Besjoch de boarne foar Friso-Saksyske dialekten

[[File:Lânkaart lokaasje Friso-Saksyske Talen.gif|right|250px|thumb|Fersprieding fan 'e Friso-Saksyske dialekten.]]
De '''Friso-Saksyske dialekten''' binne in groep [[Nedersaksysk]]e [[dialekt]]en dy't yn gruttere of mindere mjitte troch it [[Frysk]] beynfloede binne. It giet hjir net om in gearhingjende [[taalgroep]] of [[taalfamylje]], mar om in stikmannich dialekten dy't deselde karakteristiken diele om't se deselde (Fryske) ynfloed ûndergien hawwe.

==Karakteristiken==
Foar it meastepart hawwe de gebieten dêr't sokke taalfarianten sprutsen wurde, yn it ferline Frysktalich wêst, mar is it Frysk der fan 'e lette [[Midsiuwen]] oant de [[njoggentjinde iuw]] ferkrongen troch de opmars fan Nedersaksyske taalfoarmen. Krektsa hat it bgl. west yn 'e [[Grinzer Ommelannen]], dy't oant de [[fyftjinde iuw]] Frysktalich wiene, en mei [[East-Fryslân]], yn noardwestlik [[Dútslân]], dêr't it [[Eastfrysk]] op it eilân [[Wangereach]] sels noch oant yn 'e [[tweintichste iuw]] sprutsen waard.

By it [[Oertsjongersk]] is it krekt oarsom: de [[Stellingwerven]] makken yn 'e [[Midsiuwen]] diel út fan it âlde [[Oerstift]], dêr't ek [[Drinte]], [[Oerisel]] en de stêd [[Grins (stêd)|Grins]] ta hearden. Dat wie al sûnt de [[Iere Midsiuwen]] in Nedersaksysktalich gebiet. Pas letter kamen de Stellingwerven ta [[Fryslân]] te hearren. It Stellingwerfsk hat sadwaande in Fryske ynfloed fan bûtenôf ûndergien, en itselde jildt oant op in beskate hichte foar it [[Grinzersk]]e dialekt fan 'e stêd Grins. Hast alle oare Friso-Saksyske taalfoarmen binne krekt Nedersaksyske dialekten dy't har op in Frysk [[substraat]] fêstige hawwe, en dus fan binnenút troch it Frysk beynfloede binne.

Oan 'e oare kant fan [[Westerlauwersk Fryslân]] komme de ferlykbere [[Friso-Frankyske dialekten]] foar, dat [[Nederfrankyske talen|Nederfrankyske taalfoarmen]] op in Frysk substraat binne (lykas it [[Westfryske dialekten|Westfrysk]], it [[Wetterlânsk]] en it [[Saansk]]).

== Dialekten ==
De Friso-Saksyske dialekten kinne opdield wurde yn guon dy't in sterkere ynfloed fan it Frysk ûndergien hawwe, en guon wêrby't dy ynfloed minder grut west hat.
* poer Friso-Saksysk:
** [[Eastfrysk (Nederdútsk)|Eastfrysk Plat]]
** [[Grinslânsk]]:
*** [[Aldamtstersk]]
*** [[Feankoloniaalsk]]
*** [[Hegelânsk]]
*** [[Pompstersk]]
*** [[Westerkertiersk]]
*licht Friso-Saksysk:
** [[Bremerlânsk]] (yn it [[Lân Woersten]] en it [[Hodelerlân]])
** [[Ditmarstersk]]
** [[Eiderstedsk]]
** [[Grinslânsk]]:
*** [[Grinzersk]]
*** [[Noarddrintsk]]
*** [[Westerwâldsk]]
** [[Jeverlânsk]]
** [[Stellingwerfsk]]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Friso-Saxon_dialects ''References'', op dizze side].
}}

[[Kategory:Frysk]]
[[Kategory:Nedersaksysk]]
[[Kategory:Westgermaanske talen]]