premier]] [[Margaret Thatcher]], dy't yn [[Skotlân]] en [[Wales]] en by it sljochtwei folk yn [[Ingelân]] tige [[hate]] wie, ropt yn it [[Feriene Keninkryk]] benammen blydskip op. It [[liet]] ''Ding Dong, the Witch is Dead'' ("Ding Dong, de Heks is Dea"), út 'e [[musical]] ''The Wizard of Oz'', kringt de top 10 fan 'e Britske [[hitlist]]en binnen. 
*[[15 april]] - By [[bomoanslaggen op de Maraton fan Boston|twa bomoanslaggen]] troch [[islamisme|islamistyske]] [[terrorist]]en op 'e [[Maraton fan Boston]], yn 'e [[Feriene Steaten|Amerikaanske]] [[stêd]] [[Boston]], komme 3 [[minske]]n om en reitsje likernôch 264 oaren [[ferwûne]].
*[[24 april]] - By it [[ynstoarten fan in gebou yn Savar (2013)|it ynstoarten]] fan in [[fabryk]]sgebou yn [[Savar]], in [[foarstêd]] fan 'e [[Bangladesj|Bingaalske]] [[haadstêd]] [[Dhaka]], komme 1.129 [[minske]]n om reitsje mear as 2.000 oaren [[ferwûne]].
*[[30 april]] - [[Troanswikseling yn Nederlân (2013)|Troanswikseling yn Nederlân]]: [[Keninginne]] [[Beatrix fan 'e Nederlannen|Beatrix]] docht [[ôfstân fan 'e troan]] yn it foardiel fan har [[soan]], [[Willem-Alexander fan 'e Nederlannen|Willem-Alexander]].
*[[16 maaie]] - [[Brazylje]] fiert (lanlik) it [[homohoulik]] yn.
*[[18 maaie]] - [[Frankryk]] fiert it [[homohoulik]] yn.
*[[20 maaie]] - De [[stêd]] [[Moore (Oklahoma)|Moore]], yn 'e [[Amerikaanske steat]] [[Oklahoma]] wurdt fierhinne mei de grûn lyk makke troch [[tornado fan Moore (2013)|in tornado]]. Der falle 24 [[dea]]den en mear as 300 [[ferwûne]]n.
*[[22 maaie]] - De [[Feriene Keninkryk|Britske]] [[soldaat]] [[moard op Lee Rigby|Lee Rigby wurdt op ljochtskyndei fermoarde]] op 'e [[strjitte]] yn 'e [[Feriene Keninkryk|Britske]] [[haadstêd]] [[Londen]], troch 2 [[islamisme|islamistyske]] [[terrorist]]en. 
*[[6 juny]] - [[Edward Snowden]], in agint fan 'e [[Feriene Steaten|Amerikaanske]] [[feilichheidstsjinst]] [[National Security Agency|NSA]], lekt de saneamde [[Global Suveillance Disclosures]] nei de [[media]]. Dêrby giet it om 'e ynbrek dy't de Amerikaanske [[oerheid]] makket op 'e [[privacy]] fan 'e Amerikaanske [[boarger]]s, mar ek om it [[ôflústerjen]] fan 'e [[Dútslân|Dútske]] [[bûnskânselier]] [[Angela Merkel]] en de [[Brazylje|Brazyljaanske]] [[presidinte]] [[Dilma Roussef]]. Amerikaanske [[diplomasy|diplomatike relaasjes]] mei û.m. [[Dútslân]] en [[Brazylje]] rinne dêrtroch slimme skea op. Snowden sels moat de Feriene Steaten ûntflechtsje en kriget neitiid [[asyl (rjocht)|asyl]] yn [[Ruslân]].
*[[21 juny|21]]-[[22 juny]] - Yn [[Paraguay]] set it [[parlemint]] [[presidint]] [[Fernando Lugo]] ôf fanwegen ferskate misse setten, wêrûnder [[nepotisme]], in kontroversjele lânoankeap en in konfrontaasje tusken [[boer]]en en de [[plysje]] op [[15&nbsp;juny]] [[2012]] wêrby't 11 boeren en 6 plysjes de dea fûnen. De ôfsetting ferrint sa fluch dat Lugo protestearret dat er net genôch tiid kriget om himsels te ferdigenjen. Ferskate oare [[Latynsk-Amearika|Latynsk-Amerikaanske]] [[lân|lannen]] omskriuwe [[Ofsetting fan Fernando Lugo|de ôfsetting]] letter as "in parlemintêre [[steatsgreep]]".
*[[1 july]] - [[Kroaasje]] wurdt lid fan 'e [[Jeropeeske Uny]].
*[[3 july]] - By [[steatsgreep yn Egypte (2013)|in steatgreep]] yn [[Egypte]] grypt it [[leger striidkrêften)|leger]] ûnder lieding fan [[generaal]] [[Abdûl Fattach al-Sisi]] de macht. De [[demokratysk]] keazen [[presidint]] [[Mohammed Morsi]] wurdt ôfset en yn it [[tichthûs (finzenis)|tichthûs]] smiten. [[Demonstraasje (protest)|Demonstraasjes]] tsjin dizze gong fan saken troch oanhingers fan Morsi wurde [[polityk geweld yn Egypte (2013)|mei grou geweld]] de kop yndrukt.
*[[13 july]] - Nei oanlieding fan 'e ûnbestrafte [[moard]] fan [[George Zimmerman]] op 'e [[negroïde|swarte]] jongeman [[Trayvon Martin]], yn [[Floarida]], rjochtsje [[Afro-Amerikanen|Afro-Amerikaanske]] [[minskerjochte]]-[[aktivist]]en de [[Black Lives Matter]]-beweging op. Dy kantet him oan tsjin [[geweld]] fan [[jeropide ras|blanken]] tsjin swarten, en yn 't bysûnder tsjin [[plysjegeweld]] tsjin swarten.
*[[21 july]] - [[Kening]] [[Albert II fan Belgje]] docht [[ôfstân fan 'e troan]] yn it foardiel fan syn [[soan]] [[Filip fan Belgje|Filip]].
*[[5 augustus]] - [[Oerûguay]] fiert it [[homohoulik]] yn.
*[[14 augustus]] - It [[Egypte|Egyptyske]] [[leger (striidkrêften)|leger]] sjit 2.696 [[frede|freedsume]] [[demonstranten]] [[dea]], dy't protestearje tsjin [[steatsgreep yn Egypte (2013)|'e steatgreep]] wêrby't de [[demokratysk]] keazen [[presidint]] [[Mohammed Morsi]] ôfset is.
*[[19 augustus]] - [[Nij-Seelân]] fiert it [[homohoulik]] yn.
*[[21 augustus]] - By de [[oanfal mei gemyske wapens op Gûta]], troch it [[Syrje|Syryske]] regearingsleger yn it ramt fan 'e [[Syryske Boargeroarloch]], komme 1.429 [[minske]]n om.
*[[29 augustus]] - It [[Feriene Keninkryk|Britske]] [[Legerhûs (Feriene Keninkryk)|Legerhûs]] stimt tsjin Britske yntervinsje oan 'e kant fan 'e ([[sekularisme|sekuliere]]) [[rebel]]len yn 'e [[Syryske Boargeroarloch]]. As gefolch dêrfan sjocht ek de [[Feriene Steaten|Amerikaanske]] [[presidint]] [[Barack Obama]] dêrfan ôf. Dat set de doar wiid iepen foar yntervinsje troch [[Ruslân]] oan 'e kant fan 'e [[diktatuer]] fan [[Basjir al-Assad]].
*[[9 septimber]] - By de [[Krisis fan Zamboanga]] komme troch oanfallen fan [[islamisme|islamistyske]] [[terrorist]]en yn 'e [[Filipinen|Filipynske]] [[stêd]] [[Zamboanga]] 220 [[minske]]n om en reitsje 70 oaren [[ferwûne]].
*[[21 septimber]] - By de [[oanslach op it Westgate-winkelsintrum]] yn 'e [[Kenia]]anske [[haadstêd]] [[Nairobi]], útfierd troch [[Somaalje|Somalyske]] [[islamisme|islamistyske]] [[terrorist]]en fan 'e beweging [[al-Sjabaab]], komme 71 [[minske]]n om (ynkl. 4 dieders) en reitsje 175 oaren [[ferwûne]].
*[[5 novimber|5]]-[[11 novimber]] - De tige swiere [[tyfoan]] [[Tyfoan Haiyan|Haiyan]] (op 'e [[Filipinen]] bekend ûnder de namme Yolanda) lûkt in spoar fan ferwuostging troch [[Palau]], de [[Filipinen]], súdlik [[Sina]] en [[Fjetnam]]. Benammen de Filipinen wurde tige swier troffen. Yn totaal komme der teminsten 6.329 [[minske]]n om, wêrfan 6.300 yn 'e Filipinen. De materiële skea bedraacht [[$]]2,9 miljard.
*[[12 novimber]] - By it [[ynstoarten fan in winkelsintrum yn Zolitūde|it ynstoarten]] fan it [[dak]] fan in [[winkelsintrum]] yn it [[Letlân|Letske]] plak [[Zolitūde]] komme 54 [[minske]]n om.
*[[21 novimber]] - De pro-[[Jeropeeske Uny|Jeropeeske]] [[Euromaidan]]demonstraasjes begjinne yn 'e [[Oekraïne|Oekraynske]] [[haadstêd]] [[Kiëv]], nei't [[presidint]] [[Viktor Janûkovitsj]] ûnder [[Ruslân|Russyske]] druk in [[ekonomysk]] assosjaasjeferdrach mei de [[Jeropeeske Uny]] ôfwiist en ynstee kiest foar nauwere bannen mei Ruslân.
*[[desimber]] - Yn [[West-Afrika]] brekt de tige besmetlike [[sykte]] [[ebola]] út. Dit is it begjin fan 'e [[Westafrikaanske ebola-epidemy]].
*[[5 desimber]] - De eardere [[Súd-Afrika|Súdafrikaanske]] [[presidint]] en anty-[[apartheid]]saktivist [[Nelson Mandela]] komt yn 'e [[âlderdom]] fan 95 jier te [[ferstjerren]].
*[[15 desimber]] - Yn [[Súd-Sûdaan]] brekke [[wapen]]e gefjochten út tusken [[etnysk]]e [[Dinka (folk)|Dinka]]- en [[Nûer (folk)|Nûer]]-leden fan 'e Presidinsjele Garde. Dat is it begjin fan 'e [[Súdsûdaneeske Boargeroarloch]].
*[[29 desimber|29]]-[[30 desimber]] - By [[bomoanslaggen yn Volgograd (2013)|bomoanslaggen]] yn 'e [[Ruslân|Russyske]] [[stêd]] [[Volgograd]] komme 32 [[minske]]n om en reitsje 85 oaren [[ferwûne]].
[[File:Crimea_(orthographic_projection).svg|right|thumb|200px|It [[Oekraïne|Oekraynske]] [[skiereilân]] [[de Krim]] waard yn [[2014]] yllegaal troch [[Ruslân]] [[Russyske besetting fan de Krim|beset]] en [[Russyske anneksaasje fan de Krim|anneksearre]].]]
[[File:Boeing_777-200ER_Malaysia_AL_(MAS)_9M-MRO_-_MSN_28420_404_(9272090094).jpg|right|thumb|250px|[[Malaysia Airlines-flecht 370]], dy't yn [[maart]] [[2014]] ûnderweis fan [[Kuala Lumpur]] nei [[Peking]] spoarleas ferdwûn. Mear as in [[jier]] wie ûndúdlik wat der mei it [[fleantúch]] bard wie. Pas yn [[july]] [[2015]] spielden de earste wrakstikken oan op 'e [[kust]] fan [[Reünion]], yn 'e [[Yndyske Oseaan]].]]
[[File:Umbrella_Revolution_in_Admiralty_Night_View_20141010.jpg|right|thumb|180px|In [[demonstraasje (protest)|demonstraasje]] yn [[Hongkong]] ûnder de mislearre [[protesten yn Hongkong (2014)|Paraplurevolúsje]] fan [[2014]].]]
[[File:Arrival_of_corpses_from_MH17_at_Eindhoven_Airport.jpg|right|thumb|250px|De earste [[stoflike omskotten]] fan 'e [[slachtoffer]]s fan 'e boppe de [[Oekraïne]] delsketten [[Malaysia Airlines-flecht 17]] komme yn 'e [[simmer]] fan [[2014]] oan yn [[Eindhoven]].]]
[[File:Territorial_control_of_the_ISIS_-_12-31-2014.svg|right|thumb|250px|Gebiet (read) behearske troch de [[terrorisme|terroristyske beweging]] [[Islamityske Steat yn Irak en Syrje|IS]] yn it [[Midden-Easten]] en [[Lybje]] (ynset) op [[31&nbsp;desimber]] [[2014]].]]

;[[2014]]
*[[1 jannewaris]] - [[Letlân]] fiert de [[euro]] yn as [[muntienheid]].
*[[1 jannewaris]] - Mei de opmars fan 'e [[troepen]] fan 'e saneamde [[Islamityske Steat yn Irak en Syrje|Islamityske Steat]] (IS) yn noardlik [[Irak]] brekt de [[Iraakske Boargeroarloch (2014-2017)|Iraakske Boargeroarloch]] út.
* [[1 jannewaris]] - Yn [[Nederlân]] giet de [[minimumleeftyd om alkohol te drinken|minimumleeftyd]] foar [[jongerein]] om [[etanol|alkohol]] drinke te meien omheech fan 16 nei 18 jier.
*[[13 febrewaris]] - [[Belgje]] legalisearret as earste lân fan 'e wrâld [[eutanasy]] foar terminaal [[sykte|sike]] [[bern (persoan)|bern]].
*[[21 febrewaris]] - By de [[Oekraynske Revolúsje (2014)|Oekraynske Revolúsje]] moat de [[korrupsje|korrupte]], pro-[[Ruslân|Russyske]] [[presidint]] [[Viktor Janûkovitsj]] de wyk nimme nei [[Ruslân]]. Dat bart nei oanhâldende [[demonstraasje (protest)|demonstraasjes]] dy't Janûkovitsj om 'e nocht besocht hat de kop yndrukke te litten troch loyalistyske feilichheidstroepen.
*[[22 febrewaris]] - Yn it ramt fan 'e [[Oekraynske Revolúsje (2014)|Oekraynske Revolúsje]] wurdt de nei [[Ruslân]] flechte [[Oekraïne|Oekraynske]] [[presidint]] [[Viktor Janûkovitsj]] troch it [[Verchovna Rada|Oekraynske parlemint]] formeel út syn funksje set. Hy wurdt opfolge troch [[Oleksandr Toertsjynov]].
*[[27 febrewaris]] - De [[Russyske besetting fan de Krim]], in diel fan 'e [[Oekraïne]], begjint as swierbewapene [[Ruslân|Russyske]] [[militêr]]en, klaaid yn [[militêr unifoarm|unifoarmen]] dy't fan alle emblemen en nammen ûntdien binne, it [[parlemint]] fan 'e [[Krim]] en oare strategyske posysjes op it [[skiereilân]] ynnimme.
*[[8 maart]] - It [[ferkearsfleantúch]] [[Malaysia Airlines-flecht 370]] ferdwynt mei 239 ynsittenden spoarleas boppe de [[Golf fan Tailân]], ûnderweis fan [[Kuala Lumpur]] ([[Maleizje]]), nei [[Peking]] ([[Sina]]). [[Radar]]gegevens wize derop dat de [[fleanmasine]] omkeard en nei it suden flein is en wierskynlik yn 'e [[Súdlike Oseaan]] delstoart is. Flecht-370 wurdt nea weromfûn, hoewol't nei ferrin fan tiid inkele brokstikken oanspiele op 'e [[kust]]en fan [[Madagaskar]] en [[East-Afrika]].
*[[13 maart]] - [[Ingelân]] en [[Wales]] fiere it [[homohoulik]] yn.
