Natuerkundige
(Trochferwiisd fan Fysikus)
In natuerkundige (ek wol fysikus) is in wittenskipper dy't him dwaande hâldt mei natuerkunde. Syn wurk wurdt yn ferbân brocht mei de natuer mar hat lykwols mear te krijen mei de net-libbende natuer. De stúdzje fan de libjende natuer heart ta it wurkgebiet fan de biology.
Algemien
[bewurkje seksje | boarne bewurkje]De moderne natuerkundigen kin men skiede in de neifolgjende kategoryen:
- de teoretyske natuerkunde of teoretyske fysika is in tûke fan de natuerkunde dy't him dwaande hâldt mei it meitsjen fan nije natuerkundige teoryen. Dêrmei ûnderskiedt dizze tûke him fan de folgjende twa.
- de eksperimentele natuerkunde fiert eksperiminten út mei as doel te sjen oft besteande teoryen wol of net kloppe, wêrby it eksperimint just as basis tsjinnet foar de teory.
- de technyske natuerkunde past de bekende natuerkundige wetten ta yn apparaten, masines, fleantugen, nije materialen, medyske technyk, enerzjysintrales ensfh.