Jaap van der Scheur

Jaap van der Scheur (Heerlen, novimber 1926 - Rotterdam, 26 desimber 2002) wie in Nederlânsk fakbûnsman en gemeenteriedslid.

Van der Scheur wie in soan fan in timmerman yn de minen. Hy waard grutbrocht yn in protestantske húshâlding. Doe’t hy seis jier wie ferhûze it gesin van der Scheur nei de Skilderswyk yn De Haach. Yn 1959 kaam er yn tsjinst fan it fakbûn Abva en fan 1982 oant 1990 wie hy foarsitter fan it FNV-amtnersbûn AbvaKabo. Lanlik waard er ferneamd as oanfierder fan de lanlike amtnersstaking yn 1983.

Van der Scheur wie in autentike fakbûnsman, hy wie foar alles in aktivist, dy’t minder klam op ûnderhanneljen lei. Syn swier lûd en krûdich Haachsk aksint waard faak neidien. In ferneamde útspraak fan him - yn de tiid fan Bestek'81 - wie: "Als het kabinet voor is zijn wij tegen". Wim de Bie brûkte Van der Scheur as model foar Aad van der Naad, dy’t yn Keek op de Week kommintaar op de aktualiteit joech .

Nei syn pinsjoen wie Van der Scheur riedslid foar de lokale linkse partij Solidair '93 yn de gemeenteried fan Rotterdam. Hy stoar yn de âldens fan 76 jier.