*[[16 maart]] - Op it [[Oekraïne|Oekraynske]] [[skiereilân]] de [[Krim]], dat troch [[Ruslân|Russyske]] [[troepen]] beset is, wurdt [[statusreferindum op de Krim (2014)|in referindum]] holden dat net iens de skyn fan in frije en [[demokratysk]]e stimbusgong hat. De troch nimmen yn 'e wrâld behalven Ruslân erkende útkomst is dat in oerweldigjende mearderheid fan 'e [[befolking]] foar oansluting fan 'e Krim by Ruslân stimt.
*[[21 maart]] - Tsjin alle ynternasjonale [[ferdraggen]] yn [[Russyske anneksaasje fan de Krim|anneksearret]] [[Ruslân]] it [[skiereilân]] de [[Krim]], dat ûnderdiel is fan it grûngebiet fan 'e [[Oekraïne]].
*[[29 maart]] - De [[Algemiene Gearkomste fan de Feriene Naasjes]] nimt [[Resolúsje 68/262 fan de Algemiene Gearkomste fan de Feriene Naasjes|Resolúsje 68/262]] oan, wêryn't it [[skiereilân]] de [[Krim]] erkent wurdt as yntegraal ûnderdiel fan 'e [[Oekraïne]], en it [[statusreferindum op de Krim (2014)|statusreferindum op de Krim]] ûnjildich ferklearre wurdt. De yllegaliteit fan 'e [[Russyske anneksaasje fan de Krim]] wurdt dêrmei ynternasjonaal fêstlein. 
*[[6 april]] - De [[Donbasoarloch]] yn 'e eastlike [[Oekraïne]] begjint as [[etnysk]] [[Russen|Russyske]] [[rebel]]len dêr op oantrún fan en bewapene troch [[Ruslân]] úteinsette mei in iepentlike [[opstân]] tsjin it [[regear]] yn [[Kiëv]].
*[[7 april]] - Op oantrún fan [[Ruslân]] ferklearret de eastlike [[Oekraïne|Oekraynske]] [[provinsje]] [[Donjetsk (provinsje)|Donjetsk]] himsels ûnôfhinklik as de [[Folksrepublyk Donjetsk]].
*[[14 april]] - Fan in [[famkesskoalle]] yn [[Chibok]], yn noardlik [[Nigearia]], wurde troch de [[islamisme|islamistyske]] [[terrorisme|terreurorganisaasje]] [[Boko Haram]] 276 [[famke]]s [[Skoalfamkesûntfiering fan Chibok|ûntfierd en yn gizeling holden]].
*[[16 april]] - De [[Súd-Koreä|Súdkoreaanske]] [[fearboat]] de [[MS Sewol|MS ''Sewol'']] [[kapseizen|kapseist]] en sinkt yn 'e [[Giele See]], wêrby't 304 [[minske]]n omkomme, foar it meastepart [[middelbere skoalle|middelbere-skoalle]]learlingen.
*[[7 maaie]] - Yn [[Tailân]] set it [[Grûnwetlik Hof (Tailân)|Grûnwetlik Hof]] de populêre en [[demokratysk]] keazen [[premier]] [[Yingluck Shinawatra]] út har funksje om't se har foech te bûten gien wêze soe by it [[ûntslach|ûntslaan]] fan in [[oerheid]]sfunksjonaris dy't oansteld wie troch in earder [[regear]].
*[[12 maaie]] - Op oantrún fan [[Ruslân]] ferklearret de eastlike [[Oekraïne|Oekraynske]] [[provinsje]] [[Lûhansk (provinsje)|Lûhansk]] himsels ûnôfhinklik as de [[Folksrepublyk Lûhansk]].
*[[22 maaie]] - By [[steatsgreep yn Tailân (2014)|in steatgreep]] yn [[Tailân]] wurdt koart nei de ôfsetting fan 'e [[demokratysk]] keazen [[premier]] [[Yingluck Shinawatra]] it [[regear|interim-regear]] fan [[premier]] [[Niwatthamrong Boonsongpaisan]] ôfset troch it leger. Mei blykbere goedkarring fan [[kening]] [[Bhumibol fan Tailân|Bhumibol]] wurdt yn it lân fannijs in [[militêr]]e [[diktatuer]] ynsteld.
*[[22 maaie]] - Yn it [[Donbasoarloch|opstannige easten]] fan 'e [[Oekraïne]] rjochtsje de [[sesesje|ôfskate]] [[Folksrepublyk Donjetsk]] en [[Folksrepublyk Lûhansk]] in [[konfederaasje]] op, ûnder de namme [[Nij-Ruslân (konfederaasje)|Nij-Ruslân]]. 
*[[24 maaie]] - By [[oanslach op it Joadsk Museum fan Belgje|in oanslach]] op it [[Joadsk Museum fan Belgje]], yn 'e [[Belgje|Belgyske]] [[haadstêd]] [[Brussel]], komme 4 [[minske]]n om. De dieder, in [[islamisme|islamistyske]] [[terrorist]], wurdt [[arrestaasje|arrestearre]].
*[[3 juny]] - It [[Britsk Territoarium yn de Yndyske Oseaan]], [[Súd-Georgje en de Súdlike Sandwicheilannen]] en de [[Feriene Keninkryk|Britske]] [[leger (striidkrêften)|leger]]bases [[Akrotiri en Dhekelia]] (op [[Syprus]]), fiere it [[homohoulik]] yn.
*[[5 juny]] - In nije [[soennisme|soennitysk]]-[[islamisme|islamistyske]] [[terrorisme|terreurbeweging]], dy't himsels de Islamityske Steat yn Irak en Syrje (ISIS), de Islamityske Steat yn Irak en de Levant (ISIL) of koartwei [[Islamityske Steat yn Irak en Syrje|Islamityske Steat]] (IS) neamt, begjint [[Noardiraaksk Offinsyf (juny 2014)|in offinsyf]] tsjin [[regear]]ingstroepen yn noardlik [[Irak]], mei as bedoeling om 'e [[haadstêd]] [[Bagdad]] yn te nimmen en it troch [[sjiïsme|sjiïten]] dominearre [[regear]] fan [[premier]] [[Noeri al-Maliki]] [[steatsgreep|ûnder fuotten te heljen]].
*[[13 juny3]] - De [[Feriene Steaten]] en oare [[Westerske lannen]] ynterveniëarje oan 'e kant fan [[Irak]] yn 'e [[Oarloch tsjin de saneamde Islamityske Steat]].
*[[19 juny]] - [[Kening]] [[Juan Carlos I fan Spanje]] docht [[ôfstân fan 'e troan]] yn it foardiel fan syn [[soan]], [[Filips VI fan Spanje|Felipe VI]].
*[[29 juny]] - De saneamde [[Islamityske Steat yn Irak en Syrje|Islamityske Steat]] (IS) ropt himsels út ta [[kalifaat]], mei [[Abû Bakr al-Bagdadi]] as [[kalyf]].
*[[8 july]]-[[26 augustus]] - Oanboazjende spannings tusken [[Israel]] en [[Hamas]] oer de [[Untfiering fan en moard op trije Israelyske tiners (2014)|ûntfiering fan en moard op trije Israelyske tiners]] yn it [[Westjordaanlân]] yn [[juny]] troch [[Palestina|Palestynske]] militanten en de dêropfolgjende [[Untfiering fan en moard op Mohammed Abû Chdeir|ûntfiering fan en moard op in Palestynske tiner]] troch [[Joadske nedersettings yn de besette gebieten|Joadske kolonisten]], liede ta it útbrekken fan 'e [[Gaza-oarloch (2014)|in nije Gaza-oarloch]]. Israel begjint mei [[bombardemint]]en en wreidet de striid in wike letter út ta in grûnoffinsyf. Yn sân wiken fan oarloch komme 2.100 Palestinen en 71 Israeliërs om.
*[[17 july]] - It [[ferkearsfleantúch]] [[Malaysia Airlines-flecht 17]] wurdt ûnderweis fan [[Amsterdam]], yn [[Nederlân]], nei [[Kuala Lumpur]], yn [[Maleizje]], boppe de [[Oekraïne]] (by it [[doarp]] [[Hrabove (Donjetsk)|Hrabove]]) mei in [[raket]] delsketten troch pro-[[Ruslân|Russyske]] [[rebel]]len, dy't dêr aktyf binne yn it ramt fan 'e [[Donbasoarloch]]. Dêrby komme 298 [[minske]]n om, wêrûnder 196 Nederlanners.
*begjin [[augustus]] - Yn noardlik [[Irak]] begjint de [[Jezidyske Genoside]], wêrby't de saneamde [[Islamityske Steat yn Irak en Syrje|Islamityske Steat]] (IS) war docht en [[genoside|rûgje]] de [[Jezidys|Jezidyske]] [[leauwe]]nsmienskip út.
*[[3 augustus|3]]-[[13 augustus]] - By it [[Bloedbad fan Sindjar]] falle yn noardlik [[Irak]] yn it ramt fan 'e [[Jezidyske Genoside]] likernôch 3.500 [[dea]]den as de saneamde [[Islamityske Steat yn Irak en Syrje|Islamityske Steat]] (IS) besiket om 'e [[Jezidys|Jezidyzke]] [[enklave]]s by [[Sindjar]] [[genoside|út te rûgjen]]. Dêrnjonken wurde 4.200 oant 10.800 Jezidyske [[froulju]] en [[famke]]s troch IS [[ûntfierd]] om as [[seksuële slavernij|seksslavinnen]] brûkt en ferhannele te wurden. Nochris 50.000 Jezidys sykje beskûl yn it [[Sindjarberchtme]], dêr't se sûnder [[iten]] en [[drinken]] fêst komme te sitten as IS-striders harren dêre [[belegering|belegerje]]. [[Feriene Steaten|Amerikaanske]] [[bombardemint]]en en in [[fjildtocht|offinsyf]] troch [[Koerden|Koerdyske]] [[pesjmerga|pesjmerga's]] fan 'e [[PKK]] en de [[YPG]] brekke troch de besingeling en witte it meastepart fan 'e [[flechtling]]en fia in feilige korridor te rêden.
*[[9 augustus]] - Yn [[Ferguson (Missoery)|Ferguson]], yn 'e [[Amerikaanske steat]] [[Missoery (steat)|Missouri]], wurdt de [[negroïde|swarte]] tiner [[moard op Michael Brown|Michael Brown deasketten]] troch in [[jeropide ras|blanke]] [[plysje]]man. Dat liedt yn 'e hiele [[Feriene Steaten]] ta massale [[demonstraasje (protest)|demonstraasjes]] tsjin 'e behanneling fan swarten troch de plysje.
*[[18 septimber]] - By [[Skotsk ûnôfhinklikheidsreferindum|in referindum]] yn [[Skotlân]] stimt, nei in kampanje dy't bol stie fan 'e bangmakkerij fan 'e kant fan 'e [[Feriene Keninkryk|Britske]] [[oerheid]] en it [[bedriuw]]slibben, 55,3% fan 'e [[befolking]] tsjin ûnôfhinklikheid fan it [[Feriene Keninkryk]].
*[[21 septimber]] - Yn it ramt fan 'e [[Twadde Jemenityske Boargeroaloch]] nimme de [[sjiïsme|sjiïtyske]] [[Hûtys|Hûty]]-[[rebel]]len en oanhingers fan âld-[[presidint]] [[Ali Abdûlla Saleh]] de [[Jemen]]ityske [[haadstêd]] [[Sana'a]] yn.
*[[26 septimber]] - Yn [[Hongkong]] brekke [[protesten yn Hongkong (2014)|protesten]] út nei't der [[ferkiezing]]sherfoarmings oankundige binne dy't de dochs al oanwaaksende [[Sina|Sineeske]] ynfloed noch grutter meitsje sille.
*[[22 oktober]] - By [[oanslach op it Kanadeesk parlemintsgebou|in oanslach]] op it [[parlemint]]sgebou fan [[Kanada]], yn [[Ottawa]], komme 2 [[minske]]n om (ynkl. de dieder, in [[islamisme|islamistyske]] [[terrorist]]) en reitsje nochris 3 oaren [[ferwûne]].
*[[31 oktober]] - By de [[Boerkineeske Revolúsje (2014)|Boerkineeske Revolúsje]] wurdt [[presidint]] [[Blaise Compaoré]] nei 27 jier [[diktatuer]] ôfset. Hy nimt de wyk nei [[Ivoarkust]].
*[[2 novimber]] - It [[Yntergûverneminteel Panel oangeande Klimaatferoaring]] (IPCC) bringt it lêste part fan syn ''[[Fyfde Beoardielingsrapport]]'' út, wêryn't warskôge wurdt dat de wrâld "swiere, yngeande en net wer goed te meitsjen" skea oprinne sil troch de wrâldwide útstjit fan [[koalstofdiokside|CO<sub>2</sub>]].
*[[9 novimber]] - Yn 'e [[Spanje|Spaanske]] regio [[Kataloanje]] wurdt [[Katalaansk selsbeskikkingsreferindum (2014)|in referindum]] holden oer [[selsbeskikkingsrjocht]]. In oerweldigjende mearderheid fan 'e kiezers jout oan dat Kataloanje in ûnôfhinklike steat wurde moat. It Spaanske [[regear]] ferklearret de folksriedplachting yllegaal.
*[[29 novimber]] - In [[rjochtbank]] ynsteld troch de nije [[Egypte|Egyptyske]] [[diktator]] [[Abdûl Fattach al-Sisi]] docht de [[fûnis|útspraak]] dat de eardere diktator [[Hosni Mûbarak]] ûnskuldich is oan 'e [[moard]] op [[demonstranten]] ûnder de [[Egyptyske Revolúsje (2011)|Egyptyske Revolúsje]] fan [[2011]], en dat er ek ûnskuldich is wat de oanklacht fan [[korrupsje]] oanbelanget.
*[[15 desimber]] - By [[Gizelingskrisis fan Sydney (2014)|in gizeling]] troch in [[sljochtsinnigens|geastlik steurde]] man yn 'e [[Austraalje (lân)|Australyske]] [[stêd]] [[Sydney]] komme 3 [[minske]]n om en reitsje 18 oaren [[ferwûne]].
*[[16 desimber]] - [[Skotlân]] fiert it [[homohoulik]] yn.
*[[16 desimber]] - By [[Skoallebloedbad fan Peshawar|in bloedbad]] yn in skoalle yn de [[Pakistan|Pakistaanske]] [[stêd]] [[Peshawar]] komme 148 [[minske]]n (foar it meastepart [[learling|skoalbern]]) om en reitsje 114 oaren [[ferwûne]].
*[[17 desimber]] - Yn it ramt fan 'e [[Kubaanske Tei]] kundiget de [[Feriene Steaten|Amerikaanske]] [[presidint]] [[Barack Obama]] oan dat syn [[lân]] foar it earst yn mear as in heale iuw wer normale [[diplomasy|diplomatike betrekkings]] oanknoopje sil mei [[Kuba]].
[[File: Ruins_of_Donetsk_International_airport_(16).jpg|right|thumb|250px|De [[ruïne]]s fan 'e [[Ynternasjonale Lofthaven fan Donjetsk]] nei de gefjochten dêre yn it ramt fan 'e [[Donbasoarloch]].]]
[[File:20151030_Syrians_and_Iraq_refugees_arrive_at_Skala_Sykamias_Lesvos_Greece_2.jpg|right|thumb|250px|[[Syrje|Syryske]] [[flechtling]]en stekke yn [[2015]] de [[Egeyske See]] oer nei [[Jeropa]].]]
[[File:Marriage_rally_(18997209600).jpg|right|thumb|250px|[[Homorjochten|Homorjochte]]-[[aktivist]]en yn 'e [[Feriene Steaten]] fiere feest yn [[2015]], nei't it [[Amerikaansk Heechgerjochtshôf]] [[wet]]ten tsjin it [[homohoulik]] nei de foddekoer ferwiisd hat.]]
