Bologna

	Bologna
	Oersjochfoto fan de âlde binnenstêd
	Emblemen
	Bestjoer
Lân	Itaalje
Regio	Emylje-Romanje
Stedsgewest	Bologna
	Sifers
Ynwennertal	387.971 (jannewaris 2023)
Oerflak	140 km²
Befolkingsticht.	2800 ynw/km²
Hichte	54 m
	Offisjele webside
	Bologna – offisjeel webstee
	Kaart
	; Lizzing fan Bologna yn Itaalje

Dizze side giet oer de Italjaanske stêd Bologna. Foar oare betsjuttings, sjoch: Bologna (betsjuttingsside).

Bologna, is in Italjaanske stêd mei 387.971 ynwenners^[1] yn Noard-Itaalje. De stêd is de haadstêd fan it stedsgewest mei deselde namme en fan de regio Emylje-Romanje. De stêd leit oan de foet fan de Apeninen tusken de rivieren de Reno en de Savena.

Bologna is ôfgeand op it ynwennerstal de sânde stêd fan Itaalje en it hert fan ien fan de agglomeraasjes yn dat lân. De totale omfang fan de metropool leit om en by de 1 miljoen ynwenners. De telling is basearre op de agglomeraasje Bologna-Modena, twa metropoalen dy't hast oaniensletten binne. De Universiteit fan Bologna is mei har oprjochting yn 1088 de âldste universiteit fan Europa. Dêrneist stiet de stêd bekend om syn grutte, fierhinne bewarre bleaun histoaryske binnenstêd, nettsjinsteande de ferstedsking oan de ein fan de 19e iuw en de Twadde Wrâldkriich. Dit is mei te tankjen oan de renovaasje oan de ein fan de jierren 60.

De stêd hat in pear bynammen: “la rossa” (“de reade”, omreden fan de reade bakstiennen gebouwen yn de histoarysk binnenstêd, neffens guon ek fanwegen de fanâlds sosjalistyske sinjatuer), “la dossa” (“de gelearde”, in ferwizing nei de foaroansteande universiteit) en “la grassa” (“ de fette ”, mei it each op de kulinêre kultuer) en “la turrita”. De woarst mortadella en de tradisjonele Italjaanske saus, Bolognesesaus foar by de pasta hawwe harren oarsprong yn Bologna.

Bologna wie yn 2000 de "kulturele haadstêd fan Europa" en yn 2006 de "muzikale haadstêd fan Europa" en is sûnt in "UNESCO City of Music".