Transfiguraasjetsjerke (Kovalevo, Novgorod Oblast)

Ut Wikipedy
Springe nei navigaasje Springe nei sykjen
Transfiguraasjetsjerke

Церковь Преображения

Спаса Преображения и Северное сияние в Великом Новгороде.jpg
lokaasje
lân Flag of Russia.svg Ruslân
oblast Flag of Novgorod Oblast.svg Novgorod
plak Flag of Veliky Novgorod.svg Veliky Novgorod
bysûnderheden
type bouwurk Katedraal
boujier 1345, 1970
sloopjier 1943

De Tsjerke fan de Transfiguraasje yn Kovalevo (Russysk: Церковь Спаса на Ковалёве) yn it distrikt Novgorodsky yn de oblast Novgorod (Ruslân) waard om it jier 1345 hinne boud. De tsjerke wie benammen bekend fanwegen de 14e iuwske fresko's, mar de tsjerke waard yn de Twadde Wrâldkriich ferneatige. Yn 1970 fûn de weropbou plak en sûnt binne ek fragminten fan de fresko's rekonstruearre.

De tsjerke leit likernôch fjouwer kilometer eastlik fan de stêd Veliky Novgorod op de rjochter kant fan de Maly Volchovets-rivier.

Skiednis[bewurkje seksje | boarne bewurkje]

Fresko fan de Transfiguraasje fan de Hear

De tsjerke waard yn 1345 boud as de katolikon fan in lyts kleaster yn opdracht fan de bojaar Ontsifor Zjabin. De súdlike tafoeging wie nei alle gedachten ornearre foar de famylje om dêr begroeven te wurden. Yn 1380 waard de tsjerke foarsjoen fan fresko's.

Tusken 1941 en 1943 waard de tsjerke ferwoastge. De resten waarden nei de kriich feilichsteld en yn 1960 waarden fragminten fan de fresko's restaurearre. Alhoewol't mar 16 m² skilderwurk it kriichgeweld oerlibbe, slaggen de restaurateurs ûnder lieding fan Aleksander Grekov en Valentina Grekova der yn om út it pún 160 m² op te heljen.

De tsjerke waard yn 1970 neffens in ûntwerp fan Leonid Krasnoretjsev rekonstruearre.

Fresko's[bewurkje seksje | boarne bewurkje]

De 14e iuwske fresko's bedutsen oarspronklik de apsis, de koepel, de súdlike en noardlike muorren, guon pylders en it ynterieur fan de westlike kapel. Nei alle gedachten waarden se oanbrocht troch in groep skilders út Servje. De styl fan de fresko's toane gjin oerienkomsten mei oare fresko's yn Novgorod út dy tiid, mar der binne eigenskippen dy't ferwize nei de âldere Byzantynske tradysje. Oarspronklik besiet de tsjerke 450 m² oan fresko's.

Yn de koepel waarden de profeten ôfbylde, mar de measte fresko's bestienen út kriichhilligen. De ferklearring dêrfoar lei yn de reden dat yn de jierren 1370 it Grutfoarstendom Moskou mei help fan oare Russyske steaten harren tariede moasten op in grutte slach tsjin de Gouden Horde; yn 1380 fûn de Slach by Kûlikovo plak. Yn de tsjerke is ek de âldste foarstelling fan in deade Kristus yn it grêf.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: [1]