[[File:Peshmerga_on_a_T-55-Tank_outside_Kirkuk_in_Iraq..jpg|right|thumb|250px|[[Koerden|Koerdyske]] [[pesjmerga's]] ûnder de [[Iraakske Boargeroarloch]] tsjin [[Islamityske Steat yn Irak en Syrje|IS]].]]

;[[2015]]
*[[1 jannewaris]] - [[Lúksemboarch (gruthartochdom)|Lúksemboarch]] fiert it [[homohoulik]] yn.
*[[1 jannewaris]] - [[Litouwen]] fiert de [[euro]] yn as [[muntienheid]].
*[[1 jannewaris]] - De [[Jeraziatyske Ekonomyske Uny]] wurdt fan krêft, wêrmei't in [[ekonomyske uny]] ûntstiet tusken de [[Russyske Federaasje]], [[Wyt-Ruslân]], [[Armeenje]], [[Kazachstan]] en [[Kirgyzje]].
*[[3 jannewaris|3]]-[[7 jannewaris]] - By it [[Bloedbad fan Baga]] komme yn noardlik [[Nigearia]] by in oanfal fan 'e [[terrorist]]yske beweging [[Boko Haram]] op 'e bewenners fan [[Baga (Nigearia)|Baga]] en omlizzende [[doarp]]en mear as 2.000 [[minske]]n om.
*[[7 jannewaris]] - By [[oanslach op de redaksje fan Charlie Hebdo|in oanslach]] op 'e [[redaksje]] fan it [[tydskrift]] ''[[Charlie Hebdo]]'' komme yn 'e [[Frankryk|Frânske]] [[haadstêd]] [[Parys]] 12 [[minske]]n om en reitsje 11 oaren [[ferwûne]].
*[[9 jannewaris]] - By [[gizeling yn de Hypercacher Kosher-supermerk yn Parys|in gizeling]] yn in [[Joaden|Joadske]] Hypercacher Kosher-[[supermerk]] yn 'e [[Frankryk|Frânske]] [[haadstêd]] [[Parys]] komme 5 [[minske]]n om (ynkl. de dieder) en reitsje 9 oaren [[ferwûne]].
*[[26 jannewaris]] - By [[Grykske parlemintsferkiezings (2015)|parlemintsferkiezings]] yn [[Grikelân]] komt [[Alexis Tsipras]], de lieder fan 'e [[sosjalistysk]]e [[politike partij|partij]] [[Syriza]], oan 'e macht as [[premier]]. Dat bart nei't de kiezers it fertrouwen ferlern hawwe yn 'e tradisjonele partijen fanwegen de [[Grykske Skuldekrisis]].
*[[12 febrewaris]] - De lieders fan 'e [[Oekraïne]] en [[Ruslân]] slute ûnder bemiddeling fan [[Dútslân]] en [[Frankryk]] yn 'e [[Wyt-Ruslân|Wytrussyske]] [[haadstêd]] [[Minsk]] it saneamde [[Minsk&nbsp;II-ferdrach]]. Underdiel dêrfan is in [[sjitferbod]] yn 'e oangeande [[Donbasoarloch]] yn 'e eastlike Oekraïne en de weromlûking fan it front fan alle swiere [[wapen]]s. It [[ferdrach]] sil lykwols net folle praktyske útwurking hawwe (mei't it sjitferbod op earste [[dei]] al 139 kear skeind wurdt), en de striid giet sûnder belúnjen troch.
*[[20 febrewaris]] - De [[Oarloch yn Noard-Maly]] wurdt beëinige nei't [[Westerske wrâld|Westerske]] [[troepen]] yn gearwurking mei it [[Maly|Malineeske]] [[leger (striidkrêften)|leger]] en [[Tûarek (folk)|Tûarek]]-[[milysje]]s de [[islamisme|islamistyske]] [[terrorist]]en dy't ferbûn binne mei de saneamde [[Islamityske Steat yn Irak en Syrje|Islamityske Steat]] (IS) ferdreaun hawwe.
*[[27 febrewaris]] - Yn [[Moskou]] wurdt de [[Ruslân|Russyske]] [[opposysje (polityk)|opposysjelieder]] [[Boris Nemtsov]], in fûleindich [[kritikaster]] fan [[presidint]] [[Vladimir Pûtin]], by in [[oanslach (misdriuw)|oanslach]] op 'e [[Bolsjoj Moskvoretsky-brêge]], yn it sicht fan it [[Kremlin (Moskou)|Kremlin]], [[fermoarde]]. It (ûnbewiisbere) fermoeden is dat fermiddens yn 'e neite fan Pûtin efter de [[moard]] sitte.
*[[13 maart]] - De [[orkaan|sykloan]] [[Sykloan Pam|Pam]] feroarsaket yn [[Fanûatû]] 16 [[dea]]den en ferdriuwt 166.000 [[minske]]n, de helte fan 'e [[befolking]], fan hûs en hiem. It is de swierste sykloan dêr't Fanûatû ea mei te krijen hân hat.
*[[18 maart]] - By de [[oanslach op it Nasjonaal Museum Bardo]] yn [[Tuneezje]] komme 24 [[minske]]n om en reitsje 50 oaren [[ferwûne]].
*[[19 maart]] - De [[Twadde Jemenityske Boargeroarloch]] brekt út, tusken de [[sjiïten|sjiïtyske]] [[Hûtys|Hûty-rebellen]] yn it noarden en it [[soennisme|soennityske]] [[regear]] yn it suden.
*[[24 maart]] - Alle 150 ynsittenden fan it [[ferkearsfleantúch]] [[Germanwings-flecht 9525]] komme om as [[piloat|ko-piloat]] [[Andreas Lubitz]] de [[fleanmasine]] yn 'e [[Frankryk|Frânske]] [[Alpen]] moedwillich tsjin in [[berch]] oanfljocht om [[selsmoard]] te dwaan.
*[[25 maart]] - In koälysje fan [[Arabieren|Arabyske lannen]] ûnder lieding fan [[Saûdy-Araabje]] en de [[Feriene Arabyske Emiraten]] ynterveniëarret yn 'e [[Twadde Jemenityske Boargeroarloch]] yn [[Jemen]], om foar te kommen dat it troch [[soennisme|soenniten]] dominearre [[regear]] fan it lân derûnder strûpt yn 'e striid tsjin 'e [[sjiïsme|sjiïtyske]] [[Hûtys|Hûty-rebellen]].
*[[april]] - Utbraak fan [[Sika-firusepidemy|in epidemy]] fan it [[sika-firus]] yn [[Latynsk-Amearika]].
*[[2 april]] - By de [[oanslach op it Garissa University College]] troch [[islamisme|islamistyske]] [[terrorist]]en fan 'e [[Somaalje|Somalyske]] beweging [[al-Sjabaab]] komme yn [[Kenia]] 152 [[minske]]n om en reitsje 79 oaren [[ferwûne]].
*[[25 april]] - By [[ierdbeving yn Nepal (april 2015)|in swiere ierdbeving]] fan 7,8 op 'e [[skaal fan Richter]] yn [[Nepal]] komme 8.857 [[minske]]n om yn Nepal, 130 yn [[Yndia]], 27 yn [[Tibet]] en 4 yn [[Bangladesj]]. Ek reitsje nochris sa'n 22.000 oaren [[ferwûne]].
*[[26 april]] - Yn [[Boerûndy]] brekt [[Unrêst yn Boerûndy (2015)|ûnrêst]] út as [[Pierre Nkurunziza]] risselwearret foar in (yllegale) trêde amtstermyn as [[presidint]]. By [[demonstraasje (protest)|demonstraasjes]] dêrtsjin komme [[plysje]] en [[leger (striidkrêften)|leger]] hurd fanwegen. Der falle hûnderten deaden en tûzenen minsken wike út nei it bûtenlân.
*[[12 maaie]] - By [[ierdbeving yn Nepal (maaie 2015)|in ierdbeving]] fan 7,3 op 'e [[skaal fan Richter]] yn [[Nepal]] (eins in swiere [[neiskok]] fan 'e [[ierdbeving yn Nepal (april 2015)|ierdbeving fan 25&nbsp;april]]) komme yn Nepal 153 [[minske]]n om, yn [[Yndia]] 62, yn [[Bangladesj]] 2 en yn [[Tibet]] 1.
*[[14 maaie]] - De [[Pitcairneilannen]] fiere it [[homohoulik]] yn.
*[[20 maaie]] - De [[Folksrepublyk Donjetsk]] en de [[Folksrepublyk Lûhansk]], de beide opstannige [[provinsje]]s yn 'e eastlike [[Oekraïne]], kundigje oan harren [[konfederaasje]] [[Nij-Ruslân (konfederaasje)|Nij-Ruslân]] op te skoarjen nei't ûnderling ûnienichheid ûntstien is.
*[[23 maaie]] - By [[Iersk referindum oer it homohoulik|in referindum]] yn [[Ierlân]] stimt in mearderheid fan 'e kiezers foar de ynfiering fan it [[homohoulik]].
*[[1 juny]] - It [[cruiseskip]] de ''[[Dong Fang Zhi Xing]]'' [[kapseizen|kapseist]] op 'e [[rivier]] de [[Jangtse (rivier)|Jangtse]] yn [[Sina]], nei't er rekke is troch in [[wetterhoas]]. Dêrby komme 442 [[minske]]n om.
*[[9 juny]] - [[Gûam]] fiert it [[homohoulik]] yn.
*[[26 juny]] - De [[Feriene Steaten]] fiere (lanlik) it [[homohoulik]] yn.
*[[25 juny|25]]-[[26 juny]] - By it [[Bloedbad fan Kobanî]] litte striders fan 'e saneamde [[Islamityske Steat yn Irak en Syrje|Islamityske Steat]] (IS) trije [[autobom]]men yn 'e [[Syrje|Syryske]] [[stêd]] [[Kobanî]] ûntploffe, wêrnei't se de stêd binnentsjogge en it fjoer iepenje op 'e [[boarger]]s. Der komme mear as 220 [[minske]]n om.
*[[26 juny]] - By de [[strânoanslach yn Tuneezje (2015)|strânoanslach yn Tuneezje]] iepenet in oahinger fan 'e saneamde [[Islamityske Steat yn Irak en Syrje|Islamityske Steat]] (IS) yn in [[resort]] yn [[Tuneezje]] it fjoer op [[Westerske wrâld|Westerske]] [[toerist]]en, wêrby't 38 [[minske]]n omkomme.
*[[29 july]] - Op 'e [[kust]] fan it [[Frankryk|Frânske]] [[eilân]] [[Reünion]], yn 'e [[Yndyske Oseaan]], wurde de earste brokstikken fan it mear as in jier lyn ferdwûne [[ferkearsfleantúch]] [[Malaysia Airlines-flecht 370]] weromfûn.
*[[30 juny]] - De [[Noardlike Marianen]] fiere it [[homohoulik]] yn.
*[[9 july]] - De [[Amerikaanske Famme-eilannen]] fiere it [[homohoulik]] yn.
*[[13 july]] - [[Porto Riko]] fiert it [[homohoulik]] yn.
*[[14 july]] - [[Iraan]], de [[Feriene Steaten]], it [[Feriene Keninkryk]], [[Frankryk]], [[Dútslân]], de [[Jeropeeske Uny]], [[Ruslân]] en [[Sina]] slute it saneamde [[Joint Comprehensive Plan of Action]] (better bekend as de 'Iraan-deal'), wêrby't Iraan taseit syn [[Iraansk nukleêr programma|nukleêre programma]] stil te lizzen yn ruil foar it opheffen fan 'e [[Westerske wrâld|Westerske]] [[hannelsembargo|sanksjes]] tsjin it [[lân]].
*[[20 july]] - Yn it ramt fan 'e saneamde [[Kubaanske Tei]] knoopje [[Kuba]] en de [[Feriene Steaten]] foar it earst yn hast in heale iuw wer [[diplomasy|diplomatike betrekkings]] oan.
*[[20 july]] - By [[bomoanslach yn Suruç (2015)|in bomoanslach]] troch de saneamde [[Islamityske Steat yn Irak en Syrje|Islamityske Steat]] (IS) yn 'e [[Turkije|Turkske]] [[stêd]] [[Suruç]] komme 33 [[minske]]n om en reitsje 104 oaren [[ferwûne]]. De slachtoffers binne foar it meastepart [[studint]]en.
*[[12 augustus]] - By [[Untploffings yn Tianjin (2015)|twa grutte ûntploffings]] yn 'e [[Sina|Sineeske]] [[haven]]stêd [[Tianjin]] komme teminsten 173 [[minske]]n om en reitsje teminsten 700 oaren [[ferwûne]].
*[[17 augustus]] - By [[bomoanslach yn Bangkok (2015)|in bomoanslach]] yn 'e [[Tailân|Taiske]] [[haadstêd]] [[Bangkok]] komme 20 [[minske]]n om en reitsje 125 oaren [[ferwûne]].
*[[21 augustus]] - By [[oanslach op de Thalys (2015)|in mislearre oanslach]] op 'e [[Thalys]], de [[hegesnelheidstrein]] fan [[Amsterdam]] nei [[Parys]], reitsje yn [[Frankryk]] 4 [[minske]]n [[ferwûne]], ynkl. de dieder.
*[[11 septimber]] - Yn [[Mekka]], yn [[Saûdy-Araabje]], komme 111 [[minske]]n om as [[omfallen fan in kraan yn Mekka|in boukraan omfalt]].
*[[18 septimber]] - By it saneamde [[Sjoemelsoftwareskandaal]] komt oan it ljocht dat it [[Dútslân|Dútske]] [[auto]]merk [[Folkswein]] troch temûk tafoegjen fan ekstra [[software]] al jierren de [[emissytest]]s bedonderet. Der wurdt rûsd dat wrâldwiid likernôch 11 miljoen [[auto's]] mei dizze sjoemelsoftware tarist binne.
*[[24 septimber]] - By [[Hadj-ramp (2015)|in ramp]] op 'e lêste dei fan 'e [[hadj]] nei [[Mekka]] brekt ûnder it [[ritueel]] fan it [[Stiennigjen fan de Duvel]] yn [[Mina (Saûdy-Araabje)|Mina]] [[panyk]] út ûnder de grutte mannichte [[pylger]]s, mei as gefolch dat in soad lju ûnder de foet rûn wurde. Dêrby komme teminsten 2.236 [[minske]]n om, wylst mear as 900 oaren [[ferwûne]] reitsje.
*[[30 septimber]] - [[Ruslân]] ynteveniëarret oan 'e kant fan 'e [[diktatuer]] fan [[Basjir al-Assad]] yn 'e [[Syryske Boargeroarloch]] en set útein mei [[bombardemint]]en fan 'e troch it [[Westerske wrâld|Westen]] stipe [[sekularisme|sekuliere]] [[rebellen]] en ek fan 'e saneamde [[Islamityske Steat yn Irak en Syrje|Islamityske Steat]] (IS).
*[[10 oktober]] - By [[bomoanslaggen yn Ankara (2015)|bomoanslaggen]] yn 'e [[Turkije|Turkske]] [[haadstêd]] [[Ankara]] komme 109 [[minske]]n om en reitsje mear as 400 oaren [[ferwûne]].
*[[31 oktober]] - It [[Ruslân|Russyske]] [[ferkearsfleantúch]] [[Kogalymavia-flecht 9268]], ûnderweis fan [[Sjarm al-Sjeich]] nei [[Sint-Petersburch]], wurdt troch [[islamisme|islamistyske]] [[terrorist]]en delsketten yn 'e [[Sinaï-woastyn]]. Dêrby komme alle 224 ynsittenden om.
*[[8 novimber]] - By de earste [[Birmeeske ferkiezings (2015)|min ofte mear frije ferkiezings]] yn [[Birma]] sûnt [[1990]] behellet de [[opposysje (polityk)|opposysje]] ûnder lieding fan [[Aung San Suu Kyi]] in grutte oerwinning.
*[[13 novimber|13]]-[[14 novimber]] - By [[oanslaggen yn Parys (novimber 2015)|in rige koördinearre oanslaggen]] yn 'e [[Frankryk|Frânske]] [[haadstêd]] [[Parys]] komme 137 [[minske]]n om (ynkl. 7 dieders) en reitsje 413 oaren [[ferwûne]].
