Heteroseksualiteit

Ut Wikipedy
Gean nei: navigaasje, sykje

Heteroseksualiteit (fan it Grykske έτερος, heteros, "ferskillend") is it jin seksueel oanlutsen fielen ta of it útfieren fan seksuële hannelings tusken persoanen fan it tsjinstelde geslacht. Heteroseksualiteit is ien fan trije haadklassifisearrings fan minsklike seksuële oriïntaasje, yn 'e mande mei homoseksualiteit, dat ferwiist nei seksuële oantrekking of hannelings tusken persoanen fan itselde geslacht, en biseksualiteit, dat tsjut op seksuële oantrekking ta of hannelings mei beide geslachten. Dizze trije seksuële oriïntaasjes foarmje mei-inoar it saneamde heteroseksueel-homoseksuële kontinuum. Fan 'e trije is heteroseksualiteit de seksuële oriïntaasje fan fierwei it grutste part fan 'e minskheid. Hoewol't mei de term ornaris ferwiisd wurdt nei minsken, is it likegoed op bisten fan tapassing.