Besjoch de boarne foar United States Marshals Service

{{Feilichheidstsjinst|
Feilichheidstsjinst= United States Marshals Service |
Flagge= [[File:Flag of the United States Marshals Service.svg|125px]] |
Embleem= [[File:Seal of the United States Marshals Service.svg|60px]] |
Namme folút= ''United States Marshals Service'' <br><small>("Amerikaanske Marshaltsjinst")</small>|
Ofkoarting= USMS |
Lân= [[File:Flag of the United States.svg|20px]] [[Feriene Steaten]] |
Lokaasje haadkertier= [[Arlington (Firginia)|Arlington]] ([[Firginia]]) |
Oprjochte= [[1789]] |
Doel= ● befeiliging fed. rjochtspraak <br> ● befeiliging fan tsjûgen <br> ● transport fan finzenen <br> ● opspoaring ûntsnapte finzenen |
Wurknimmers= ûnbekend |
Beëdige leden= 94 U.S. marshals en <br>3.954 helpmarshals <small>(2011)</small> |
Jierliks budget= ûnbekend |
Webside= [http://www.usmarshals.gov/ www.usmarshals.gov] |
}}
De '''United States Marshals Service''' (USMS) is in [[Feriene Steaten|Amerikaanske]] federale [[plysje]]tsjinst dy't resortearret ûnder it [[Amerikaanske Ministearje fan Justysje]]. Dizze ynstânsje waard oprjochte yn [[1789]] en is dêrmei de âldste Amerikaanske plysjetsjinst mei lanlik foech, hoewol't de [[Amerikaanske Dûanetsjinst]] nòch âlder is. De USMS naam yn [[1969]] syn hjoeddeistige [[namme]] oan. De [[organisaasje]] hat as wichtichste doel de [[befeiliging]] fan alle aspekten fan 'e Amerikaanske federale [[rjochtspraak]], wêrûnder de befeiliging fan [[tsjûge (rjocht)|tsjûge]]n wa har [[libben]] [[bedriging (misdriuw)|bedrige]] wurdt. Fierders is de USMS ek ferantwurdlik foar it [[ferfier|transport]] fan [[finzene]]n en de opspoaring fan ûntsnapte finzenen.

==Skiednis==
De USMS waard op [[24 septimber]] [[1789]] kreëarre mei it oannimmen troch it [[Amerikaanske Kongres]] fan 'e Wet op 'e Rjochtspraak. Dêryn waard spesifyk fêstlein dat de wichtichste plicht fan U.S. marshals wêze moat om 'e Amerikaanske [[wet]] te hanthavenjen. Fan alle federale plysjetsjinsten is inkeld de [[Amerikaanske Dûanetsjinst]] âlder, dy't nammentlik yn [[july]] [[1789]] skepen waard. De dûane hie lykwols nea in wetshanthaveningstaak.
[[File:Zeugenschutz_bei_Verhandlung.jpg|left|thumb|250px|Unwerkenber makke U.S. marshals befeiligje in bedrige tsjûge yn 'e rjochtseal.]]

Oant fier yn 'e [[tweintichste iuw]] bestie der gjin sintraal tafersjoch op 'e U.S. marshals, en operearren dy sadwaande fierhinne op eigen manneboet. Fan it begjin ôf hiene U.S. Marshals it rjocht om op sels helpmarshals (''Deputy U.S. Marshals'') oan te stellen, itsij troch tydlik de help fan oare plysjeminsken yn te roppen, itsij troch gewoane boargers yn te swarren. Marshals hiene ek it rjocht om in [[posse comitatus|posse]] gear te stallen, in groep gewoane boargers dy't ynset waard foar it jacht meitsjen op kriminelen. Ta de oare taken fan U.S. marshals wiene it oanbringen fan [[arrestaasjebefel]]len, [[deifurding]]s en oare [[befelskrift]]en; it fergoedzjen fan kosten oan [[abbekaat|abbekaten]], tsjûgen, sjueryleden en oaren as it gerjocht dêr opdracht ta joech; en it fasilitearjen fan 'e rjochtsgong troch rjochtsealen te hieren, en [[parketwacht]]en, [[griffier]]s en [[skjinmakker]]s oan te nimmen. Hja soargen derfoar dat de finzenen oanwêzich, de sjueryleden beskikber en de tsjûgen op 'e tiid wiene.