*[[16 novimber]] - [[Ierlân]] fiert it [[homohoulik]] yn.
*[[2 desimber]] - By [[oanslach yn San Bernardino (2015)|in oanslach]] yn 'e [[Feriene Steaten|Amerikaanske]] [[stêd]] [[San Bernardino (Kalifornje)]] komme 16 [[minske]]n om (ynkl. de beide dieders) en reitsje nochris 24 oaren [[ferwûne]].
*[[12 desimber]] - Alle 195 leden fan 'e [[Feriene Naasjes]] nimme it [[histoarysk]]e [[Klimaatakkoart fan Parys]] oan om [[klimaatferoaring]] tsjin te gean.
[[File:President_Barack_Obama_with_Pope_Francis_at_the_Vatican,_March_27,_2014.jpg|right|thumb|250px|[[Paus]] [[Fransiskus (paus)|Fransiskus]] komt yn 'e kunde mei de [[Amerikaanske presidint]] [[Barack Obama]].]]
[[File:Destroyed house in the south of Sanaa 12-6-2015-4.jpg|right|thumb|250px|In ferneatige [[hûs]] yn [[Sana'a]] yn 'e [[Twadde Jemenityske Boargeroarloch]].]]
[[File:Dilma_Rousseff_2011.jpg|right|thumb|180px|[[Presidint]]e [[Dilma Rousseff]] fan [[Brazylje]] waard yn [[2016]] troch it [[parlemint]] ôfset.]]

;[[2016]]
*[[3 jannewaris]] - Nei de [[eksekúsje]] fan 'e [[sjiïten|sjiïtyske]] [[geastlike]] en [[minskerjochte]]-[[aktivist]] [[Nimr al-Nimr]] troch it rezjym yn [[Saûdy-Araabje]] wurde de [[oanfallen op de Saûdyske diplomatike fertsjintwurdigings yn Iran (2016)|Saûdyske diplomatike fertsjintwurdigings]] yn [[Iraan]] oanfallen troch in poerrazene kliber folk. Saûdy-Araabje en syn bûnsgenoaten ferbrekke dêrop de [[diplomasy|diplomatike betrekkings]] mei Iraan.
*[[12 jannewaris]] - By [[bomoanslach yn Istanbûl (jannewaris 2016)|in bomoanslach]] yn 'e [[Turkije|Turkske]] [[stêd]] [[Istanbûl]] komme 14 [[minske]]n om (ynkl. de dieder), en reitsje 9 oaren [[ferwûne]].
*[[28 jannewaris]] - De [[Wrâldsûnensorganisaasje]] (WHO) makket [[sikafirusepidemy (2016-2017)|in slimme útbraak]] fan it [[sika-firus]] yn [[Súd-Amearika]] bekend.
*[[12 febrewaris]] - [[Paus]] [[Fransiskus (paus)|Fransiskus]], it haad fan 'e [[Roomsk-Katolike Tsjerke]], en [[partriarch]] [[Kirill fan Moskou|Kirill]], it haad fan 'e [[Russysk-Otterdokse Tsjerke]], ûndertekenje de earste [[oekumene|oekumenyske ferklearring]] sûnt it [[skisma]] tusken harren [[tsjerke]]n yn [[1054]].
*[[21 maart]] - It [[Ynternasjonaal Strafhof]] (ICC) yn [[De Haach]] feroardielet de eardere [[Demokratyske Republyk Kongo|Kongoleeske]] [[fise-presidint]] [[Jean-Pierre Bemba]] foar [[oarlochsmisdie]]den en [[misdieden tsjin 'e minsklikheid]]. Dit is de earste kear dat it ICC immen feroardielet yn ferbân mei [[seksueel geweld]] dat benammen tsjin [[froulju]] rjochte is.
*[[21 maart]] - De [[Feriene Steaten|Amerikaanske]] [[presidint]] [[Barack Obama]] bringt in besyk oan [[Kuba]] en is dêrmei de earste [[presidint fan 'e Feriene Steaten]] dy't dat buorlân besiket sûnt [[Calvin Coolidge]] yn [[1928]].
*[[22 maart]] - By [[oanslaggen yn Brussel (2016)|trije koördinearre oanslaggen]] yn 'e [[Belgje|Belgyske]] [[haadstêd]] [[Brussel]], op 'e [[Ynternasjonale Lofthaven Zaventem]] en it [[metro (ferfiermiddel)|metro]]stasjon [[Maalbeek]], komme 35 [[minske]]n om (ynkl. 3 dieders) en reitsje 340 oaren [[ferwûne]].
*[[24 maart]] - De eardere [[Bosnyske Serven|Bosnysk-Servyske]] lieder [[Radovan Karadžić]] wurdt troch it [[Joegoslaavjetribunaal]] yn [[De Haach]] feroardiele ta 40 jier [[finzenisstraf]] foar [[oarlochsmisdie]]den en [[misdieden tsjin 'e minsklikheid]] begien ûnder de [[Bosnyske Oarloch]] fan 'e [[1990-er jierren]].
*[[1 april]] - [[Grienlân]] fiert it [[homohoulik]] yn.
*[[3 april]] - De saneamde [[Panama Papers]], 11,5 miljoen fertroulike [[dokumint]]en fan it [[Panama|Panameeske]] [[abbekatekantoar]] [[Mossack Fonseca]], wurde lekt nei de media. Dêrtroch wurdt ynformaasje bekend oer geheime [[bankrekken]]s fan ferskate wrâldlieders, [[politisy]] en lju út 'e [[entertainment]]yndustry.
*[[16 april]] - By [[ierdbeving yn Ekwador (2016)|in ierdbeving]] fan 7,8 op 'e [[skaal fan Richter]] komme yn [[Ekwador]] 673 [[minske]]n om. Mear as 25.000 lju reitsje dakleas.
*[[28 april]] - [[Kolombia]] fiert it [[homohoulik]] yn.
*[[1 maaie|1]]-[[3 maaie]] - [[boskbrân fan Fort McMurray (2016)|In boskbrân]] leit it [[stêd|stedsje]] [[Fort McMurray]], yn 'e [[Kanada|Kanadeeske]] [[Kanadeeske provinsjes|provinsje]] [[Alberta]], yn 'e jiske. Dat liedt ta de grutste [[evakuaasje]] yn 'e [[skiednis fan Kanada]]. Mear as 2.400 [[gebou]]wen geane yn flammen op.
*[[12 maaie]] - It [[parlemint]] fan [[Brazylje]] set [[presidint]]e [[Dilma Rousseff]] ôf. [[Fise-presidint]] [[Michel Temer]] wurdt oansteld as pleatsferfangend presidint.
*[[juny]] - De [[Westafrikaanske ebola-epidemy]] wurdt betwongen. Hjirby binne mear as 11.300 [[minske]]n omkommen.
*[[12 juny]] - By [[oanslach yn Orlando (2016)|in oanslach]] yn in [[nachtklub]] foar [[homoseksualiteit|homo's]] yn 'e [[Feriene Steaten|Amerikaanske]] [[stêd]] [[Orlando (Floarida)]] komme 50 [[minske]]n om (ynkl. de dieder) en reitsje 58 oaren [[ferwûne]].
*[[16 juny]] - It [[Feriene Keninkryk|Britske]] [[parlemintslid]] [[Jo Cox]] wurdt yn it [[Ingelân|Ingelske]] [[Birstall (Ingelân)|Birstall]] [[moard op Jo Cox|deasketten en -stutsen]] troch in [[neo-nazisme|neo-nazy]] dy't har miening dat it [[Feriene Keninkryk]] lid bliuwe moat fan 'e [[Jeropeeske Uny]] as [[lânferrie]] beskôget.
*[[23 juny]] - By it [[referindum oangeande it Britske lidmaatskip fan de Jeropeeske Uny (2016)|Brexit-referindum]] stimt 52% fan 'e [[befolking]] fan it [[Feriene Keninkryk]] foar it opsizzen fan it Britske lidmaatskip fan 'e [[Jeropeeske Uny]]. [[Premier]] [[David Cameron]], dy't kampanje fierd hat om lid fan JU te bliuwen, treedt ôf.
*[[23 juny]] - It [[regear]] fan [[Kolombia]] en de [[rebel]]len fan de [[FARC]] slute yn it ramt fan it [[Kolombiaanske Fredesproses]] in [[wapenstilstân]], wêrmei't nei mear as in heale iuw in ein oan 'e FARC-rebûlje komt.
*[[28 juny]] - By [[oanslach yn Istanbûl (2016)|in oanslach]] op de [[lofthaven]] fan 'e [[Turkije|Turkske]] [[stêd]] [[Istanbûl]] troch oanhingers fan 'e saneamde [[Islamityske Steat yn Irak en Syrje|Islamityske Steat]] (IS) komme 45 [[minske]]n om en reitsje 236 oaren [[ferwûne]].
*[[6 july]] - De publikaasje fan 'e [[app]] fan it [[spultsje]] [[Pokémon Go]] foar [[smartphone]]s liedt ta in wrâldwide [[raazje]].
*[[14 july]] - By [[oanslach yn Nice (2016)|in oanslach]] yn 'e [[Frankryk|Frânske]] [[stêd]] [[Nice]] riidt in [[islamisme|islamistyske]] [[terrorist]] mei in [[frachtwein]] yn op in mannichte folk dy't [[feest]] fiert y.f.m. [[Bastilledei]]. Der falle 87 [[dea]]den (ynkl. de dieder) en der reitsje 434 lju [[ferwûne]].
*[[15 july|15]]-[[16 july]] - By [[steatsgreep yn Turkije (2016)|in steatgreep]] yn [[Turkije]] besiket in diel fan it [[leger (striidkrêften)|leger]] [[presidint]] [[Recep Tayyip Erdoğan]] ôf te setten. Dat mislearret, en Erdoğan grypt dit foarfal oan om drakoanyske maatregels troch te fieren, wêrby't tsientûzenen [[minske]]n oppakt wurde en hûnderttûzenen harren [[baan (wurk)|baan]] ferlieze.
*[[22 july]] - [[Man (eilân)|Man]] fiert it [[homohoulik]] yn.
*[[20 augustus]] - By [[bomoanslach yn Gaziantep (2016)|in bomoanslach]] yn 'e [[Turkije|Turkske]] [[stêd]] [[Gaziantep]] komme 54 [[minske]]n om en reitsje 66 oaren [[ferwûne]].
*[[28 septimber]] - In ynternasjonale groep ûndersikers konkludearret dat it [[ferkearsfleantúch]] [[Malaysia Airlines-flecht 17]], dat yn [[july]] [[2014]] boppe de eastlike [[Oekraïne]] delstoarte, troch pro-[[Ruslân|Russyske]] [[rebel]]len delsketten is mei in [[Bûk-raketsysteem|Bûk-raket]].
*[[3 oktober|3]]-[[10 oktober]] - De [[orkaan]] [[Orkaan Matthew|Matthew]] feroarsaket yn [[Haïty]] en [[Kuba]], op 'e [[Turks- en Kaikoseilannen]] en de [[Bahama's]] en yn 'e [[Amerikaanske steaten]] [[Floarida]], [[Georgia]] en [[Súd-Karolina]] yn totaal 603 [[dea]]den en rjochtet foar [[$]]15,1 miljard oan skea oan.
*[[9 oktober]] - Yn 'e [[Birma|Birmeeske]] steat [[Arakan]] brekke gefjochten út tusken [[regear]]ringstroepen en [[Rohingja (folk)|Rohingja]]-[[rebel]]len.
*[[13 oktober]] - It [[Britsk Antarktysk Territoarium]] fiert it [[homohoulik]] yn.
*[[novimber]] - Yn 'e [[Birma|Birmeeske]] steat [[Arakan]] begjint it Birmeeske [[leger (striidkrêften)|leger]] mei de [[Genoside op de Rohingja]]. Tsjin [[desimber]] binne al tûzenen [[etnysk]]e [[Rohingja (folk)|Rohingja]] útwykt nei [[Bangladesj]] en oare lannen.
*[[novimber]] - [[Sika-firusepidemy|De epidemy]] fan it [[sika-firus]] yn [[Latynsk-Amearika]] wurdt betwongen.
*[[8 novimber]] - By [[Amerikaanske presidintsferkiezings (2016)|presidintsferkiezings]] yn 'e [[Feriene Steaten]] kriget de [[Republikeinske Partij (Feriene Steaten)|Republikeinske]] kandidaat [[Donald Trump]] de measte [[Electoral College|kiesmannen yn it Elektoraal Kolleezje]] efter him (en wint dêrmei de ferkiezings), hoewol't syn [[Demokratyske Partij (Feriene Steaten)|Demokratyske]] rivale [[Hillary Clinton]] oansjenlik mear stimmen kriget.
*[[24 novimber]] - It [[regear]] fan [[Kolombia]] en de [[rebel]]lebeweging [[FARC]] ûndertekenje [[Kolombiaansk fredesproses|in fredesoerienkomst]], wêrmei't in ein komt oan [[Kolombiaansk Konflikt|'e oarloch]] tusken dy beide partijen.
*[[15 desimber]] - [[Gibraltar]] fiert it [[homohoulik]] yn.
*[[19 desimber]] - By [[oanslach yn Berlyn (2016)|in oanslach]] yn 'e [[Dútslân|Dútske]] [[haadstêd]] [[Berlyn]] riidt in [[islamisme|islamistyske]] [[terrorist]] mei in kaapte [[frachtwein]] yn op in [[kryst]]merk. Dêrby falle 12 [[dea]]den (ynkl. de oarspronklike [[frachtweinsjauffeur]], dy't by de kaping deasketten wie) en 56 [[ferwûne]]n. De dieder, in [[Anis Amri]], wit te ûntkommen.
*[[23 desimber]] - [[Anis Amri]], de dieder fan 'e [[oanslach yn Berlyn (2016)|de oanslach]] op 'e [[kryst]]merk yn [[Berlyn]], wurdt by in konfontaasje mei de [[Itaalje|Italjaanske]] [[plysje]] yn [[Milaan]] deasketten.
[[File:2017_10_15_VBIED-8_(37666124646).jpg|right|thumb|250px|[[Ruïne]]s yn 'e [[Somaalje|Somalyske]] [[haadstêd]] [[Mogadisjû]] nei [[bomoanslaggen yn Mogadisjû (14 oktober 2017)|de bomoanslaggen]] fan [[oktober]] [[2017]], dêr't mear as 500 minsken by omkamen.]]
[[File:Irma 2017-09-06 1745Z.jpg|right|thumb|230px|De [[orkaan]] [[Orkaan Irma|Irma]], dy't yn [[septimber]] [[2017]] [[Sint-Marten (steat)|Sint-Marten]] en ferskate oare [[eilannen]] yn it [[Karibysk Gebiet]] mei de grûn lyk makke.]]

;[[2017]]
*[[1 jannewaris]] - [[Ascension (eilân)|Ascension]] fiert it [[homohoulik]] yn.
*[[1 jannewaris]] - By [[oanslach yn Istanbûl (jannewaris 2017)|in oanslach]] op in [[nachtklub]] yn 'e [[Turkije|Turkske]] [[stêd]] [[Istanbûl]] sjit in [[islamisme|islamistyske]] [[terrorist]] 39 [[minske]]n [[dea]] en [[ferwûne]]t nochris 70 oaren.
*[[20 jannewaris]] - De [[Republikeinske Partij (Feriene Steaten)|Republikein]] [[Donald Trump]] wurdt [[ynauguraasje|ynaugurearre]] as [[presidint fan 'e Feriene Steaten]].
*[[21 jannewaris]] - De [[Frouljusmars (2017)|Frouljusmars]]: tsientallen miljoenen [[minske]]n dogge wrâldwiid mei oan 420 massale [[demonstraasje (protest)|demonstraasjes]] yn 'e [[Feriene Steaten]] en 168 yn oare [[lân|lannen]]. Dêrmei wurdt protestearre tsjin 'e ynauguraasje fan [[Donald Trump]] as [[presidint fan 'e Feriene Steaten]]. It is it grutste protest út 'e [[skiednis fan 'e Feriene Steaten]].
