Biografy

Ut Wikipedy
Gean nei: navigaasje, sykje

In biografy (Gryksk: βιος, 'libben') is libbensbeskriuwing fan in persoan, dy’t meast ek publisearre wurdt.

De term wurdt meast brûkt foar non-fiksje, dat wol sizze in wurk dat immens wiere libben besiket te beskriuwen. Meast giet it om in ferneamd persoan. Foar de Renêssânse wie in biografy meast in opneamen fan immen’s prestaasjes sûnder krityske noaten. Dêrnei wurdt mear stribbe nei objektivens en komme ek negative aspekten fan de persoan op it aljemint.

In biografy is wol ferheljend en wol sa in better ynsicht jaan op de persoalikheid en karakter fan de beskreaune persoan as at in droege opsomming fan feiten dwaan soe. In biografy fan in hillige hjit in hagiografy. Dy term wurdt ek wol brûkt at de skriuwer syn ûnderwerp net kritysk genôch behannelet. At de skriuwer fan in biografy ek it ûnderwerp fan de biografy is, wurdt fan in autobiografy sprutsen.

Sjoch ek[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  • Nederlânsktalige Wikipedia, ‘’Biografie’’
  • Prisma van de letterkunde, 1990; gearst. Cees van der Zalm. Het Spectrum bv, ‘’Biografie’’