Nei ferrin fan tiid begûnen de marshals ek as pleatslike fertsjintwurdigers fan 'e federale oerheid te fungearjen, benammen yn ôfhandige plakken dêr't men fierders net folle fan it [[regear]] yn [[Washington, D.C.]] murk. Sa namen se dêr oant [[1870]] eltse tsien jier de offisjele [[folkstelling]] op, diene se de distribúsje fan presidinsjele proklamaasjes, sammelen se in ferskaat oan [[statistyk|statistyske gegevens]] oangeande [[hannel]] en [[yndustry]], en oefenen se withoefolle lytse rûtinemjittige putsjes út dy't it rêdwurk fan 'e oerheid draaiende holden. Yn 'e tiid fan it [[Wylde Westen]], oan 'e ein fan 'e [[njoggentjinde iuw]], tsjinnen U.S. marshals gauris as de deistige plysje yn kriten dy't noch gjin eigen pleatslik regear hiene. Guon fan sokke marshals waarden wrâldferneamd, lykas [[Wyatt Earp]] en [[Bat Masterson]].
[[File:James_Meredith_OleMiss.jpg|right|thumb|250px|U.S. marshals begeliede [[James Meredith]], de earste [[negroïde ras|swarte]] studint oan 'e [[Universiteit fan Mississippy]], nei syn kolleezjes ([[1962]]).]]

U.S. marshals hellen yn [[1893]] de beruchte [[Dalton-binde]] ûnder fuotten, twongen yn 'e iere [[tweintichste iuw]] de neilibbing fan 'e [[Drûchlizzing (Feriene Steaten)|Drûchlizzing]] ôf en regelen ûnder de [[Kâlde Oarloch]] de útwikseling fan [[spion]]nen mei de [[Sovjet-Uny]]. Net alle putsjes dy't de marshals op 'e lea skood waard, wiene like fris. Sa moasten se foarôfgeande oan 'e [[Amerikaanske Boargeroarloch]] útnaaide [[negroïde ras|neger]][[slavernij|slaven]] opspoare en nei har eigners werombringe, en waarden se [[1894]] ynset om 'e [[staking]] yn 'e [[Pullman]]-[[fabryk|fabriken]] te brekken. Oan 'e oare kant stiene se ûnder de [[Amerikaanske Boargerrjochtebeweging]] fan 'e [[1950]]-er en [[1960]]-er jierren yn 'e fontliny mei de beskerming fan frijwilligers en tsjûgen. Sa stjoerde presidint [[John F. Kennedy]] yn [[1962]] 127 marshals om [[James Meredith]] te beskermjen, de earste [[Afro-Amerikanen|Afro-Amerikaan]] dy't him ynskriuwe liet oan 'e [[segregaasje|segregearre]] [[Universiteit fan Mississippy]], en dêr yn syn earste jier de klok rûn befeilige wurde moast.

Pas yn [[1965]] waard it Utfierend Buro foar United States Marshals oprjochte, de earste lanlike ynstânsje dy't tafersjoch hold oer de U.S. marshals. Dêrút kaam yn [[1969]] de United States Marshals Service fuort. Yn resinte jierren binne U.S. marshals ynset om 'e Amerikaanske dielnimmers oan 'e [[Olympyske Spullen]] te befeiligjen en om [[abortus]]kliniken yn 'e Feriene Steaten te beskermjen tsjin militante [[fûnemintalisme|fûnemintalistyske]] [[kristendom|kristenen]]. Teffens is de USMS sûnt [[1989]] ferantwurdlik foar de wetshanthavening yn Amerikaanske bases op [[Antarktika]].
[[File:Conair-Marshal.jpg|left|thumb|250px|In U.S. marshal ûnder in fleanend finzenetransport.]]

==Foech==
De United States Marshals Service is de plysjetsjinst fan 'e Amerikaanske [[rjochterlike macht]], en draacht ferantwurdlikheid foar de befeiliging fan [[rjochter]]s, gerjochtsgebouwen en it fermogen fan 'e rjochterlike macht om effektyf syn plichten út te oefenjen. Yn it ferlingde dêrfan hat de USMS foech oer de beskerming fan tsjûgen fan wa't it libben bedrige wurdt fanwegen it tsjûgenis dat se ôflizze sille of ôflein hawwe. Sadwaande is de USMS de útfierende plysjetsjinst op it mêd fan it Amerikaanske [[tsjûgebeskermingsprogramma]], wêrby't bedrige tsjûgen in oare identiteit oanmetten wurdt.

De United States Marshals Service hat fierders sizzenskip oer it ferfier fan federale finzenen (fia it [[Justice Prisoner and Alien Transportation System|JPATS]]), it oanbringen fan [[arrestaasjebefel]]len en oare [[befelskrift]]en, en it opspoaren fan lju dy't út it [[tichthûs (finzenis)|tichthûs]] ûntsnapt binne. De USMS nimt de oanhâlding fan 55,2% fan alle ûntsnapte federale finzenen foar syn rekken. Yn [[2012]] allinnich al arrestearren U.S. marshals mear as 36.000 ûntsnapte finzenen. Ta einbeslút is de USMS yn it federale [[Distrikt Kolumbia]] ferantwurdlik foar it útfieren fan [[hûsútsetting]]s.
[[File:United_States_Marshals_Service_Tools.jpg|right|thumb|250px|De útris fan in U.S. marshal.]]

