Nigtevecht

Ut Wikipedy
Gean nei: navigaasje, sykje
Herfoarme tsjerke
Buorren

Nigtevecht is in doarp oan de Fecht yn it uterste noardwesten fan de provinsje Utert, hearend ta de gemeente Stichtse Vecht. It doarp hie 1450 ynwenners yn 2004. Oant 1989 foarme it in ôfsûnderlike gemeente.

Nigtevecht waard yn 1281 foar it earst neamd. It wie oarspronklik in langhalich doarp op in rivierdún op de linkerouwer fan de slingerjende Fecht. Tsjintwurdich hat it in buorren yn in bocht fan de rivier. Oan dy lizzing tanket Nigtevecht ek de namme, it is in ferbastering fan 'Niftervecht', "oan de Fecht".[1] Tichtby it doarp, mar los dêrfan troch it Amsterdam-Rynkanaal (en de gemeentegrins mei Abcoude), leit it Fort by Nigtevecht. It is ûnderdiel fan de Stelling fan Amsterdam en waard boud tusken 1888 en 1903.

De Doarpsstrjitte fan Nigtevecht is in beskerme doarpsgesicht. De herfoarme tsjerke fan Nigtevecht komt út de 13e ieu. De roomsken fan Nigtevecht falle ûnder de parochy fan Nederhorst den Berg, dy't oan de oare kant fan de Fecht (tagelyk provinsjegrins) leit. In fytsfear ûnderhâldt in ferbining tusken beide doarpen en is ek ûnderdiel fan in populêre fytsrûte.

Yn Nigtevecht stiet in poldermole, de Garstemole, in achtkante grûnsiler út 1876.

Oan de Vreelandseweg sit fuotbalferiening DOB, in ôfkoarting fan Door Oefening Beter. De club is yn 1947 oprjochte.

Bekende persoanen út Nigtevecht[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. [1] A.L.P. Buitelaar, De Stichtse ministerialiteit en de ontginningen in de Utrechtse Vechtstreek, (Utert: Verloren, 1993), 118.