*[[13 febrewaris]] - [[Kim Jong-nam]], de âldere, yn [[ballingskip]] libjende [[broer]] fan 'e [[Noard-Koreä|Noardkoreaanske]] [[diktator]] [[Kim Jong-un]], wurdt by in [[oanslach (misdriuw)|oanslach]] troch twa [[froulju]] [[fermoarde]] mei [[VX-senuwgas]] yn in [[lofthaven]] yn [[Maleizje]].
*[[1 maart]] - [[Finlân]] fiert it [[homohoulik]] yn.
*[[10 maart]] - De [[presidinte]] fan [[Súd-Koreä]], [[Park Geun-hye]], wurdt troch it [[Grûnwetlik Hôf fan Koreä]] by in unanime beslissing ôfset fanwegen [[korrupsje]]. [[Premier]] [[Hwang Kyo-ahn]] wurdt plakferfangend presidint.
*[[22 maart]] - By [[oanslach yn Londen (maart 2017)|in oanslach]] op 'e [[Brêge fan Westminster]] en it [[Feriene Keninkryk|Britske]] [[parlemintsgebou]] (it [[Paleis fan Westminster]]) komme 6 [[minske]]n om (ynkl. de dieder) en reitsje 49 oaren [[ferwûne]].
*[[29 maart]] - It [[Feriene Keninkryk]] stelt [[Ferdrach fan Lissabon (2007)|kêst 50 fan it Ferdrach fan Lissabon]] yn wurking, wêrmei't [[ûnderhanneling]]s oer [[Brexit]] begjinne.
*[[7 april]] - By [[oanslach yn Stokholm (2017)|in oanslach]] yn 'e [[Sweden|Sweedske]] [[haadstêd]] [[Stokholm]] riidt in [[islamisme|islamistyske]] [[terrorist]] mei in stellen [[bestelwein]] yn op [[fuotgonger]]s op 'e [[Drottninggata]], in drokke [[winkelstrjitte]]. Der komme 5 [[minske]]n om en 14 oaren reitsje [[ferwûne]]. De dieder, [[Rakhmat Akilov]], wurdt [[arrestaasje|arrestearre]].
*[[29 april]] - De [[Falklâneilannen]] fiere it [[homohoulik]] yn.
*[[2 maaie]] - [[Guernsey]] fiert it [[homohoulik]] yn.
*[[7 maaie]] - By [[Frânske presidintsferkiezings (2017)|ferkiezings]] yn [[Frankryk]] wurdt [[Emmanuel Macron]], de kandidaat fan 'e nije [[politike partij]] [[En Marche!]] keazen ta [[presidint]].
*[[12 maaie]] - In grutte [[cyberoanfal]] mei it [[WannaCry-ransomware-oanfal|WannaCry-ransomwareprogramma]] ynfektearret mear as 230.000 [[kompjûter]]s yn 150 [[lân|lannen]] en easket betelling yn [[bitcoin]]s yn 28 [[taal|talen]]. Benammen [[bedriuw]]en en ynstellings dy't harren [[firusbeskerming]] net by de tiid holden hawwe, wurde swier troffen, wêrûnder it [[telekommunikaasje]]bedriuw [[Telefónica]] yn [[Spanje]], it [[iepenbier ferfier|ferfiersbedriuw]] [[Deutsche Bahn]] yn [[Dútslân]], de [[pakketbesoargingstsjinst]] [[FedEx]] yn 'e [[Feriene Steaten]] en [[sikehuzen]] fan 'e [[Feriene Keninkryk|Britske]] [[National Health Service]].
*[[22 maaie]] - By [[bomoanslach yn de Manchester Arena|in bomoanslach]] yn 'e [[Feriene Keninkryk|Britske]] [[stêd]] [[Manchester (Ingelân)|Manchester]] op 'e [[Manchester Arena]], fuort nei ôfrin fan in [[konsert]] fan 'e [[Feriene Steaten|Amerikaanske]] [[sjongster]] [[Ariana Grande]], komme 23 [[minske]]n om (ynkl. de dieder) en reitsje 512 oaren [[ferwûne]].
*[[1 juny]] - De [[Feriene Steaten|Amerikaanske]] [[presidint]] [[Donald Trump]] kundiget oan dat er de [[Feriene Steaten]] weromlûke sil út it [[Klimaatakkoart fan Parys]]. Dat liedt ta wrâldwide feroardieling.
*[[3 juny]] - By [[oanslach yn Londen (juny 2017)|in oanslach]] yn 'e [[Feriene Keninkryk|Britske]] [[haadstêd]] [[Londen]] komme 11 [[minske]]n om (ynkl. 3 dieders) en reitsje 48 oaren [[ferwûne]] as [[islamisme|islamistyske]] [[terrorist]]en op 'e [[London Bridge]] ynride op [[fuotgonger]]s en oan 'e súdkant fan 'e [[Teems]] út harren [[autobuske]] springe en op 'e [[Borough Market]] de [[merk (hannelsgearkomste)|merk]]besikers mei [[mês|messen]] oanfalle.
*[[5 juny]] - [[Montenegro]] wurdt as 29e [[lân]] lid fan 'e [[NATO]].
*[[5 juny]] - De [[Katareeske Diplomatike Krisis]] begjint as sân [[Arabieren|Arabyske lannen]] ([[Saûdy-Araabje]], [[Bachrein]], [[Egypte]], de [[Feriene Arabyske Emiraten]], [[Jemen]], [[Lybje]] en [[Mauretaanje]]) alle [[diplomasy|diplomatike betrekkings]] mei [[Katar]] ferbrekke op 'e beskuldiging dat dat lân de regio destabilisearje soe troch [[terrorisme]] te stypjen. Yn it echt giet it derom dat Katar net nei Saûdy-Araabjes pipen dûnsje wol.
*[[8 juny]] - By [[Britske ferkiezings (2017)|ferkiezings]] yn it [[Feriene Keninkryk]], dy't trije jier earder as nedich útroppen binne troch [[premier]] [[Theresa May]] om in sterkere posysje te krijen foar de [[Brexit]]-[[ûnderhanneling]]s mei de [[Jeropeeske Uny]], ferliest May har [[Konservative Partij (Feriene Keninkryk)|Konservative Partij]] ûnferwachts de mearderheid yn it [[Legerhûs (Feriene Keninkryk)|Legerhûs]]. De [[sosjalist]]yske [[Labourpartij (Feriene Keninkryk)|Labourpartij]] fan [[Jeremy Corbyn]] wint foar it earst sûnt [[1997]] oan parlemintssitten. May wurdt twongen om in [[minderheidsregear]] te foarmjen dat ôfhinklik is fan stipe fan 'e [[Noard-Ierlân|Noardierske]] [[Demokratyske Unionistyske Partij|DUP]].
*[[14 juny]] - By de [[brân yn de Grenfelltoer]], in [[flatgebou]] yn 'e [[Feriene Keninkryk|Britske]] [[haadstêd]] [[Londen]], komme 71 [[minske]]n om.
*[[1 july]] - De [[Fêreu-eilannen]] fiere it [[homohoulik]] yn.
*[[10 july]] - De [[Irak|Iraakske]] [[stêd]] [[Mosûl]] wurdt foar befrijd ferklearre nei de ferdriuwing fan striders fan 'e saneamde [[Islamityske Steat yn Irak en Syrje|Islamityske Steat]] (IS).
*[[4 augustus]] - [[Tristan da Cunha (arsjipel)|Tristan da Cunha]] fiert it [[homohoulik]] yn.
*[[11 augustus|11]]-[[12 augustus]] - Yn it [[Feriene Steaten|Amerikaanske]] plak [[Charlottesville (Firginia)]] wurdt de [[Unite the Right-demonstraasje]] holden, dêr't [[rasisme|rasisten]] en [[neo-nazisme|neo-nazys]] fan alderhanne plommaazje oan meidogge. As [[antyfaksisme|antyfaksistyske]] [[demonstranten]] in tsjinprotest hâlde, riidt neo-nazy [[James Alex Fields jr.]] mei syn [[auto]] mei opsetsin yn op 'e tsjindemonstraasje, wêrmei't er 1 [[persoan]], Heather Heyer, om hals bringt en 19 oaren [[ferwûne]]t. Fields sels wurdt arrestearre. De Amerikaanske [[presidint]] [[Donald Trump]] soarget neitiid foar grutte opskuor as er úthâldt dat sawol ûnder de neo-nazys as ûnder de antyfaksisten goede minsken binne en dat beide kanten likefolle skuld hawwe oan it ynsidint.
*[[16 augustus]] - By in [[ûntploffing]] yn it [[Kataloanje|Katalaanske]] plak [[Alcanar]] komme 2 [[minske]]n om en reitsje 15 [[ferwûne]]. Letter docht bliken dat de eksploazje by fersin feroarsake is troch [[islamisme|islamistyske]] [[terrorist]]en dy't in [[bom]] oan it meitsjen wiene, en dat de beide deaden terroristen binne. De rest fan 'e [[sel (organisaasje)|sel]] beslút nei oanlieding hjirfan om daliks oer te gean ta it dwaan fan oanslaggen mei [[mês|messen]] en troch mei [[frachtwein]]en op [[fuotgonger]]s yn te riden.
*[[17 augustus|17]]-[[18 augustus]] - By [[oanslaggen yn Kataloanje (2017)|oanslaggen]] yn de [[Kataloanje|Katalaanske]] plakken [[Barseloana (stêd)|Barseloana]] (op 17&nbsp;augustus) en [[Cambrils]] (op 18&nbsp;augustus) falle 21 [[dea]]den (ynkl. 5 dieders) en 137 [[ferwûne]]n.
*[[24 augustus|24]]-[[27 augustus]] - De [[orkaan]] [[Orkaan Harvey|Harvey]] giet by de [[stêd]] [[Houston]] oan lân yn 'e [[Amerikaanske steat]] [[Teksas]], en lit dêr yn 4 [[dagen]] tiid 1.000&nbsp;[[mm]] [[rein (delslach)|rein]] falle. By de [[wettersneed]] dy't dêrtroch feroarsake wurdt, komme 82 [[minske]]n om en reitsje 30.000 oaren dakleas.
*[[25 augustus]] - De [[Feriene Naasjes]] feroardielje de [[Genoside tsjin de Rohingja|ferfolging]] fan 'e [[islam]]ityske [[Rohingja (folk)|Rohingja]]-[[minderheid]] yn it fierhinne [[boedisme|boedistyske]] [[Birma]] as "in dúdlik foarbyld fan [[etnyske suvering]]s."
*[[1 septimber]] - [[Malta]] fiert it [[homohoulik]] yn.
*[[6 septimber|6]]-[[11 septimber]] - De [[orkaan]] [[Orkaan Irma|Irma]] feroarsaket op 'e [[Lytse Antillen]], [[Hispanjoala]] en [[Kuba]] en yn 'e [[Amerikaanske steat]] [[Floarida]] 82 [[dea]]den en in materiële skea fan [[$]]62,7 miljard. Benammen op [[Barbûda]], [[Sint-Marten (eilân)|Sint-Marten]], de [[Britske Famme-eilannen]] en de [[Florida Keys]] is de ravaazje frijwol folslein.
*[[19 septimber|19]]-[[22 septimber]] - De [[orkaan]] [[Orkaan Maria|Maria]] feroarsaket op 'e [[Lytse Antillen]], [[Hispanjoala]] en [[Porto Riko]] en yn 'e [[Amerikaanske steat]] [[Noard-Karolina]] yn totaal teminsten 3.057 [[dea]]den en rjochtet foar [[$]]91,6 miljard oan skea oan. Fan 'e Lytse Antillen binne [[Dominika]] en [[Gûadelûp]] it swierst troffen, mar fierwei it slimst is de sitewaasje op Porto Riko, dêr't teminsten 2.975 deaden falle en foar krapoan $90 miljard oan skea oanrjochte wurdt. Dielen fan it eilân sitte mear as in heal jier sûnder [[elektrisiteit]].
*[[25 septimber]] - Yn [[Iraaksk-Koerdistan]] wurdt [[Koerdysk ûnôfhinklikheidsreferindum|in referindum]] holden, wêrby't de kiezers mei in oerweldigjende mearderheid fan 92,7% foar ûnôfhinklikheid stimme. [[Irak]] wegeret de útkomst te erkennen en de krisis boazet oan ta [[Iraaksk-Koerdysk konflikt (2017)|in koart wapene konflikt]].
*[[29 septimber]] - Yn [[Nederlân]] wurdt de jonge [[frou]] [[moard op Anne Faber|Anne Faber ferkrêfte en fermoarde]], nei't letter blykt troch Michael P., dy't op [[ferlof]] is út in [[TBS]]-[[klinyk]] yn [[Den Dolder]]. De saak soarget foar in protte opskuor, mei't de measte minsken net begripe hoe't sa'n man ea ferlof krije kinnen hat.
*[[1 oktober]] - [[Dútslân]] fiert it [[homohoulik]] yn.
*[[1 oktober]] - Yn 'e [[Spanje|Spaanske]] regio [[Kataloanje]] wurdt in [[Katalaansk ûnôfhinklikheidsreferindum (2017)|referindum]] oer ûnôfhinklikheid holden, dat troch de Spaanske federale [[oerheid]] ferbean is. Nettsjinsteande [[Operaasje Anubis|in koördinearre besykjen]] troch de Spaanske [[plysje]] om 'e minsken it stimmen ûnmooglik te meitsjen, bringe dochs noch 2,3 miljoen Katalanen harren stim út. Fan harren stimt 92% foar ûnôfhinklikheid. De bylden fan Spaanske plysjeminsken dy't mei kneppels ynslane op âlden fan dagen dy't harren stim útbringe wolle, roppe yn 'e hiele wrâld ûntsetting en walging op.
*[[1 oktober]] - By it [[Bloedbad fan Las Vegas (2017)|Bloedbad fan Las Vegas]], yn 'e [[Amerikaanske steat]] [[Nevada]], komme 58 [[minske]]n om en reitsje nochris 546 oaren [[ferwûne]] as [[Stephen Paddock]], in [[sljochtsinnigens|geastlik steurde]] [[man (persoan)|man]], mei [[mitrailleur]]s fanút it [[Mandalay Bay]]-[[hotel]] it fjoer iepenet op 'e besikers fan in [[countrymuzyk]]konsert op it terrein oare kant de [[strjitte]]. Paddock docht [[selsmoard]] ear't de [[plysje]] arrivearje kin om him op te pakken.
*[[14 oktober]] - By [[bomoanslaggen yn Mogadisjû (14 oktober 2017)|bomoanslaggen]] yn 'e [[Somaalje|Somalyske]] [[haadstêd]] [[Mogadisjû]] komme 512 [[minske]]n om en reitsje 316 oaren [[ferwûne]].
*[[15 oktober]] - De [[Feriene Steaten|Amerikaanske]] [[aktrise]] [[Alyssa Milano]] jout de oanset ta de [[Me Too (hashtag)|Me Too]]-beweging, as se opropt om in [[hashtag]] mei dy namme te brûken om slachtoffers fan [[seksueel misbrûk]] witte te litten dat se net allinne steane. De beweging waakst oan as almar mear bekende froulju nei bûten komme mei ferhalen fan misbrûk. It liedt meitiid ta de ein fan 'e [[karriêre]] fan notoire misbrûkers yn [[Hollywood]], lykas [[film]]produsint [[Harvey Weinstein]] en akteur [[Kevin Spacey]].
*[[17 oktober]] - [[Rakka (Syrje)|Rakka]], de [[haadstêd]] fan 'e saneamde [[Islamityske Steat yn Irak en Syrje|Islamityske Steat]] (IS), wurdt befrijd troch in [[Feriene Steaten|Amerikaansk]]-[[Koerden|Koerdyske]] koälysje.
