Santiago de Compostela

Ut Wikipedy
Gean nei: navigaasje, sykje
Lizzing Santiago de Compostella
Katedraal Santiago de Compostela

Santiago de Compostela (letterlik oerset: Sint Jabik fan Kompostela ) is de haadstêd fan Galysje (Spanje). As gemeente hat Santiago de Compostela 92.298 ynwenners (2004).

Beafeartsoard[bewurkje seksje | edit source]

Santiago de Compostella is ien fan de wichtichste kristlike beafeartsoarden. Foar pylgers út hiel Jeropa is de stêd de ein fan harren wanneltocht. Dy wanneltocht wurdt neamd de "Camino de Santiago" (It paad nei Santiago). Pylgers op wei nei Santiago binne werkenber oan de sint-jabiksskulp dy't se drage, it teken fan de hillige Jabik. De skulp hiet yn it Latyn Pecten jacobaeus, yn it Dútsk Pilgermuschel (pylgersskulp) of Jakobsmuschel en yn it Frânsk coquille Saint-Jacques. De skulp wurdt droegen mei de sluting nei boppe. Dat dier wurdt by de Galysyske kust lâns kweekt en is ûnder de namme vieira yn de Galysyske restaurants in faak nommen delikatesse. It paad nei Santiago (yn it Spaansk ek wol 'el camino'; it paad neamd) hat in protte fan dy tradysjes. Sa litte pylgers in fan hûs meinommen stien efter by "Cruz de Ferro" dêr't sy symboalysk harren sonden mei ôflizze en (letterlik) ferljochte harren paad ferfolgje.