Besjoch de boarne foar Konfederaasje fan Unôfhinklike Stelsels

{{fiktyf lân
|namme                       = Konfederaasje fan <br>Unôfhinklike Stelsels
|ûnderdiel fan hokker fiksje = ûnderdiel fan ''[[Star Wars]]''
|flagge                      = [[File:CIS_vexillum.svg|90px]]
|wapen                       = [[File:Confederacy_of_Independent_Systems.svg|60px]]
|biedwurd                    = 
|lânkaart                    = 
|lokaasje                    = "yn in [[Stjerrestelsel]] <br>&nbsp;&nbsp;&nbsp;fier, fier fuort"
|haadstêd                    = gjint
|grutste stêd                = 
|sels yn te foljen 1         = 
|namme sels yn te foljen 1   = 
|sels yn te foljen 2         = 
|namme sels yn te foljen 2   = 
|steatsfoarm                 = [[konfederaasje|konfederearre]] [[republyk]]
|steatshaad                  = 
|regear                      = Utfierende Separatistyske Ried
|offisjele taal              = Basaalsk <small>(''Basic'')</small>
|muntienheid                 = Galaktyske kredyt
|oprjochting                 = 22 [[#Tiidrekkening|f.Sl.Y.]]
|opheffing                   = 19 [[#Tiidrekkening|f.Sl.Y.]]
|fuortkommen út              = [[File:Flag of the Galactic Republic.svg|border|20px]] [[Galaktyske Republyk]]
|opgien yn                   = [[File:Flag of the First Galactic Empire.svg|border|20px]] [[Galaktysk Keizerryk]]
|skiednis                    = 
|sels yn te foljen 3         = 
|namme sels yn te foljen 3   = 
|sels yn te foljen 4         = 
|namme sels yn te foljen 4   = 
|sels yn te foljen 5         = 
|namme sels yn te foljen 5   = 
|ynwennertal                 = hûnderten miljarden
|befolkingstichtens          = 
|oerflak                     = 
|sels yn te foljen 6         = tal bewenne <br>&nbsp;&nbsp;&nbsp;[[planetestelsel]]s
|namme sels yn te foljen 6   = 10.000
|sels yn te foljen 7         = 
|namme sels yn te foljen 7   = 
|sels yn te foljen 8         = 
|namme sels yn te foljen 8   =
}}
De '''Konfederaasje fan Unôfhinkliklike Stelsels''' ([[Ingelsk]]: ''Confederacy of Independent Systems''), [[ôfkoarte]] ta '''KUS''' en ek wol it '''Separatistysk Ferbûn''' neamd, is in [[fiktyf]] [[ynterstellêr]] [[steat]]sferbân út 'e [[Star Wars|''Star Wars''-franchise]], dat yntrodusearre waard yn 'e [[film]] ''[[Star Wars: Episode&nbsp;II&nbsp;– Attack of the Clones]]'', út [[2002]]. De KUS is in [[separatist]]yske [[konfederaasje]] fan [[autonomy|selsregearjende]] [[planetestelsel]]s dy't har [[sesesje|ôfskiede]] wolle fan 'e [[Galaktyske Republyk]]. Dêr sitte de [[Sith]] efter, dy't safolle mooglik gaos en trelit feroarsaakje wolle yn it [[Stjerrestelsel]]. De oprjochting fan 'e KUS liedt ta in trije jier oanhâldende [[boargeroarloch]]: de [[Kloane-oarloggen]]. Oan 'e ein fan dy ûnlijige snuorje hellet [[kânselier]] [[Palpatine]], dy't temûk eins de [[Sith-master]] [[Darth Sidious]] is, de Republyk ûnder fuotten om yn it plak dêrfan it [[Galaktysk Keizerryk]] op te rjochtsjen, mei himsels as [[keizer]]. Mei de KUS, dy't dan net mear nedich is, weeft er dêrnei op [[ûnmeilydsum]]e wize ôf.

==Berik==
It berik fan 'e Konfederaasje fan Unôfhinklike Stelsels is dizenich. Yn 'e iepeningstekst fan 'e [[film]] ''[[Star Wars: Episode&nbsp;II&nbsp;– Attack of the Clones]]'' wurdt ferteld dat "tsientûzen [[planetestelsel]]s" har by de KUS oansletten hawwe. Letter yn 'e film seit [[greve Dooku]] tsjin 'e [[separatist]]yske lieders: "Sa't ik jimme al earder útlein haw, bin ik der folslein fan oertsjûge dat nochris tsientûzen planetestelsels har mei gauwens by ús oanslute sille." Op it hichtepunt fan syn macht bringt de KUS de Galaktyske Republyk suver oan it wifkjen.