*[[27 oktober]] - Op basis fan 'e útkomst fan it [[Katalaansk ûnôfhinklikheidsreferindum (2017)|referindum]] fan [[oktober]] ropt [[Kataloanje]] de ûnôfhinklikheid út en skuort him dêrmei los fan [[Spanje]]. It nije lân kriget lykwols gjin ynternasjonale erkenning.
*[[5 novimber]] - De saneamde [[Paradise Papers]], 13,4 miljoen fertrouwlike [[kompjûter|digitale]] [[dokumint]]en oangeande [[offshore-ynvestearring]]s, wurde lekt nei de [[media]].
*[[15 novimber]] - By [[steatsgreep yn Simbabwe (2017)|in steatgreep]] yn [[Simbabwe]] komt nei mear as in fearnsiuw in ein oan it [[regear]] fan [[presidint]] [[Robert Mugabe]]. Hy wurdt ûnder [[hûsarrest]] pleatst.
*[[21 novimber]] - [[Presidint]] [[Robert Mugabe]] fan [[Simbabwe]] treedt formeel ôf.
*[[22 novimber]] - It [[Joegoslaavjetribunaal]] yn [[De Haach]] befynt de eardere [[Bosnyske Serven|Bosnysk-Servyske]] [[generaal]] [[Ratko Mladić]] skuldich oan [[genoside]] foar it [[Bloedbad fan Srebrenica]], ûnder de [[Bosnyske Oarloch]] fan 'e [[1990-er jierren]]. Hy wurdt feroardiele ta [[libbenslange finzenisstraf]].
*[[24 novimber]] - By [[bomoanslach op in moskee yn de Sinaï (2017)|in bomoanslach]] op in [[moskee]] yn 'e [[Egypte|Egyptyske]] [[Sinaï-skiereilân|Sinaï]] komme 311 [[minske]]n om en reitsje 122 oaren [[ferwûne]].
*[[5 desimber]] - Nei oanlieding fan it [[Russysk dopingskandaal]] ferbiedt it [[Ynternasjonaal Olympysk Komitee]] de dielname fan [[Ruslân]] oan 'e [[Olympyske Winterspullen 2018|Olympyske Winterspullen fan 2018]] yn [[Pyeongchang]].
*[[6 desimber]] - De [[Feriene Steaten]] erkenne tsjin alle ynternasjonale [[ferdraggen]] yn de ûnrjochtlik troch [[Israel]] besette stêd [[Jeruzalim]] as de Israelyske [[haadstêd]].
*[[9 desimber]] - [[Austraalje (lân)|Austraalje]] fiert it [[homohoulik]] yn.
*[[9 desimber]] - De [[Irak|Iraakske]] [[premier]] [[Haider al-Abadi]] makket de oerwinning op 'e saneamde [[Islamityske Steat yn Irak en Syrje|Islamityske Steat]] (IS) bekend. Dêrmei komt in ein oan 'e [[Iraakske Boargeroarloch]].
*[[20 desimber]] - Sint-Helena fiert it [[homohoulik]] yn.
[[File:Kim_and_Trump_shaking_hands_at_the_red_carpet_during_the_DPRK–USA_Singapore_Summit.jpg|right|thumb|250px|De [[Noard-Koreä|Noardkoreaanske]] [[diktator]] [[Kim Yong-un]] en de [[Amerikaanske presidint]] [[Donald Trump]] fûstkje yn [[2018]] ûnder [[Amerikaansk-Noardkoreaanske topmoeting (2018)|harren topmoeting]] yn [[Singapoer]].]]
[[File:WOMEN2DRIVE logo.png|right|thumb|220px|De [[Froulju efter it Stjoer-beweging]] yn [[Saûdy-Araabje]] late yn [[2018]] ta de opheffing fan it ferbod op [[auto]]riden foar [[froulju]]. De [[aktivist]]es fan 'e earste oere, lykas [[Lûdjeen al-Hatlûl]], sieten lykwols [[finzen]] en kamen net frij.]]
[[File:Jamal_Khashoggi_in_March_2018_(cropped).jpg|right|thumb|180px|De [[Saûdy-Araabje|Saûdyske]] [[sjoernalist]] [[Djamal Chasjokdji]] waard yn [[2018]] yn it Saûdyske [[konsulaat (gebou)|konsulaat]] yn [[Istanbûl]] [[fermoarde]].]]

;[[2018]]
*[[20 jannewaris]] - It [[Turkije|Turkske]] [[leger (striidkrêften)|leger]] set útein mei in [[Turkske militêre yntervinsje yn Afrin|ynfal yn Afrin]], in diel fan noardlik [[Syrje]], dat yn 'e [[Syryske Boargeroarloch]] yn 'e hannen kommen is fan 'e [[Koerden|Koerdyske]] [[YPG]]-[[milysje]].
*[[20 jannewaris|20]]-[[22 jannewaris]] - Yn 'e [[Feriene Steaten]] fynt in koarte [[oerheidssluting]] (''government shutdown'') plak as in nije [[begrutting]] net goedkard wurde kin om't [[presidint]] [[Donald Trump]] en it [[Amerikaanske Kongres]] it net iens wurde kinne oer de opfangregeling foar [[minderjierrige]] [[asylsiker]]s [[Deferred Action for Childhood Arrivals|DACA]].
* [[27 jannewaris]] - Yn 'e [[Fryslân|Fryske]] [[haadstêd]] [[Ljouwert (stêd)|Ljouwert]] wurdt yn oanwêzichheid fan [[kening]] [[Willem-Alexander fan de Nederlannen|Willem-Alexander]] en [[keninginne]] [[Máxima Zorreguieta|Máxima]] de [[Kulturele Haadstêd fan Jeropa 2018#Ljouwert|iepening fan it projekt LF2018]] holden. Op dit [[feest]]like evenemint komme nettsjinsteande de lichte [[rein (delslach)|rein]] 35.000 minsken ôf.
*[[14 febrewaris]] - Under swiere druk fan syn eigen [[politike partij|partij]], it [[Afrikaansk Nasjonaal Kongres|ANC]], treedt de troch [[korrupsje]]skandalen efterfolge [[presidint]] fan [[Súd-Afrika]] [[Jacob Zuma]] nei njoggen jier ôf.
*[[14 febrewaris]] - By it [[Bloedbad op de Stoneman Douglas High School]] yn it [[Feriene Steaten|Amerikaanske]] plak [[Parkland (Floarida)]] komme 17 [[minske]]n om en reitsje 17 oaren [[ferwûne]] as in [[sljochtsinnigens|geastlik steurde]] [[man (persoan)|man]] it fjoer iepenet op [[learling]]en en [[learkrêft]]en. De dieder, in [[Nikolas Cruz]], wurdt neitiid [[arrestaasje|arrestearre]].
*[[4 maart]] - De eardere [[Ruslân|Russyske]] [[dûbelagint]] [[Sergej Skripal]] wurdt mei syn [[dochter]] [[Jûlija Skripal|Jûlija]] [[fergiftige]] yn syn wenplak [[Salisbury (Ingelân)|Salisbury]], yn [[Ingelân]]. Beiden oerlibje lykwols [[fergiftiging fan Sergej en Jûlija Skripal|de knoffelich útfierde oanslach]], dêr't de Russyske [[feilichheidstsjinst]] [[GRU]] efter sit. As [[wapen]] is it [[senuwgas]] [[Novitsjok]] ynset.
*[[18 maart]] - By ûnfrije en ûn[[demokratysk]]e [[Russyske presidintsferkiezings (2018)|ferkiezings]] yn [[Ruslân]] wurdt de sittende [[presidint]] [[Vladimir Pûtin]] foar in fjirde termyn ta presidint keazen.
*[[23 maart]] - By [[oanslaggen yn Carcassonne en Trèbes|oanslaggen]] troch in [[islamisme|islamistyske]] [[terrorist]] yn it [[Frankryk|Frânske]] [[Carcassonne]] en [[Trèbes]] komme 5 [[minske]]n om, ynkl. de dieder.
*[[25 maart]] - By [[Brân yn in winkelsintrum yn Kemerovo (2018)|in brân]] yn in [[winkelsintrum]] yn 'e [[Ruslân|Russyske]] [[stêd]] [[Kemerovo]] komme 64 [[minske]]n om.
*[[7 april]] - Yn [[Brazylje]] wurdt de eardere [[presidint]] [[Luiz Inácio Lula da Silva]] [[arrestaasje|arrestearre]] foar [[korrupsje]] en [[wytwaskjen|wytwaskpraktiken]].
*[[18 april]] - Yn [[Nikaragûa]] begjinne [[protesten yn Nikaragûa (2018)|massale protesten]] tsjin 'e [[pinsjoen]]herfoarmings fan it [[regear]] fan [[presidint]] [[Daniel Ortega]]. Likernôch 34 [[demonstranten]] wurde deasketten troch de [[plysje]].
*[[23 april]] - By [[oanslach yn Toronto (2018)|in oanslach]] yn 'e [[Kanada|Kanadeeske]] [[stêd]] [[Toronto]] riidt de bestjoerder fan in [[bestelbuske]] 10 [[minske]]n dea, wylst 16 oaren [[ferwûne]] reitsje. De dieder, [[Alek Minassian]], blykt in [[sljochtsinnigens|steurde geast]] te wêzen dy't in ûnbedimbere [[hate]] foar [[froulju]] opfet hat.
*[[23 april]] - De [[Armeenje|Armeenske]] [[premier]] [[Serzj Sargsjan]] treedt ôf nei [[protesten yn Armeenje (2018)|oanhâldende protesten]].
*[[27 april]] - [[Kim Jong-un]] en [[Moon Jae-in]], de [[presidint]]en fan [[Noard-Koreä]] en [[Súd-Koreä]], hâlde in topmoeting yn 'e [[Koreaanske Demilitarisearre Sône]].
*[[3 maaie]] - Op it [[eilân]] [[Hawaï (eilân)|Hawaï]], yn 'e [[Amerikaanske steat]] [[Hawaï]], begjint [[lava]] op te boarreljen út in sydkanaal fan 'e [[fulkaan]] de [[Kīlauea]]. By dizze [[Utbarsting fan de Puna (2018)|útbarsting fan Puna]] wurdt in soad materiële skea feroarsake. Tûzenen minsken moatte út harren [[wente]]n [[evakuëarre]] wurde.
*[[8 maaie]] - De [[Feriene Steaten|Amerikaanske]] [[presidint]] [[Donald Trump]] lûkt syn lân werom út 'e saneamde [[Iraan-deal]]. Boppedat stelt er sanksjes yn it foarútsjoch tsjin bûtenlânske [[bedriuw]]en dy't trochgean mei [[hannel]] te driuwen mei Iraan. Dêrmei sabotearret er de hiele oerienkomst, net om't Iraan him dêr net oan hâldt, sa't Trump tsjin alle rapporten fan it [[Ynternasjonaal Atoomenerzjy Agintskip]] (IAEA) yn beweart, mar poer foar binnenlânsk polityk gewin.
*[[9 maaie]] - By [[Maleizyske ferkiezings (2018)|parlemintsferkiezings]] yn [[Maleizje]] behellet de [[opposysje (polityk)|opposysje]], ûnder it liederskip fan 'e 92-jierrige âld-[[premier]] [[Mahathir Mohamad]], in grutte oerwinning oer it [[regear]] fan 'e [[korrupsje|korrupte]] [[Najib Razak]]. Dêrmei komt ek in ein oan it rezjym fan 'e [[Barisan Nasional]]-koälysje, dat 61 jier duorre hat. 
*[[25 maaie]] - By [[Iersk abortusreferindum (2018)|in referindum]] yn [[Ierlân]] stimt in grutte mearderheid fan it [[elektoraat]] (66,4%) foar it opheffen fan it ferbod op [[abortus]].
*[[3 juny]] - By [[Utbarsting fan de Volcán de Fuego (2018)|in útbarsting]] fan 'e [[fulkaan]] [[Volcán de Fuego]], yn [[Gûatemala]], komme teminsten 109 [[minske]]n om en reitsje hûnderten oaren [[ferwûne]].
*[[12 juny]] - Yn [[Singapoer]] wurdt [[Amerikaansk-Noardkoreaanske topmoeting (2018)|in topmoeting]] holden tusken de [[presidint]]en fan [[Noard-Koreä]], [[Kim Jong-un]], en fan de [[Feriene Steaten]], [[Donald Trump]].
*[[24 juny]] - Yn [[Saûdy-Araabje]] wurdt [[auto]]riden foar [[froulju]] legalisearre. De [[Women to Drive-beweging|aktivistes dy't dêrfoar striden hawwe]], bliuwe lykwols yn it [[tichthûs (finzenis)|tichthûs]] sitten.
*[[1 july]] - [[Jersey]] fiert it [[homohoulik]] yn.
*[[6 july]] - De [[Feriene Steaten|Amerikaanske]] [[presidint]] [[Donald Trump]] lokket [[Amerikaansk-Sineeske hannelsoarloch (2018)|in hannelsoarloch]] mei [[Sina]] út troch iensidich de [[ynfiertaryf|ynfiertariven]] op [[ymport]]artikels út Sina mei [[$]]34 miljard te ferheegjen.
*[[10 july]] - By de [[Grotrêding fan Tham Luang]] wurde 12 [[jonge]]s fan in [[fuotbal]]alvetal en harren [[trener]] nei 17 [[dagen]] troch in ynternasjonaal team fan [[dûker]]s út 'e [[Tham Luang Nang Non]]-[[grot]] yn [[Tailân]] rêden, dêr't se fêst kommen wiene te sitten troch hommels opkommend [[wetter]].
*[[23 july|23]]-[[26 july]] - By [[boskbrannen yn Grikelân (2018)|boskbrannen]] yn [[Grikelân]] komme yn 'e regio [[Attika]] teminsten 88 [[minske]]n om, wylst 187 oaren [[ferwûne]] reitsje. 
*[[10 augustus|10]]-[[20 augustus]] - Swiere [[rein (delslach)|stjalprein]] feroarsaket yn 'e súdlike [[Yndia]]aske dielsteat [[Kerala]] de [[wettersneed yn Kerala (2018)|slimste wettersneed]] yn hûndert jier.
*[[14 augustus]] - De [[Morandi-brêge]] yn it [[Itaalje|Italjaanske]] [[Genua (stêd)|Genua]] [[ynstoarten fan de Morandi-brêge|stoart yn]] nei in swiere [[stoarm]]. Dêrby komme 43 [[minske]]n om.
*[[2 septimber]] - In [[brân]] ferwuostget it [[Nasjonaal Museum fan Brazylje]] yn [[Rio de Janeiro]]. Net ien rekket [[ferwûne]], mar 90% fan 'e ûnferfangbere kolleksje giet ferlern.
*[[6 septimber]] - It [[Heechgerjochtshôf fan Yndia]] ferklearret dat de [[wet]]ten dy't [[homoseksualiteit]] ferbiede, ûn[[grûnwet]]lik binne, en stelt se bûten wurking. Dêrmei wurdt yn [[Yndia]] homoseksualiteit dekriminalisearre.
*[[20 septimber]] - De [[Tanzania]]anske [[fearboat]] [[MS Nyerere|MS ''Nyerere'']] [[kapseizen|kapseist]] en sinkt op 'e [[Fiktoariamar]], wêrby't teminsten 228 [[minske]]n omkomme.
*[[28 septimber]] - By [[ierdbeving op Selebes (2018)|in ierdbeving]] fan 7,5 op 'e [[skaal fan Richter]] folge troch in [[tsûnamy]] komme op it [[Yndoneezje|Yndonezyske]] [[eilân]] [[Selebes]] teminsten 2.256 [[minske]]n om en reitsje teminsten 10.679 oaren [[ferwûne]].
