It oarspronklike spoarweistasjon fan Olst wie in standertstasjon fan de Steatsspoarwegen, in stasjon fan it type SS fyfde Klasse, boud yn de jierren sechtich fan de 19e iuw, en wie ien fan de ienenfjirtich stasjons dy't ea yn dizze klasse boud wie. It gebou wie ûntwurpen troch de arsjitekt Karel Hendrik van Brederode. Yn 1898 krige it stasjon oan de linkerkant in lange fleugel. Yn 1936 waard it stasjon sletten, mar yn 1940 waard it stasjon op 1 juny weriepene. It âlde stasjonsgebou út 1864 waard yn 1975 ôfbrutsen en ferfongen troch in tal abry's.