==Organisaasje==
It haadkertier fan 'e USMS is fêstige yn [[Arlington (Firginia)|Arlington]], yn 'e [[Feriene Steaten|Amerikaanske]] [[Amerikaanske steaten|steat]] [[Firginia]], ûnder de reek fan 'e federale haadstêd [[Washington, D.C.]] De tsjinst resortearret ûnder it [[Amerikaanske Ministearje fan Justysje]]. Oan it haad stiet in [[direkteur]] (''director''), bystien troch in pleatsferfangend direkteur (''deputy director''), dy't ferantwurding skuldich is oan 'e Amerikaanske minister fan Justysje. De direkteur wurdt beneamd troch de [[Amerikaanske presidint]] en yn syn funksje befêstige troch de [[Amerikaanske Senaat]]. It haadkertier fan 'e USMS soarget foar tafersjoch en koördinaasje tusken de ûnderskate eleminten fan 'e tsjinst. 
[[File:U.S. Marshals knock and announce.jpg|right|thumb|250px|U.S. marshals falle in hûs binnen.]]
[[File:Multi-agency team w fugitive.jpg|right|thumb|250px|U.S. marshals rekkenje in ûntsnapte finzene yn.]]
[[File:United States Marshals seized weapons.jpg|right|thumb|250px|In U.S. marshal mei yn beslach nommen wapenark.]]

===Haadkertier===
* direkteur fan 'e USMS
** pleatsferfangend direkteur fan 'e USMS
*** Equal Employment Opportunity (EEO)
*** Office of Public Affairs (OPA)
*** Office of Congressional Affairs (OCA)
*** Office of Internal Communications (OIC)
*** Office of General Counsel (OGC)
*** Office of Inspection (OI)
*** Administration Directorate (ADA)
**** Training Division (TD)
**** Human Resources Division (HRD)
**** Information Technology Division (ITD)
**** Management Support Division (MSD)
**** Financial Services Division (FSD)
**** Asset Forfeiture Division (AFD)
*** Operations Directorate (ADO)
**** Judicial Security Division (JSD)
**** Investigative Operations Division (IOD)
**** Witness Security Division (WSD)
**** Justice Prisoner and Alien Transportation System (JPATS)
**** Tactical Operations Division (TOD)
***** Special Operations Group (SOG)
**** Prisoner Operations Division (POD)

===Distrikten===
It Amerikaanske rjochterlike systeem ferdielt it lân yn 94 federale gerjochtlike distrikten, dy't allegear har eigen [[Amerikaansk distriktsgerjochtshôf|distriktsgerjochtshôf]] hawwe. Foar elts fan dy distrikten is der ien troch de presidint oanstelde en troch de Senaat yn syn funksje befêstige U.S. marshal, ien haadhelpmarshal (''Chief Deputy U.S. Marshal'') en ien tafersjochhawwend helpmarshal (''Supervisory Deputy U.S. Marshal''). Guon gruttere distrikten hawwe ek in assistinthaadhelpmarshal (''Assistent Chief Deputy U.S. Marshal''). Fierders binne der yn elts distrikt safolle helpmarshals (''Deputy U.S. Marshals'') en spesjale helpmarshals (''Special Deputy U.S. Marshals'') as ferlet fan is. Yn [[2011]] wiene der sadwaande 94 U.S. marshals en yn totaal 3.954 helpmarshals fan ferskate rangen.

==U.S. marshals op it wite doek==
Mei't it wurk fan 'e USMS him tige lient om ferfilme te wurden, binne der troch de jierren hinne in grut tal [[film]]s makke dy't U.S. marshals yn 'e haadrol hawwe. Guon fan 'e bekendsten binne ''The Fugitive'', út [[1993]], mei [[Harrison Ford]] en [[Tommy Lee Jones]] yn 'e haadrollen, it ferfolch dêrop ''U.S. Marshals'', út [[1998]], mei Tommy Lee Jones en [[Wesley Snipes]], en ''Eraser'', út [[1996]], mei [[Arnold Schwarzenegger]] en [[Vanessa Williams]].

==Keppelings om utens==
*{{en}}[http://www.usmarshals.gov/ Offisjele webside fan 'e United States Marshals Service]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/United_States_Marshals_Service ''References'', op dizze side].
----
{{commonscat|United States Marshals Service}}
}}

[[Kategory:United States Marshals Service| ]]
[[Kategory:Amerikaanske federale plysjetsjinst]]
[[Kategory:Organisaasje oprjochte yn 1789]]