Mien Ruys

Ut Wikipedy
Gean nei: navigaasje, sykje

Wilhelmina Jacoba (Mien) Moussault-Ruys, (Dedemsfeart, 12 april 1904 - Dimter, 9 jannewaris 1999) wie in, ek yn it bûtenlân, ferneamd Nederlânske túnarsjitekte.

Giele tún fan Mien Ruys út 1982

Bielzen Mien waard har bynamme yn Nederlân, omdat hja de foaropfrou fan it gebrûk fan spoarbylsen yn tunen wie, eat wat fral yn de jierren '70 tige populêr wie. Sy brûkte graach rjochte foarmen: rjochthoeken, fjouwerkanten en dúdlike linen. Se wie yn Nederlân ien fan de earsten dy't earnstich omtinken hie foar lytse stedstunen. De Stichting Tuinen Mien Ruys ûnderhâldt yn Dedemsfeart noch in tal tunen yn de styl fan Mien Ruys: de Tunen fan Mien Ruys.

Yn 1954 rjochte sy mei har man - útjouwer Theo Moussault - it blêd Onze Eigen Tuin op. 1958-1959 ûntwurp sy foar- en tegearre mei Gerrit Rietveld de tunen om it troch Rietveld betochte fabryksgebou fan weverij De Ploeg hinne, yn Bergeijk, dy't oant de dei fan hjoed as 'doarpstún' bestiet.

Ferskate ûntwerpen fan Mien Ruys binne erkende ryksmonuminten.

Keppelings om utens[bewurkje seksje | edit source]