==Bestjoer==
De Konfederaasje fan Unôfhinklike Stelsels is in [[konfederaasje|konfederearre]] [[republyk]], opmakke út [[planetestelsel]]s dy't yn namme folslein [[soeverein]] binne. Oan it haad fan 'e Konfederaasje stiet de Utfierende Separatistyske Ried, dy't bestiet út fertsjintwurdigers fan 'e wichtichste dielnimmende belangen, dy't sels elts wer tûzenen planetestelsels represintearje. Oan it haad fan 'e Utfierende Separatistyske Ried stiet [[greve Dooku]], in eardere [[Jedi-master]] dy't betûft is yn [[polityk]] en [[diplomasy]]. Yn it geheim is Dooku lykwols de learling fan [[Sith-master]] [[Darth Sidious]].

==Fiktive skiednis==
===Tiidrekkening===
Yn 'e [[skiednis]] fan 'e [[Galaktyske Republyk]] en fan ''[[Star Wars]]'' yn it algemien wurdt ornaris gebrûk makke fan in tiidrekkening dy't basearre is op 'e oerwinning fan it [[Rebelleferbûn (Star Wars)|Rebelleferbûn]] op it [[Galaktysk Keizerryk]] yn 'e Slach by [[Yavin]], sa't dy werjûn waard yn 'e earste ''Star Wars''-film ''[[Star Wars: Episode&nbsp;IV&nbsp;– A&nbsp;New Hope]]''. Men skriuwt dan "f.Sl.Y." ("foar de Slach by Yavin"; Ingelsk: BBY, ''Before the Battle of Yavin'') en "n.Sl.Y." ("nei de Slach by Yavin"; Ingelsk: ABY, ''After the Battle of Yavin'').

===Opkomst===
De Konfederaasje fan Unôfhinklike Stelsels ûntstiet út in djipwoartele oertsjûging fan 'e [[hannel|sakebelangen]] yn 'e [[Galaktyske Republyk]] dat se troch te swiere [[belesting]]s foar de kosten opdraaie moatte foar de troch en troch [[korrupt]]e Galaktyske [[Senaat]] en [[burokrasy]]. Dêr komt noch by it gefoel fan ferwaarleazging troch de [[wolfeart|wolfarrende]] Kearnwrâlden dat yn 'e oare dielen fan it Stjerrestelsel hearsket. Sokke gefoelens wurde ynjûn en/of oanfitere troch [[greve Dooku]], in eardere [[Jedi-ridder]] fan 'e [[planeet]] Serenno dy't in betûft [[politikus]] en [[diplomaat]] wurden is. Net ien dy't foar it ferstân hat dat Dooku yn it ferhoalene eins de learling fan 'e [[kwea|boasaardige]] [[Sith-master]] [[Darth Sidious]] is, of dat Darth Sidious ien-en-deselde persoan is as de freonlike en sympatike [[kânselier]] fan 'e Galaktyske Republyk [[Sheev Palpatine]]. Sa kinne de beide Sith de sitewaasje nei eigen beleavjen [[manipulaasje|manipulearje]]. De hiele oprjochting fan 'e Konfederaasje fan Unôfhinklike Stelsels komt út 'e koker fan Darth Sidious, dy't troch safolle mooglik gaos en trelit yn it [[Stjerrestelsel]] te feroarsaakjen, opklimme wol ta [[autokraat|allinnichhearsker]].

Yn 24 f.Sl.Y. ûntstiet der in troch Palpatine oanfitere politike krisis dy't ta oprinnende spannings liedt tusken de [[oerheid]] fan 'e Galaktyske Republyk en de tsjinstanners dêrfan. Sadwaande wurdt it foar Dooku mooglik om dy tsjinstanners oer te heljen ta it oprjochtsjen fan in [[separatist]]ysk ferbûn. Dy oprjochting fynt formeel plak yn 22&nbsp;f.Sl.Y. by in [[gearkomste]] op 'e planeet [[Geonosis]]. Dielnimmende belangegroepen binne û.o. de [[Hannelsfederaasje]] ûnder [[Nute Gunray]]; it Keapmansgilde ûnder Shu Mai; de Techno Uny ûnder Wat Tambor; de Yntergalaktyske Bankêre Groep ûnder San Hill; en de Stalgasin-[[koloanje (ynsekten)|koloanje]] fan [[ynsekt]]oïde [[Geonosianen]] ûnder [[aartshartoch]] [[Poggle de Mindere]]. Dielname fan 'e measte groepen is geheim, mei't se alteast foar in part yn 'e Galaktyske Republyk operearje.

Nute Gunray betinget foar de dielname fan 'e Hannelsfederaasje dat [[senator]] [[Padmé Amidala]] fan [[Naboo]] [[moard|út 'e wei romme]] wurde moat, mei't er noch altyd [[wrok]]ket oer de nederlaach dy't hja him tsien jier earder yn 'e [[Nabookrisis]] tabrocht hat. Dooku jout opdracht foar de moard oan 'e [[Mandalorianen|Mandaloriaanske]] [[preemjejager]] [[Jango Fett]], dy't it [[kontrakt]] útbesteget oan [[hiermoardner]]esse Zam Wesell. Nei twa mislearre [[moardoanslach|oanslaggen op it libben]] fan Padmé folget [[Jedi-master]] [[Obi-Wan Kenobi]] it spoar werom nei Geonosis, dêr't hy en letter ek syn [[padawan]] [[Anakin Skywalker]] en Padmé sels [[finzen]] nommen en ta de [[deastraf]] feroardiele wurde. It trio wurdt lykwols rêden troch [[Mace Windu]] en [[Yoda]] mei in kloft oare Jedi-masters en in [[bataljon]] [[klonen|kloansoldaten]]. Harren tuskenkomst liedt ta de Earste Slach om Geonosis, dat it earste wapene treffen wurdt fan in [[boargeroarloch]] dy't bekend komt te stean as de [[Kloane-oarloggen]].