*[[2 oktober]] - De [[Saûdy-Araabje|Saûdyske]] [[balling]] en [[sjoernalist]] [[Djamal Chasjokdji]] wurdt it Saûdyske [[konsulaat (gebou)|konsulaat]] yn 'e [[Turkije|Turkske]] [[stêd]] [[Istanbûl]] binnenlokke en dêr [[fermoarde]] troch in [[deadseskader]] dat wurket yn opdracht fan 'e Saûdyske [[kroanprins]] [[Mohammed bin Salman]]. De [[moard op Djamal Chasjokdji]] liedt ta in djippe [[diplomasy|diplomatike krisis]] tusken Saûdy-Araabje en de [[Westerske wrâld]].
*[[10 oktober]] - [[Orkaan Michael|Michael]] komt as in [[orkaan]] fan 'e [[skaal fan Saffir-Simpson|5e kategory]] út 'e [[Golf fan Meksiko]] oan lân yn 'e [[Florida Panhandle]]. It [[stêd|stedsje]] [[Mexico Beach (Floarida)|Mexico Beach]] wurdt folslein fuortfage.
*[[16 oktober]] - [[Kanada]] legalisearret as twadde lân yn 'e wrâld (nei [[Oerûguay]]) de [[ferkeap]] en it gebrûk fan [[kannabis]] foar [[rekreaasje|rekreätive doelen]].
*[[27 oktober]] - By [[oanslach yn Pittsburgh (2018)|in oanslach]] op in [[synagoge]] yn 'e [[Feriene Steaten|Amerikaanske]] [[stêd]] [[Pittsburgh]] wurde 11 [[minske]]n [[dea]]sketten en reitsje 7 oaren [[ferwûne]], ûnder wa de dieder, dy't hannele út [[antysemitysk]]e oertsjûgings.
*[[28 oktober|28]] - By [[Brazyljaanske presidintsferkiezings (2018)|ferkiezings]] yn [[Brazylje]] wurdt de iepentlik [[faksistysk]]e kandidaat [[Jair Bolsonaro]] ta [[presidint]] keazen mei 55% fan 'e stimmen.
*[[29 oktober]] - It [[Yndoneezje|Yndonezyske]] [[ferkearsfleantúch]] [[Lion Air-flecht 610]] stoart del yn 'e [[Javasee]] benoarden it [[eilân]] [[Java]]. Dêrby komme alle 189 ynsittenden om.
*[[4 novimber]] - By [[Nijkaledoanyske ûnôfhinklikheidsreferindum (2018)|in referindum]] oer de [[takomst]] fan it [[Frankryk|Frânske]] [[Frânske oerseeske gebietsdielen|oerseeske gebietsdiel]] [[Nij-Kaledoanje]] stimt 56,4% fan 'e [[befolking]] fan it gebiet tsjin ûnôfhinklikheid.
*[[6 novimber]] - By de [[Amerikaanske midtermynsferkiezings (2018)|midtermynsferkiezings]] yn 'e [[Feriene Steaten]] boekt de [[Demokratyske Partij (Feriene Steaten)|Demokratyske Partij]] in grutte oerwinning op [[Republikeinske Partij (Feriene Steaten)|Republikeinen]] fan [[presidint]] [[Donald Trump]]. De Demokraten winne de mearderheid yn it [[Amerikaanske Hûs fan Offurdigen]]. Yn 'e [[Amerikaanske Senaat]] kin mar foar in trêdepart fan 'e sitten stimd wurde en dy lizze allegear yn [[plattelân]]sgebiet, dêr't Trump in soad oanhing hat. Nettsjinsteande dat ferlieze de Demokraten yn 'e Senaat mar inkele sitten.
*[[8 novimber]] - De [[Boskbrân fan Camp]], yn 'e [[Amerikaanske steat]] [[Kalifornje]], ferwuosget it hiele [[stêd|stedsje]] [[Paradise (Kalifornje)|Paradise]]. Dêrby komme teminsten 88 [[minske]]n om en wurde 18.804 [[wente]]n ferneatige.
*[[1 desimber]] - Yn [[Frankryk]] begjinne grutskalige [[demonstraasje (protest)|demonstraasjes]] fan 'e protestbeweging dy't bekend komt te stean as de [[Giele Heskes]]. Der wurdt demonstrearre tsjin ferheging fan 'e [[benzine]]-[[aksyns|aksynzen]] en withoefolle oare saken. Yn [[Parys]] brekt ûnder de demonstraasjes ferskate kearen [[opskuor]] út. De Giele Heskes-beweging is de slimste boargerlike ûnrêst yn Frankryk sûnt de [[protesten fan 1968 (Frankryk)|protesten fan 1968]].
*[[22 desimber]] - In [[fulkaanútbarsting|útbarsting]] fan 'e [[fulkaan]] de [[Anak Krakatau]], yn 'e [[Sûndastrjitte]] tusken de [[Yndoneezje|Yndonezyske]] [[eilannen]] [[Java]] en [[Sumatra]], feroarsaket [[tsûnamy yn de Sûndastrjitte (2018)|in tsûnamy]] dy't op 'e [[kust]]en fan dy eilannen oan teminsten 430 [[minske]]n it libben kostet en krapoan 1.500 oaren [[ferwûne]]t.
[[File:Manifestation_contre_le_5e_mandat_de_Bouteflika_(Blida).jpg|right|thumb|250px|[[Demonstranten]] yn [[Algerije]] easkje yn [[2019]] it ôftreden fan [[presidint]] [[Abdelazyz Bûteflika]].]]
[[File:Cryptocurrency_logos.jpg|right|thumb|250px|[[Kryptofaluta]], lykas de [[Bitcoin]], wiene populêr yn 'e twadde helte fan 'e 2010-er jierren.]]
[[File:Delivery drone.jpg|right|thumb|250px|In [[drone]] besoarget in [[pakket]]sje.]]

;[[2019]]
* [[1 jannewaris]] - [[Eastenryk]] fiert it [[homohoulik]] yn.
* [[1 jannewaris]] - By de [[containerramp mei de MSC Zoe|containerramp mei de ''MSC Zoe'']] slane op 'e [[Noardsee]] fuort benoarden [[it Waad]] op it [[containerskip]] de ''[[MSC Zoe]]'' teminsten 345 [[seecontainer]]s oerboard. Om't in grut tal fan dy containers yn stikken brekke, soarget dat foar in ûnbidige [[miljeu]]ramp, wêrfan't de gefolgen noch jierren te fielen wêze sille.
* [[10 jannewaris]] - De troch de [[opposysje (polityk)|opposysje]] dominearre [[Nasjonale Assimblee (Fenezuëla)|Nasjonale Assimblee]] fan [[Fenezuëla]] ferklearret it [[presidint]]skip fan [[Nicolás Maduro]] ûnrjochtlik en set tsjin him in ôfsettingsproseduere yn gong. Dit is it begjin fan 'e [[Fenezolaanske Presidintskipskrisis (2019)|Fenezolaanske Presidintskipskrisis]].
* [[25 jannewaris]] - By de [[Daambrek fan Brumadinho]] brekt by [[Brumadinho]] yn 'e [[Brazylje|Brazyljaanske]] steat [[Minais Gerais]] in daam by in [[izer]]myn troch, mei as gefolch dat in grut gebiet ûnder de [[gif]]tige blabze strûpt. Teminsten 206 minsken fine hjirby de [[dea]], wylst noch 102 oaren [[fermissing|fermist]] reitsje.
* [[5 febrewaris]] - By in [[brân yn Parys (febrewaris 2019)|útslaande brân]] yn in [[flatgebou]] yn [[Parys]] komme 10 minsken om en reitsje nochris 36 oaren [[ferwûne]].
* [[12 febrewaris]] - De [[Republyk Masedoanje]] neamd himsels om ta de [[Republyk Noard-Masedoanje]]. Dêrmei komt in ein oan [[Masedoanysk nammeskeel|in tsientallen jierren duorjend skeel]] mei [[Grikelân]] oer it gebrûk fan 'e [[toponym|namme]] '[[Masedoanje]]'. De wei is no foar Noard-Masedoanje frij om lid te wurden fan 'e [[Jeropeeske Uny]] en de [[NATO]].
* [[20 febrewaris]] - By in [[Brân yn Dhaka (2019)|grutte brân]] yn 'e [[Bangladesj|Bingaalske]] [[haadstêd]] [[Dhaka]] komme teminsten 78 minsken om.
* [[27 febrewaris|27]]-[[28 febrewaris]] - De [[Noardkoreaansk-Amerikaanske topmoeting (2019)|Noardkoreaansk-Amerikaanske topmoeting]] yn 'e [[Fjetnam]]eeske [[haadstêd]] [[Hanoi]], tusken de [[presidint]]en [[Kim Jong-un]] en [[Donald Trump]], mislearret folslein en beide lieders keare foartidich werom nei hûs sûnder wat bedijd te hawwen.
* [[10 maart]] - [[Ethiopian Airlines-flecht 302]], in [[Boeing 737 MAX]] ûnderweis fan [[Addis Abeba]], yn [[Etioopje]], nei [[Nairobi]], yn [[Kenia]], stoart koart nei it opstiigjen del, wêrby't alle 157 ynsittenden omkomme. Om't dit [[fleantúchûngemak]] sterk liket op dat fan [[Lion Air-flecht 610]], op [[29&nbsp;oktober]] [[2018]] yn [[Yndoneezje]], wurde neitiid wrâldwiid alle Boeings 737 MAX oan 'e grûn holden.
* [[15 maart]] - By [[terroristyske oanslaggen yn Christchurch|terroristyske oanslaggen]] troch deselde dieder op twa [[moskee]]ën yn [[Christchurch (Nij-Seelân)|Christchurch]], yn [[Nij-Seelân]], komme 50 [[minske]]n om en reitsje 50 oaren [[ferwûne]].
* [[15 maart]] - De [[orkaan|sykloan]] [[Sykloan Idai|Idai]] komt oan lân yn [[Mozambyk]], wêrby't teminsten 1.073 [[dea]]den falle en in ûnbidich grut gebiet derûnder strûpt.
* [[20 maart]] - De [[Jeropeeske Uny]] leit de [[Feriene Steaten|Amerikaanske]] [[ynternet]]gigant [[Google]] in [[boete (jild)|boete]] fan [[€]] 1,49 miljard op om't it [[bedriuw]] op syn eigen [[webside]]n [[konkurrinsje (ekonomy)|konkurrinten]] út 'e [[online]]-[[advertinsje (reklame)|advertinsje]]sektor bûtendoar holden hat.
* [[24 maart]] - In út fjouwer [[side (papier)|siden]] besteande gearfetting fan [[Mueller-ûndersyk|it ûndersyk]] ûnder lieding fan [[Robert Mueller]] nei de [[kampanje]] foar de [[Amerikaanske presidintsferkiezings (2016)]] fan [[presidint]] [[Donald Trump]] wurdt publisearre troch de [[Feriene Steaten|Amerikaanske]] [[minister]] fan Binnenlânske Saken [[William Barr]]. Dêryn stiet dat der gjin bewiis is foar gearspanning fan 'e Trump-kampanje mei [[Ruslân]] om de útslach fan 'e [[ferkiezing]]s te beynfloedzjen. Oer mooglike [[obstruksje fan de rjochtsgong]] hat Mueller lykwols gjin konklúzje berikke kinnen.
* [[11 april]] - Nei moannenlange [[demonstraasje (protest)|demonstraasjes]] tsjin syn bewâld wurdt de [[Sûdan]]eeske [[presidint]] [[Omar al-Basjir]], dy't al tritich jier oan 'e macht is, ôfset by [[Sûdaneeske steatsgreep (2019)|in steatsgreep]] troch it [[leger (striidkrêften)|leger]].
* [[11 april]] - Yn 'e [[Feriene Keninkryk|Britske]] [[haadstêd]] [[Londen]] wurdt [[WikiLeaks]]-oprjochter [[Julian Assange]] [[arrestaasje|arrestearre]], nei't er him sân jier lang beskûl holden hat yn de [[ambassade]] fan [[Ekwador]].
* [[15 april]] - By [[brân fan de Notre-Dame fan Parys|in grutte brân]] wurdt yn [[Parys]] de mear as tûzen jier âlde [[katedraal]] de [[Notre-Dame fan Parys|Notre-Dame]] foar in grut part ferwuostge.
* [[18 april]] - Yn de [[Feriene Steaten]] wurdt in sinsurearre ferzje publisearre fan it 448 [[bledside|siden]] tellende rapport fan [[Mueller-ûndersyk|it ûndersyk]] ûnder lieding fan [[Robert Mueller]] nei de kampanje foar de [[Amerikaanske presidintsferkiezings (2016)]] fan [[presidint]] [[Donald Trump]].
* [[21 april]] - By de [[Peaske-oanslaggen yn Sry Lanka (2019)|Peaske-oanslaggen fan 2019]] (op [[Peaskesnein]]) wurde [[terrorisme|terroristyske]] oanslaggen útfierd op acht plakken yn [[Sry Lanka]], wêrûnder trije [[tsjerkegebou]]wen, fjouwer [[hotel]]s en in [[appartemintekompleks]]. Der komme teminsten 258 [[minske]]n om, wylst mear as 500 oaren [[ferwûne]] reitsje.
* [[30 april]] - [[Keizer]] [[Akihito]] fan [[Japan]] [[abdikaasje|docht ôfstân fan 'e troan]]. It is de earste kear yn hast twa [[iuw]]en dat in Japanske keizer net oan syn [[ferstjerren]] ta oan it bewâld bliuwt.
* [[1 maaie]] - [[Naruhito]] wurdt [[kroaning|kroane]] as de nije [[keizer]] fan [[Japan]]. Hy folget syn [[heit]] [[Akihito]] op, dy't in dei earder [[troansôfstân]] dien hat.
* [[4 maaie|4]]-[[6 maaie]] - [[Kroaning]] fan [[kening]] [[Vajiralongkorn]] fan [[Tailân]].
* [[10 maaie]] - De [[Feriene Steaten]] ferheegje de [[ynfiertaryf|ynfiertariven]] op [[$]]200 miljard oan [[ymport]]guod út [[Sina]] mei 25%, wat soarget foar eskalearjende spannings tusken de beide lannen.
* [[17 maaie]] - [[Taiwan]] fiert as earste lân yn [[Aazje]] it [[homohoulik]] yn.
* [[23 maaie]] - Yn [[Botswana]] wurdt it ferbod op 'e [[jacht (aktiviteit)|jacht]] op [[Afrikaanske oaljefant]]en opheft.
* [[3 juny]] - By it [[Bloedbad fan Kartûm]] wurde yn 'e [[Sûdan]]eeske [[haadstêd]] [[Kartûm]] mear as 100 [[minske]]n [[dea]]sketten as it [[leger (lânmacht)|leger]] en de [[Djandjawiid]]-milysje it fjoer iepenje op in kampemint fan [[demonstrant]]en fuortby it [[militêr]] [[haadkertier]].
* [[7 juny]] - De [[Feriene Keninkryk|Britske]] [[premier]] [[Theresa May]] treedt ôf as lieder fan 'e [[Konservative Partij (Feriene Keninkryk)|Konservative Partij]].
* [[9 juny]] - Yn [[Hongkong]] wurdt troch mear as 1 miljoen minsken [[demonstraasje (protest)|demonstrearre]] tsjin 'e nije útleveringswet dy't it mooglik makket Hongkongsters oer te dragen oan 'e autoriteiten fan 'e [[Folksrepublyk Sina]]. Dit is foarearst it hichtepunt fan 'e [[protesten yn Hongkong (2019)]].
* [[30 juny]] - De [[Feriene Steaten|Amerikaanske]] [[presidint]] [[Donald Trump]] wipt yn [[Súd-Koreä]] by in besyk oan 'e [[Demilitarisearre Sône (Koreä)|Demilitarisearre Sône]] eefkes oer de grins om mei de [[Noard-Koreä|Noardkoreaanske]] lieder [[Kim Jong-un]] te praten. Hy wurdt dêrmei de earste Amerikaanske presidint ea dy't foet op Noardkoreaanske grûn set.
