Besjoch de boarne foar Atelstan fan Ingelân

[[Ofbyld:King.athelstan.tomb.arp.jpg|thumb|''Grêftombe fan Atelstan'']]
'''Atelstan''' ([[Ingelsk]]: ''Æthelstan''; [[Keninkryk Wesseks|Wesseks]], [[894]] – [[Gloucester]], [[27 oktober]] [[939]]) wie [[kening]] fan [[Keninkryk Wesseks|Wesseks]] fan [[924]] oant [[927]] en oanslutend oant syn [[dea]] yn [[939]] de earste kening fan [[Keninkryk Ingelân|Ingelân]].
Hy wie in soan fan [[Edwert de Aldere]] út dy syn earste relaasje. Der bestiet twifel oer wa't syn mem wie.

Atelstan wurdt wol sjoen as de earste echte kening fan Ingelân. Yn elk gefal wie hy de earste dy't kroane waard op de King's Stone yn [[Kingston upon Thames]] yn [[925]].
[[Ofbyld:Athelstan.jpg|thumb|left|''Ylluminaasje út it manuskript út Bede's Life of St Cuthbert, ± 930'']]
Hy helle grutte oerwinnings op syn rivalen, wêrûnder de [[Denemark|Denen]], en wreide syn gebiet út nei dielen fan [[Wales]] en [[Cornwall]].
Syn grutste oerwinning tsjin in fijannich bûnsgenoatskip fan [[Skotlân|Skotten]], [[Wales|Welshmen]] en [[Wytsingen]] wie yn de [[Slach by Brunanburh]] yn [[937]].

Atelstan furdige wetten út dy't it bestjoer oer syn grutte gebiet fersterken. Hy foarme bûnsgenoatskippen troch fjouwer fan syn healsusters trouwe te litten mei West-Europeeske heerskers. Hy wwie ek in kultuerleafhawwer en samler fan keunstwurken en [[relikwy|reliken]]. In soad dêrfan joech hy wei oan syn folgelingen en oan tsjerken, om him fan harren steun te fersekerjen.
Ek steunde hy in soad kleastermienskippen en benammen de [[abdij fan Malmesbury]], dêr't syn grêf te finen is.

Athelstan hie gjin bern en waard opfolge troch syn healbroer [[Edmund I fan Ingelân|Edmund I]].

{{CommonsBalke|Athelstan of England}}

[[Kategory:Kening fan Ingelân]]
[[Kategory:Kening fan Wesseks]]
[[Kategory:Persoan berne yn 894]]
[[Kategory:Persoan stoarn yn 939]]