===Heechtijdagen en delgong===
Yn 'e folgjende trije jier woedet de oarloch op ferskate fronten it hiele Stjerrestelsel troch. Yn 't earstoan boekt de Konfederaasje fan Unôfhinklike Stelsels de iene nei de oare oerwinning. De oarlochsynset fan 'e Republyk wurdt nammentlik hindere om't de Techno-uny, dêr't de measte [[swiere yndustry]] yn 'e Republyk ûnder falt, de kant fan 'e KUS keazen hat. Nettsjinsteande dat wurde fan it twadde jier ôf de separatisten weromdreaun nei de Râne fan it Stjerrestelsel. Tsjin it trêde jier fan it konflikt hat de KUS ferskate swiere nederlagen te ferduorjen krigen yn 'e Bûtenrâne fan it Stjerrestelsel, dêr't de separatisten krekt de measte stipe hawwe. By in dryste wraam op [[Coruscant]], dêr't it [[regear]] fan 'e Galaktyske Republyk residearret, ferliest de KUS yn ien klap in trêdepart fan syn hiele [[romtemacht]]. [[Greve Dooku]] komt yn dy Slach om Coruscant om it libben as er yn in [[duël]] mei de [[ljochtsabel]] ferslein wurdt troch de jonge [[Jedi]] [[Anakin Skywalker]] en dêrnei [[ferrie|ferret]] wurdt troch syn master Palpatine.

Yn 'e dagen nei de nederlaach yn 'e Slach om Coruscant [[sneuvele]]t [[generaal Grievous]], de [[opperbefelhawwer]] fan 'e separatistyske androïdelegers, by in konfrontaasje mei de Jedi [[Obi-Wan Kenobi]] op 'e planeet [[Utapau]]. Foartiid hat er de leden fan 'e Utfierende Separatistyske Ried foar harren eigen [[feilichheid]] oerbringe litten nei de planeet [[Mustafar]]. Underwilens fiert kânselier Palpatine op Coruscant syn lang tarette [[steatsgreep]] út, wêrby't er de Galaktyske Republyk foar opheft ferklearret en dy ferfangt troch it [[Galaktysk Keizerryk]], mei himsels as [[autokrasy|autokratysk]] regearjend [[keizer]]. Hy lit [[Oarder&nbsp;66]] útgean, dy't de kloansoldaten befel jout ta de [[Grutte Suvering fan de Jedi|Grutte Suvering fan 'e Jedi]]. Syn nije learling Anakin Skywalker, dy't no [[Darth Vader]] hjit, moardet alle oanwêzigen yn it [[haadkertier]] fan 'e [[Jedi Oarder]] op Coruscant út, wêrnei't Palpatine him nei Mustafar stjoert om ôf te weven mei de separatistyske lieders, fan wa't er no gjin ferlet mear hat. Vader slachtet op Mustafar de hiele Utfierende Separatistyske Ried ôf mei syn ljochtsabel. De androïdelegers fan 'e Konfederaasje fan Unôfhinklike Stelsels wurde dan deäktivearre, wat ta de flugge ynstoarting liedt fan 'e rest fan it steatsferbân. Palpatine [[nasjonalisaasje|nasjonalisearret]] de Hannelsfederaasje, de Techno Uny en alle oare grutte [[bedriuw|korporaasjes]] dy't mei de KUS ferbûn wiene. Dêrtroch binne der inkele moannen letter fan 'e KUS allinne noch mar wat fragmintearre restanten op ôfhandige planeten oer. 

==Sjoch ek==
*[[Hannelsfederaasje]]
*[[Kloane-oarloggen]]
*[[Galaktysk Keizerryk]]
*[[Galaktyske Republyk]]

==Keppelings om utens==
*{{en}}[https://starwars.fandom.com/wiki/Confederacy_of_Independent_Systems Artikel oer de Konfederaasje fan Unôfhinklike Stelsels yn Wookieepedia, de offisjele ''Star Wars''-Wikipedy]

{{boarnen|boarnefernijing=
*[https://starwars.fandom.com/wiki/Confederacy_of_Independent_Systems Artikel oer de Konfederaasje fan Unôfhinklike Stelsels yn Wookieepedia, de offisjele ''Star Wars''-Wikipedy]
}}

[[Kategory:Fiktyf steatsferbân]]
[[Kategory:Star Wars]]
[[Kategory:Fiktyf elemint yntrodusearre yn 2002]]