* [[3 july]] - By it [[bombardemint op it Tadjoera-migrantesintrum]] yn 'e [[Lybje|Libyske]] [[haadstêd]] [[Tripoly (Lybje)|Tripoly]], troch de [[opstanneling]]en fan [[fjildmaarskalk]] [[Chalifa Haftar]], komme teminsten 53 [[Afrika]]anske [[migrant]]en ûnderweis nei [[Jeropa]] om, wylst 130 oaren [[ferwûne]] reitsje.
* [[8 july]] - It [[Grûnwetlik Hof (Ekwador)|Grûnwetlik Hof]] fan [[Ekwador]] docht de [[fûnis|útspraak]] dat de útsluting fan [[homoseksuëlen]] en [[lesbiënne]]s fan it [[houlik]] yngiet tsjin 'e [[grûnwet]]. It [[homohoulik]] wurdt dêrom mei direkte yngong legaal yn Ekwador.
* [[18 july]] - Yn 'e [[Japan]]ske stêd [[Kyoto]] komme 35 minsken om en reitsje mear as 30 oaren [[ferwûne]] as immen mei opsetsin [[brân]] stiftet yn in [[tekenfilm]]studio. De dieder wurdt oppakt en rjochtfeardiget syn die troch te sizzen dat de [[filmstudio|studio]] syn wurk [[plagiaat|plagiëarre]] hie.
* [[3 augustus]] - By in [[oanslach yn El Paso (2019)|terroristyske oanslach]] op in [[Walmart]] yn 'e [[Feriene Steaten|Amerikaanske]] stêd [[El Paso (Teksas)|El Paso]] komme 22 minsken om en reitsje nochris 24 oaren [[ferwûne]]. De dieder, dy't oppakt wurdt, hat in [[rasisme|rasistysk]] motyf en woe safolle mooglik [[Latino's yn Noard-Amearika|Latino's]] [[moard|fermoardzje]].
* [[4 augustus]] - By [[sjitpartij yn Dayton (2019)|in sjitpartij]] yn 'e [[Feriene Steaten|Amerikaanske]] stêd [[Dayton (Ohio)]] komme 10 minsken om, ynkl. de dieder en dy syn [[suster]], en reitsje nochris 27 oaren [[ferwûne]].
* [[5 augustus]] - It [[Yndia]]aske [[regear]] fan [[premier]] [[Narendra Modi]] en dy syn [[hindoe]]-[[fûnemintalisme|fûnemintalistyske]] [[BJP]] heft iensidich de spesjale status en dêrmei it [[selsbestjoer]] op fan 'e regio [[Djammû en Kasjmier]]. It hiele gebiet wurdt fan 'e bûtenwrâld ôfsletten.
* [[21 augustus]] - De [[boskbrannen yn it Amazônegebiet (2019)|swiere boskbrannen]] yn it [[Brazylje|Brazyljaanske]] [[Amazônegebiet]] berikke in rekôrgrutte. De brannen binne oanstutsten troch [[boer]]en en [[bedriuw]]en dy't lân brûke wolle, dêrby oanfitere troch útspraken en belied fan 'e Brazyljaanske [[presidint]] [[Jair Bolsonaro]]. Dyselde beskuldiget lykwols [[miljeubeskerming|miljeu-aktivisten]] derfan de brannen oanstutsen te hawwen.
* [[1 septimber|1]]-[[3 septimber]] - De [[Orkaan Dorian]] komt oan lân yn 'e noardlike [[Bahama's]] as in [[orkaan]] fan 'e fyfde (en swierste) kategory fan 'e [[skaal fan Saffir-Simpson]] en bliuwt dêr twa en in heale dei hingjen wylst er hiel stadich oer de eilannen tsjocht, dêrby folsleine ferwoastging efterlittend. Fan gefolgen komme 61 [[minske]]n om en reitsje mear as 400 [[fermist]].
* [[4 septimber]] - It [[regear]] fan [[Hongkong]] lûkt yn it ramt fan 'e [[protesten yn Hongkong (2019)|oanhâldende protesten]] de omstriden útleveringswet yn dêr't ynwenners fan Hongkong troch útlevere wurde kinne soene oan [[Sina]].
* [[14 septimber]] - By [[drone-oanfallen op Saûdyske oalje-ynstallaasjes]] wurdt grutte skea tabrocht oan 'e oaljeproduksje fan 'e [[Saûdy-Araabje|Saûdyske]] steats[[oaljemaatskippij]] [[Aramco]]. De [[Hûty]]-[[rebel]]len yn [[Jemen]] easkje de ferantwurdlikheid op. De [[Feriene Steaten]] beskuldigje [[Iraan]] derfan dat it efter de oanfallen sit, lykwols sûnder dat se mei ek mar it minste bewiis foar dy bewearing komme.
* [[24 septimber]] - Yn ferbân mei it [[Oekraïneskandaal]] begjint it [[Amerikaanske Hûs fan Offurdigen]] in [[impeachment]]proseduere tsjin [[presidint]] [[Donald Trump]], dy't úteinlik ta dy syn ôfsetting liede kin.
* [[25 septimber]] - Oeral op 'e wrâld wurde grutte [[demonstraasje (protest)|demonstraasjes]] holden tsjin [[klimaatferoaring]] en de fierstente lakse oanpak dêrfan troch wrâldlieders. Der dogge wrâldwiid 4&nbsp;miljoen minsken mei. Yn [[Montreal]] wurdt de grutste demonstraasje, fan 500.000 minsken, oanfierd troch de jonge [[Sweden|Sweedske]] klimaat[[aktivist]]e [[Greta Thunberg]] en de [[Kanada|Kanadeeske]] [[premier]] [[Justin Trudeau]].
* [[1 oktober]] - Yn [[Taiwan]] stoart de [[Nanfang'ao-brêge]] yn. Dêrby komme 6 [[minske]]n om en reitsje mear as 20 oaren [[ferwûne]].
* [[6 oktober]] - De [[Feriene Steaten|Amerikaanske]] [[presidint]] [[Donald Trump]] kundiget oan dat er op tige koarte termyn alle Amerikaanske [[troepen]] út noardlik [[Syrje]] weromlûke sil. It docht bliken dat dat ûnderdiel útmakket fan in hantsjebakken fan Trump mei de [[Turkije|Turkske]] presidint [[Recep Tayyip Erdoğan]]. Dyselde hat fan Trump tastimming krigen om it Turkske [[leger (striidkrêften)|leger]] noardlik [[Turkske ynvaazje fan Syrje (2019)|Syrje binnenkringe]] te litten, om dêr de [[Koerden|Koerdyske]] striders fan 'e [[YPG]]-[[milysje]] oan te fallen. Mei't de Koerden bûnsgenoaten fan 'e Feriene Steaten binne, komt dit [[ferrie]] Trump op in protte [[krityk]] te stean.
* [[9 oktober]] - It [[Turkije|Turkske]] [[Turkske ynvaazje fan Syrje (2019)|leger kringt binnen]] yn noardlik [[Syrje]] en falt dêr de [[Koerden|Koerdyske]] bûnsgenoaten fan it [[Westerske maatskippij|Westen]] oan. 
* [[12 oktober]] - [[Tyfoan]] [[Tyfoan Hagibis|Hagibis]] komt oan lân yn [[Japan]]. It is de swierste [[stoarm]] dy't it lân yn [[tsientallen jierren]] rekke hat. Der komme 86 [[minske]]n om en nochris 8 oaren reitsje [[fermist]].
* [[14 oktober]] - It [[Heechgerjochtshôf fan Spanje]] [[fûnis|feroardielet]] njoggen [[Kataloanje|Katalaanske]] lieders ta 9 oant 13 jier [[finzenisstraf]] foar [[opstoking]] en it ûnrjochtlik brûken fan publyk jild. Yn hiel [[Kataloanje]] brekke [[protesten yn Kataloanje (2019)|massale en roerige demonstraasjes]] út fan hûnderttûzenen minsken dy't easkje dat de [[politike finzene]]n frijlitten wurde.
* [[23 oktober]] - Yn it [[Ingelân|Ingelske]] [[Grays]] wurde de [[stoflike omskotten]] fan 39 [[yllegale ymmigraasje|yllegale ymmigranten]] oantroffen yn in ôfsletten [[kuolcontainer]]. De [[plysje]] mient earst dat it om [[Sina|Sinezen]] giet, mar letter docht bliken dat it [[Fjetnam]]ezen binne. In 25-jierrige [[frachtweinsjauffeur]] út [[Noard-Ierlân]] wurdt [[arrestaasje|arrestearre]] op fertinking fan [[moard]].
* [[27 oktober]] - De [[Feriene Steaten]] meitsje bekend dat [[Abû Bakr al-Bagdadi]], de selsútroppen '[[kalyf]]' fan 'e saneamde [[Islamityske Steat yn Irak en Syrje|Islamityske Steat]], omkommen is by in oerfal fan Amerikaanske [[kommando's]] op syn skûladres.
* [[4 novimber]] - De [[Feriene Steaten|Amerikaanske]] [[presidint]] [[Donald Trump]] makket syn ûnthjit wier en begjint it proses om 'e [[Feriene Steaten]] werom te lûken út it [[Klimaatakkoart fan Parys]].
* [[10 novimber]] - Nei [[protesten yn Bolivia (2019)|oanhâldende protesten]] yn [[Bolivia]] oangeande de útslach fan 'e [[Boliviaanske ferkiezings (2019)|presidintsferkiezings fan oktober]], treedt de sittende [[presidint]] [[Evo Morales]] ôf. Hy giet yn [[ballingskip]] yn [[Meksiko]] en sprekt neitiid fan in [[steatsgreep]]. 
* [[21 novimber]] - De [[Israel]]yske [[premier]] [[Benjamin Netanyahu]] wurdt troch it [[Iepenbier Ministearje]] yn syn lân [[ynbeskuldigingstelling|yn beskuldinging steld]] foar [[omkeaping]], [[fraude]] en [[fertrouwensbrek]].
* [[23 novimber]] - By it [[ûnôfhinklikheidsreferindum yn Bougainville (2019)|ûnôfhinklikheidsreferindum]] yn [[Bougainville]], in [[autonome regio]] yn it uterste easten fan [[Papoea Nij-Guineä]], sprekt 98,3% fan 'e [[befolking]] him út foar de ûnôfhinklikheid fan it gebiet. It [[regear]] fan 'e regio sil no mei it nasjonale regear fan Papoea Nij-Guineä om 'e tafel om oer ûnôfhinklikheid te [[ûnderhanneljen]].
* [[26 novimber]] - By [[ierdbeving yn Albaanje (2019)|in ierdbeving]] fan 6,4 op 'e [[skaal fan Richter]] yn it noardwesten fan [[Albaanje]] komme 51 [[minske]]n om en reitsje likernôch 2.000 oaren [[ferwûne]].
* [[2 desimber]] - De [[Filipinen]] wurde troffen troch de [[tyfoan]] [[Tyfoan Kammuri|Kammuri]]. Der komme 12 minsken om, wylst nochris 322 [[ferwûne]] reitsje. De skea wurdt rûst om 'e [[$]]116 miljoen hinne.
* [[2 desimber|2]]-[[13 desimber]] - Yn 'e [[Spanje|Spaanske]] [[haadstêd]] [[Madrid (stêd)|Madrid]] wurdt de [[Konferinsje fan de Feriene Naasjes oangeande Klimaatferoaring (2019)]] holden, nei't it oarspronklike gastlân [[Sily]] fanwegen [[protesten yn Sily (2019)|oanhâldende ûnrêst]] ôfsizze moast. De konferinsje mislearret as in tal grutte [[yndustry]]lannen ([[Ruslân]], [[Sina]], [[Yndia]], [[Brazylje]], [[Austraalje (lân)|Austraalje]] en [[Saûdy-Araabje]]) dwersleit en [[foarútgong]] blokkearret. De [[Feriene Steaten]] hiene hielendal gjin offisjele delegaasje stjoerd.
* [[9 desimber]] - It [[World Anti-Doping Agency]] (WADA) beslút unanym om [[Ruslân]] nochris foar fjouwer jier fan dielname oan ynternasjonale [[sport]]eveneminten út te sluten. It lân hat syn [[doping]]belied noch altyd net op oarder en sabotearret boppedat ûndersyk nei dopingpraktiken út it [[ferline]].
* [[9 desimber]] - By [[fulkaanútbarting fan Whakaari/White Island (2019)|in fulkaanútbarsting]] op it ûnbewenne [[eilantsje]] [[Whakaari/White Island]], foar de noardkust fan [[Nij-Seelân]], komme teminsten 18 [[toerist]]en om dy't op dat stuit op it eilân oanwêzich binne. Nochris 29 oaren reitsje [[ferwûne]].
* [[12 desimber]] - By [[Britske parlemintsferkiezings (2019)|parlemintsferkiezings]] yn it [[Feriene Keninkryk]] boek de [[Konservative Partij (Feriene Keninkryk)|Konservative Partij]] fan [[premier]] [[Boris Johnson]] in grutte oerwinning yn [[Ingelân]] en [[Wales]], dêr't de [[opposysje (polityk)|opposisjonele]] [[Labourpartij (Feriene Keninkryk)|Labourpartij]] fan [[Jeremy Corbyn]] ien fan 'e minste resultaten sûnt de [[Twadde Wrâldoarloch]] behellet. De [[ferkiezing]]s draaiden mar om ien ding: de slepende [[Brexit]]kwestje. Johnson ûnthiet om it Feriene Keninkryk einlings en te'n lêsten út 'e [[Jeropeeske Uny]] te lieden, en dêrmei wist er benammen yn Wales en it noarden fan Ingelân in protte tradisjonele Labourstimmers oer te heljen him in kâns te jaan. Yn [[Skotlân]] is de [[Skotske Nasjonale Partij]] fan [[Nicola Sturgeon]] de grutte winner, dy't 48 fan 'e 59 Skotske sitten yn it [[Legerhûs (Feriene Keninkryk)|Legerhûs]] yn 'e hannen kriget. Sturgeon stjoert, as de útslach bekend wurdt, daliks oan op in nij ûnôfhinklikheidsreferindum foar de Skotten. Yn [[Noard-Ierlân]] winne de [[politike partij]]en dy't foarstanner binne fan oansluting by de [[Republyk Ierlân]] foar it earst mear sitten as de foarstanners fan it behâlden fan 'e bân mei [[Grut-Brittanje]]. 
* [[18 desimber]] - It [[Amerikaanske Hûs fan Offurdigen]] kart twa artikels fan [[impeachment]] tsjin [[presidint]] [[Donald Trump]] goed, wat him ta de trêde impeachte presdint yn 'e [[Amerikaanske skiednis]] makket (nei [[Andrew Johnson]] en [[Bill Clinton]]).
* [[20 desimber]] - [[Hege Ried fan de Nederlannen]] befêstiget in eardere [[fûnis|útspraak]] fan it [[gerjochtshôf]] yn 'e saneamde [[klimaatsaak]] fan [[miljeu]]-[[organisaasje]] [[Urgenda]] tsjin 'e [[Nederlân]]ske steat. Dat betsjut dat de [[oerheid]] de útstjit fan [[koalstofdiokside]] yn [[2020]] mei 25% werombringe moat yn ferhâlding mei it nivo fan [[1990]].
* [[25 desimber]] - De [[Filipinen]] wurde troffen troch de [[tyfoan]] [[Tyfoan Phanfone|Phanfone]]. Der komme 20 minsken om en tûzenen oaren reitsje dakleas.
* [[28 desimber]] - By [[bomoanslach yn Mogadisjû (desimber 2019)|in bomoanslach]] yn 'e [[Somaalje|Somalyske]] [[haadstêd]] [[Mogadisjû]], útfierd troch de [[islamisme|islamistyske]] [[terrorisme|terreurgroep]] [[Al-Sjabaab]], komme teminsten 85 [[minske]]n om en reitsje mear as 140 oaren [[ferwûne]].

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/2010s ''References'', op dizze side].
----
{{commonscat|2010s}}
}}

[[Kategory:Desennium]]
[[Kategory:21e iuw]]