Besjoch de boarne foar Stam (diel fan in plant)

[[File:Quercus rubra 2.JPG|right|thumb|180px|In stam mei draaigroei fan 'e [[Amerikaanske iik]] (''Quercus rubra'').]]
In '''stam''' of '''stamme''' is de [[houtige plant|ferhoute]] [[stâle (plant)|haadstâle]] fan in [[beam]]. It is it sintrale diel fan 'e beam, dat droegen wurdt troch de [[woartel (plant)|woartels]] en dêr't boppe in kroan fan [[tûke (plant)|tûken]] mei [[blêd (plant)|blêden]] of [[nulle (beam)|nullen]] út groeit. De stam ûntjout him troch [[sekundêre omfanggroei]] en wurdt almeast bedutsen troch in beskermjende laach ferhurde [[beamskors|skors]] De [[bast]] is de oantsjutting foar it gehiel fan 'e skors en de oangroeilaach, dy't fuort ûnder de skors sit.

==Funksje==
De stam hat ferskate funksjes. Sa jout er foldwaande stevigens by hurde [[wyn (waar)|wyn]], sadat de beam net (gau) omwaait. [[Fieding]]sstoffen en [[wetter]] wurde troch de stam ferfierd fan woartels nei blêden en oarsom. By guon beamsoarten, lykas [[mammoetbeammen]] (''Sequoioideae''), kin de skors in beskate beskerming biede tsjin [[boskbrân]].

[[Evolúsje|Evolúsjonêr]] hat it der it measte fan dat gruttere planten in stam ûntjûn hawwe om't de heechste plant it measte [[sinne]]ljocht opfangt. 

==Stamomtrek==
De stamomtrek is krekt as de [[diameter op boarsthichte]] ien fan 'e [[parameter]]s om beammen en harren stammen te klassifisearjen en beammen mei in opmerklik gruttere stamomtrek of diameter as útsûnderlik te klassifisearjen. De beam mei de grouste stam fan 'e wrâld is de [[Árbol del Tule]], in [[montezumasypres]] (''Taxodium mucronatum'') yn [[Santa María del Tule]] yn [[Meksiko]]. Ta beamsoarten mei de grouste stammen hearre fierders [[Afrikaanske baobab]]s (''Adansonia digitata''), [[kustmammoetbeam]]men (''Sequoia sempervirens''), lykas [[Hyperion]], en [[reuzemammoetbeam]]men (''Sequoiadendron giganteum''), lykas [[General Sherman]].

==Gebrûk==
Ut 'e stammen fan beammen wurdt troch [[minsken]] [[hout]] wûn, wat behalven in boumateriaal ek in wichtige [[grûnstof]] is foar de produksje fan alderhanne dingen. It proses fan houtwinning, wêrby't de beam deamakke wurdt, hjit [[houtkap]]. Guon stammen fertoane it ferskynsel [[draad (hout)|draaigroei]], wat it hout bedjert en betsjut dat se inkeld gaadlik binne as [[baarnhout]].

Yn 'e [[dendrology]] kin de [[âlderdom]] fan beammen bepaald wurde troch de jierringen yn 'e trochsneed fan 'e stam te tellen.

==Sjoch ek==
*[[bast]]
*[[beam]]
*[[skors]]
*[[stâle (diel fan in plant)]]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Trunk_(botany) ''References'', op dizze side].
----
{{commonscat|Tree trunks}}
}}

[[Kategory:Plantemorfology]]
[[Kategory:Beam]]