Kastiel Duurstede

Ut Wikipedy
Gean nei: navigaasje, sykje
Kastiel Duurstede
13e ieuske donjon fan Zweder fan Abcoude

Kastiel Duurstede is in midsieusk kastiel yn de stêd Wyk by Duurstede yn de provinsje Utert).

Oarsprong en ûntwikkeling[bewurkje seksje | edit source]

De skiednis fan it kastiel giet werom nei de iere 13e ieu doe't de greven fan Bentheim in fersterke hûs, tichtby it plak dêr't eartiids Dorestêd lei, yn lien jeoch oan it laach fan Abcoude. Yn 1270 boude Zweder I fan Abcoude in swiere bakstienen wentoer (dy't der no ek noch stiet).

It hûs bleau oant 1449 yn it besit fan it laach fan Abcoude, doe waardd it ûnder twag ferkocht oan de biskop fan Utert en kaam úteinlik yn it besit fan it Sticht.

Biskop David fan Boergonje, dy't it kastiel tusken 1459 en 1496yn besit hie, liet it kastiel yngreven ferbouwe. Hjirby waard de âlde donjon folslein ynsluten troch nijbou. By dizze ferbouwing waard ek de no noch yntakte Boergonjeske toer boud. De opfolgers fan David, Freark IV fan Baden en Filips fan Boergonje, brûkten it kastiel ek as harren residinsje.

De lêste grutte útwreiding fan it kastiel wie yn 1577. Doe waard der in ierden, bastionnearre omwâling om it kastiel opsmiten.

Delgong en ferfal[bewurkje seksje | edit source]

Hoewol't it kastiel yn 1640 noch yn goede steat wie, ferfoel it earne yn de twadde helte fan de 17e ieu kompleet ta in ruïne. Op in print út 1700 blykt dat der al net folle mear oer wie fan it ea sa grutske gebou. Dizze teloargong kaamn troch de besinigings en ferwaarloazing fan de kant fan it Sticht, en troch fernielings troch Frânske troepen yn it rampjier 1672.

Hjoeddeiske steat[bewurkje seksje | edit source]

De Donjon[bewurkje seksje | edit source]

De âlde donjon fan Zweder fan Abcoude hat troch syn uterst robúste konstruksje de tiid goed trochstien, en is no noch in treflik foarbyld fan in midsieuske wentoer. De muorren binne twa en in heale meter dik; de oarspronklijke yngong lei op de twadde ferdjipping en wie berikber mei in houten trteeppen dy't yn tiden fan need sloopt of ôfbaarnd wurde koe.

De Boergonjeske toer[bewurkje seksje | edit source]

De 15e ieuske Boergonjeske toer

Ien fan de hoektuorren fan it âlde kastiel waard yn de 15e ieu útboud ta de no noch besteande Boergonjeske toer. Dêr't de rest fan it kastiel oan de ein fan de midsieuwen mear wei hie fan in lúks slot, wie de Boergonjeske toer dúdlik in bouwurk mei in militêre funksje. De Boergonjeske toer hat in seldsume soarte mezekouw. Mei syn hichte fan mear as fjirtich meter en tige dikke muorren is de toer hjoed de dei noch tige ymposant.

Oare boudielen[bewurkje seksje | edit source]

Oan it begjin fan de 20e ieu binne de oare resten fan it gebou konsolidearre en opmitsele oant in lytse hichte boppe it meanfjild, sadat no ek noch in idee te foarmjen is oer hoe grut it kastiel eartiids wie. Njonken de eardere tagongspoarte is der noch wat heger oprizend muorrewurk te finen, hearrend ta de bûtenmuorre, en in hoektoer.

Omwâling[bewurkje seksje | edit source]

De bastionnearre omwâling is der noch en is yn de 19e eeuw omfoarme ta in park.

Film- en tv-opnames[bewurkje seksje | edit source]

Kastiel Duurstede waard brûkt yn ûnder mear de neikommende film- en tv-opnames:

Boarnen, noaten en referinsjes[bewurkje seksje | edit source]

Boarnen, noaten en/as referinsjes: