Gesalik

Ut Wikipedy
Gean nei: navigaasje, sykje

Gesalik († 511) wie in Fisigoatyske kening fan 507 oant 511. Gesalik wie in swakke kening, dy't de Franken net ôfhâlde koe fan fierdere oermasteringen. Under syn bewâld bleau allinnich Septimaanje Goatysk, wêrby in ein kaam oan it Goatyske keninkryk yn Galje.

Skiednis[bewurkje seksje | edit source]

Gesalik folge syn heit Alarik II op de troan, nei de ferlerne Slach fan Fouillé tsjin de Franken, hoewol't er ûnwettich berne wie, omdat Amalrik, de ienige wetlike soan fan Alarik noch minderjierrich wie.

Hy sette de kriich tsjin de Franken troch, mar hie dêrby net folle súkses. De haadstêd fan it Fisigoatyske ryk waard troch de Franken yn 'e brân stutsen en Narbonne foel yn Boergondyske hannen. Allinnich troch yngripen fan de Ostrogoaten ûnder Diderik koe in fierdere delgong tsjinhâlden wurde.

Yn 511 waard Gesalik ta fal brocht troch Ibbas en ferdreaun. Hy flechte nei de Fandalen, kaam letter werom en sneuvele yn in gefjocht. De neifolger fan Gesalik wie syn healbroer Amalrik, earst mei Diderik as fâd en yn 522 offisjeel as kening.

Literatuer[bewurkje seksje | edit source]

  • Schreiber, Hermann, de Goten: vorsten en vazallen (1979).